لاتسمعي نصيحتهم وتنسي نفسك !!!!

نصيحه اخويه ..... انسي الماضي !!! نصيحه صادقه .... انسي الماضي !!! نصيحه عاقله .... انسي الماضي !!! نصيحه سمعتها الف مره ، انسي الماضي !!! سمعتها وهزت راسها كانها ستطاوعهم ، نعم سانسي الماضي !!!
لكنها هي شخصيا جزء كبير من الماضي ، فالماضي الذي لايخصها ولم تكن جزء منه ، لاتعرفه اساسا ، لانها لم تكن طرف فيه ولا شريكا في احداثه ، ولاتحتاج لنسيانه لانها لاتعرفه ، اما الماضي التي كانت جزء منه ، وقت تنساه ستنسي نفسها معه ، الم تكن جزء من ذكرياته ، الم تكن شريكا في احداثه ، بالفرحه بالحزن بالهم بالبهجه ، هذا ليس مهم ، لكنها كانت جزء منه ، كيف ستنسي الجزء الذي لاتحبه وتتذكر الجزء الذي يخصها ، انسي الماضي ، اذن انسي نفسك ايضا في الماضي !!!!

نصيحه غريبه ..... انسي الماضي ، الذي عشتيه ، تالمت او فرحت ، كبرت ، احببت ، كرهت ، بكيت ، ضحكت ، كل هذا انسيه ، انسي الماضي الذي شاركك فيه اشخاص لايستحقوا ان يشاركوكي احداثه ، انسيه وانسيهم ، بقيه النصيحه المسكوت عنها ، وانسي نفسك ، اخلقي لنفسك تاريخ جديد بعد انتهاء ماضيهم ، اخلقي لنفسك تاريخ جديد قبلهم وبعدهم ، اقفزي فوق الماضي الذي لاتحبيه او تحبي جزء منه لكنك لاتريدي تذكره لان اشخاص بعينهم شاركوه فيه ، نصيحه عبثيه بصراحه شديده !!!

نصيحه غريبه ..... فمن لاماضي له لاحاضر له ، من لايفهم الماضي يتعثر في الحاضر ، من لايتذكر الماضي وشروره لايتقي مخاطر الحاضر ، الماضي هو الدورس التي مرت ، انسي الدروس ؟؟ ام انسي وجع الدروس ؟؟؟ واذا نسيت الماضي مالذي سيبقي لها ؟؟ الحاضر ؟؟ الحاضر ابن الماضي ، ابنه وحصيلته ونتيجته ، نعم الحاضر ملكها وحدها لكن الماضي ينشب فيه مخالبه ويحتله ويشاركه احداثه ، الماضي فتح جروحا الحاضر يحاول مداوتها ، الماضي كسر النفس التي يحاول الحاضر لملمه بعثرتها ، الماضي خنق الروح التي يحاول الحاضر اطلاق سراحها ، لكن الجروح المتقيحه والنفس الكسيره والروح المخنوقه واشياء اخري كثير اصابها الماضي بالعطب ، كل هذا لايمكن مداواته الا حين تنبش في الماضي وتحاول نفهم لماذا سمحنا له بالجرح والوجع والهم والحزن .... وكلما فهمت اكثر برأت اسرع ، لكنك لاتريد النبش في الماضي بل تريد نسيانه ، فكيف ستفهم مالذي حدث ان نسيته ، وكيف ستعيش الحاضر وانت لم تفهم ماحدث قبله فجعله مثلما هو عليه الان ؟؟؟ معضلات معقده !!!

نصيحه غريبه .... فحتي نتلافي ماحدث في الماضي واوجعنا ، يتعين علينا في الحاضر ان نفتح بطن الماضي لتنبعث علينا قاذوراته وروائحه النتنه ننقب فيها عن ترياق السم ودواء الداء وعلاج الجرح ،اما اذا تركنا الماضي علي حاله كالتابوت المغلق علي كوابيسه وكوابيسنا ستاتي لحظه وتنفجر الجثه في وجوههنا سما قاتلا تسمم الحاضر برياح الماضي النتنه !!! اختيارات محدوده جميعا في منتهي السخف ، لكن من قال ان الحياه عادله !!!

انسي الماضي !!! وبمعني اصح انسي نفسك ، انسي نفسك التي مزقها الماضي واوجعها وقتلها الف مره ، اعتبري نفسك ابنه اليوم ، لقيطه بلا تاريخ ، كمن فقد الذاكره ولم يستعيدها ، انسي الماضي وتعلمي دروسك الاولي في الحياه الان ، تعلمي خطواتك الاولي ولاتتعثري ، لاتخافي ان وقفتي لن تسقطي بالضروره، لاتحتاج كف تعبر بك المنعرجات الحاده ، اعرفي ان ذلك الصوت ضحك وذلك الصوت نحيب ، تعلمي ابجديات الكتابه من اول وجديد ، هذا الحرف ( أ ) وذلك الحرف ( س ) ، تعلمي التذوق واكتشفي بطرف لسانك اليوم ان ذلك المذاق الذي يزعجك مرير والذي يسعدك مسكر والذي يقلب معدتك نتن ، انت ابنه اليوم ، كل ماتعلمتيه قديما ممزوجا بالهم انسيه ، كل ماعرفتيه قديما متشابكا مع الحزن تجاهليه ، كل ما اكتسبتيه من معارف من بطن الوجع ارميها خلف ظهرك ، ابدئي من اول وجديد ، انت ابنه اليوم ، ولدت اليوم كبيره مثلما انت ناضجه مثلما انت ، ولدت بتجاعيد وجهك بلا ذاكره تقول لكي كيف تكونت تلك التجاعيد ، ولدت بشعر اشيب بلا ذكريات تخبرك متي شبت ولماذا ، انت ابنه اليوم !!!....

انت ابنه اليوم ابنه هذه الساعه التي نتكلم فيها وكل ماسبقها انسيه وامحيه من ذاكرتك وامحي وجعه من نفسك وامحي همه من روحك وامحي جروحه من قلبك وانسي ملامحك وجهك وقت كنت سعيده ووقت صرت تعيسه ووقت اكتشفي تعيسه ووقت عرفتي لماذا صرت تعيسه ، كل هذا انسيه ، انسي ملامح وجهك الحقيقيه ، تذكري اوهاما تخيليها حقائق ، ارسمي لنفسك صوره وهميه مثل الشمس في بلاد الصقيع مرسومه علي السحب لا تدفأ ، ارسمي لوجهك ابتسامه سعيده وصدقيها وانسي كل ماعدا هذا !!! ..... لان ملامح وجعك في الماضي توجعك في الحاضر ، فانسي ملامح وجهك وان تذكرت الماضي تذكري الصوره المزيفه التي دسستيها في الذاكره الخاليه من ذكرياتها الحقيقيه ، تذكري الصوره المزيفه وصدقيها وكفي عن لعنه الماضي او تامله ، ولماذا ستلعنيه ، اذا كان سعيدا جميلا مثلما تخدعك الصوره المزيفه التي احتفظت بها رمزا للماضي السعيد !!!

في الماضي عشت لحظات سعيده تشابكت مع احزانه ، انسي اللحظات السعيده ، فالانتقائيه لم ولن تفلح ، الذكريات السعيده ستجلب بجوارها الذكريات المحزنه ، ومابين هذا وذالك ستتمزقي الف مره من اول وجديد .... لاتنظري خلفك بالاساس ، وان نظرت تصوري نفسك تجلسين علي البحر في منتهي السعاده ، احتفظي بصور البحر فقط ارشيفا لماضيك ، وقت كنت صغيره تلهين بالجرادل والرشاشه والقوالب البلاستيكيه نجوما واسماكا ، وقت كنت مراهقه تسيرين علي شط البحر تتجاهلين اعجاب الشباب بالفتاه الشهيه ، وقت كنت ام تلعب بناتك علي البحر وانت تجري خلفهن بالكريمات الواقيه من حريق الشمس والبرنيطه ، وقت كنت كبيره وبناتك حولك تتضاحكن تحت الشمسيه ، نعم صور البحر فقط هي ارشيف ماضيك ، اما بقيه الصوره فاحريقها بنجاتيفها ، لاتتذكريها ، كل المناسبات الاخري والصور الاخري ملوثه بالهم بالدموع وحتي التي كانت لمناسبات سعيده حين ستريها ، ستري وجهك تعيسا وسط الاوجه وستتذكري الدموع السخيه التي مسحتيها خوفا من الاخرين وانت تتدارين خلف الاعمده الكبيره حتي لايراك احد ، فقط صور البحر هي ارشيف ماضيك والباقي احترق ومحي ولم يعد له وجود ....!!!

انسي الماضي واخلعي كل ذكرياتك مثل الحذاء القديم واتركيها علي باب الجامع وادعوالله يسرقها حرامي ومعها كل الوجع والهم والحزن والبشر ، حتي البشر الذين لم يغضبوكي انسيهم ، لانهم متشابكين مع من اوجعوك ، ولان الحدوته الواحده لها ميت بطل ، وكل الادوار متشابكه ولايمكن اعاده صياغتها او فض اشتباكاتها ، انسي الحدوته وجميع الابطال وانت معهم !!!

انسي الماضي وعيشي الحاضر لقيطه بلا جذور ، فكل الجذور تشابكت مع النباتات المتسلقه الضاره ، قصي الشجره من جذرها ، احرقي بدنها لقتل السوس الذي ينخر فيها باوجاع قديمه ، ستموت الشجره للاسف لان السوس اللعين لم يكف عن امتصاص دمها ، عيشي الحاضر بلا جذور ، انت لم تفقدي الذاكره عبثا ، بل فقدتيها عمدا ، بكل الخيوط المتشابكه ، بكل الاحداث المتداخله ، بكل الاشخاص الاشرار والطيبين حتي نفسك !!!

انسي الماضي ... وعيشي الحاضر ساذجه عبيطه كان كل السنوات التي مرت لم تمر كان كل ماتعلمتيه لم تتعلميه كان كل مااسعدك لم يسعدك ، عيشي الحاضر فرارا من الماضي ، ودعيني اهمس في اذنك كلما فررت من الماضي تاكدي انه مازال يحتلك !!! يحتلك بل ويكاد يمحوك من الوجود ويستبدلك باخري تعيسه نجح في قهرها وحنطها ويستعد لاطلاقها في الحاضر رمزا لانتصاراته الوهميه الفاشله !!! انسي الماضي .... نصيحه تدفعها اكثر واكثر للتفكير في الماضي تتساءل عما اوجعها فيه لحد رغبتها الملحه في نسيانه!!! وبدلا من تجاوزه تتعثر فيه وفي احداثه ، وبدلا من تجاهله تنغرز فيه اكثر واكثر !!!

اقول لك النصيحه الصادقه ، لاتسمعي نصيحتهم !!! لاتنسي الماضي ولاتنسي نفسك ، فانت رغم كل ماحدث وطيله الوقت اجمل من ان تنسي نفسك مجرد لحظه واحده!!! انت بكل مافيك وعبر رحله السنوات الطويله التي انتصرت فيها علي كل شيء وصرت مثلما صرت ، عبر رحله الالم التي مزقتك لكن لم تكسرك ولم تهزمك فصرت مثلما صرت، انت عبر كل هذا تستحقي الا تنسي لحظه مامررت فيه ، لانك رغم كل مامررت فيه ، في النهايه انتصرت مازلت منتصره !!!

