30 أبريل 2010

الحياه اصبحت مخيفه جدااااااااااااااااااااااااااااااا !!!!!




لااصدق ما رأيته من صور منشوره في الصحف وعلي الانترنت !!!!!!!!!!!!!
جثه شاب مصري " قاتل " مقتوله وممثل بها ومعلقه فوق احد اعمده النور باحدي قري الجنوب اللبناني !!! لااصدق هذا !!! اهل قريه يجتمعوا علي اقتناص شخص مجرم من ايدي البوليس وهو يمثل جريمته ويمزقوه ويقتلوه ويمثلوا بجثته ثم يعلقوها علي عمود نور ويتحلقوا حوله يصوروا جسده الممزق المسربل بدماءه بالموبيلات !!!!

اين المدنيه التي تتحدث عنها البشريه !!! موجوده في نشرات الاخبار والكتب والبرتوكلات الدبلوماسيه اما نفوس البشر مازالت فجه بدائيه مثلما هي منذ ايام الانسان البدائي واهل الكهف !!! حتي الحيوانات المتوحشه غير المروضه في غاباتها لاتفعل مثل هذا الفعل البشع الشنيع !!! لااصدق مارايته !!!

ولن اقبل اي تبريرات من اي نوع هذا الشخص " المصري " مجرم قاتل ، ارتكب جريمه شنعاء ، قتل طفلين بلا ذنب ولا جريره ، فينزل عليه القانون عقابه !!! فليعدم بامر المحكمه وتنفذ عليه العقوبه بلا رأفه ولاشفقه !!! لكن القصاص منه بايدي اهل الضحايا واصدقائهم واهل بلدتهم وتمزيقه والتمثيل به ، امر لايمكن قبوله او فهمه ابدا !!!!

ماحدث لايقبل ولايمكن يقبل !!! لن اقبل اي تبريرات من اي نوع تبرر لقريه الجنوب اللبناني مافعلته في الشاب المصري !!! فحتي المجرم عتيد الاجرام المأجور الذي يقتل بدم بارد وبلا شفقه ، له ضمانات قانونيه ، ولايقبل ابدا ان يقتص منه اهل المجني عليهم والا تحولنا لغابه متوحشه مخيفه !!! يبدو والله اعلم اننا - اي البشر والبشريه - قد تحولنا فعلا لغابه متوحشه مخيفه !!! تملكتنا البلاده والرغبه في القصاص وشرب الدماء !!! ماحدث جريمه بريريه شنعاء لايمكن قبولها ولا الصمت عليها !!!!

والا لماذا تلعنوا باب زويله والرؤوس المنزوعه من اجساد اصحابها والتي علقت عليها حتي اكلت الطيور جيفتنا !!!! ماحدث غير مقبول ومخيف !!! مخيف !!! مخيف !!!!! واكثر ما يخيف نزوع بعض الناس لتبرير ماحدث باعتبار ان الشاب المصري مجرم متوحش !!!! لقد اقتنص الناس لانفسهم سلطه القانون والحكم علي الاخرين !!!

بعضهم يبرر قتل الشاب المصري في لبنان علي ايدي الضحايا لانه مجرم قاتل متوحش قتل طفلين ، اذن يستحق يمزقه اهل الضحايا ويمثلوا بجثته ويعلقوها علي عمود النور !!! ارجوكم تذكروا ، بعض الناس ، بل كثيرهم ، يردد ويروج ويتمني الحكم بالبراءه لحد رجال الاعمال المشهورين ليس باعتباره بريء ، ليس باعتباره لم يحرض علي الجريمه ، لكن باعتبار ان القتيله سيده من وجه نظرهم ساقطه قتلها حلال وحتي لو قتلها حرام ليس مقبولا - من وجه نظرهم - تضيع بسببها حياه رجلين " من خيره الرجال " !!!
يانهار اسود علي اللي بيحصل في الدنيا !!!
الحياه اصبحت مخيفه جدااااااااااااااااااا!!!

25 أبريل 2010

غرفة المرايا !!!!!

في غرفه المرايا يعتقل نفسه ويرفض الخروج منها !!!
غرفه كل جدرانها وارضها وسقفها مرايا لامعه !!! لايري الا نفسه ، ينظر حوله لايري الا خيالات ، لايري الا نفسه شكله ملامحه تفاصيله !!! نفسه تحاوطه من كل الاتجاهات ، يري وجهه في مرآة ويري ظهره في الاخري ، هذه تظهر نظره عيناه وتلك تظهر منابت شعره والثالثة تظهره طويلا والرابعه تظهرا ككوره باقدام قصيره ورقبه قصيره وراس كبيره منبعجه !!! في غرفه المرايا يعتقل نفسه ، عالمه هو نفسه ونفسه هي عالمه ، الاخر ليس موجود في غرفه المرايا ، الاخر لم يدنس هوائها لم يلوث ارضها لم يفسد طبيعتها ، غرفه المرايا هي الانا العليا له ، عالمه الخاص بمفردات لايفهم معناها غيره وحركات لايستوعب دلالاتها الا هو !!!
نفسه ثم نفسه ثم نفسه ، من الامام من الخلف ، من فوق من تحت ، من الجانب الايسر والايمن ، نفسه وفقط !!! هي مفردات عالمه وتفاصيله وصورته الكليه !!!! نفسه ذاتيته ماهيته الانا هي اوصاف لعالمه الخاص جدا ، عالم ضيق جدا لايتسع لغيره ، مراياه لاتظهر الا وجوده ، عالم واسع جدا يحتويه ونفسه وروحه ووجوده وكل مايخصه وفقط !!!!

ولد ذلك الطفل البائس في غرفه المرايا .... سار خطواته الاولي صوب المرأه فلم يري الانفسه ، جلس امام المرآه الجانبيه فشاهد ساقيه امامه فصرخ فزعا ، يتحمم امام المرآه يري جسده العاري يتصور فنا بديعا ، يغني امام المرأه ويتلاعب بصوته وحنجرته فتنعكس نبرات صوته علي المرآه وترتد له فيطرب يتصور نفسه مغنيا رائعا وكيف يعرف انه صوته اجش خشن بارد سمج وهو لم يسمع الا نبراته تخرج من احباله الصوتيه فيرتج بدنه انفعالا وفرحه بالحشرجات التي يسمعها يتصورها طربا !!!

ولد ذلك الطفل البائس في غرفه المرايا لكن احد لم يقل له ان العالم اوسع بكثير من تلك الغرفه الزجاجيه المعتقل فيها ، ولد في تلك الغرفه فتصور كل العالم يشبهها تصور كل العالم يشبهه ، تصور كل العالم يدور حوله يهتم به يراه ولايري غيره ، اليس كل العالم مثل غرفته الزجاجيه ، اليس كل العالم هو غرفته الزجاجيه نفسها ، نعم العالم هو غرفته التي يزركش جدرانها بصورته البديعه !!!
هكذا ولد وكبر ونضج وشاخ انسان مشوه لايري الا نفسه في الحياه هو مركز الكون واطرافه ، هو اهم شيء بل هو اهم الاشياء ، هو الاهم ولا شيء له قيمه خارجه خارج وجوده خارج نفسه ، هو العالم والعالم هو !!!!!!!!!
لكن الطفل المبتسر الذي ولد لم يري الا وجهه وظهره ووجوده ، هذا الطفل المبتسر خرج من حضانته ليتعالم مع العالم الخارجي لكن وهج مرايات غرفته وقبره ، وهج المرايات عمي عيناه وافقده البصر ، لايري في الحياه الا نفسه ، صورته وانعكاساتها في اعين الاخرين ، خرج للعالم الخارجي لايري الانفسه في كل شيء ، وحين اجبر علي التعامل مع العالم الخارجي تعامل معه كمثل تعامله مع الغرفه الزجاجيه بمرايات جدرانها ، العالم لايكون عالم الااذا اعترف له واقر بمكانته الزائفه كاهم الاشخاص والاشياء والموجودات ، انا الاهم ، انا المهم ، من يؤلمني فهو مجرم ومن يسعدني فهو بطل وماافكر فيه هو الصواب وماارفضه هو الخطايا ومن اكره خلق ليكره ومن احبه لايستحق الا الحب ليس مني بل من كل البشريه !!!

خرج من غرفه المرايا للعالم يحملها معه تحت جلده وفي روحه ، هي معياره للعالم الخارجي ، من يشبهها عالم حقيقي ومن يتناقض معها عالم مزيف ، خرج من غرفه المرايا يحمل جدرانها في عينيه ، يبحث عن صورته في صور الاخرين من يشبهه هو الاجمل ومن لايشبهه ليس موجود !!! خرج وهو محور الكون ومركزه والا علي الدنيا السلام !!!!

من يتحمل التعامل مع شخص كريهه مثل هذا الشخص المبتسر التافهه !!!!
لااحد يتحمل !!! لكنه يتصور ان تحمله فريضه علي كل انسان فريضه وواجب وضروره !!! فالناس كلها خلقت من اجله من اجل اسعاده من اجل ارضاءه من اجل خدمته !!! افكاره هي الاصح وتصرفاته هي القدوه واحلامه اوامر وسلوكه نموذج حتي تفاهته وثقل دمه مثل عظيم يلزم الاحتذاء به !!! لكن البشر خارج عالمه الوهمي لم يقبلوا قوانينه !!! لم يرضخوا لضروراته !!! لم يخضعوا لاحلامه وتصوراته !!! البشر خارج عالمه تعاملوا معه باعتباره مجرد واحد من ملايين ، طارت الريشه من علي راسه منذ زمن بعيد ، تعاملوا معه باعتباره شخص عادي وربما اقل من العادي عديم المواهب بلا كفاءه بلا قيمه ، فتحول البشر خارج عالمه لاعداء ينكروا وجوده العظيم الذي تسبح باسمه المرايات والجدران ، تحول البشر خارج عالمه لاعداء يلزم محاربتهم لردهم للصواب والعقل والحكمه لردهم للانتباه للحقيقه العظيمه انه مركز الكون واهم اشخاصه بل شخصه الوحيد المهم !!!
شخص مبتسر تافه بلا قيمه حقيقيه ، يتشاجر مع الحياه لانها تنكره ولاتعطيه وجود وقيمه وعظمه مثل مرايات جدران غرفته وقبره!!!
شخص مبتسر تافه بلا وجود بلا فائده بلا معني يتشاجر مع الحياه وبشرها ، يمزق وجهه وشراينه يهددهم يتشاجرويصرخ يروعهم يدس مسدسه تحت ضلوعهم يبكي ويستجدي ويتمرمغ علي الارض ، يهدد ويتوعد يستجدي ويتوسل ، انا موجود انا موجود ، انا اهم شخصيه في الكون انا محوره وسبب وجوده وان لم تصدقوني اسالوا جدران غرفتي ومراياتها !!!
وفي يوم غامت شمسه ولم تظهر ، ضاق به الجميع ، بعدما حاولوا معه بكل الطرق اعادته لصوابه ، العالم ليس انت ، لست مركز الكون ، لست اهم اشخاصه ، انت شخص عادي محدود الامكانيات ، انت شخص عادي لست مميز ولست الاميز ، مثلك ملايين ، لكنهم طيبيون يقنعون بحالهم ويرضخوا لامكانياته ، العالم ليست انت ، اخرج من نفسك انسي روحك ، البشر لم يخلقوا لخدمتك ، لست الاهم ولم تكن ، لست الاهم ولن تكن ، لكنه لايسمع ، يسمع اصوات الاخرين همهمات غير مفهومه لايقبل تفسيراتها ، من لايشكر فيه حديثه لغو تافه من لا يمجده اخرق احمق لايفهم ولن يفهم ، ضاق به الجميع ، ضاقوا من نرجسيته التافهه ، ضاقوا من الانا العليا التي لاترتكن علي انجازات او امكانيات او قدرات الا خلل عقلي نتيجه الاحتجاز المستمر في غرفه المرايات ، ضاق به الجميع .... وفجأ امسك طفل صغير بحجر مشحوذ وقذفه علي الغرفه الزجاجيه فتهاوت جدرانها فوق راسه تصدعت مثل روحه تكسرت مثل نفسه انهارت مثل وجوده ، حجر مشحوذ في يد طفل صغير هدم عالمه الهش المزيف !!!!