لاتسمعي نصيحتهم ولاتنسي الماضي !!! ولاتخافي من اسره وقضبانه وقيوده وزنازينه ووجعه وهمه ، لاتخافي لان كل هؤلاء يعيشون في الماضي الذي رحلت عنه وتحركت بعده مليون خطوه للامام وللمستقبل !!! المهم تحلقي للمستقبل !!!

و ............. احبت الليل !!!!!!!!!!!

عاشت تحلم ..... فتاه جميله تعيش حياه جافه تحلم . هزمت كثيرا لم تتخل عن الحلم . ياست كثيرا لم تفرط في الحلم . بكت كثيرا ضحكت في الحلم . عاشت وحيده يؤنسها الحلم . في الاراضي البارده يدفئها الحلم . في الليالي الموحشه يبدد ظلمتها الحلم . في الاطر القابضه يحررها الحلم تختنق بالقسوه يصالحها الحلم ، تعاني من الظلم فينصفها الحلم ، تذبح بالبرود فيدللها الحلم ، تحاصر بالخرس فيغني لها الحلم ، تكره حياتها السخيفه فتعيش حياه اجمل في الحلم ....

عاشت تحلم معها ورقه وعلبه اقلام ملونه وشمعه فواحه وناي وقلب نابض رسمت علي الورقه عالمها كوخ صغير في الغابه وزركشته بالعصافير والفراشات والضحكات ضللت عليه بشجيرات الفل واوراق الورد البلدي الاحمر فرشت ارضه بوريقات الياسمين شيدت جدرانه من اعواد الريحان وغزلت سقفه من اوراق عباد الشمس وفروع النعناع الخضراء وجدائلها الطويله زينت سوره بعناقيد العنب الاحمر تسطع في الليل واضاءت ليله بالنجوم الساطعه والشهب الشارده تبحث عن حضن ياسرها فرشته بمقعد هزاز يغني حين تارجح بدنها عليه وكنبه تحتضنها وقت تلقي بجسدها المتعب فوقها وجهزت فنجانين صيني فاخرين لم تمسسهما شفاه وحوجت البن ففاح عبيره في الافق نداءات شوق وجلست تنتظر في الحلم تحقق الحلم !!!

عاشت تحلم وعلي ورقتها رسمت قوس قزح ولونته ... الابيض لون قلبها الاخضر لون حنينها الموف لون رغبتها الاحمر لون شوقها الازرق لون صفاءها واضاءت الشمعه تنير حلمها وطرقها تفزع الاشباح والجنيات تبدد فزعها ادمنت رائحه عبيرها رائحه الحضن الحاني والنفس الدافء والرقه والشوق الجارف والطيبه عاشت تحلم تعزف علي الناي معزوفات فرحه لاتبكي ولاتئن ولا تتوجع ولاتتالم ابيات شعر تضحك وجوه طيبه باسمه بريئه امواج حانيه عذبه نوارس محلقه فضيه سمكه ذهبيه تضحك للقمر قمر لايغيب ابدا معزوفات فرحه كصراخ الاطفال في فسحة المدرسه كصوت نبضات قلب الجنين في رحم امه كصرخه الوليد الاولي وزغاريد الاحتفاء به ككلمه احبك من القلب العاشق في الحلم عزف نايها نغمات الحياه الجميله التي تتمني تعيشها وجلست تنتظر في الحلم تحقق الحلم !!!

عاشت تحلم تنظر للقلب النابض وتساله مشتاق ... لمن ؟؟؟ بتحب .... من ؟؟؟ وسرعان مااجابها الحلم وافرحها بفارس حطم نافذتها والقي قلبه في كفها اية صدق يحمل باقه زهور بيضاء انتقاها بنفسه وخطاب غرامي قديم كتبه لها من سنوات وتاج قرنفل زين به شعرها الليلي ومنحها اجمل ابتسامه وادفء مشاعر واصدق احاسيس وقبلة مسكرة ونام في حضنها وعاد طفلا اوصل حبله السري بقلبها النابض فجلست تنتظر في الحلم تحقق الحلم !!!

وذات ليله دافئه حلقت فيها الجنيات الطيبه تبعثر الفرحه تمسح الدموع تحقق الامنيات اقتحم الحلم عالمها مبتسما يتوق للراحه في حضنها يمنيها بالحنان في حضنه يعدها بما لا يملكه سابدل حياتك اجمل من كل الامنيات معي سيكون المستحيل ممكن معك سيعيش الماضي بالحاضر معي ستجف دموعك وتنسي الحزن معك ستبرأ جراحي وانسي الوجع معي سنكتب تاريخ جديد معك سنصنع مستقبل جديد وسنبقي معا !!!

كادت تصدقه ... كادت تعيش الحلم واقع وتنسي الواقع الذي طالما فرت منه للحلم ... لكن الديك الاحمر صرخ افيقوا كفاكم وهم ورحل الليل سريعا وانطفأت نجومه وغاب قمره وسطع ضوء النهار موجعا موخزا وافاقت بطلتنا علي حياتها البارده بلا حلم وبلا وهم بلا تمني افاقت بطلتنا علي واقعها الموحش يحاصرها ويحتل ايامها ..
و.......... عاشت حياتها بكل تفاصيلها اللعينه وفي الليل مازالت تضحك وترقص وتغني وتعشق مازالت تعيش الف حلم جميل ... واحبت الليل !!!!!!!!!!

زحلقيني يالمونه زحلقيني !!!!!!!!!!!!!

والله العظيم انا شكلي مجنونه !!! وده عادي جدا !!!

ياما ناس مجنونه ماشيه وسط الناس العاقله باعتبارها عاقله لكن هي مجنونه المصيبه ان غالبا كل الناس مجنونه لكن ماشيه وسط الناس اللي هي متهيأل لها انها عاقله لكن في الحقيقه كلهم او كلنا مجانين عادي برضه حد لينا حاجه عندنا ، نتجنن ، نعقل ، براحتنا ، كل واحد ينام علي الجنب او الكنبه اللي تريحه عادي جدا!!!

ليه مجنونه .... لاني مفروض ابقي ست عاقله وكمل وبافهم واعرف افكر ، لكن المصيبه ان فيه عفريت راكب راسي ، بيخلي تفكيري عوج ، هههههههه ، ايوه عوج ، بالمقارنه بالناس اللي مفروض تفكيرها عدل!!!
وساعات ااقول لروحي ماجايز يابت انتي اللي تفكيرك عدل وهما تفكيرهم عوج ، وقتها احسن اني مجنونه علي طول ، ليه ، لان المثل الشعبي قال ، لو جابو للمجنون ميت عقل فوق عقله ، مايعجبوش الا عقله ، وانا باتطور المثل واقول لو جابوا لصاحب التفكير العوج ميت تفكير عدل بدل تفكيره مايعجبوش الا تفكيره العوج!!!

اذن انا بافكر عوج !!! عادي خالص ، اللي بيصرف علي يقطع المصروف ، واللي يعرف ابويا يروح يقوله !!! انا حره افكر عوج براحتي ولا هو كمان التفكير العوج عليه فلوس وجمارك وضرايب مبيعات ، لا معالهوش حاجه خالص !!! ا

ذن يابشريه ، انا بافكر عوج بالمقارنه بالناس العاقله الكمل الحلوين اللي بيفكروا عدل !!!

هما حياخدوا نيشان الجمهوريه وانا حاخد كحكه حمرا من اللي كنا بناخدها في الشهادات ، بس للامانه عمري ماخدتها ، لكن كانت عاجباني الحاله ، يابخت اللي بياخدوا كحكه حمرا ويتشتموا ، دول صيع بقي وميت فل وعشره ، واحنا عيال شاطره وهبله وعبيطه ومضيعه عمرها في المذاكره ، لكن هما صيع وتمام التمام !!!

طبعا الحاله كانت عاجباني من وانا الاولي علي الفصل ، لكن مافهمتش سرها الا بعد الخمسين ، ماهو برضه بعد الخمسين ، فيه اسرار كتيره قوي بيتكشف عنها الحجاب !!!
وطبعا اللي مش راضي يقول انه وصل الخمسين وكمان عداه ، هو حر بقي ، عمر الاسرار ماتتكشف له ويفضل صغنن صغنن !!! ماعلينا !!!

انا تفكيري عوووووووووج جدا !!!
ليه بقي .... لاني مش عارفه اشوف زي الناس مابتشوف ، قلت الاول عيب نضاره ، طلع لا ابدا !!! قلت جايز حامل وعلشان كده نفسي غامه علي ومش عارفه اشوف زي مالناس شايفه ، طلع برضه ابدا ، حامل ايه بس ، ده كان زمان وجبر وابو قرش خلص !! !امال ايه القصه ، ليه مش عارفه اشوف زي الناس مابتشوف !!!

وبعد تفكير طووووووووويل وصلت اني تفكيري عوج ولان تفكيري عوج نظري بايظ ويمكن اكون حوله كمان وانا مش واخده بالي !!!!!!! وبعدين قلت حوله حوله بس اعيش ، مش مهم خالص !!!
تفكيري عوج .... ده اول عرض !!!
ومش عارفه اشوف زي الناس مابتشوف .... ده تاني عرض !!!

ليه ، كل ده ليه ااقول مسلمات ، علشان محدش يهاجمني من غير سبب ولان كمان الهجوم علي الناس اللي تفكيرها عوج من الناس اللي تفكيرها عدل بيعمل مشاكل كتيره في ضبط الزوايا !!!!

نقول مسلمات خطيره !!!!!!!!!!!

1- انا ضد الحزب الوطني ، ليه ، ده موضوع يطول شرحه ، باختصار لانه حزب منحاز للاغنياء وانا منحازه للشعب اللي هو طبعا لا اغنيا ولانيله !!! كده باختصار !!!

2 - انا نفسي اعيش ايام ديمقراطيه زي اللي بنقرا عنها في الكتب ، وانتخب السيد الرئيس ، وسلم الرئيس الجديد السلطه ، واستلم من الرئيس السابق مفاتيح الحكم ، يعني نفسي ولا فيه حاجه تكتر علي ربنا ، اشمعني انا يعني ، نفسي اشوف الرئيس بتاعتنا بيتبدل باراده الشعب وبانتخابات ، ويبقي الرئيس ده احلي من اللي قبله وده اتخن من اللي قبله ، يعني نعيش حاله ديمقراطيه ، فيها الله يمسيه بالخير فلان كان رئيس عظيم ، منه لله فلان كان رئيس ربع كم ، وكده يعني ، طبعا بما يترتب علي ده من كلام تخين في تغيير السياسات ونعيش سبع سنين عجاف وسبع سنين اخر رخاء ، نفسي !!! عادي جدا ، لكن طبعا مقدرش اعمل جميعه واقبضها الاول فاشوف رئيس جمهوريه جديد ، دي حاجات مش في ايدي ولا في الجمعيه !!!

3- انا باحب البلد دي ، يانهار اسود ، حب فظيع جدا ، يمكن مرض كمان ، والادهي انه مرض مالوش علاج ، يعني لاالغربه نافعه ولا النسيان ، باحبها ، لكن بمواصفات ، باحبها لانها مصر مش السعوديه ، لانها مصر مش افغانستان ، لانها مصر مش بوركينا فاسو ، يعني لما باتكلم عن مصر ، ليها موديل ومواصفات ، تاريخ وجغرافيا وحضاره وشعب وخفه دم ، والنبي دي نقطه مهمه جدا ، لان ساعات الناس بتنسي شكل مصر ، وتتصور انها حتخلينا افغانستان ولاباكستان ولا بلاد تركب الافيال ، وان دي البلاد الجميله العظيمه ، ولما نقول لا دي مش مصر ، يقولك يابتوع الحكومه يابتوع الحزب الوطني !!!!! لا انا شخصيا مش بتوع حد ، انا من بتوع مصر ، ومصر ليها شكل ، وبلغه الحنجوري الكبيره قوي ، مصر الدوله المدنيه العصريه الحديثه ، صاحبه التاريخ والحضاره وتعدد الاديان واحترام الاخر ، مصر الهرم والنيل وام كثوم والنقشبندي والبابا شنوده ، مصر اللي ....... ده انا اكتب ستين مليون نوت في موضوع مصر وشكل مصر ده !! !ماعلينا ، انا بحب مصر اللي هي مصر ، محدش بقي يلخبطني ويقولي تعالي اوديك لماما ويوديني في داهيه ، محدش يلخبطني ويقولي ، مصر ايه اللي انت جاي تقول عليه ، انا حاجيب شوكولاته من حته احلي من مصر وهووووووبا ، الاقيهم بيتكلموا عن مصر تانيه !!! او عن اي حته تانيه !!! كلامي واضح والله ومفهوم ، بحب مصر اللي هي مصر !!! مصر الحضاره الفرعونيه القبطيه الاسلاميه ، مصر بتاعت الدين لله والوطن للجميع ، مصر بتاعت الناس كلها زي بعض ، مش بتاعت ناس وناس !!! ماعلينا باحب مصر زي ماهي مصر وباحب شعبها ونفسي يعيش وينبسط ... باختصار من غير كلام كبير في السياسه لاننا مش ناقصين وجع ددماغ !!! متهيالي لغايه دلوقتي تفكيري مش عوج قوي !!!!

4- كنت زمان انضميت لحزب التجمع لاني اؤمن بالعداله الاجتماعيه و...... كده يعني ، دخلت وعشت تجربه وخرجت ،لكن لسه باؤمن بالعداله الاجتماعيه و....... كده يعني !!!!

5- باصنف نفسي من المعارضه !!! حلوه دي !!! اه ماهي المعارضه دي حاجه كبيره قوي ، فيها كل اطياف اللون السياسي والفكري ، كل واحد بيعارض لسبب ، اه فيه مشتركات ، زي ازمه المرور والقمامه والفساد والتوريث ، لكن فيه مليون اختلاف ، اختلاف وصل احيانا للضرب بالنار واحتلال المقرات واقباط المهجر والتنظيم العالمي لاخوان المسلمين ، ووصل احيانا لاتهامات بالحكوميه والعماله والخيانه والتفريط ، ووصل احيانا ان الناس خاصمت بعض ولسه مااتصالحتش ، وفجأ بقي عندنا احزاب كتيره كتيره ،وجرايد كتيره كتيره ، وبرامج تليفزيونيه كتيره كتيره ، وهاتك ياكلام وهاتك يامعارضه ، المصيبه بقي ، اني رغم اني معارضه ، مش كل المعارضه بتقنعني ومش كل حاجه بتتقال بانبسط منها ....
بالعكس ، بقيت احس اننا في غساله اتوماتيك ، عماله تلف تلف ، مره دور سخن مره شطف مره عصر مره دور بارد ، الناس بقي عندها شهوه الكلام وشهوه المعارضه ، معارضه من اجل المعارضه ونقد من اجل النقد ، عارض لتعيش وتتنفس ، هنا بقي ابتدي ابقي مجنونه ، مش زي الناس ، عايزه ايه ياست ، ماتسيبي الناس تعارض ، هو انا ماسكه حد ، اللي يعارض يعارض ، لكن مش عاجبني ، ليه لان مافيش حاجه ايجابيه بتتقال ، معارضه من اجل المعارضه وهدم وبس ، امسك واحده بتدافع عن الحكومه ، بريء يابيه ، انا مش بدافع عن الحكومه ولا حاجه ، انا بس بقول حنفضل نكره الناس في عيشتها لغايه امتي ، وعلشان يحصل ايه ، يمكن علشان ينتحروا فكده كل المشاكل تتحل ، لاديمقراطيه ولا معارضه ولا وجع نافوخ ، ويبقي علي راي الافلام العربي القديمه ، العمليه نجحت والشعب انتحر ، وهيه ، فرحه قويه ونصره !!!!!!!!

انا حذرتكم من الاول وقلت اني ست مجنونه ، غالبا ، او هكذا اظن ، او غالبا حيقولوا علي كده !!!!
خلاص ياماما ارحميني بقي عايزه ايه انت معارضه وضد الحزب الوطني ومع الشعب وبتحبي مصر ونفسك تعيشي ايام ديمقراطيه ورئيس جاي ورئيس رايح !!!
عامله دوشه ليه لاني مش فاهمه اي حاجه ...... خطوه للامام !!!!

الدكتور البرادعي .... شخصيه مصريه مرموقه !!!
كان بيشتغل في الطاقه النوويه الدوليه .... شخصيه مصريه مرموقه لدرجه اننا ادينا له وسام قلاده النيل !!!
يعني بنقول له كلنا متشرفين بيك يادكتور ، يارافع راسنا في المنظمات الدوليه !!! طبعا فين ناس اشرار ، بيقولوا ، ده كان بينفذ تعليمات امريكا وكلام من ده ، لكن مالناش دعوه بالاشرار !!!!

الدكتور البرادعي شخصيه مصريه مرموقه !!!
لكن كان طول عمره من ابناءها في المهجر !!! ودي مش شتيمه ولا نقيصه ده مجرد وصف !!!
راجل سافر من زمااااااان وعاش بره مصر ، وفلح زي مامصريين كتير فلحوا لما فلسعوا !!!
زويل فلح لما فلسع ، البرادعي فلح لما فلسع ، وناس كتير قوي ، دكاتره ومهندسين ، سافروا وهما شباب ، قالك ايه القرف اللي في مصر ده ، سافروا جري ، وسابونا احنا في القرف ، وذاكروا وفلحوا وخدوا فرصهم في بلاد بتدي الناس فرصه !!!
عادي ، نماذج مصريه جميله ، ابناءنا في المهجر ، شرفونا ورفعوا راسنا !!!
طبعا فيه بعض الاشرار اللي حقدوا عليهم ، عاشوا عيشه نضيفه واكلوا اكل نضيفه وقبضوا بالعمله الصعبه واتهنوا !!!
لكن برضه مالناش دعوه بالاشرار دول ، ولا دول !!!!
ابناءنا في المهجر دول ، بيحبوا البلد طبعا !!!
وقطع لسان اللي يقول غير كده !!! مشيوا وسابوها اه ، لكن اكيد اكيد بيحبوها !!!
هما بس ماقدروش يستحملوا القرف اللي احنا مغروسين فيه ، عادي ، كل واحد وقدرته !!!
ماعلينا .... الدكتور البرادعي ، عاش بره مصر واشتغل ونجح وشرفنا واديناه وسام قلاده النيل من الطبقه الاولي !!!

خير فيه ايه بقي ؟؟؟؟؟
طول حياته ، عمرنا ماسمعناه له صوت ولا كلمه في موضوع مصر ده !!!
لاهو راجل سياسي ، ولامهتم باللي يحصل !!!
يغلوا البنزين ، يفرضوا ضريبه مبيعات ، اضراب هنا ، اضراب هناك ، غلا ، فلس ، عداله اجتماعيه ، عباره تغرق وناس تموت ، عماره تتهد فوق سكانها ، مجلس الشوري يتحرق ، الناموس ياكلنا ، عشوائيات ، ناس تحت خط الفقر ، تحت عايشه في مارينا ، ناس عايشه في الدويقه ، ديمقراطيه ، حريه ، اشتراكيه ، مهلبيه ، نخرج من كاس العالم ، ناخد كاس افريقيا ، اي حاجه ، الراجل الحقيقه عمره مااتكلم ، ولانطق ، ولا قال الحاجات دي تهمني خااااااااااااااالص !!! واحنا مش زعلانين خالص برضه ، مش زعلانين نهائي ، راجل من ابناءنا في المهجر ، مشرفنا في المنظمات الدوليه ، عادي جدا ، مايكونش فاضي للبلاوي دي ، امال يعني هو سافر ليه ، مش علشان مش ناقص بلاوي ، ولا يعني حيسافر ويعيش بره والبلاوي وراه وراه ، ايه الظلم ده !!!!
وطبعا جايز يكون مهتم زي كل مواطن شايف ان السياسه مع فنجان القهوه والجرايد وبس ، بعد كده تعطل عن المستقبل المهني وتعرض للخطر ، برضه جايز ،وده برضه مش شتيمه ولا نقيصه ، ده مجرد تصور !!!!

خلاص ............ فيه ايه بقي !!!!!!!!!
مش عارفه ليه افتكرت اللواء محمد نجيب!!!
الحقيقه عارفه وباستهبل ، فيه ايه ، انا حره استهبل ، حره افكر عوج وحره استهبل!!
مدونتي بقي وانا حره فيها !!!!
حاستهبل جامد جدا واسال السؤال ببراءه منقطعه النظير.... مش عارفه ليه افتكرت اللواء محمد نجيب!!!!!!!!!!!
حد يعرف اللواء محمد نجيب !!!
ده كان بابا نجيب قبل مابابا جمال يجيجي !!!
قصدي طبعا بابا جمال عبد الناصر ، لان بابا جمال مبارك لسه ماجاش ولانه الحقيقه صعب علي الاقل بالنسبه لست زيي خلاص حاتتم 51 يكون بابا !!!

ماعلينا !!!
اللواء محمد نجيب ، كان بابا نجيب من يوليو 1952 لغايه مارس 1954 !!!
سنتين الا حبه ، كان فيهم بابا ، وقائد الحركه المباركه ، وصوره في كل حته ، وانت الامل والمني ، انت الامل والهنا !!
! وبعدين ، فجأ بابا نجيب مابقاش بابا !!!
وانت صدقت ياروح خالتك ، انت كنت لابس مزيكا وخلاص الحفله خلصت !!!!
انزل ياعم ، لا انا مش نازل ، انا بابا نجيب ، بابا مين ياعم انزل ، وهوب اتحددت اقامته وباي باي ، واسمه اتمسح من كتب التاريخ والجغرافيا .......... ( هل معني كده اني شايفه الضباط الاحرار اشرار في اللي عملوه مع بابا نجيب ، الحقيقه انا مش شايفه حاجه ، اشرار مااشرارش ، مش ده موضوعي ، لكن هو ده اللي حصل ) !!!
بابا نجيب ، كان لواء ، وكان فيه شويه ضباط صغننين ، عايزين يعملوا ثوره ، ومش مهم رايي في الثوره ، ولو اني يعني كنت باحب الثوره ، وباحب حفلات عيد الثوره واغنيه صوره صوره صوره ، ماعلينا ، بابا نجيب كان لواء كباره ، واللي عايزين يعملوا الثوره شوبه شباب ، لو طلعوا علي الشعب وقالوا ، بخ ثوره ، كانت الناس اتخضت ، هي الثوره حيعملها فريق الاشبال ، تحت 18 سنه ، امال فين الفريق الاول ، بابا نجيب بقي ، لما طلع في الصوره ، كان ممثل الفريق الاول ، لا كان هو الفريق الاول كله ، الناس قالت بس دي الثوره عملها راجل كباره لواء ، وماادراك ومااللواء !!! ( تفتكروا ارض اللوا اتسمت علي اسمه وتيمنا به - مش عارفه بس هي مساله عايزه بحث رهيب )

ماعلينا ..... بابا نجيب كان قائد الحركه ، قائد الثوره ، قائد الفريق الاول .... وصلي صلي علي النبي صلي !!!
ولما الدنيا اترستأت ، فريق الاشبال كبر وطلع فريق 21 ، قالوا يالا ياعم اعتزل ، حنعمل لك ماتش اعتزال وباي باي !!!
بابا نجيب ، ياحرام كان مصدق ، انه قائد الحركه والثوره ، كان مصدق ، ماكانش شايف الفتل اللي بيتحرك بيها زي عرايس الماريونت ، حرن وقال لا والف لا ، انا قائد الثوره وقائد الحركه ، و.......... ياعم الحاج احنا دافنينه سوا ، روح ، لا مش مروح ، طيب !!!
علي نفسها جنت براقش !!!! ( بصحيح هي براقش دي حصل فيها ايه ؟؟؟ والنبي اللي يعرف يبقي يقول !!! ) !!!