اذا صادفتموه ذات مره يصرخ في الخلاء انا مركز الكون انا الاهم انا اعظم شخصياته ، اذا صادفتموه يلوم الحياه لانها لم تعطه مايستحقه يلوم البشر لاهم يلغوه وهو الاهم وجودا ، اذا صادفتموه تجنبوه وابعدوا عن طريقه وتذكروا انه مبتسر لم ينمو ولم ينضج كما كان مفروض ، فقد احتجزته الايام في غرفه المرايا الزجاجيه بين البؤر المحدبه والمقعره فلم يري الا نفسه وفقط وخلا كونه من اخر غيره !! اذا صادفتموه تجنبوه فقد اكتشف البعض انه مازال يقبض في جيوب ملابسه علي شظايا من المرأه المكسوره يتوعد بها من لا يراه الاعظم والاهم يتوعدهم بتمزيق وجدانهم ووجوهم وطمأنينه نفوسهم !!! اذا صادفتموه تجنبوه واحموا ارواحكم ونفوسكم من الندوب والجروح التي قد يحدثها في قلوبكم وارواحكم بشظاياه المسنونه !!!!

شخص مبتسر تافه بلا قيمه يتوعد الحياه وبشرها بشره واذيته لانهم يرفضوا يكون مرآته يروا صورته ووجوده فقط !!!!
تجنبوه ولاتحاولوا علاجه فقد حاول الكثيرين قبلكم مساعدته لكنه يتعالي حتي المساعده والعون !!! يبدو ان قدره يبقي وحيدا في عالم خالي الا منه !! يبدو ان هذا قدره الذي لن يفلح ابدا في الفكاك منه !!! هل اشعر بالشفقه عليه !!! لااعرف !!! ربما حتي هو لايستحق الشفقه !!!!

افتقدك جدا !!!!



لااشتاق اليك !!! لا توحشني !!!
اخبرك بمنتهي الصراحه بمشاعري تجاهك !!!
لااشتاق اليك !! لا توحشني !!!
فقط اشتاق لكورنيش النيل بصحبتك !!
هل تذكر ليله مشينا من اول النيل لاخره !!! كنت تحكي لي حكايه لااذكر تفاصيلها الان ، لكنها شدتني ، كنت تضحك وانا اضحك ، كنت احس العالم دافء ورياحه نسيم جميل ، كانت رائحه الورود تحتل انفي ورئتاي ، كانت موسيقي لااعرف مصدرها تنبعث خلفيه لنبرة صوتك ، كنت سعيده بكلماتك بتفاصيلك بصحبتك ، كانت انفاسك تؤنسني ، لااعلم كيف مشينا كل هذه الخطوات ، هل كنت اطير ؟؟ لااعرف ، كانت خطواتي راقصه وخطواتك تحملني تحلق بي فوق قمم السحب الوردية المنخفضه ، لااعلم كيف مرت الساعات الكثيرة قصيرة ، كنت اشتريت لي كل عقود الياسمين التي تحملها البائعه الصغيرة ، يومها اخذت منها كل الياسمين التي تحمله فمنحتك ابتسامتها البريئه ، كللت شعري ومعصمي وجيدي بعقود الياسمين ورميت بقيه الزهرات تحت قدامي بساطا فواحا .... يومها اسعدتني كما لم احس من قبل ...... اشتاق لكورنيش النيل بصحبتك لكني لااشتاق اليك!!!

لااشتاق اليك ، لم توحشني !!!
فقط اشتاق للحلم الوردي الذي زرتني فيه في تلك الليله الموحشه البارده التي نمت فيها ارتجف حزينه ، ليلتها زرتني ، معك قفص عصافير كبير ، عصافير خضراء تغرد ، يومها غنت عصافيرك كل الاغنيات التي احبها ، غنت عصافيرك الالحان التي تسعدني والكلمات التي تشجيني والمعاني التي احبها ، يومها تشاجرت معي ، ايقظتني من وسط دموع الهم التي كانت تحاصرني ، تشاجرت معي وجذبتني عنوه لاغسل وجهي بماء بارد ، منحتني زجاجه عطر عتيقه اهدتها لك امك ، رششت منها قطرات كثيره علي شعري وكفاي ، رشتت منها خلف اذني ، فاحت رائحه العطر في الحلم وفي الحياه ، تشاجرت معي لاني لم افكر فيك قبل النوم ، تشاجرت معي واخبرتني انك تفكر في كل ليله قبل النوم فلاتداهمك الكوابيس ابدا ، تشاجرت معي لاني نمت حزينه باكيه ، سالتني هل نسيتني ، لم تنتظر اجابتي ، لمعه عيناي اجابت علي سؤالك ، كانت تسطع بوهج الفرحه ، يومها منحتني خلخال من وردات القرنفل الاحمر وثوبا من جزيره هواي وتاج زهور ابيض ، غردت عصافيرك فرقصنا واتسع الحلم ليصبح مثل الحضن الدافء للانسانيه كلها ، هل تذكر كيف امسكت اناملي وسحبتني صوبك ثم ابعدتني ، كنت اضحك وكانت العصافير تغرد وكنت تهمس باجمل كلماتك الرقيقه في قلبي المشتاق لوجودك .... كان اجمل احلامي وكنت الزائر الاجمل الذي داهمني في الحلم ...... اشتاق للاحلام في وجودك وبصحبتك لكني لااشتاق اليك !!!

لااشتاق اليك ، لم توحشني !!!!
فقط اتذكر يوم جلسنا نحدق في البحر ، هل تذكر ذلك اليوم ، كان البحر ازرق يسطع بزبد الموجات الصغيرة ، كانت الشمس تتوهج بدفء حميم ، كان نسيم البحر يهب علينا برائحه الانتعاش ، كانت الرمال بارده كاننا ندس اصابعنا وسط كريات الثلج الصغيره ، كانت نخله صغيره تكاد تثمر بلحها المسكر تتمايل بجذعها اللعوب والنسيم يتخلل سعفها ، هل تذكر ذلك اليوم ، كنت اشتريت لي كتاب ابحث عنه ، احضرته من اخر الدنيا وفاجئتني وانا جالسه علي البحر صامته افكر فيك ، سحبت مقعد وجلست بجواري ، حين لمحتك ابتسمت فتحركت سحابه فضيه ورات وجه الشمس اللاهب ، هل انهمرت امطار وقتها لااعرف ، لكن قطرات بارده غمرتني ، منحتني الكتاب واسطوانه عليها اغاني كنت احبها ونسيت ، ذكرتني بها ، راقصتني علي البحر ، بنيت لي قصر علي الرمال ودافعت عنه لم تسمح للماء يهدم شرفاته ، اخذتني للشرفه البحريه الكبيرة ، زينت شعري بزهيرات الفل التي تزين سور شرفه القصر ، يومها راقصتني علي البحر ثم اختطفتني للشرفه التي فرشت ارضها بالمرمر الوردي ، هل تذكر ، انزلقت بين ذراعيك وكدت اسقط ، لكنك حملتني بين ذراعيك ، هل هذا الصوت الحنون صوت دقات قلبك ، هل قلت لك وقتها ان نظره الفزع التي لمحتها في عينك كانت اجمل نظره حب شاهدتها في حياتي !!! اتذكر يوم جلسنا نحدق في البحر ، اسير علي الرمل بخلخال محبتك ، تتحول حبات الرمل تحت اقدامي لقطرات ندي ويتحول النهار المزدحم بالافكار البارده لفجر ينبلج بحنان اسطوري ..... اشتاق للبحر معك ، لشرفه قصرك ، لقطرات الندي وخلخال القرنفل ، اشتاق للازرق الحاني في صحبتك لكني لااشتاق اليك !!!!

لااشتاق اليك ولاتوحشني !!!
انت لاتفارقني ، لاتغادرني ، تحتلني ولاتجلو عني ، كلماتك في اذني ، همساتك في قلبك ، روحك تسكن روحي ، نفسك تشاركني نفسي ، انت لاتفارقني ، في ظلمه الليل الموحش اتأنس بك ، في لحظه الفجر الحنون اسمعك ، في وسط الضجيج والزحمه اري عيناك تساندني ، في لحظات الحزن اسكن في حضنك واطمئن بدقات قلبك ، في لحظات الوحده اقبض علي كفك ولااتركك ، في لحظات البروده تدفئني انفاسك ، في اللحظات القاسيه من الحياه اتذكرك فتتلاشي القسوه ولايبقي لي الا الفرحه احساسا وحيدا !!!

لااشتاق اليك ولاتوحشني !!!
فقط افتقدك جدا واتمناك !!!
افتقدك جدا واتمناك !!!!
فانت منحت حياتي مذاق خاص جدا ومعني ، وحياتي في ثوان غيابك لاتعجبني !!!
افتقدك جدا واتمناك !!!!

22 أبريل 2010

انت اتغيرتي قووووووووووووي !!!!!




انتي اتغيرتي قوي !!!

دي اتغيرت خااااااااالص !!!

معني اسمعه كتير !!!

احيانا يتقال علي سبيل الذم والشتيمه !!!
واحيانا يتقال علي سبيل المدح والاندهاش !!!
جمله اسمعها كتير بصياغات مختلفه ، اتغيرت !!!!

بدأت افكر ، اتغيرت لايه ، اتغيرت عن امتي ، كنت ايه وبقيت ايه ، واخده بالي اني اتغيرت او باتغير ولا مش واخده بالي ؟؟؟؟
طيب اللي بيشتمني بيشتمني ليه ، كنت عاجباه الاول وبقيت دلوقتي مش عاجباه !!! واللي بيندهش بيندهش ليه ، مش مصدق اني كنت حاتغير كده ، وكده ده ايه احسن ولا اوحش !!! خلاص ماليش دعوه باللي بيقولوا ، وباللي بيقولوه !!! ماليش دعوه بيهم !!! انا رايي ايه !!!!

لا كده المدخل مش عاجبني ، مش عاجبني انا رايي ايه ، متحفزه علشان ارد !! علشان اللي بيشتمني ااقوله مالكش تشتمني ، يمكن اقوله اه قاصده اتغير ، معجبه بالتغيير اللي حصل لي ، يمكن متحمسه علشان اشرح للمندهش ان مافيش مبرر لاندهاشه !!!
اذن هذا ليس حواري انا ، ليس حواري مع نفسي ، لااتحدث في موضوع يؤرقني انا او يشغل الي انا ، لا ده حواري مع الاخرين !!! اللي بيشتموني واللي مندهشين مني !!! حواري معاهم هما !!! انا حاتكلم بس عن اللي بيشتموني ، اما المندهشين فالحقيقه اني لااجد مبرر لاندهاشهم !!! وهذا موضوع اخر !!!