نرجع بقي للبرادعي !!!
الراجل بعد ماشرفنا في المنظمات الدوليه ، وبقي عنده 69 سنه وكان راجع يستريح ويستمتع بمزايا حياته المهنيه المرهقه ، وبعد ماولاده كبروا وخلاص حان وقت الانبساط !!!
حد عفريت معرفش مين ، فجأ قال ايه رايكم ، عايزين رئيس جمهوريه ، ممكن يبقي ابو تريكه ( ايام كاس الامم 2008 لانه كان بيجيب اجوان ) وممكن عمرو موسي ( ماهو برضه مشرفنا في المنظمات الدوليه والعربيه وكمان شعبان عبد الرحيم بيحبه وبيكره اسرائيل) وممكن الدكتور البرادعي !!!

حد قال كده الدكتور البرادعي ، ماكانش في باله خالص ، ده انا مروح وطالع معاش وحان وقت الراحه !!!
فجأ الدنيا هاصت !!!
الدكتور البرادعي الدكتور البرادعي !!!
انت الامل والمنا ، انت الامل والهنا !!!
ياجدعان ماتصلوا علي النبي ، هو الراجل قال انا عايز ابقي رئيس جمهوريه !!!
هو الراجل قال انا بحب السياسه ولا مهتم بيها !!!
هو الراجل قال والنبي تاخدوني !!!
ولا هو رمي جتتت عليه وخلاص !!!

الراجل ماقالش حاجه خالص !!!!
لكن فجأ بقي مطلوب منه يقول !!!!!!!!!!!
فجأ الصحفيين يقولوا له وايه رايك يادكتور ؟؟؟ والدكتور راجل كباره ومش معقول يقولوا له ايه رايك ويسكت !!! فيرد والرد يجيب رد والرد يفتح موضوع والموضوع يفتح موضوع !!!!
وهو يقول ، والناس تقول ، هو يتكلم في السياسه ، والسياسه دي مليانه عفاريت ناس متربيه علي الرصيف ، لاعمرها شافت منظمات دوليه ولا النمسا واقصي احلامهم يزروا شبرا ، ناس صنعتها الكلام والانتقاد والعض !!!!
وفين مصداقيته البرادعي ده ( كده كده من غير القاب ) وايه علاقته بالسياسه ومن امتي !!!
وباماره ايه يتكلم في السياسه ده مواقفه من امريكا واسرائيل والتفتيش النووي ايه ( ايه ياجدعان ماتصلوا علي النبي وتسيبوا الراجل في حاله ) ، نسيبه ازاي ، ماهو اللي يدب ايده في عشر الدبابير مايرجعش يقول بتقرصوني ليه !!!

ياحول الله ... ياحرام يادكتور برادعي !!!
وهو يقول والناس تقول ، ولسه حتقول وتقول!!!

ودوخيني يالمونه دوخيني !!!
وزحقليني يالمونه زحلقيني !!!
وحسره عليها ياحسره عليها !!!
حسره علينا ياحسره عليها !!!

وهوبااااااااااااااااااااااا بقي الدكتور البرادعي امل مصر !!!!!!
ماانا قلت من الاول انت الامل والمني !!!
امل مصر ، الدكتور البرادعي اللي راجع من النمسا !! ودي مش شتيمه !!! بقي هو امل مصر !!!
والكلام التخين بقي علي ودنه ( علي راي توفييق الدقن ) البرادعي بيحرج النظام ، لانه بيقول الناس عايزه تغيير !!!
انهي ناس وانهي تغيير !!!!
البرادعي بيحرج المعارضه لانه بيقول انها مفلسه !!! مفلسه ازاي ياجدعان !!! علي فكره انتم المعارضه المفلسه !!! !
فجأ الدكتور البرادعي ، وهو في افضل الاحوال جنرال بلا جنود ، فجأ لقي الجيوش اتصفت له !!!

وانتظروه في المطار !!!
صور ولافتتات وكل محافظات مصر معاك ياعم البرادعي !!!
وشخصيات عامه ، وياريت يتقبض عليها علشان يبقبي النظام خايف من البرادعي !!!
لكن محدش اتقبض عليه ، لان البرادعي مايخوفش حد !!! والحكومه ناصحه مش حتعمل شهدا اونطه !!!
مع ان فيه ناس كانت رايحه نفسها تلبس الكفن وتستشهد وشوفتوا الحكومه المجرمه !!!
محدش اتقبض عليه ، لان الحكومه اتنصحت لاول مره من زماااان
مافيش سبب للدوشه !!!
الدكتور البرادعي الشخصيه المصريه المرموقه اللي واخده قلاده النيل راجع من النمسا رايح كومبوند جرانه!!!
ودي مش شتيمه من حقه يقعد في كومبوند جرانه ، يستريح بعد تاريخ المهني الطويل وله كل احترامنا !!!
وعادي فيه ناس عاديه برضه بتخش كومبوند جرانه ، حتي البت بنتي ليها اصحاب ساكين في الكومبوند ده عادي برضه!!!
لكن الناس وقفت في المطار تستناه !!!
رجاله وستات وشخصيات عامه ، والف مليون مصور وقناه !!!
ولقاءات لقاءات !!!
وقناه الجزيره " عطشت الجيم " وبصوت فخيم زفت للشعب المصري من مكتبها في القاهره ان الدكتور برادعي وصل القاهره بسلامه الله.......... وحمد الله علي السلامه يادكتور نورت بيتك ومطرحك !!!

وياعم البرادعي انت الامل والمني ، انت الامل والهنا !!!
فجأ بقي بيحرج النظام وبيحرج المعارضه وهو امل مصر ، وهو اللي حيغير قانون الطواريء ويلغيه ( الله طيب مالبركه فيكم انتم ، مالغتوش قانون الطواريء ليه ، ولا هي القرعا تتباهي بشعر بنت اختها ) !!!
وهو اللي حيعمل جبهه وطنيه لانقاذ مصر ( يراجع خبر المصري اليوم النهارده )
وهو اللي راحت الناشطات يزروه علشان يشوفوا دورهم ( في ايه والنبي حد ينورني )
الله ، هو انا مش الناشطات ، محدش عزمني علي الشاي ليه عند الدكتور البرادعي !!!

وفجأ اتلم الشامي علي المغربي والدنيا هاصت ، الجيوش وقفت للجنرال العائد من المهجر ، وقفت له وقالت له انت الامل والمني وشعب مصر امله فيك ( فكرني بيوسف شعبان في مسلسل رأفت الهجان ، مصر امانه في رقبتك يارأفت ) ...
والناس كلها مبتسمه ، قيادات ناصريه ، ديمقراطيه ، ليبراليه ، جامعيه ، شعبيه ، دكاتره ، سياسين ، ناشطات ، صحفيين كلهم مغروسين في طين مصر من زمان وماعرفوش يعملوا حاجه لا يغيروا النظام ، ولا يسقطوا الطواريء ولا اي حاجه ( لان النظام وحش والقيود كتيره ) طب اشمعني بقي البرادعي اللي حيعرف !!!!

فجأ كلهم حيقفوا ورا البرادعي علشان هو اللي حيجمع الناس وراه يعمل بيهم كل حاجه !!!!
وفجأ لازم تنزل الشارع ، ونعمل بيك مؤتمرات شعبيه ، ومظاهرات ، وحنعمل بيك جبهه شعبيه وانت رئيس الجمهوريه القادم والشعب كله وراك ، وبالروح بالدم نفديك نفديك !!!!

هو فيه حد بيلبس مزيكا ولا حاجه !!!!
هو فيه حد بيتربط له حبال رقيقه تحركه زي عرايس المارينوت ولا حاجه !!!
هو بابا نجيب جه تاني يلعب معانا ولا حاجه !!!!
ياماما انا باخاف من العفاريت موت !!!!

وعلي راي الاغنيه ، ايه اللي بيحصل ده ؟؟؟؟
الفرقاء والاضداد اجتمعوا كلهم علشان بابا البرادعي معاه العصايه السحريه ، يحرج الحكومه والمعارضه ( علي فكره انتم المعارضه) ويغير الواقع والتاريخ والجغرافيا !!! معاه الجني بتاع مصباح علاء الدين ، حيخرجه للفرقاء والاضداد والمتقاتلين فيرفعوا كلهم شعار ( احنا كلنا بنحب بعضنا ) ويلعبوا سوا !!

وعلي الضحكايه علي ، علي راي عمنا هاني شاكر !!!
ولاصوت يعلوا فوق صوت المعركه ، علي راي عمنا جمال عبد الناصر !!!
ولا هو فيه حد غريب هنا في المغاره ؟؟!!!!
عدو ولا حبيب !!!!!!!!!!!!!!!!!!
واللي حينطق ، ويقول البرادعي ايه ، والبرادعي مين ، يبقي ضد الشعب ومع الحكومه ومع الحزب الوطني وبيدافع عن جمال مبارك والتوريث !!!
كل اللي مسموح الايام دي ، اننا نقول براااااااادعي براااادعي هووو هووو ، برااااااااااادعي برااااادي هووو هووو!!!
انا قلت من الاول اني مجنونه .... وقلت ان تفكيري عوج !!!
قلت ولا ماقلتش !!!
زعلانين ليه بقي !!!
انا مجنونه وتفكيري عوج ...

ولكن الدكتور البرادعي بيتلعب بيه !!!
الدكتور البرادعي عايزين يلبسوه مزيكا !!!
الدكتور البرادعي بيستخدم من ناس غالبا احنا شخصيا اللي مطلوب نأيده مش عارفنينهم كلهم !!!

حيخلوه علي وش القفص هو اللي يتضرب ويتفعص !!!
وبعدين بعد مايتضرب ويتشتم وطبعا حيسخن لانه راجل محترم وكباره ومايصحش حد يتطاول عليه ولا حتي انا بكلماتي قليله الادب دي ، لما حيسخن ، حيستخدموه اكتر واكتر ، وحيبقي هو الزعيم والامل والمني والرئيس القادم !!!
وياحرام يادكتور برادعي !!!!

وتصوروا النهارده كان لو قال لهم مش لاعب ، حيبقي مش شجاع وبيتخلي عن الشعب الغلبان اللي حاطط امله كله عليه !!!
مين العبقري الشيطان اللي عمل الجيم ده وفاهم في النفسيات وعرف يلعب علي كل الخطوط !!!
بالمناسبه مين اللي دفع تمن اليفط اللي اتطبعت طباعه فاخره واتشالت في استقبال البرادعي !!!
ياحرام يادكتور برادعي !!!
فيه مثل شعبي بيقول ( ان كنتم نسيتوا اللي جرا هاتوا الدفاتر تتقرا ) وبابا نجيب زي بابا البرادعي واحمد زي الحاج احمد !!!
وبس بقي ياست انتي راسنا وجعتنا وبطلتي دوشه وبلاش تخريف !!!
ويلا يلا بسرعه لحسن البرادعي طالع في التلفزيون !!!
وانت الامل والمني ، انت الامل والهنا !!!!!!!!!!!

اخر تخاريف واخر كلام عوج !!!!!!!!
" علي فكره انا ماكتبتش عن موضوع الدكتور البرادعي ده مقاله ليه ؟؟؟ لانه ماينفعش يتكتب عنه بشكل غير اللي كتبته !!! وطبعا مافيش جرنان عاقل حيرضي ينشر الكلام التخريف ده !!! " !!!
"والنبي محدش يقولي اصلك متخاذله مابتعمليش حاجه وبتكسري مجاديف الثوار والمناضلين ، لاني ساعتها حارد عليه واقوله علي راي المثل الشعبي ، لاتعايرني ولا اعايرك الهم طايلني وطايلك ، فبلاش دوشه لان دماغي واجعاني وتفكيري عوج والدوشه بتخليه يتعوج زياده" !!!

" ياسلام لو حد ابن حلال يطلع يقولي اه ، هو بيتلعب بيه ، انت مالك زعلانه ليه ، وهو راضي وانا راضي وانت مالك انت ياقاضي ، واللي تغلب به العب به ، ياسلام لو حد ابن حلال يقولي الكلمتين دول ، استريح راحه وادعي له وارجع العب علي الفيس بوك من غير دوشه ، لكن تقولوا لي اصل السياسه والبطوله والزعامه ودوره التاريخي وامل مصر ، تزعلوني وتجيبوا لي حساسيه !!!! "
" طبعا ممكن الدكتور البرادعي يكسب كاس الامم الافريقيه ويجيب الكاس ويبقي رئيس الجمهوريه ، المشكله ، ان اللاعبين مش بتوعه ومش تبعه ومايعرفهوش ، ووقت الجد حيقولوا له روح يابابا وماتجيش تاني ، طبعا فيه حد ابن حلال حيقولي ايه التخريف ده ولا حيبقي رئيس جمهوريه ولا حاجه ، وحد ابن حلال تاني حيقولي ، لا وماله لما يبقي رئيس جمهوريه وبعدين نقوله روح ، عادي !!!
عادي عادي انتم حرين !!!!
ياحرام يادكتور برادعي !!!!!!!!!!!

" علي فكره انا معنتش حاحط صبغه علي شعري تاني ، لان الصبغه بتعمل مشاكل كبيره جدا اهمها كتابه نوت زي دي كده "!!!

لااكترث بالعالم !!!!!!

لن اكون الا ملك نفسي !!!

ملك نفسي
املك حريتي وقراري
املك ارادتي واختياري
املك ضحكاتي الصاخبه ودموعي الساخنه
املك احلامي وكوابيسي وامنياتي المستحيله
املك انفاسي ازفرها عاصفه غاضبه وامنحها حنونه محبه
املك نبضات قلبي واحزانه وبواباته المغلقه واقفالها
لن ابتسم ابتسامه يفهم منها اني ساوقع علي صك الملكيه
او سامنح قياد جيدي او اسلم روحي لروح اخري تاسرها
لن امنح يدي ولا مشاعري لاحد
لن امنح احد قلبي ولا احاسيسي
لن اعذبه بقبض الريح
فكلما حاول يملكني لن يمسك الا الهواء في يديه
ولن يجني في قلبه الا الحسره
ولن يشتري مني الا الوجع الدائم والهم
لن اكذب عليه لن اخدعه
لن اقول انا ملكك او ساكون
لن امنحه املا كاذبا جميلا
وهما مخادعا حنونا
حلم جميلا يفيق منه وانا ملك نفسي !!!


لن اكون الا ملك نفسي !!!
امرأه متمرده تعجز الاغلال عن تقييدها
امرأه صاخبه يعجز الصمت عن اخراسها
امرأه مجنونه يعجز العقل والحكمه عن احتجازها
في صحاري المنطق والعقل والهدوء والرزانه
امرأه حيه تعجز الاعراف القديمه والتقاليد الراسخه
عن دفنها حيه ووأدها
امرأه صاخبه تمشي في الشارع بشعر مبعثر
وعيون واسعه مزينه بالكحل والسحر والونس
وجلاجل تصهل من اساورها الغجريه
ورنات خلخالها وصاجاته تثير الرغبه واللعنه
وقرطها الطويل وروجها الاحمر يبعثون الرعب
في النفوس التي تخاف لعنه الساحرات
وقوه المشعوذات وخطر الجميلات اللعينات
وسحر العيون الكحيله !!!


لن اكون الاملك نفسي !!!
سااكون مثلما ابغي اكون
عاقله مجنونه ، حكيمه حمقاء
طائعه متمرده ، هادئه غاضبه
عجوز ناضجه
صغيره حمقاء
شابه في منتصف العمر
اتأرجح بين اختياراتي واختياراتي
قليل من العقل
كثير من الضحك
بعض الزرانه
قليل من الحمق
كثير من التمرد والانطلاق
ساكون نفسي واعيش ايامي مثلما ابغي واحب
ساترك كل العوالم التي زينتها الاشباح
كمينا لاصطياد روحي
شركا لاعتقال نفسي
فخا لاسر حريتي
ساخرج من كل الابواب التي لم افتحها
وساخلع كل الاثواب التي لم انتقيها
وسامحو الابتسامات الرسميه واصهلل بضحكاتي
وساسير علي العشب حافيه
واجلس علي الرصيف
وساصرخ متمردة بكل قوه
لن اخاف حكم الاخرين ولن اابه لارائهم
انا ملك نفسي لا ولن اكون الا ملك نفسي !!!


لن اكون الا ملك نفسي !!!
هكذا قررت !!!
لا لم اقرر ، بل اكتشفت مااريده ومااسعي اليه
لن اكون ظلا او تابعا
لم اعد قاصره تحاصرني الاوامر والنواهي
لن ارجع طفله تقص لي امي ضفائري الطويله
ويتشاجر معي ابي علي مواعيد الرجوع للمنزل
كبرت لعمر يسمح لي اقرر بوضوح
اني لن اكون الا ملك نفسي !!


لن اكون الا ملك نفسي !!!
سامنحه نظره ، ابتسامه
سامنحه بعض قطرات حناني
بعض ضحكاتي
بعض جنوني
سامنحه كثير من الصداقه
كثير من الاخوه من الزماله
كثيرا من الوقت اتكلم معه واسمعه
سامنحه اهتمامي محبتي
لكني ابدا ابدا لن امنحه حريتي
و لن اكون الا ملك نفسي !!!


لن اكون الا ملك نفسي
كبرت قليلا علي السلطه الابويه
وكرهت المؤسسات الرسميه
وتمردت وساتمرد علي كافه السلطات القابضه القاهره
التي تغطي قيودها ونواهيها بمعسول الكلام ولطيفه
التي تخنق بالحنان وتقيد بالحب وتتحكم بالعواطف وفي العواطف
المجتمع ونظرته
الناس وارائهم
الاخرين وانتقاداتهم
الخوف عليك
الحب ، الغيره ، حب التملك
ساكسر كل الاغلال التي ربطتني من جيدي ورجلي
سارفع الهلب الذي اغل حريتي ودفنها في باطن البحر
لن انتظر الانواء تحررني
لن انتظر العواصف تفك قيدي
سافر واحلق واهرب واسافر واغادر وارحل واتحرر
ساحلق نورس ابيض
سارقص غزال كحيل
ساغني عصفور اخضر
ساضحك ضحكات هامسه كبوح الموج الهاديء
وضحكات صاخبه كاعاصير التوسنامي
حسبما احب اضحك
وقتما احب اضحك
لن اهذب ضحكاتي
لن اكتم صراخاتي
لن اكره جنوني
لن احب ادبي وادب القرود اللعينه
لن اكون الا نفسي !!
سامنحه صدقي
واخبره اني عصفور طليق لا يغريه اي قفص
فراشه برتقاليه لن تلقي بنفسها في النار
قشه تعوم فوق الامواج العاتيه لاتبحث عن غريق تنقذه
نجمه ساطعه في السماء لن تمنح بريقها لاي قمر
ساصارحه بحالي
انا امرأه غجريه خرجت من كتاب الاحلام واليه ستعود
لن ارتدي معطف فراء وثير
يصرخ ترتديني امرأه كانت وماتت وباعت روحها المتمرده
واشترني !!
لن ارتدي اسوارا ماسيا
يئن يكرهني هنا كانت امرأه حره باعت حريتها وقيدت
معصميها بقيد غال خانق
لن ارتدي كعب عالي تنطق خطواته فوق الارض
بهم ثقيل تحمله سيده كانت منطلقه في السماء
وخيمت بارادتها علي الارض تتعثر في خطواتها المرتبكه
لن اكون الا نفسي

لن اكون الا ملك نفسي
مرآتي التي اري فيها وجهي وملامحي وروحي مرآتي انا
مرآتي التي تقول رايها في مرآتي انا
مرأتي التي تحكم علي مرآتي انا
مرآتي التي تحاسبني مرأتي انا
لن اكون الا ملك نفسي
مزقت منذ زمن بعيد صكوك ملكيتي
وسكبت الحبر وكسرت الريشه
التي سيطلب مني اوقع بها علي اوراق تبعيتي
قصفت القلم وكسرت اصابعي
التي ستاخذ بصمتهم فوق مستندات موتي
فحريتي حياتي
وغيرها موت لااطيقه ولن اسعي اليه
ولن اسمح لاحد يلف عنقي بانشوطه الموت
ولو غني لي كل المرثيات
الجميله علي نغمات القيثاره
واقفا طيله الليل تحت المطر امام نافذتي
يبكي عاشقا
لن اكون الا ملك نفسي !!!
هذا انا ، الان وغدا وحتي نهايه العمر
هذا انا كما احبها واحب اكونها
ومالذي يكسبه الانسان اذا خسر نفسه
وكسب العالم كله
انا امرآه
لااكترث بالعالم ولااتمني كسبه
بل اكترث بنفسي ولن اكون الاهي
ولن اكون الا ملك نفسي !!!

بطل الفيلم ............!!!!

زمااااااااااااان ... كان فيه فيلم الماني اشترك في مهرجان القاهره السينمائي في المسابقه الرسميه !!! كان الفيلم بيتكلم الماني ومترجم بالانجليزي ، وده كان سهل لي اكتر من الافلام الناطقه بالانجليزيه لان الكلام بيبقي بسرعه فمابفهمش حاجه ، المهم ، دخلت الفيلم .... كانت ايه حكايته !!!