نبتدي باللي بيشتموني !!!! مالكم بقي !!!!
طيب نجيب الشريط من اوله ..... انت اتغيرت خالص ، يمكن معاها تؤتؤتؤ ، وتؤتؤتؤ دي استنكاريه لولبيه معناها انهم مصدومين او حتي مش مصدقين التغييرات الوحشه اللي حصلت لي !!!
نجيب الشريط من قبل اوله .... انا كنت ايه ، لما كنت في الجامعه ، كنت فتاه متمرده جدا ، علي كل حاجه ، علي كل السلطات ، الابويه والامويه وسلطه الدوله طبعا ، كنت متمرده لكني كنت ساذجه ودي مش شتيمه ، دي مرحله سنيه عمريه ، كنت ساذجه ، بريئه حالمه ، اصدق كل اللي بيتقال ، اللي اومن بيه اصدقه جدا ولما اصدقه اتحمس له ، ولما اتحمس له اندفع في طريقه بلا تفكير بلا تروي ، الم يقولوا اندفاع الشباب وحماسهم ، كنت بطله اندفاع الشباب وحماسهم ، متمرده ، صداميه ، الغريب اني كنت مؤدبه جدا ، يعني متمرد بادب مندفعه بادب ، تراث عائلتي وقيم تربيتي بقيت بداخلي لم تخرج منه ابدا ، في الجامعه كنت متمرده ، عندي افكار سياسيه جميله خليط من بقايا المرحله الناصريه التي تريبت في ظلها وخليط من افكار عمي الاكبر الذي كنت اعتبره قدوتي ، كنت احمل تلك الافكار بشكل ساذج بريء ، اتصور ان مالايعجبني سوف يتغير بسرعه ، والامر لايحتاج الا شويه جهد واخلاص ، طبعا من الشباب اللي زيي وقتها لان العواجيز اللي زيي دلوقتي متخاذلين لايقدموا علي التضحيات بحق وحقيقي !!!


في الجامعه دخلت حزب التجمع ، حزب اليسار ، كنت واحده من شباب كثر ، تمردنا علي الفوارق الطبقيه والعائلات وعلي المجتمع الذي كان يتحول لمرحله الانفتاح الاقتصادي ويتخلص من الثورة الناصريه بكل تفاصيلها الاجتماعيه والسياسيه ، تمردنا علي كل مايحدث حولنا ، كنت ضد السادات ، ضد الانفتاح ، ضد الصلح مع اسرائيل واتفاقيه كامبد دافيد ، ضد كل الحاجات دي لكن مش عارفه مع ايه ، انا ضد قضايا واضحه لكن مش مع اي قضايا واضحه ، كنت اعتبر روحي يساريه ، دخلت حزب التجمع وفور دخلته لم تعد القضايا النظريه لها اهميه ولم اشغل روحي بالتحليلات والمواقف ، ده حزب ناس جدعه وانا معاهم علي الحلوه وعلي المرة ، دخلت حزب التجمع وانشغلت بقضايا عمليه كتيره ، الاشتراك في اصدار نشرة صحفيه ، التطوع في لجنه الدفاع عن الحريات ، زياره اسر المعتقلين ، دوامه العمل الحزبي خدتني مع سنين الجامعه ، كنت مع حزب التجمع وباحب الناس اللي فيه وبالمناسبه لسه بحبهم جدا ، لكن بشكل عاطفي وجداني فيه شويه سياسه صغيره والباقي افكار حالمه بريئه زي العشرين سنه اللي كنت شايلاهم وقتها فوق كتفي ، وحزب التجمع منحني التمرد الاكبر ، يعني مش بنت متمرده وبس لا كمان عضوه في حزب التجمع !!! واوووووووووووو !!!!


هل لما دخلت حزب التجمع حزب اليسار والعمال والفلاحين والعداله الاجتماعيه اصبحت اخري غير التي اتت من عائله من الطبقه المتوسطه انتمي لفرع ثري نسبي في اسره متوسطه الحال ، هل تخلصت من عاداتي الشخصيه ، هل طردت من داخلي قيمي الاجتماعيه ، لا ، انا كنت متمرده علي بعض سلوكيات اسرتي وعائلتها الكبيره ، سلوكيات اقطاعيه متعاليه علي البشر ، وكنت باحب عبد الناصر وتجربته واغاني الثوره وباكره اسرائييل التي ضربتنا في سنه 67 ، ولما سمعت اغاني عبد الحليم حافظ اللي منعها السادات تتذاع في الراديو صوره صوره صوره ، سمعتها بتتذاع من مقر حزب التجمع في سليمان باشا يوم عيد الثوره سنه 1979 ، دورت علي المكان اللي بتتذاع منه الاغاني وطلعت السلم ودخلت لقيت احتفال بالثوره قعدت وصقفت وعيطت لان عبد الناصر مات واسرائيل احتلت سينا ولان اغاني الثوره اللي كنا بنرقص عليها في المدرسه ماعندناش بنسمعها ولان السادات زار القدس وارتكب الجريمه الكبري ولاننا مش حنرمي اسرائيل في البحر ، انه خليط وجداني عاطفي رهيب قادني لسكه حزب التجمع واليسار ...


اختياري لحزب التجمع لم يكن موقف سياسي ولم يكن موقف ثقافي ، لم يكن اختيار ايدلوجي ، كان حبا للوطن بطريقتي الطفوليه الساذجه ، حنين للماضي الذي كنت احبه والوطن الذي كنت احبه بالطريقه التي كانت !!! اعترف اني لم اقرأ في السياسه قبل دخول حزب التجمع ولم انشغل بعد دخوله بالقراءه السياسيه ، لم اقرأ في الماركسيه رغم ان كثيرين اعتبروني ماركسيه بما اني عضوه في حزب التجمع ولست ناصريه ، لكني لم اكن ماركسيه ولا ناصريه ، كنت مصريه احب الوطن ببراءه الشباب وحنين الماضي والقلب الاخضر والتمرد علي السلوكيات الطبقيه الاقطاعيه الظالمه التي يمارسها بعض ابناء عائلتي الاقطاعية !!!

لما دخلت التجمع ، لقيت ناس حلوه ، يعني ايه حلوه ، مش عارفه ، وانا بأرد بعقليه بنت عندها عشرين سنه ، لقيت ناس حلوه ، جدعه ، بتحب مصر ، بتتكلم كلام كله حماس ، لما تسمع اي حد فيهم تصقف قوي قوي من قلبك ، الكلام يعجبك ياثر فيك ، و......... بقيت يساريه ، هكذا وصفت في ايام الجامعه ، وبصراحه اللي كان بيقول علي كده كان عنده حق ، ماانا عضوه في حزب التجمع ومش ناصريه وضد السادات حابقي ايه يعني !!!

طبعا يساريه لكني انا شخصيا لم اسال نفسي ابدا انا ايه ، هل انا فعلا يساريه ؟؟؟!!!!
المهم ، فضلت عضوه في حزب التجمع سنين ، عملت حاجات كتيره ، اشتغلت في فرقه مسرح الشارع ، فريق مسرح من الشباب المتطوعين يعملوا مسرحيات ويلفوا بيها علي اعضاء الحزب في المقرات المختلفه مش بس مقر وسط البلد ، طبعا قصه فريق المسرح دي قصه جميله قوي ، لانها مساحات حريه للشباب بنات وولاد ، نمثل سوا ونتأخر ونتفسح سوا ونضحك مانبطلش ضحك ، عمري ماسالت نفسي اشمعني يعني اتجمعنا في حزب التجمع ، مااحنا كان ممكن نعمل فرقه مسرح في اي حته تانيه ، لكن الشباب ربنا خلقه مايسالش نفسه علي حاجه ، لما يكبر بقي ومايبقاش شباب ، يقعد يفكر ، يلاقي اسئله كان مفروض يجاوب عليها وهو صغير ، يلاقيها لسه مستنياه وماجاوبش عليها ..... في التجمع اتعلمت حاجات كتيره واستفدت جدا واكتسبت خبرات مفيده ، حلوها ومرها ، اشتركت في اصدار نشره صحفيه ، كان اسمها التقدم ، كانت جميله ولها مضمون هادف ، حضرت مؤتمرات سياسيه كتيره قوي ، كلماتها مليانه حماس ، خطب مليانه حماس ، بيقولها ناس قدموا تضحيات عظيمه في حياتهم اتحسبوا واتسجنوا يبقي اكيد كلامهم الحماسي الجميل ده كله صح ، ولما اتخرجت من الكليه وبقيت محاميه اشتغلت في لجنه الدفاع عن الحريات احضر تحقيقات النيابه مع المحابيس وازورهم في السجن وازور اهلهم واهزر مع اطفالهم واحبهم ، واشتم في البوليس واشتم في الحكومه المجرمه اللي بتحبس الناس الشرفاء ....

تجربه اعتز بيها ، لكن بجد بجد معرفتش ابتدت ليه ولا انتهت ازاي ، ابتدت لما كنت متحمسه ومصدقه جدا وانتهت لما فقدت حماسي ، مش حاقول بطلت اصدق ، لكن حاقول بطلت اصدق اني شخصيا حاقدر اعمل حاجه مفيده للبلد من خلال الحزب ، مش فكره اني احضر اجتماعات الحزب واسمع خطب واحضر مؤتمرات واشتم البوليس والحكومه ، لا فكره حاعمل ايه للبلد !!!
لقيت روحي مش بعمل حاجه للبلد اللي دخلت الحزب اساسا علشان باحبها ، لقيت ان اجتماعاتي جوه الحزب والتمثيل في فرقه المسرح والمؤتمرات اللي بحضرها واصقف فيها بحماس جدا جدا جدا ، مش معناه اني باعمل حاجه للبلد !!!
فيه حاجه مهمه جدا ، ان حزب التجمع كان علي صدام مع السادات من اول لحظه ، الصدام ده بيخلق حاله تحدي رهيبه ، يعني الناس يتقبض عليها وتطلع وتدفع التمن وتضحي ومقرات الحزب تتقفل وجرنانه يتصادر وبعدين يتوقف والنشره اللي بنعملها تتصادر ، اجواء نضاليه عظيمه تخلي الواحد يفضل متحمس ويفضل عضو بالحزب ، لكن ليه وعلشان ايه ، مش مهم ، لان السؤال نفسه في الاوقات العصيبه تخاذل وتراجع وخيانه ، السادات بييضرب الحزب مش معقول نقف ونفكر احنا هنا ليه !!!!