فريق فني بيصور فيلم ، بطله طفل من اطفال الشوارع ، المخرج قرر يبقي فيلمه واقعي جداجدا ، فقرر يجيب طفل من اطفال الشوارع ويعمله بطل الفيلم ، وفعلا ، جابوا طفل من اطفال الشوارع ، حوالي عشر سنين ، طفل متشرد بلا اسره ، جابوه ، واختبروه ، وانت البطل ياعم ، انت بطل الفيلم ، الواد طبعا مصدقش ، هاابقي بطل الفيلم ازاي ، ده انا معرفش تمثيل ، حنعلمك ، ويالا ، علموه ، وتقول وتعيد ، وبقي بطل الفيلم ، قاعد مع الممثلين ، يضحك مع الممثلات ، وكلهم شايلينه علي الحجر وهاتك يادلع ، انت بطل الفيلم ، والصحافه تصوره لانه بطل الفيلم ، ويعملوا معاه احاديث يتكلم فيها كلام عبيط لكن ينبهروا بيه ، لانه بطل الفيلم ، وهدوم جديده لبطل الفيلم ، واكل سخن لبطل الفيلم ، والواد صدق انه بطل الفيلم ، وحب الاضواء اللي اتسلطت عليه ، وحس انه نجم !!! مش نجم في الفيلم ، لا نجم عموما !!!
وعاش الواد ايام التصوير حلم جميل ، بطل ونجم وهدوم جديد واحترام ومحبه واعجاب ، وممكن صوره يابطل الفيلم ، وممكن نعمل معاك حديث صحفي يابطل الفيلم و................. خلصت ايام التصوير !!!

صحي الواد من نومه ، راح مكان التصوير ، لاقهم بيلموا العده والكاميرات ، خير ، ولا حاجه الفيلم خلص ، ايوه يعني وبعدين ، ولا قبلين ، طيب رايحين فين ، ماشيين مروحين ، طب وانا ، انت مالك يابابا ، انا عمل ايه ، في ايه ، انت مروحين وانا اعمل ايه ؟؟ انت كمان تروح ؟؟ اروح فين ؟؟؟ واحنا مالنا هو احنا من بقيه اهلك ، طيب ده انا بطل الفيلم ، ماشي بس الفيلم خلص ، ترجع حياتك بقي ، ارجع ايه متشرد ، الله يابني واحنا مالنا ، باي باي يابطل الفيلم !!!

وموسيقي تصويريه مرعبه ، ويادي المصيبه ، الواد كان ياحرام خلاص اتعود علي العز واكل الوز ، اتعود علي التصوير والاضواء والنجوميه ، اتعود انه محط الانظار ومحل الاهتمام ، وفجأ لقي روحه من الشارع والتشرد للشارع والتشرد نعود !!! طيب رجع يتشرد معرفش ، معرفش ي رجع زي زمان ، ومالوش حاجه تانيه يعملها ، رجع يدور عليهم ، الحقيقه مش فاكره لقاهم ولا لا ، مش فاكره ، غالبا لاقهم او قابلهم ، غالبا كده ، او جايز دي اضافات دراميه من عندي ، المهم لما لاقاهم او قابلهم ، عاملوه بجفاء ، ماخلاص يابابا ، خالتي وخالتك واتفرقوا الخالات ، يالا يابابا من هنا لنجيب لك العسكري ، مش العسكري بالضبط ، لكن يعني هشوه ، يالا هش يابابا ، هش من هنا ..........
الواد المتشرد اللي كان متشرد مابقاش متشرد ومابقاش يعرف يتشرد ، وهو نفسه الواد اللي كان بطل الفيلم مابقاش بطل الفيلم !!! يانهار اسود ، الواد ضاع ، ضاع جدا خااااااالص !!! الواد نفسن جدا ، نفسن فوق ماكان منفسن ، باظ يعني بالاختصار !!! حس انهم استخدموه وكذبوا عليه وطلعوه لفوق وبعدين رموه لتحت ، خدعوه ، قالوا لك انك لك قيمه كبيره قوي قوي ، وبعدين قالوا له يالا ياواد من هنا انت مالكش قيمه خالص !!! الواد نفسن وباظ !!!!

المصيبه بقي ، في اصحابه اولاد الشوارع واولاد الكلب ، اصحابه ، اللي كانوا تصورا ان الواد حيبقي بطل الفيلم وصوره بقت في الجرايد وبيتكلم في التلفزيون ، تصوروا ان الواد ده حيحل مشاكلهم كلها ، ماهو له قيمه كبيره واي كلمه بيقولها الناس بتصقف وتنبهر ، اصحابه دول لما لقوا الفيلم خلص وانه مابقاش بطل الفيلم وانه لاغير في حياتهم ولاحل مشاكلهم ولا نيله !!! العيال دول فقدوا الامل في التغيير ، ويأسوا من اي حاجه ممكن تحصل ، واستسلموا بقي للفتوه البلطجي اللي كان مسيطر عليهم ، ماهم ماعندهمش حاجه يعملوها ، ادي بطل الفيلم طلع مش بطل فيلم ولا حاجه وطلع قليل الحيله وطلع ان المخرج استغله وفي الاخر رماه ، وهما كان حاطين عليه امال كبيره وامالهم ضاعت في الهوا ......... ياحرام بطل الفيلم مابقاش بطل اي حاجه لا الفيلم ولا غيره !!! والعيال اصحابه يأسوا وفقدوا الامل في التغيير سواء عن طريق بطل الفيلم او اي بطل تاني !!! والمخرج صور فيلمه وانبسط !!!

وانتهي الفيلم الالماني ......... بان الواد بطل الفيلم المنفسن جداجدا ، اخذ مسمار ومشي يحك في العربيات يعورها ، مغلول متغاظ لانه اتلعب بيه ، ورجع تاني من مكان ماجه !!!! والعيال اصحابه ، احنا بصراحه في الفيلم ماشوفناش حصل لهم ايه ، لكن الاضافات الدراميه بتاعتي ، حتخليهم يقعدوا تحت اوسخ كوبري يعيطوا لانهم فقدوا الامل والحلم في التغيير ، والبلطجي الفتوه ، برضه انا مش فاكره كان في الفيلم الالماني ولا لا ، لكن اضافاتي الدراميه حتخليه موجود ، ويمشي في الشوارع يصرخ ، ماقلت مالكوش غيري ، واللي مش حيسمع كلامي بعد كده هو حر ، حاخليه ، انا برضه يقتبس من مسرحيه فواد المهندس جملته الشهيره ، انا مين ياد ، انا ميمو ياواد !!!!!!!!!!!!!

الفيلم الالماني خلص ..... وبالمناسبه خد الجايزه الاولي لمهرجان القاهره السينمائي في السنه دي !!!! الفيلم المصري بقي مش عارفه حيخلص ازاي ، وياتري حياخد اي جايزه ولا حيتضرب بالبيض والطماطم وفرد الشباشب الشمال !!!
وانا مين ياد ؟؟؟؟؟؟؟ انا بطل الفيلم .......
انا مين ياد ؟؟؟؟؟؟؟؟؟؟؟؟ انا ميمو ياواد !!!
واحنا مين ياد ؟؟؟؟؟؟؟؟؟؟ انتم الموكوسين اللي صدقتوا ان بطل الفيلم حيغير حياتكم ويحقق احلامكم !!!!
تصفيق حااااااااااااااااااد لميموا !!!!!!!!!
" اوعي تفتكروا اني باتكلم في السياسه ولا حاجه بعد الشر ، انا باتكلم عن ميموا " !!!!!!!!!!

نتمايل علي دموع القلب طربا !!!!

جددت حبك ليه - أم كلثوم.mp3

"قراءه جديده في بكائيه موسيقيه قديمه "

جددت حبك ليه ... ليه .. لييييييييييييييه ...

لحنا تعزفه دموع القلب المحترق بالعشق ، لحن تسمع نغماته قطره قطره تنهمر من قلب محترق بعشق لايتمني الا استمراره يحرقه ويكويه ، دموع سياله ، فيضانات دموع ، دمعه تتمناها ودمعه لاتجدها فيعذبك البحث عنها ، لحن كتبت الالام نوتته الموسيقيه ، ووزعت قطرات الدموع علي الالات المختلفه ، فهاهو القانون يبكي ، وتنوح وراءه الكمان ، وهذه الوتريات تشكو ، وتبكي علي اوتارها حنجره الست وتتوجع تغازل الحبيب الذي كان ولم يعد ، وتتمناه بقي ولم يرحل ، وتتالم لعودته التي جددت عذابها فذكرتها بحبه وعشقه وناره التي احرقتها سعيده علي جمر عشقه لكنه ابتعد وحرمها متعه الاحتراق في غرامه فانطفئت نارها وحين عاد ذكرها بما كان وبما لم يكن فصرخت جددت حبك ليه تعاتبه لانه لم يبقي تحبه وتتعذب بحبه!!!

انها ليست اغنيه ، انها صرخة عشق عذب صاحبه وكواه فصار العشق نار وحلم ، وصار الحب وهجا وخنجر ، وصار الحبيب املا وموتا و........... مازال القانون يبكي وينتحب وتتساقط دموعه قطره قطره في اذنك نغمات موشومه بالم العشق تخترق قلبك وتكويه وانت سعيد تتمايل طربا مع اهات الالم وتصرخ فرحا معذبا مع صوتها المحترق بالوجد المعذب!!! هذه ليست نغمات ، هذه دموع منسابه بحرقه ، ليست نغمات وانين وحنين ووجع ووصال ، هذه دموع تشكو قسوه كانت وقسوه اقبلت وحبيب يتعذب بالقسوه ويدمنها ويتمناها بقيت الما واملا وغرام ووجع!!

لحنا نغماته بلورات معذبه انهمرت من عيون القانون ، قطره قطره ، انه يبكي ، يئن ، يتوجع ، تكاد تمسح دموعه ، تكاد تبكي معه ، تتسلل اليك دموعه ، شهقاته ، نحيبه ، انينه ، وجعا موخز ، عشقا موخز ، فرح موجع ، يأس موجع!!!
نفس عميق ، اهه من القلب تشق الصدر وتوشم النفس ..
القانون يتنهد طويلا ، الكمان تشاركه المناحة ، تتوجع ، يرد عليها ثانيه القانون يئن ويبكي ..
سلاسل من الدموع المتألقه البراقه الدافئه تنهمر علي قلوبنا ، القانون يبكي باصابع واحاسيس عازف ماهر ، انه لايعزف موسيقي بل يعزف الما ، يبكي فيبكينا ، لم نسمع الكلمات بعد ، لكن المقدمه الموسيقيه القصيره تنتحب كانها تنبهنا الحفله اليوم لدموع القلب !!
وقطره وثانيه ورابعه
و ........... جددت حبك ليه؟؟؟
هذا ليس سؤال ، هذا لوم ، عتاب ، جددت حبك ليه بعد الفؤاد ماارتاح !!!
لاتسأله عما اقترفه فيها بالحب الذي جدده ، لكنه تشكوه ، جددت حبك ليه بعد الفؤاد ماارتاح!!!
جدد حبه فذبحها فتأوهت فبكي القانون فغزر الالم انصاله في ارواحنا يعذبنا !!!
اه من وجع الفؤاد والمه ، هل قالت هذا ، لا لم تقله ، لكن الفؤاد ارتاح ، من وجعه ، من عشقه ، من الحب الذي نسيه او ظنه نسيه فارتاح ، ارتاح الفؤاد المعذب بالحب من اختفاء الحب من ضياع الحب ، فبعد كل الالم ارتاح الفؤاد وربما مات ، والموت راحه ، العشق المُعذب يحرق العاشق ويكوي قلبه بالالم وبالبعد فيميته فيرتاح !!! .. هل فؤادها ارتاح بالموت بعدما فقد الحب الذي كان يحيه ؟؟؟
تئن بهدوء ... حرام عليك خليه غافل عن اللي راح غافل عن اللي راح!!
والغفله راحه مثل الموت ، راحه من العشق الموجع والحب المؤلم!!!