وهكذا جريت الايام وعدت السنين !!! قابلت ناس كتير كويسه قوي ، قابلت ناس وحشه ، وحشه بالمعني الطفولي كذابه منافقه تصرفاتها غير كلامها ، قابلت شباب كويسين وشباب حقيره ، قابلت ناس عواجيز محترمه جدا وناس اي كلام ، عادي يعني زي اي حاجه !!!
وفجأ !!!! خلاص مش عايزه افضل في الحزب !!! لو علي لجنه الدفاع عن الحريات ااقدر اقوم بالعمل ده من داخل نقابه المحامين ومن خلال اني محاميه !!! نشره التقدم خلاص بطلت اشارك في اصدارها ، فريق المسرح خلاص مابقيت عضوه فيه ، بحب مصر ولسه بحبها لكن مش عارفه ليه انا موجوده وليه دخلت اساسا وليه افضل عضوه في الحزب !!! ،
هل من حق الانسان يعيد التفكير في اختياراته ، لكن في نفس الوقت مايبقاش وحش !!! كنت باحلم بمصر تانيه ، هل مصر الناصريه ؟؟ لا مش بالضبط ، يمكن الناصريه كان فيها مشاكل مع الديقراطية ، الناس اتحبست واتعتقلت ، الحياه السياسيه اتأممت ، هل ده كان كويس ، كان وحش ، معرفش ، حقيقي معرفش ، كان فيه تعذيب في السجون والمعتقلات ، اه ده عارفه انه وحش وغلط ، لكن ايه موضوع الديمقراطيه ده ، وهل ديمقراطيه يعني انتخابات واحزاب ، ولا اللي كانوا بيقولوا عليها ديمقراطيه اجتماعيه واخواتي تلبس وتاكل والمجتمع كله يتقدم ونحتفل بعيد العلم وعيد الثوره وصلاح جاهين يقول شعر وعبد الحليم يغني !!!
طيب لما دخلت التجمع يمكن كنت فاكره ان الاحلام بتحقق بسرعه وبالنوايا الحسنه وبالحماس ، لكن الواقع وتجاربه كشف لي عن هبل التفكير بالطريقه دي ، كنت فاهمه ان شويه حماس يغيروا الدنيا ، ومعاهم شويه اخلاص يبقي خلاص ، وسع ياجدع قطر الثوره ماشي ماشي ، جاي جاي !!! لكن الواقع كان بيقول حاجه تانيه ، اولا هل الناس كانت عايزه قطر الثوره يرجع !!! الثوره ماكانتش حفلات عيد الثوره والاغاني ، الثوره كانت ارض اتاخدت من الملاك وشركات اتممت ومجتمع مقفول بيبني نفسه لكن رابط الحزام علي وسطه ، هل كان المجتمع كله رابط الحزام علي وسطه ولا فيه ناس رابطه الحزام علي جنبها وهاتك يارقص واستمتاع بالثوره وكنوز الثوره ، قضايا عمري مافكرت فيها ، ولاحد قالي افكر فيها ازاي ، كنت بحب البلد وعايزه اعمل حاجه مفيده ليها ، كنت باحب بابا جمال ، اه زعلانه انه مش ديمقراطي لكن مش زعلانه اوي لان كان فيه حاجات تانيه باحبها خلتني اطنش !!!
هل من حق الناس تعيد التفكير في اختياراها في ضوء تجارب واقعيه عاشتها ومرت بيها ، كشفت لها عن حاجات كتيره ماكانتش فاهماها ولا مقدراها ، طبعا من حقها ، ومش من حق حد يقول انت غلط وانت صح ، الكلام اللي علي البر دايما سهل ، انا اللي مريت بالتجارب ، انا اللي اتصدمت ، انا اللي اتوجعت في قلبي واحساسي وقناعاتي ، انها اللي اتهزمت ، لما اتحمست جدا والناس غلطتني ولما فقد حماسي والناس غلطتني !!!!
عادي الحياه هي اساسا التجارب ، لما خرجت من حزب التجمع ، فضلت احب الحزب واحب الناس اللي فيه ، اه اختلف معاهم في افكارهم في اطروحاتهم في مواقفهم لكن باحترمهم ، علي الاقل هما عارفين عايزين ايه وشايفين يوصلوا له ازاي ، هما لسه مصدقين ، هما لسه متحمسين !!!!!
طبعا اثناء وجودي في حزب التجمع واجواء اليسار دخلت في ازمات من وجه نظري كانت غير منطقيه ومازالت غير منطقيه ، اسمع همز ولمز جوه الجامعه وجوه الحزب وبعد كده جوه النقابه وفي اجواء اليسار ، دي مش يساريه بجد دي برجوازيه ، ليه ياعم الحاج ، ده انا يساريه خالص والله العظيم ، لا ، لا ليه ، لاني يساريه فهذا يفترض طبقا لنمط التفكير السائد ، يفترض اني ابقي واحده مش شيك ، الله انتم مش بتقولوا انكم بتدافعوا عن الشعب الكادح الغلبان ، بتلبسي شيك ليه ، كان الشعب واللي يفكر في الشعب لازم كله ييكون غلبان ومايبلسش شيك !!!

الحقيقه الموضوع ده اثر في جدا ، كنت عايزه ابقي يساريه خالص ، وبالتالي قررت ماالبسش شيك ، البس عادي ملخبط اي كلام ، لان الشياكه صفه برجوازيه وانا يساريه او هما بيقولوا كده !!! لكن انا بحب الشياكه وبحب اللبس الشيك وتناسق الالوان ، مش مهم انا بحب ايه ، ده موضوع ثانوي تافهه !!! لاني يساريه مفروض مايبقاش عندي طموح في حياتي ، طموحي مفترض كله يكون سياسي ، للوطن والحزب ، لكن انا عندي طموح شخصي عايزه انجح في شغلي عايزه البس كويس عايزه اعيش كويس ، انا يساريه - زي مابيقولوا - لاني عايزه الناس كلها تعيش كويس مش لاني عايزه انا اعيش وحش !!!! علي فكره ماكنش حد بيقول الكلام ده بشكل مباشر ، لا ابدا ، لكن دي كانت افكار سائده شارده ، تتردد وتتناقل علي السنه الناس ، فجأ تحس بلوم وادانه ليساريه لابسه شيك وبتستفز الشعب وانا محتاسه مش فاهمه طيب اعمل ايه علشان ارضي الشعب رغم ان الشعب عمره شخصيا مااشتكي لي انه مستفز مني ...

وربنا يرزقك بزميل في الحزب ولا زميل في الجامعه يساري خالص جدا موت ، يتريق علي لاني عضوه في نادي الصيد ، وياعيني علي الشعب واللي بيدافعوا عن الشعب ، الله ماهو نادي الصيد ده انا عضوه فيه من وانا عيله صغيره ، اه لكن ده مكان البرجوازيين ، ماهو ابويا وعيلتي كده لكن انا مش كده ، اعمل ايه يعني الغي العضويه امشي من النادي ، محدش يرد علي ولا عنده اجابه ، لكن اخييه ياللي عضوه في نادي الصيد ، ولان الواحد شاب وصغير وعبيط يخبي انه عضو في نادي الصيد ومايروحوش او لو راحه مايقولش لحد انه راحه ، فلما اتقفش في نادي الصيد تبقي فضيحه !!!! ههههههههههههههههههه عبط جدا والله !!!!

طبعا كمان تعرضت من وجه نظري لتجارب موجعه في العمل السياسي ، لكني لن اسردها ولن احكيها ، فهي تجارب خاصه لايهم احد اجترار احزانها ، ربما اتصدمت في الناس ، ربما اتصدمت في فكره اتساق الناس كلامها مع سلوكها ، ربما اتصدمت لما واجهت انقسامات وخلافات عميقه بين الزملاء داخل الحزب وفوجئت بيهم بيواجهوا بعض بقسوه وضرواه فظيعه وكنت اظنهم ملائكه ابطال تاريخيين لااطماع شخصيه ولا مجد زائف ولا مراكز يسعوا لها لكني فوجئت بضرواه الخلاف وحدته بشكل فظيع كنت لااعرف وقتها ان السياسيين مثل كل البشر فيها عيوب ووميزات ، بشر وليسوا ملائكه ، لكني حتي اكتشفت هذا الاكتشاف الخزعبلي كنت اتعورت كتير ، في قلبي في قناعاتي في احاسيسي !!! ربما اتصدمت من اكتشافي المتأخر لحقيقه العمل المطلوب منا كاعضاء حزب معارض بمقارنه جهدنا المتواضع مع حقيقه الواقع وضراوته وقسوته ، فالامنيات لاتكفي لتغيير نظم الحكم الذي تحميه الدوله بكل اجهزتها ، لكنا وقتها كنا لانملك الا الامنيات مع الاخلاص والحماس واندفاع الشباب ، ربما اتصدمت من حجم الهزائم الواقعيه التي منيت بها داخل الحزب وخارجه في معارك كنت اتصور اني والحزب سنكسبها بالضروره ، السنا متحمسين مخلصين محبين للوطن لماذا لم نكسب تلك المعارك ، لماذا خذلتنا الناس لماذا تخلت عنا ونحن نحبها لماذا لم تصدقنا وتؤمن بنا كما كنا نؤمن بها ونعمل لصالحها !!!

صدمني الواقع وقت اكتشفت قسوته بالمقارنه بالاحلام الورديه الحالمه التي كنت اعيش فيها .................... وزي مادخلت من غير مبررات منطقيه عظيمه خرجت من الحزب من غير مبررات منطقيه عظيمه !!!!

ببساطه وهدوء ، دخلت الحزب شابه متحمسه وخرجت احمل اسم محاميه يساريه ، وهو اسم لم يضايقني ولم يزعجني لكن انا فسرته علي مقاسي انا ، يساريه يعني بتحب الشعب والوطن ، ده مفهومي لليساريه اللي انا جزء منها وبس خلاص !!!
لكن لما خرجت من حزب التجمع فضلت محاميه يساريه ، كل قضيه عامه ، سياسيه ، تنظيمات توزيع منشورات اضراب عمالي اعتقال متظاهرين في معرض الكتاب في المعرض الصناعي توزيع ملصقات ضد اسرائيل ، كل قضيه عامه احضر فيها ، اترافع واشتغل كمحاميه مش كمناضله يساريه ، لا في المحاماه قررت اكون محاميه شاطره بصرف النظر عن اني يساريه ولا مش يساريه !!!
لكن لما حد يتقبض علي ، اجري جري احضر معاه التحقيقات والمحاكمه ، عدا طبعا قضايا التنظيمات الدينيه ، ومفهوم طبعا ليه ماكنتش باحضر معاهم اولا لاني ست ومش محجبه ولان كل محاميهم رجاله ولاني كمان ماكنتش متعاطفه معاهم ولا موافقه علي افكارهم وهما الحقيقه برضه ماكانوش بيرحبوا بي وسطيهم !!! خلاص خلصنا !!!!