مازالت الالات تئن .. تتوجع ، وقطرات الدموع المنهمره تجري
مازالت الالات تنوح ، هي تعرف القصه كلها ، القصه التي لانعرفها
ده الهجر وانت قريب مني ، كان فيه امل لوصالك يوم
الحبيب العاشق يحلم بوصل الحبيب البعيد القريب يتمناه قريب ولو بعيد
فالقرب يبقي الامل والحلم بالوصل الممكن
الحبيب العاشق يتمني قرب الحبيب البعيد علي امل وصل يطبب الجروح ويهون الوجع ويمد الفؤاد بالامل بالحياه

لكن بعادك ده عني خلي الفؤاد منك محروم
اما البعد ، من الحبيب القريب الذي هَجر وابتعد وجرح وذَبح
بعده عن العاشق المتألم المستمتع بالمه وفي نفس الوقت يبكي البعد دموع ودم ، هذا البعد يوجع اكثر ويذبح اكثر ويقتل العاشق المقتول بهجر الحبيب وقربه ، فيصرخ معذبا لا يتحمل بعدا اكثر من الحبيب البعيد ولا يتحمل حرمان اكثر مما يجترعه قطره قطره !!!
وتبكي الموسيقي ، وتتأرجح الاهات بين الالم والامل والبعد الموجع والقرب الموجع
تنساب قطرات الدموع علي وجنتك انت ، تتسلل لمناطق اعصابك الملتهبه تكشفها للالم اكثر واكثر


ياهل تري قلبك مشتاق يحس لوعه قلبي عليك ويشعلل النار والاشواق اللي طفيتها انت بايديك
ياهل تري قلبك مشتاق يحس لوعه قلبي عليك ويشعلل النار والاشواق اللي طفيتها انت بايديك
العاشق الذي لايتمني الا قرب حبيبه لايصدق اقترابه ، لا يطمئن له ولا يصدقه !!
هل تقترب لتشعر بحبي وتستمتع به ولاتمنحني حبك ؟؟!!!
هل تقترب لتوقد نارا كانت في قلبي مشتعله واطفئتها انت!!!
يشعلل النار والاشواق ... كليهما يحرق !!!
هل قالت كيف اطفيء النار ، هل افصحت هي نيران الحب ام نيران الوجع ...
هل قالت ، لم تقل ، لكن قطرات دموع القانون كزجاج منثور تقذفه الريح في عينك تنساب في اذنك تذبحك قالت وقالت
لامت وغضبت وتوجعت وخافت من الحبيب لاتطمئن لعودته ، تساله بلوم من يعرف اجابه سؤاله ، اطفئت نار الحب واحرقت قلبي ولوعته وتعود لتستمتع بحبي وتشعل النار التي اطفئتها برياح صدك وهجرك وبعدك؟؟!!!!
سؤال حائر ، لايعرف اجابته الموجعه الا الوتريات تصرخ ترد عليها بقطرات دموع تنساب وراء قطرات ...
نحيب حائر ....

ده انا لو نسيت اللي كان وهان علي الهوان الهوان الهواااااااااااااان
اه اه اه ... اهات شهيق وزفير بين انفاس متلاحقه مخنوقه بالوجع
ااقدر اجيب العمر منين وارجع العهد الماضي ايام ماكنا احنا الاتنين انت ظالمني وانا راضي !!!!!!
مازالت تعاتبه وتلومه ، ربما تدينه ، ربما تتشاجر معه ، ربما تذكره بحالها وقت قبلت الهوااااااان ، هوانها في حبه ، هوانها في صده ، هوانها في عذابها التي استعذبته واحبته واحبته !!! مالذي كان بينهما وقت كانا معا هما الاثنين ، حب منحته ولم يقدره ، حب منحته وهجره ، حب احسته ولم تفصح عنه وتعذبت بحبها ؟؟؟ مالذي كان بينهما ومازالت تذكره عاجزه عن نسيانه ، حب ووصال ، حب ونكران ، حب وهجر ، حب من قلب واحد لم يبادله القلب الاخر حبه ؟؟؟؟ لم تقل لكنها افصحت عن هوان احسته ، لم تقل ، متي احسته !!!
كل هذا الهوان مازال جرحه حيا وكانت تظن شفاءها منه فجاء يجدد حبه يذكرها بالجرح الحي ويكشف مناطق المها وعذابها ....
تساله ، لا تساله ، بل تشكو له لو هان الهوان الذي احسته وتعذبت منه وبه ، لن تجد العمر الذي رحل ولن تحيي الايام التي ولت ، الايام التي عاشتها معه وعاشها معها مظلومه راضيه ، وكأن البعد والصد بعثر رضاءها ، وكانها تتمني بحسره عوده الايام التي ولت حين كانت راضيه بالظلم ، تتمني ايام رضاها وظلمها ووجوده تعود معه ، تتمني يظلمها وترضي ، لكن تلك الايام ولت ، كانها تتسائل بحسره عن قدرتها ثانيه عن رضاءها بظلمه ، كانها تقول له كنت راضيه بظلمك لكنك لم تصن حبي ورحلت وصددت وهجرت ، وحين عدت اتمني تعود معك الايام التي كانت بظلمها برضاها ، كانها تلومه لان تلك الايام لن تعود !!!
عشق موجع ، انصهار حبيب في اخر اوجعه وظلمه ورضي وعاد مره ثانيه ليوجعه فاوجعه فوق الوجع القديم !!!
جددت حبك ليه ؟؟؟؟؟؟؟؟؟؟ هل كانت تقول له جددت ظلمك ليه ، جددت وجعك ليه ؟؟؟؟
لاتجيب علينا وتتالم وتتركنا نتالم معها ونتالم !!!

صعبان علي اقولك كان والحب زي ماكان واكتر !!!!!!!!!!!
وافكرك بليالي زماااااان واوصف في جنتها واصور !!!
انت النعيم والهنا ، انت العذاب والضنا
والعمر ايه غير دول
ان فات علي حبنا سنه وراها سنه حبك شباب علي طول !!!
الحب زي ماكان واكتر ، فتسال نفسك وهي تتوجع - وانت تصدق وجعها وتتوجع معها - اذا كان حبها مازال مثلما كان واكتر ، لماذا تلومه لانه جدده ، انه بقي لم يذهب ليعود ، بقي لم ينتهي ليتجدد ، لماذا تلومه اذن ؟؟؟ نعم الحب القديم بقي - هكذا احسست - لكن الامل بالوصل والرضا بالظلم والهوان الذي عاشته راضيه ، كل هذا ذهب ، وحبه عذاب تعرفه تحتاج فيه الامل بالوصل والرضا بالظلم وتحمل الهوان فان ذهب كل هذا ، توجعت اكثر في عشقها فتلومه .... جددت حبك ليه؟؟؟؟
تقول له حبك الذي تحييه وتجدده موجع في وجودك ، لانك - زمان - لم تقدره لم تصنه ، حبك كان كما كان ومازال واكثر ، لكن وجودك وقت عدت يوجع مثلما اوجعني وقت لم رضيت بالهوان !! كانه تقول له لماذا عدت توجعني وحبك يوجعني واستعذبه ووجودك سيوجعني واتمني اقبله وارضي به ، لكن ايام الرضا ولت وذهبت!!!! كانها تلومه ليس لانه جدد حبه بل لان ايام رضاها بالهوان ولت وحبه يستحيل بلا عذاب وهوان وظلم كانت تقبله وكانها لن تقبله ثانيه !!!!
تتمني تذكره بليالي زمان ، بجنته وهو النعيم والهنا وبجحيمها وهو العذاب والضنا ، تذكره بالعمر الذي عاشته نعيم وضنا ، عاشته نعيم وعذاب ، وتصرخ حبك شباب علي طول مهما مرت الايام عليه ، حبك ذلك العذاب والضنا ذلك النعيم والهنا ، حبك شباب علي طول لم يشيخ لم يموت ، وبالطبع لم يرحل !!!
ويبكي القانون ينتحب ومعه الوتريات .... قطرات دموع سياله
حبك شباب علي طول لكنها ليست فرحه ولاسعيده ، كانها تشرب وجعه علي طول وحتي الثماله!!!
وتشرح تتوجع تتعذب تشتاق تعاني تحب تتالم!!!

انت اللي فات في نعيمه ، وراح ، وفات لي طيفه في خيالي!!
اسهر معاه الليل سواح عايش علي العهد الخالي
انت اللي فات في ضناه وشقاه ، وساب لي ناره في ضلوعي!!
ان مر علي الخاطر ذكراه تنزل من الوجد دموعي
ياللي قضيت العمر معاك ارضي بجفاك واتمني رضاك
تغازله وتحبه ، انت نعيم الماضي ، الذي رحل ذهب وترك عذوبته جماله في خيالها اطياف تقضي معها الليل تتذكر وقت الهنا الذي كان وقت العشق الذي اسعدها وقت الحب الذي امتعها ...
تتوجع منه وتشكوه ، انت هم الماضي ووجعه وتعبه وشقاه ، الذي رحل وترك لهيبه حريقه شوقه - ربما - في قلبها نفسها روحها حينما يمر علي وجدانها مجرد ذكراه ، بعذابه بوجعه بالمه بهمه بشوقها المتقد بلهيب الحرمان ، تبكي من شده الشوق الحب الحرمان وتنسال دموعها ..
وتتأوه ، وتبكي ، وتبكي الوتريات ، وينتحب الناي ، وينخلع قلبك الما ، وتشفق عليها من عذاباتها التي كانت ومازالت ، عاشت الضنا الحرمان الصد وتالمت منه ومازال يؤلمها وقت يمر علي خاطرها ....
وتفصح اكتر واكثر ، كانها تلومه كانها تناديه ، كانها تذكره ، قضت العمر معه ، ربما موجود وتتعذب ربما رحل وتتعذب ربما لايشعر بها وتتعذب ، قضت العمر معه ترضي بصده بجفاه بالمه وتتمني رضاه تتمني اقباله تتمني عشقه وغرامه ...
وتتأوه
ويبكي القانون وتنتحب الوتريات
يبكي القانون دموعا متلاحقه مريره
واهاتها تلاحقه تنتحب معه تتوجع فيبكي اكثر