خرجت من حزب التجمع !!! لكن فضلت مصنفه باعتباري يساريه ومحاميه يساريه !!! وانا مازعلتش زي ما قلت من التصنيف ده !!! باعبتاري حددت له معني محدد معني وماليش دعوه الناس بتشوف الامر ازاي !!! عشت سنين حياتي ، زوجه وام ومحاميه "يساريه " وبعدين ابتديت اهتم بقضايا المراه واكتب في الموضوع واذاكر وادرس واسافر مؤتمرات واضفر ده مع شغلي المهني ، يعني ناشطه في مجال المرأه باكتب واعمل دراسات وفي المحاماه باترافع عن الستات في قضايا الاحوال الشخصيه مع بقيه انواع القضايا ، قضايا سياسيه كنوع من العمل التطوعي وقضايا مهنيه مختلفه ...... وعملت مكتب مهني بذلت فيه جهد كبير ونجح وكبر ونجحت وكبرت انا وفريق من المحامين اللي اعتبرهم كلهم اخواتي وولادي واصحابي ، وتجربه مكتبي دي قصه اخري ، المهم نجحت كمحاميه وشغلي كبر وحققت نجاح معنوي ومادي وطبعا ده انعكس علي حياتي!!! وهنا كانت المصيبه السودا !!!!!!!!!!!!!
لا قبل المصيبه السودا ، عايزه اقول حاجه ، لما خرجت من حزب التجمع ، قعدت ادور علي حاجه مفيده اعملها للبلد ، اه للبلد ، ماهو باين انا من نوع البشر اللي ماينفعش يعيش لنفسه وبس ، لازم حاجه جنب نفسي ، يمكن ده بيدي حياتي معني ، بيديها قيمه ، اعمل ايه للبلد ، اشتغلت في حركه حقوق الانسان وكانت تجربه لمده 8 سنين محتاجه نوت تانيه ، حاولت علي قد ماحاولت وبذلت مجهود ولما لقيت روحي عندي اشكاليه منهجيه في التعامل مع فكره حقوق الانسان نفسها ، روحت ، ماقلتش انتم غلط وانا صح ، ولا انا صح وانتم غلط ، لا روحت وبس !!! انا كده لما الاقي الدنيا مابقيتش بتاعتي اروح !!!! وبس خلاص !!!
بعدها قررت اشتغلت في موضوع النساء وحقوق النساء والتمييز ضد النساء ، الاول اشتغلت مع نفسي وبعدين حاولت ابقي مع بقيه الناس ، وبعدين اكتشفت بسهوله وبساطه اني ماينفعش اكون مع حد ، مش حاقول مش عاجبني مش حاقول اللي بيعملوه مش بيعجبني ، لا حاقول انا حاجه وهما حاجه ، مين احسن مين اوحش مش موضوعنا ويمكن انا اوحش لكن برضه مش موضوعنا !!!
في الاخر قررت اعمل كل اللي باعمله من بيتنا ، يعني افضل يساريه من بيتنا ، واشتغل في موضوع المرأه من بيتنا واهتم بقضايا حقوق الانسان - حسب وجهه نظري في الموضوع - من بيتنا ، لكن انا موجوده وصديقه الكل ومستعده اخدم لما يكون اللي حاعمله مفيد وكويس ، لكن مش مفيد من وجه نظري يبقي خلاص !!! ماهو طبعا الاساس هي وجهه نظري مش اي وجه نظر تانيه !!!

نرجع بقي لموضوع المصيبه السودا وشغل المكتب والفلوس !!! لما كسبت فلوس من شغلي ، كانت مصيبه سوده في اوساط معينه ليه ، لاني مش بس خرجت من حزب التجمع !!! ومانيش يساريه بجد لاني ست اليطه ومتأنتكته وبالبس زي البرجوازيين مابيبلسوا وعضوه في نادي الصيد ، لا كمان بقيت محاميه باكسب فلوس !!! علي فكره دي مش فلوس وسط الفلوس ، دول تلات تعريفه يستروا ويعلموا العيال ويعملوا منظر اجتماعي مقبول ، لكن شويه الفلوس دول اكدوا اني لم اكن يساريه اساسا !!! فطموحي البرجوازي ابن اللذين لم يتركني وقت دخلت الحزب وهو السبب في الخروج من الحزب وهو السبب في اختياراتي لشكل شغلي في المحاماه لم اعد اهتم بالقضايا العماليه وقضايا الفقراء بل بقيت اترافع في قضايا شركات ورجال اعمال واكسب فلوس وغيرت العربيه ونجدت الصالون واشتريت تلفزيون ملون 32 بوصه وبقي عندي طموح اركب عربيه اخر موديل وياسلام لو بي ام دبليو !!!! ياالعار !!!!


طيب ممكن ادافع عن نفسي ، ايوه عندي طموح مهني ، ايوه نفسي اركب عربيه اخر موديل ، لكن مش معني كده اني بقيت وحشه!!! ولا بقيت حكوميه !!! ولا بقيت مش بحب البلد !!!! ومازالت مؤمنه بالعداله الاجتماعيه والانحياز للفقراء ونفسي مصر تبقي احسن ومازلت اترافع في القضايا السياسيه العامه ومؤمنه بحقوق الانسان وحقوق المرأه .......... دفاع مرفوض ومش مقبول وانت اتغيرت !!! اخيه !!
اللي بيشتموني ويقولوا لي اتغيرت اخيه اعيه ، كانوا عايزين مني ايه ، وهما شخصيا عملوا ايه !!!!

صديق لي سافر اول مااتخرجنا لفرنسا يعمل دكتوراه هناك وقعد 25 سنه ورجع من هناك علشان بيحب البلد !!!
انا لما سافر ماعاتبوش وقلت له انت بتتخلي عن البلد في وقت هي محتاجه فيه كل ابناءها المخلصين !!! لما خد الدكتوراه من السربون ماقلتش له انت كنت في السربون وانا باقف علي باب سجن طره علشان ازور المعتقلين !!! لما عاش 25 في فرنسا ما قلتش له انت كنت في فرنسا وقت ماكنت انا ساكنه في فيصل لما كانت بوص وترعه ولسه الطريق مااتعملش !! لما رجع معاه دال نقطه واصبح بيقدم نفسه للمجتمع باعتبار الدكتور اللي واخد دكتوراه من فرنسا ويرفع اتعاب شغله عن اتعاب شغلي انا المحاميه الغلبانه اللي ممعايش لا دال نقطه ولا دكتوراه من السربون ولا باتكلم فرنساوي لبلب ، وقتها ماقلتش له انت برجوازي !! واقول ليه انا مش زعلانه منه !!!

فجأ صديقي ال ايه البلد خنقته والفساد ومافيش ديمقراطيه ، فجا صديقي بعد مارجع من فرنسا نفسه البلد تتغير ، طيب يادكتور ماتخش اي حزب ، لا كلهم مالهمش مصداقيه ، طيب اعمل حزب ، لا ، طيب خلاص ، لا خلاص ازاي ، لازم نقعد نشتم في البلد طول مااحنا قاعدين ، نشتم في الفساد والانحدار والانهيار ، نشتم في الناس الجهله السلبيين ، نشتم في الحكومه سبب كل المصايب ، نشتم في الاخرين ، لما قلت بطل تشتم كل الناس ، بص لي نظره ناريه رهيبه وقالي انت اتغيرت خاااااااااااااااالص وفقدتي حماسي وغيرتي موقعك !!!!!!!!!!!!!

ولما قابل صديق مشترك ، نزل شتيمه في ، انا اللي اتخليت عن مباديء وغيرت افكاري وراكبه عربيه اخر موديل ومعنتش باهاجم الحكومه !!! لما صديقي قالي كلميه وهديه ، قلت لا لا حاكلمه ولا هاديه ، لاني لو اتكلمت معاه حاردح له ، حاقوله تعالي بقي انت عايز مني ايه وانت بتعمل ايه ، واشغل الردح ، ولاني بحبه ولسه باقيه عليه مش حاقوله حاجه خالص وبس خلاص !!!!! واحد صديقي مالوش دعوه بالسياسه خالص ، او كان له فيها شويه وبطل وسافر ورجع وسافر ورجع وعمل فلوس ومركز وظيفي عالي جدا ، شافني قريب ، قالي الله ده اللي سمعته طلع صحيح وانت اتغيرت خالص ، وطبعا وراها تؤتؤتؤتؤ ، وابتدي يشرح لي ازاي اني اتخليت عن القضيه اللي كانت قضيتي واني مش مستعده للتضحيه وغيرت موقعي ومش عارف ايه ............ معرفش ليه مارديتش عليه وقلت له وانت عملت ايه او بتعمل ايه !!! معرفش ليه ماقلتش له ، معرفش ليه ماقلتش له زعلان من عربيتي ليه وانت راكب عربيتها تمنها تلت مرات ، لكن انت حلال لك لانك سافرت واتغربت وحوشت ، لكن الناس اللي كانوا مناضلين مفترض نفضل مناضلين ومضحيين وجرابيع وصعاليك واي حاجه غير كده نبقي انحرفنا وبعنا القضيه واتغيرنا خالص تؤتؤتؤ !!!!

ساعات برضه الواحد يتعكبل في حد مليان حماس وغالبا بيكون شاب ، يتكلم بحماس واندفاع وجراءه وتمرد !!! والله يرحم ايام الشباب ، طبعا اسمعه بهدوء واحاول مااخش معاه في صدام ، لان افكاره بريئه ساذجه حالمه ، لكن ساعات مايبقاش قدامي حل اخش معاه سجال ، وقتها يبص لي بصه عميقه معناها ، طبيعي تقولي اللي بتقوليه ماانت اتغيرت !!!!!!!! وطبعا وراها تؤتؤتؤ !!!


اصدقائي اللي من سني واكبر شويه واصغر شويه ، شايفين كل اللي شفته واكتر ، لكن مقررين مايشوفوش ، مقررين يكتئبوا وبس ، والاكتئاب رمز الثبات علي المواقف الثوريه السياسيه العظيمه ، انا مكتئب لان الحياه زفت والسياسه زفت وكل حاله زباله ، طيب انا بقي مش متنيله مكتئبه ، يانهار اسود ، مش مكتئبه ، الله معندكيش دم ماانتيش حاسه بالمصيبه اللي البلد والمعارضه والسياسه فيها ، انت مش مكتبئه ، لا ، طبعا ماانت اتغيرتي خلاص ، وبعدها طبعا تؤتؤتؤ الاستنكاريه !!!!


طيب ياجماعه
.... ياللي زعلانين اني اتغيرت ، تؤتؤتؤتؤتؤتؤ ، كنتم عايزين مني ايه ؟؟؟؟ كنتم عايزيني ابقي ايه !!! اعمل ايه !!! افضل جوه حزب التجمع وكده ابقي مااتغيرتش ، مااركبش عربيه اخر موديل لاني كنت بقيت برجوازيه ، اشتغل في مكتبي بس قضايا العمال والفلاحين ببلاش اما القضايا التانيه لا ، والا يبقي ده دليل علي اني اتغيرت ، تؤتؤتؤتؤتؤتؤتؤتؤ !!!!

للاسف انا فعلا اتغيرت !!!

كبرت وعديت الخمسين وفقدت حماس الشباب واندفاعهم وهوسهم وحمقهم وقله خبراتهم !!!
كبرت ومريت بتجارب موجعه وسيئه ومهزومه علمتني ان الحياه ليست احلام والسياسه ليست هوايه وعواطف وان التغيير يحتاج تضحيات كثيره جدا وليس كلام اجوف وهيصه !!!
كبرت واشتغلت كتير وربنا وفقني في شغلي وقدرت استر نفسي وعيالي واعيش عيشه لائقه معقوله او اكتر من المعقوله شويه !!!
لكني مازلت احب البلد وشعبها واتمني غد افضل ... واحاول بكل الجهد في العمل ومجال حقوق الانسان والمرأه والكتابه والتاثير الشخصي ان اكون انسان له قيمه ومعني ودور متواضع!!!
اذا كان هذا التغيير كريه وذنب وجريمه فانا معترفه بذنبي وجريمتي !!!

اذا كان هذا التغيير يغضبكم لاني تخاذلتم لماذا لا تخرجوا السيوف من اجربتها وتهرلوا لساحات المعارك!!!
اذا كان عدم اكتئابي يغضبكم فيؤسفني لااملك لكم شيئا ، اعيش حياتي رغم كل صعوباتها ومشاكلها والهم العام اعيشها سعيده راضيه ابذل كل مااقوي عليه من جهد بكافه الاشكال وفي كل المساحات الممكنه !!!
نعم تغيرت !!! لكن بدون تؤتؤتؤتؤتؤتؤتؤ !!!!!!!!!!

وعلي راي عبد الحليم حافظ
وختاما لك الف سلام ومحبه وشوق وغرام !!!!!
كلامي خلص !!!! لا لسه .... كنت اتمني الدنيا تكون غير الدنيا والواحد يفضل متحمس زي ماكان شاب ومصدق زي ماكان شاب والاحلام تبقي قريبه واخواتي تلبس وتاكل ومصر تبقي اعظم البلاد نهضه وحضاره وثقافه ودور اقليمي وعداله اجتماعيه وكنت مستعده - ومازالت - ااقدم اي حاجه توصلنا لده ، لكن مش ذنبي ان الاحلام بعيده وايدينا قصيره !!!!
انا اتغيرت اه ، مابقيتش صغيره ، لكن لسه متحمسه للحياه وباحبها ومتحمسه للبلد وباحبها ونفسي اعمل حاجه مفيده ومقدرش اعيش لنفسي بس لان مااستحق ان يولد من عاش لنفسه فقط !!! لكن باعيش علي قدر دماغي ماتوديني مش علي قد دماغ ناس تانيه ماتفكر وتقول !!!
علي فكره حاجات كتيره اتغيرت في لكن لسه متمرده وجدا جدا كمان !!!!!!!
وتاني علي راي عبد الحليم حافظ
ختاما لك الف سلام ومحبه واشواق وغرام !!!!!


20 أبريل 2010

وجه حقيقي والف قناع زائف !!!!




له وجه حقيقي واحد والف وجه اخر !!!


لا له وجه حقيقي واحد والف وجه مزيف ، يرتديها ويخلعها حسب الضرورات والاحوال والظروف ، وجوه مزيفه اعتاد عليها حتي يكاد ينس في لحظات ان وجه الحقيقي مازال موجود ، الوجوه المزيفه تقهره بالمحو احيانا وبالحصار احيانا وبالنسيان احيانا ، يكاد ينسي وجهه الحقيقي ويصدق الوجوه المزيفه ويؤمن بها ويدافع عنها ، لكن وجه الحقيقي المختبيء من الحياه وقسوتها وفظاظتها وغباءها يقفز احيانا امام المرآة يذكره بنفسه يظهر احيانا كظل يتبعه احيانا ياتيه في الحلم احيانا يظهر له في اليقظه ، يفاجئه ويفاجيء الحياه بظهوره ، وجه جميل لروح جميله ، لكنه يقهره بسرعه يخفيه عن الاعين ويرتدي فوقه واحد من تلك الاقنعه الكثيره التي يراكمها في خزانته !!!

اقنعة يبدلها حسب الاحوال والاوقات ، اقنعة مختلفه القسمات والملامح والتعبيرات ، كل منها يصلح لمناسبه مختلفه ، جميعها تنجح دائما في اخفاء وجهه الحقيقي وتبعد اعين المتلصيين والغرباء عن اغواره وداخلياته وحالته المزاجيه والنفسيه الحقيقيه!!!!
ولد بوجه حقيقي واحد مثل كل البشر ، لكن اوامر امه ونصائحها وحكايات زملاء المدرسه ونوادر جده وعادات وتقاليد القريه والشارع والحته والحي ، الدموع التي ضرب ليخفيها والشجاعه التي طلب منه ابداءها وسط خناقه المطاوي والصرامه المطلوبه مع اخوته البنات والصياعه المطلوبه في الشارع بين قرناءه والهيبه التي يلزم اظهارها في عمله حتي يلا أكلو عليه عيش ويحلوا بحلاوه طحينيه والقسوه التي يحب الادعاء بها امام الاخرين فلايظهر مشاعره ولا يبدي شوقه ولا يعلن حنينه واحتياجه اليهم والابتسامه التي يتعمد اخفاءها وقت تقترب عدسه الكاميرا من وجهه املا في صوره وقوره وسخيفه تمنحه مكانه مخيفه لايجروء احد علي الاقتراب منها ، كل هذا واكثر خلقوا له الف وجه مزيف والف قناع !!!!

وجه حقيقي واحد والف وجه مزيف !!! وجه حقيقي واحد يخبئه بالعمد عن اعين المتلصيين واعين الغرباء ، يخاف يفهمه الناس بشكل خاطيء ، يتصوره ضعيفا ، يعتبروا حنان قلبه نقيصه يعاير بها وسط الذكور الاشداء ، يعتبروا عطاءه حمقا فيطمعوا فيه ويستخفوا بقيمه عطاءه ، من سيفهم حقيقته ، من سيفهم شخصيته ، من سيفهم نقاط ضعفه قبل نقاط قوته ، من سيلتمس له الاعذار ، من سيربت عليه في حضنه صغيرا مفزوعا يحتاج للحنان والحب ، من سيقدر انسانيته فلا يعايره بها ولا يفضحه برقته ولا يشهر ببراءته وسذاجته ولا يسبه بدموعه التي تسيل ، من سيكتشف مواطن ضعفه فيسانده في التغلب عليها ولا يفعصها اكثر واكثر فيؤلمه ويوجعه ويبعثر امانه وطمأنينه روحه !!! اسئله لم يجد لها اجابات وسط اناس ادمنوا الجفاء والقسوه والغلظه ووحشه القلب !!! اسئله لم يجد لها اجابات فقرر يختبيء من الحياه التي لم تمنحه بعد مايستحقه ، يختبيء منها خلف اقنعه كثيره ، اقنعه تحميه من الشرور التي قد تطال وجهه الحقيقي فتمزقه فيضيع للابد !!! يعيش بالاقنعه ، يبدلها حسب الظروف والاحوال ومقتضيات الواقع !!!

حين يتحدث عن نفسه لا يصفها كانه لايعرفها ، بل يصف اقنعته المزركشه بالقسوه والجفاء والجفاف والسخف والهيبه البارده ،
يصف اقنعته وكانه يصف نفسه ، يصفها بمنتهي الفخر ،يدافع عنها حتي الموت ، اقنعته هي ذاته ، هي الوجه الذي يقدمه للعالم الخارجي المخيف ، من يهتك ستر تلك الاقنعه يجرده من اهم اسلحته ويتركه كصعفور صغير مكسور الجناحين وسط العاصفه العاتيه!!! وهو ليس بعصفور ولن يكون !!! لن يكون مثلما هو رقيق حالم طيب باسم معطاء ، لن يكون مثلما هو بسيط يحب الغناء والرقص والضحك والسهر ، لن يكون مثلما هو ، سيكون مثل الاقنعه التي يراكمها في خزانته بعيد كل البعد عن روحه ونفسه وشخصيته ووجهه الحقيقيين!!!
قالت له امه احذر النساء انهن الشر والخطيئه !!!
قالت له جدته ابتعد عن النساء انهن الغوايه والضعف !!!
قالت له الجنيه الشريره في الحلم ، لاتمنح النساء مكانا في قلبك يمنحوك مكانا في سرايه المجانين !!!
قالت له العرافه العجوزه لاتضعف امام النساء انهن القسوه يكسرن الرجل الضعيف بمنتهي البطش والبرود !!!
قالت له الحبيبه التي هجرها خسارتك في الاقنعه يااجمل وجه حقيقي رايته !!!

لكنه لم يصدق الحبيبه ولم يؤمن بكلامها ، وامن بامه وجدته والجنيه الشريره والعرافه العجوز واعد للنساء خصيصا عشرات الاقنعه المزيفه التي تخفي وجه الحقيقي ، نعم وجه الحقيقي يخبئه عن النساء ولن يكشفه لهن ابدا ، لعنه الله علي النساء ، تلك الكائنات الاسره الساحره التي تتحكم فيه بنظره عينها وتسيل لعابه بالوشم علي كعبها وتثيره باريج انفاسها وترهقه ببعادها وتسعده باقترابها وتضعفه بحنانها وتؤلمه بغرامها ، لعنه الله علي النساء ، تلك الكائنات التي خلقها الله ليحبها ويهيم بها وفيها لكن الحب لعنه اللعنات ، الحب ضعف يكسر اعتي الرجال ، الحب سحر يسلبهم عقولهم وقوتهم وصرامتهم وكرامتهم ، الحب جنون ، فكل العشاق مجانين واسالوا عنهم صفحات الغرام التي وصفت حبهم وغرامهم وجنونهم وحمقهم وتهورهم ، لعنه الله علي النساء ، تشكو من الرجال وشدتهم وقسوتهم وجموحهم وجنونهم وحين يصادفوا رجل رقيق حالم حنون يتحكموا فيه ويخذلوه وينالوا من هيبته ويجردوه من قوته ، لعنه الله علي النساء ، خصص لها الف قناع صارم موحش بارد قاسي رزين صامت جاف ، اما الوجه الحقيقي ذلك القلب الذي ينبض والمشاعر التي تشتعل والاحاسيس التي تتوهج والدموع التي تسيل من الوجد وعنف الغرام ، ذلك الوجه لن يظهر ابدا ابدا للنساء!!! لعنه الله عليهم جميعا !!!!

ويوما بعد يوم ، تتحول الاقنعه لجزء من نفسه ، بل تتحول لنفسه ذاتها ، يوما بعد يوم ينسي روحه ونفسه وذاته ويتذكر الاقنعه وملامحها وقسماتها وتعبيراتها ، يوم بعد يوم تحتله الاقنعه الزائفه وتطرد نفسه الحقيقيه ، تحتله الاقنعه الزائفه ويسكنها ويعتاد عليها ويستسلم لها ، يوما بعد يوم ، يتحول هو لكل الاقنعه المزيفه التي راكمها في خزانته ، يتحول هو لكل الاقنعه ، ويئن الوجه الحقيقي من الضغط والحصار ويتالم من التجاهل والنسيان ويشكو القهر والقسوه ، لكن الاقنعه المزيفه تنتصر دائما ، في كل موقف يخوضه تتعارك نفسه الحقيقيه ووجها مع كل الاقنعه المزيفه ، تتعارك معهم لكنهم ينتصروا عليها ويقهروها ، وقت الطيبه لاتكن طيب بل قاسيا غليظ القلب ، وقت العطاء لاتعطي بل ابخل بالعطاء والمنح ، وقت البوح لاتتكلم واصمت ولاتكشف اسرارك وادعي غموضا مخيفا يرعد الاوصال ، وقت الحنان لاترق ولا تكشف مشاعرك وكن قاسيا بليدا صارما غبيا ، الاقنعه المزيفه نجحت في قهر وجهه الحقيقي وحصاره!!!