ياللي هواك في الفؤاد عايش في ظل الوداد
انت الخيال والروح
وانت سمير الامل
يجيي الزمان ويروح وانت حبيب الاجل
جددت حبك ليه ؟؟؟ الاتعرف ان غرامك في القلب مازال حيا متونسا بالود بالوصل ، غرامك مازال حيا لم يموت ، الا تعرف انك الحبيب الذي لايتاثر بالزمن الذي ذهب والزمن الذي سياتي ، الا تعرف انك الحبيب الباقي ، الا تعرف انك الخيال ، انت كل الخيال ، لاتغيب ابدا ، فمن يعش بغير خيال ، وانت تحتل الخيال ، الا تعرف انك الروح ، التي تبقيها حيه ، فلا حياه بلا روح وهو الروح الذي تعيش به وبسببه ، الا تعرف انك رفيق الامل ، انت تخلق الامل وتعيش في الخيال والروح به ، هي العاشقه للحبيب الذي يعيش فيها ولم يرحل عنهابنعيمه بضناه بعذابه بهناه ويحتلها فؤاد خيال روح يحتلها ويتملكها ويملكها ، انه حبيب العمر الذي كان وحتي ينتهي ، لا يتغير حبها له مهما مرت الايام وتغيرت!!!!
تعشقه ......... وتتالم وتتأوه وتتوجع لكنه حبيب العمر الذي كان وسيظل حبيب العمر الات حتي نهايه العمر والروح والفؤاد والامل!!!
ومازالت الوتريات تنوح
ومازال القانون يبكي
ومازالت هي تتوجع
تتذكر ماكان وتتوجع
وتعترف بالعشق الموجع الذي لم يفارقها
وبالحبيب الذي كان حبيب وسيظل الحبيب
تعترف وتشتاق وتتوجع

وازاي اقولك كنا زمان والماضي كان في الغيب بكره
واللي احنا فيه دلوقتي كمان حيفوت علينا ولا ندري
انها تعيشه
تعيش ايامه تعيش غرامه كانت ومازالت كان الزمن في حبها تغيرت مفاهيمه وازمنته
تعيشه وتعيش حبه ليس في الماضي لان الماضي وقت عاشوه لم يكن ماضي بل كان حاضر وبعضه كان مازال لم ياتي
انها تعيشه
تتوجع ومعها القانون والوتريات والكمان الحزينه

لما اكون وياك هايم في بحر هواك
معرفش ايه فات من عمري
ان كان رضا او كان حرماااااان
وافضل وبس انت في فكري
ياللي بحبك زي زمان
انها تستعذب وجودها معها تغيب في غرامه تغرق فيه
تفقد وعيها تثمل لاتعرف ماعاشته وتعيشه سعاده بوجوده ووجودها معه ، حرمان من حبه ومنه ومن وجوده معها
فقط تظل تحبه ويظل يحتلها ، تظل تعشقه ويظل يسكنها
وتبوح وتصرح ، بحبه ، الذي كان ومازال ، كل مامر عليها واوجعها لم يغير حبها له فتظل تحبه مثلما كانت
و.... جددت حبك ليه ؟؟؟ تلومه ، تعاتبه لانه لايعرف بان كل مامر عليها وعذبها لم ينال من حبها له مثلما كانت ودائما تحبه !!!

جددت حبك ليه .....
بعدما تسمع الاغنه كلها ، كلماتها ، تتمزق بانصال معانيها ، تحترق بلهيب اشواقها
بعدما تتوه وتغيب ، تبكي لوجعها ، تتوجع لبكاءها
بعدما تغزوك احاسيسها مشاعرها
بعدما تعرف في نهايه رحله اللوم والاعتراف والبوح والالم والعشق والوجع
وبعد الياس والضنا والحرمان والهوان والرضا والظلم
بعد هكذا كله ، تفهم ، لماذا تلومه ، تلومه لانه لايعرف لايقدر لايفهم حقيقه غرامها وعشقها وحبها له
تلومه لانه لم يفهم انها مازالت وستظل وحتي نهايه الاجل تحبه زي زمااااااااااااان !!!!

وتسلمي ياثومه ....
اوجعتي قلوبنا وابكيتنا وسمعناك بكائيتك ونحن سعداء نتمايل علي دموع قلبك طربا !!!

" اسمعوا الاغنيه وقت قراءه النوت "

مستحيل .. لم يأت ولن يأت !!!!

انت مستحيل !!! مستحيل !!!

لاالومك لااعاتبك
اخبرك بما اعرفه وتعرفه انك مستحيل
لن تات ابدا .. لن تات بحق .. لن تات بالكامل ..
اعرف هذا وادركه ..
وانت تعرف هذا وتدركه ..
كلانا يدركه بوضوح وبصيرة ..
من اللحظه الاولي للقاءنا
لقدرنا الذي في طريق وعر ساقنا
ادركت مصيرنا الموجع
كنت وحيدة كالارض العطشي تنتظر الامطار
كنت وحيدا تجلس امام مدفأتك ترتعد من البرد
كنا وحيدين في عالم صامت بارد يلون ملامحه الزيف الكاذب
نضحك علي نكات ثقيله الظل بلا بهجه
نأكل طعاما ماسخ بلا مذاق
نشرب ماءا عكر تتراقص فيها الطحالب تحت اسناننا
نبكي بغير دموع بلورات ملح مرير تكوي القلوب
نكتب حروفا بغير نقاط لا تفهم معانيها
كنت اعاني خواء مفزع ..
كنت تعاني صخبا مزعج ..

كنا تعبين ...
نبحث عن مرفأ لاشرعتنا المرهقه من الانواء
عن فنار ينير ظلمه نفوسنا ويهديها
عن بوصله ترشدنا للطريق الامن
عن واحه ظليله في صحراء التيه
عن حب حقيقي في زمن ادمن الكذب الازرق
عن طمأنينه في كف دافء
حضن امن نظره عين حانيه

كنا مرهقين ....
اشتاق لحضن يحتويني
تشتاق لروح تحتويها وتحتويك
نشتاق كلانا للاخر ..
نبحث كلانا عن الاخر ..
انسان اخر يشعر بانسانيتنا المذبوحه
بانصال الوحده والهم
يقرأ تضاريس الروح
ينصت لبوح الصمت
يستقبل ايماءات النفس
يترجم لغه الوجع لامنيات سعيده
كنا تعبين مرهقين ..
نحتاج روح حنونه
تضمد جروحنا الملوثه بالزيف الخادع
تروي عطشنا لحنان صادق
تصالحنا علي الايام الغادره
التي ذبحتنا وذبحتنا واعطتنا ظهرها ونامت ببلاده ...

تلاقينا ....
غريبين مذعورين يحتاجا طمأنينه
ابتسامه تعارف ونظره فاحصه
اغلقت الصفحه التي كتبنا فيها اسامينا
ورسمنا فيها قلبا وورده وحلم وونس
نظره حلت كل الالغاز
والثانيه كشفت الهم المتواري
والثالثه ذبحتنا من الوريد للوريد
والرابعه كشفت الطالع كله ..
قدرنا وحظنا وهمنا ونصيبنا
الغربه الممزوجه بالشوق
الامان المبعثر في النفس الكسيره
الوحده الممهوره بالوجد
القهر المشوب بالامل الخادع
العشق المتوحش المؤقت
المنتهي بالضروره
الفراق الحتمي !!!

تلاقينا غرباء
وتواصلنا غرباء
وعرفنا المكتوب والنصيب واخر الطريق
وداع وفراق وهجر وبعد ووجع دموع
فرحه في البدايه
دموع قهر في النهايه
تلاقينا غرباء
قدرنا الدموع
في بدايه الطريق ونهايته !!!

لكنا لم نفر من القدر
ولم نخاف من المكتوب
ولم نهرب من لقاءنا المحكوم عليه بالاعدام هجرا
تلاقينا علي اعتاب فراق حتمي
نسرق لحظات الفرحه
ونكذب علي قلوبنا نخدعها
كاننا سنعيش دهرا ونموت معا
نظره فاحصه لعينيك المتعبين بالوجد
اخبرتني انك مستحيل
محتجز في مساحات المستحيل
اسير في عوالم المستحيل
معذب بكونك مستحيل
لكنك لاتقوي فكاكا
رهين الاسر تفهم اسبابه ومبرراته ودوافعه
ولاتحبها لكنك لاتبغي فرارا
انت مستحيل قدرك تتعذب بحالك وتعذبني
مستحيل كنت اتمناك متاحا وكنت تتمناني ممكنا
لكنك تعرف انك مستحيل وانا اعرف انك مستحيل
اسير القيود التي يستحيل فكها
محتجز في كهوف الوحشه الاختياريه
محتل بالغربه محاصر بالاغتراب
لاتملك من نفسك الا قلبك
اهديته لي
وبقيتك لايخصك لاتملكه لن تمنحه لا لي ولالغيري
بقيتك ملك الحياه التي ابدا لن تهون عليك
وتطلق سراحك وتعتقك !!!

انت مستحيل ..
مستحيل اعرف كل هذا وانت ايضا تعرفه
اعرفه للاسف
افهمه اكرهه لكني لااملك حياله حيلة
ستأتي حلما وهما خيالا طيفا
ستأتي فرحه بهجه سعاده
شهاب يشق ظلمه الليل ويسطع
وسرعان مايحترق ويرحل
فتعود الظلمه اكثر وحشه
تسكنها اطياف الحزن
اراني في الظلام وحيده اختبيء من الوحشه في حضني
ابكي علي حالي ونفسي ورحيلك
اراك في الظلام حانيا طيبا رقيقا تهمس لي بكلمات تقويني
تبقي لي بعد رحيلك وناسة في الظلام الموحش باشباحه
اعرف هذا كله
اعرفه للاسف
وانت تعرفه
تعرفه وحزين لاجلي
لكن حزنك لايمنحني روحك
او يفك اسرك الاختياري
ولا يعتقك من نفسك
وقيودك الطوعيه
ولا يحقق امنياتك التي كانت بعيده وستظل بعيده
اعرف كل هذا للاسف وانت تعرفه !!!!

اعرفك ... افهمك ...
احسك لست شبحا ، عفريتا ، وهما ، خيال
انسان انت من لحم ودم ومشاعر واحاسيس
حضور قوي ابتسامه ساطعه حضن دافء
روح متمرده وجدان مرهف عطاء جارف
حنان عذب دموع قريبه ضحكات صاخبه
انسان حقيقي
لكنك لاتملك في الدنيا كلها الا قلبك
منذ لحظه لقاءنا عرفت سرك
لاتملك من الدنيا الا قلبك
ستاتي وبمنتهب الحب والسخاء والرقه
تتركه لي وترحل بلا قلب
تتوجع كما اعتدت تتوجع
وتظل مستحيلا لي وللحياه ولنفسك !!!
انت مستحيل !!! مستحيل !!!
ستاتي وترحل وبسرعه
لا لن تاتي سيأتي قلبك
متسللا خلف ظهر سجانيك
فارا من غلظتهم لوحشتي يبددها
سيغني تحت شباكي
يمسح دموعي
يرسمني قمرا وضاءا في ليلك الطوعي
يرسمك ابتسامه تطمئني في ليلي الجبري
سيأتي قلبك وبعض روحك يحتلاني
يمنحاني بعض الامل وبعض السعاده
بعض الحب وبعض الحنان
قليل من الراحه والطمأنينه
وفي النهايه وبسرعه
سافيق علي وفاضي الخالي الا من ذكري جميله
سافيق حزينه لانك مستحيل لم تات ولن تأت !!!
لكني كنت اعرف !!
كنت اعرف !!
كنت اعرف !!!