فقط عجزت الاقنعه المزيفه تقهره وقت يدخل في حضن الحبيبه ، في حضنها لايكون الا الوجه الحقيقي ونفسه ، يكون رقيقا مع روحها عطوفها مع مشاعرها ، يكون معطاءا يمنحها السعاده ويسعد لسعادتها ، يكون محبا مشتاقا لايخفي مشاعره ولا يكبت احاسيسه ، يكون مبتسما امنا مطمئنا ، فقط في حضن الحبيبه يكون نفسه ، فقط في حضن الحبيبه يستعيد كل انسانيته ، تحرره الحبيبه من اقنعه الزيف وزيف الوجوه ، في حضن الحبيبه يخلع اقنعته وشوك جلده وصقيع بروده وينهل من حنانها ودفئها ويتوهج وتتوهج !!! لكن الاقنعه المزيفه لاتقبل مايفعله فيها ، حين يتركها علي عتبه الحبيبه خارج الباب ، لاتقبل ضعفه امام تلك السيده التي تكشف جمال وجهه الحقيقي وتسعد وحدها دون العالم كله بذلك الرجل وحقيقته الجميله!!!

الم تنصحك امك ابتعد عن النساء ، الم تنصحك جدتك اتقي شرهم ، الم تنصحك الجنيه الشريره خاف منهم ، الم تنصحك العرافه العجوز بالا تمنحهم مكانا في قلبك ، لكنك لم تسمع الكلام ولم تنتبه للنصيحه ولم تفهم الرساله فوقعت اسير الشرك ودخلت الكمين بنفسك واستسلمت لغرام تلك السيده ومشاعرها وعريت روحك امامها وكشفت مواطن ضعفك وعرضت نفسك ومازلت تعرضها لكارثه الغرام!!!! انتبه !!!!


و........... قاومت الاقنعه المزيف الحبيبه وسحرها ، حاربت الاقنعه المزيفه الحبيبه وتاثيرها ، وفي النهايه ، انتصرت الاقنعه المزيفه علي الوجه الحقيقي ، فهجر الحبيبه التي بكت وقت فراقه وصرخت عله يسمعها "خسارتك في الاقنعه يااجمل وجه حقيقي رايته" لكن الاقنعه المزيفه اغلقت اذنيه واصمت قلبه فلم يسمع ماقالته الحبيبه ولم يعيه ابدا!!!


خرج من حضن الحبيبه ميت جثه بلا وجود حقيقي بلا شخصيه مميزه ، خرج اراجوز بهلوان تتسلي به الاقنعه المزيفه وتلعب به وتلاعبه ، خرج من حضن الحبيبه فمات!!!!
اما بقيه ايام حياته عاشتها الاقنعه المزيفه بدلا منه !!!!
ان صادفتوه في الشارع لاتنزعجوا من حاله بل اشفقوا عليه فقد قتلته الاقنعه المزيفه وعاشت بدلا منه!!!
لاتنزعجوا من حاله بل اشفقوا عليه !!!
فهو الان لايستحق الا الشفقه والشفقه فقط !!!!


18 أبريل 2010

اهواك .. اكثر .. واكثر !!!!!




نجمة ساطعه صغيره شاردة تتوهج في اخر دقائق الليل الراحل
وانا مستغرقه في النوم اصارع الكوابيس
تبرق في السماء البعيده كانت هنا من الوف السنوات الضوئيه وانفجرت
تلاشي بدنها وبقي سطوعها وروحها
بقي خيالها في السماء كانها موجوده
تعيش وتتنفس وتسطع وتخفت
نجمه صغيره شارده تتحدث تصرخ وتنادي

من بعيد جدا اخاطبكي
من زمان جدا اخاطبكي
اسمعيني !!!

نجمه ساطعه صغيره شارده في السماء البعيدة تناديني ،
تهمس باسمي ، تدللني ، توقظني من احلامي السعيده ..
تداعب غفوه النوم تبددها ، تلح علي اليقظه لتتمكن من وعيي ..
تنتظر بوجل هلة الفجر في محرابها يجبرها تلم اشعتها واسرارها وترحل ..
تناديني و تهمس تغني بصوت رقيق كانها شمعه تحترق وتضيء وتونس ..
احمل لك سرا قديما لااقوي علي كتمانه حتي الليل القادم
في الحلم تأتيني وتصحبني بعيدا عن عوالمه الورديه
تعيدني لليقظه وتنتصر علي غفوتي وعلي بقايا احلامي
تخرجني من دفء فراشي لدفء حديثها الحاني
تتركني علي حافه نافذتي بجوار الريحانه العتيقه
تسطع اكثر واكثر تقص علي اخر اسرارها قبل الغياب
من الوف السنين اعرف ان عاشقك سيناديني وسيناديك
رسمت وجهه علي وجهي كي احفظ ملامحه ولاانساه
قبل ميلاده هامت روحه بجواري في باحه العشاق في السماء السابعه
اسرت لي بما سيحدث بعد الوف السنين
قالت لي روحه في زمن قادم بعيد لم ياتي بعد وتقصد زمنك وايامك
ساسكن بدن رجل محب طيب حنون سيخلق بلا قلب
نبضاته ستسرقها قبل ميلاده روح مشاكسه
ستاخذ قلبه رهينه للوفاء والاخلاص والعشق
روح متمرده تشاكسني ولا تلعب معي
ستسكن بدن امرأه خلقت للعشق
قالت لي روح المحب بكل اساها وقت اسكن بدن المحب
لاتنسيني ولاتنسي عشقي وغرامي لمن خلقت للعشق
ناديها وقصي عليها سر وجودي الذي خلق قبل الوجود
قصي عليها سر هيامي وحنيني وغرامي
اساليها العتق والعطاء
قالت لي روح المحب يانجمه السر الوفاء بالوعد اعظم العطايا
قولي لها عني وحدثيها
واعرفي انك وقت تخاطبيها في بهيم الليل عني في ليله الوعد وكشف الاسرار
ساكون اسيرة بدنه احترق اشتياقا لوجهها لصوتها لنظره عينيها
ساكون في بدنه علي مقعده الهزاز في الشرفه
اسمع اغنيات الوجع والشوق وانين الناي ونواح البلابل
سابكي بالدموع حنينا وشوقا لامرأة خلقت للعشق
تلك المرأه التي لاتعرفني

وقدري الازلي الاسر في حدقتيها وكفيها وحضنها الدافء
قدري اتمناها ولاتشعر بي انتظرها ولا تاتي احبها ولا تدري
حين تخبريها بسري
اخبريها ان الحب قدر لااختيار وغرق حنون في لهيب النار
وطلسم غامض يفوق كل الاسرار ، اخبريها اني تمنيت منها الف فرار
وعجزت عن مبارحه عينيها وعن كل قرار
اخبريها ان روح عاشقه احتلت بدن محب منذ الوف السنين
وقفت علي نافذتها يمامه بيضاء تتمني الوصل والوصال
بكت النجمه الساطعه وتناثرت دموعها قطرات ماسيه لامعه في السماء
شرحت لي لايبكيني الا العشق
فالحزن يزول والهم يتبدد والوجع يرحل
الا لعنه العشق ازلية توهن العاشق ولا يتمني من قبضتها وقضبانها الفرار

رجتني النجمه الساطعه الصغيره يامن خلقت للعشق اخرجي للنافذه
ابحثي عن وجه العاشق وروحه معذبين في فضاءك
وحين تجديه وتجديها
امنحيهما عزاء التحمل ومكافاه الهيام
انصتي لمواويله
امسحي دمع قلبه
ردي اليه نبضاته
واسقيه من حنانك ما يروي عطش وانتظار الوف السنين
نقرت اليمامه البيضاء في زهيرات ريحانتي العتيقه
وسطعت عيناها بوهج حنون
اخرج في نافذتي ابتسم للنجمه تتوهج اشعتها حكي وكلام
اسمعها في الليل الصامت تشرح وتقول
احمل لك سرا سحرا صمتا بليغا همسا حنونا وامنيه ورجاء
افيقي و كفاك نوم ....
فالعاشق مستيقظ لم يغمض جفنه ينتظر حلمك السعيد يحتله يقظا ونائم وميت
يحدق في ظلمة الليل ينتظر وجهك يشرق في خياله اجمل من كل الاقمار
سهران ارق غادرت السكينه نفسه يتمناك في حضن عيونه لاتغادريه ولا يعتقك
افيقي ياانت وكفاك نوم
فالعاشق منذ الوف السنين يقظا ارقا لم ينم
اراه يفكر فيك ، يستدعيكي في خياله المشغول بوهجك
اسمعه يناديك ، يناجيك ،
يرسم ملامحك فوق جدرانه قمرا وناس
يحدق في خطوطه يكرهها اقل منك جمالا واقل حضور
يناديك ثانيه ، تعالي فوق جدراني واسكنيها واسكنيني
يناجيك ثانيه ، تعالي وامنحيني املا بابتسامتك المرمرية
بددي وحدة الليل الطويل وامليئ ليلي بمشاعرك الحانية
تعالي واسكنيني احتلليني
وفي حضنك من كل الوحشه والوحده خبئيني
بعيده انت عن مناله وبعيدا هو عن منالك
هائما حيران
يتمناك ولا تاتي ولا يتقدم صوبك
يسمع اغنيه انت كل حروفها ونغماتها واهات الشوق فيها
افيقي ياانت ...
فالندي علي شباكك دموعه وقصائده
والكروان يبتهل لله بصوته احبيني
والفجر يشاكسه ويتركه في اليقظه وحيدا
لاتمنحيه حتي في اجمل الحلم وهم غرامك
افيقي ياانت واستيقظي كفاك كل مامر وفات
صرخت النجمه ورحلت !!!
بقيت اليمامه علي نافذتي تنقر في زهيرات ريحانتي العتيقة
كانها تكلمني
ترفرف باجنحتها
كانها ستحملني فوق ريشها الناعم
وتلقيني في حضنها الحنون
ابتسم لها تغني امد لها كفي تنقر فيه بفمها وتبكي
فلا يبكي العشاق الا كف ممدوده تمنحهم الامل في اللقاء
اقبل اليمامه علي راسها فتنتحب فرحه
فالليل ونجمته الساطعه وريحانتي العتيقه
منحوها ماكنت تتصوره مستحيلا منحوها املا في الغرام
تنتحب وتقبل راسي وتحلق بعيدا تهمس في اذني
حين تسطع نجمه السماء احبك
وحين تغيب اهواك اكثر واكثر
يامن خلقت للعشق سيقابلك في حياتك الف عاشق
سينظمون القصائد ويكتبون الاغاني ويرسمون القلوب
سيسشعلوا شموعهم ويحضروا ورودهم وتحت نافذتك يحرقوا بخورهم
سيحاصروكي سيلاحقوكي سيطاردوكي
جميعهم احباء
لكني انا العاشق المتيم
التي اسرت روحك روحه قبل الوجود بوجود
لن اتكلم مثلهم لن اغازلك مثلهم لن اشعر فيكي مثلهم
لن اقول لك معسول العبارات وحلو الكلمات مثلهم
لكني انا العاشق الهائم
لاتضعيني وسطهم ولا تستخفي بي مثلهم
ولا تسمعي نبضات عشقي كمثل كلماتهم
فانا العاشق المحب
وانت الروح التي اسرتني قبل وجودي ووجودهم !!!
غابت النجمه الساطعه وحلقت اليمامه البيضاء بعيدا
وبقيت الروح المحبه تسكن ريحانتي العتيقه وتسكنني
مااسعد الوجود بقلب ترك العالم كله ليسكنني !!!!
هكذا همست لنفسي
فسطعت النجمه الصغيره بسرعه وسرعان مااختفت للابد !!

17 أبريل 2010

زهرتان مختلفتان !!!!




( 1 )
البركان

يختزن ويختزن !!!
تمر ايام وسنين لا يفرغ ما يراكمه ببدنه بجوفه
كلما بدا وكأن سيفيض يدهش الحياه وابناءها ويراكم من اول جديد مالايتصور انه يتحمل تراكمه مره ثانيه
يختزن ويختزن
صامت هو ؟؟ ساكن ؟؟؟ نائم ؟؟؟ يبدو ويبدو فكل مايعتمل بداخله لايبدو علي السطح
سطحه لايظهر ما في باطنه وما في باطنه لايظهر علي قسماته الخارجيه
يتحمل ، نعم هذا تعبير دقيق ، يتحمل ، يتحمل التراكم يتحمل الصمت يتحمل السكون
لكن التفاعلات الداخليه والحراره المتصاعده المنبعثه من بدنه الملتهب تكاد تلتهمه تفجره تخرق صمته وسكونه
ترفع عنه غلالات الخديعه التي تخدر الحياه وقت تنظر اليه
هو لايدعي تحمل بل هو يتحمل فعلا مالا يتحمله اخر
يتحمل الانفجارات الداخليه ببدنه التفاعلات الكيمائيه بين عناصره المتناقضه
يختزن ويبقي مابداخله بداخله !!!
هو صامت لكن مابداخله لايصمت
هو ساكن لكن مايتصارع في جوفه لايسكن
هو هاديء لكن الصخب الداخلي يصم الاذان لكن احد لايسمع لان الخديعه تسرق وعي ولب الجميع
لايعبر لايفصح لايتمرد علي الناموس المنظم لاحواله
مستسلم مستكين هكذا يبدو للبلهاء للاغبياء لمحدودي القدرات لعديمي التصور
يبدو كأن قدره الا يفهمه احد !!!!
هل اتكلم عن بركان تموج في احشاءه الحمم !!!
لا... اصف رجلا صبور لم تمنحه الحياه رفاهيه الشكوي ولا التذمر !!!!
تعلم من الجمال الصبر والمثابرة
تعلم من الصحراء التعايش مع الجفاف واشواكه
تعلم من الالم المكابره والعند
تعلم من الهم ادمان المرارة واعتياد تجرعها
تعلم من الوحدة قراءه تلافيف العقول
وصراخ الامنيات الحبيسه
تعلم من الاغاني الا يصدق مايسمعه
تعلم من السيدة التي قهرت قلبه الا يسلم قلبه لاخري !!!!


( 2 )
الفيضان


هي الجذر والجذر
لاتعرف المد ولا تمارسه
تتراجع بانتظام وبهدوء وصمت
تتراجع باراده وبلا اراده
تترك خلفها خواء لانتظر فيه
لاتكترث باثار تراجعها ولا نتائجها
وهل تملك الشمس الا تغيب
هل تشفق علي عشاقها من وحشه الليل
وهل يملك الصباح الا يرحل
هل يتعاطف مع محبيه المدمنين لهلته
هي مثلهم
تتراجع وتتراجع
حين ياتي وقت تراجعها تتراجع
تترك الساحه لاشباحها وتختفي
هي فيضان قرر الانسحاب
مثل الموجات الصغيره تختفي في لحظه الجذر
جذرها هي ممتد لا مد له
حين تعود وتتراجع لاتتقدم ثانيه
سالها كثيرين لماذا تتراجعي وتتركي معاركك بلا انتصارات
لم تجيبهم لكنها تعرف ان انتصارات المعارك مثل هزائمها كلها اوجاع
وهي تتراجع تخاف الوجع ولا ترغب في انتصار ملوثا بدموع التأوه وحزن الاخرين
كانت تري المعركه ستبدأ فتطفيء نيرانها بماء جذرها وتتراجع
تترك الاسنه مشرعه والنصال مسنونه
وتتراجع
من علمها التراجع ؟؟؟
هل علمها البحر الذي طالما بكت في حضنه المالح التراجع
هل علمها النهار الذي يرحل مستسلما لليل بلا مقاومه
هل علمها الصمت الذي يقتل الضجيج ويكتم انفاسه
هل علمها الحزن الذي يغالب الفرحه ويغلبها
من علمها التراجع
هل مراره الانتصارات المغموره بدماء المهزومين
هل كسره العين وكسره القلب التي تلمحها والمهزوم يرفع الرايه البيضاء فتكره الرايه البيضاء وتكره نفسها
هي الجذر والجذر
هل علمها التراجع رجل اقبلت عليه فوصمها بالجنون
ولم يفهم فيضان مشاعرها ولا مد احاسيسها وخاف من تدفقها فاخرسها
هل علمها التراجع حبيب منحته حبها فلم يفهمه وحاكمها بمعايير الاحترام الاجتماعي والنفاق
وحين ادانها اعطاها ظهره
كادت تنشب في وجهه اظافرها ثم قررت الا تفعل ومالذي ستفعله بوجه تسيل دماءه
لايلزمها ولا تحتاجه
من علمها التراجع ؟؟؟
القسوه ، الايام الموحشه ، الدموع التي لم تجد منديل يمسحها فتصخرت علي وجهها ملامح وجع دائم
من علمها التراجع ؟؟؟؟
الفيضانات العذبه التي انبثقت من روحها فلم تصادف الا صحراء جرداء لاترتوي الا بالملح
الامطار الاستوائيه الجارفه التي انهمرت من نفسها
فسقطت فوق الصخر وانزلقت فوق طحالبه اللزجه ولم تثمر خصوبه وفرحه وغابات !!
علمتها الايام التراجع !!!
هي الجذر وكيف يكون الجذر مدا
وهل يكون الجذر الا نفسه
تعلمت التراجع من رجل اعتبر انتصارها هزيمه وهزيمتها انتصار
فلم تدخل معاركه وقبعت في تراجعها امنه مطمئنه !!!
آمنت شره وحمت نفسها وتراجعت وصمتت !!!


( 3 )
الشوق


اشتاق للبوح للانفجار
يتمني احجار تحترق بلهبه فتتحول ماسا براقا في الظلام
يتمني حممه تحرق الارض فتزداد خصوبتها ويطول عمرها ولاتشيخ ابدا
يتمني يبوح يتكلم ينتفض يتمرد يغضب
اشتاق للانفجار
كل التفاعلات الكيميائيه بداخله وصلت ذوره جنونها
وصار الانفجار ضروره
حمم ولهب مصهور وعواطف فياضه وشوق جارف
وحيااااااه يتوق لعيشها يفرغ مخزون نفسه ويبرء من الصمت والسكون ويعيش !!!!


اشتاقت للمد وكرهت التراجع
متي ستقول
متي ستعيش
متي ستفيض
متي ستتحقق
تختبيء في كهف مهجور والحياه حولها
تهزم في المعارك التي ستنتصر فيها لولا تراجعها
تشفق علي الضحايا ولا يشفقوا عليها
يهزموها بلا معركه وتترك لهم ساحات معاركهم نظيفه بلا قطره دم واحده
لكنهم لايتركوها وشأنها
اشتاقت للمد
الا تشتاق لامطاري ارض عطشي ؟
الا تشتاق لفيضاناتي صحراء جافه ؟؟
الا يشتاق لاقبالي قلب وحيد كره الوحده التي اعتقلت روحه
وانتظر القدر يرسل له ملاذه منقذا مقداما
كرهت الجذر وقررت تتحول مدا جارفا
لن تترك ارض الا وتغزوها
لن تترك معركه الا وتخوضها
لن تستبدل انتصارا سهل بهزيمه مريره تشتريها بتراجعها
حان وقت المواجهه !!!
حان وقت الحياة
ستعيشها فاعله ايجابيه وكفاها سلبيه وصمت وتراجع !!!!


( 4 )
التمرد

هل كانت تعرفه ، لماذا ارتجفت وقت شاهدته !!!
احسته سينفجر فيها لا محاله !!
كادت تفر من امامه وتختبيء كعادتها بعيدا !!
لكنها سأمت التراجع وكرهت نفسها
حان وقت التمرد
ستغزوه ولينفجر
هذا افضل لهما معا
تسمع صوت مراجله ترغي وتزبد
تسمع صوت لهيبه يفح انتظارا للعتق
حدقتاه تضيق ، اشاره الانفجار قد اطلقت
يرسم صورتها صوره روحها في قلبه
من اجلها سينفجر
من اجلها سيتبعثر شظايا وحمم
من اجلها سيخرج مكنونات دواخله ويتحرر
سينفجر فيها ومن اجلها فيبرء من همومه الدفينه ويعيش
سيحبها وليحدث مايحدث !!!!


هل كان يعرفها ، لماذا ارتبك وقت شاهدها !!!
كاد يرجع خطوتين للوراء
عيناها تقول وتقول وهو فهم كل الرسائل
عيناها تقول لن اتركك وحالك ولن تصمت بعد اليوم
لن اسمح لك بانفجار عبثي عشوائي
انفجر في ومعي
عيناها تقول وتقول ، تتوعده ، تتوعد الحياه
لن اتراجع ولن انهزم ولن اراكم اوسمه المواساة
ساغزوك ساقتحمك سافجر دفينك واوجعك فتتخلص من الوجع
يفهم ماتقوله !!!
يفهم مالم تقوله !!!
نعم ساقول وتقولي
سابوح وتبوحي
سانفجر وستتقدمي
سنعيش وكفانا صمت وتراجع
وصلته رسائلها وقرأها وفهمها واستوعبها
حان وقت التمرد
سانفجر فيك واحبك ونعيش تقدمي صوبي ولاتفري من حبي وغرامي


( 5 )
تلاقي
هما هي وهو
ظواهر طبيعيه متناقضه
لايفترض تتلاقي
بركان ثائر وجذر متراجع
وحنين للتمرد وشوق للحياه

تلاقيا
ظواهر متناقضه لاتشبه بعضها
لاتكمل بعضها البعض
ليسوا ليل ونهار
ليسوا غروب وشروق
بركان وجذر
جملة غريبه معووووووجه
جمله لايليق مبتدئها علي خبرها
ولا يفصحا عن اي معني
جمله غريبه وهما اغرب منها
لكن من قال ان لجمل اللغه العربيه اهميه في مواجهه اشواق جارفه
بعثت من رماد البركان ولهيب حممه وفيضانات الاقدام وساحات المعارك


تلاقيا
ظواهر متناقضه
كان يتعين الا يلتقيا
رجل سينفجر فيها بقوه
وسيده ستجتاحه بسرعه
انه الاصطدام الاعظم
قلبين جسدين روحين شوق جارف حنين فياض
تناقض جنون سكون صمت صخب
تلاقيا ولم يحتاج ادراك كل منهما لحقيقه الاخر اكثر من ثانيه
ثانيه كشفت السر والعذاب
كشفت التناقض والانجذاب
كشفت الغموض والبرءاه
كشفت الاوهام والاحتياج
كشف وجود ذلك الرجل في عين تلك السيده
ووجود تلك السيدة في مهجه ذلك الرجل
اللعنه علي تلاقيهما
لقائهما انفجارا مدويا مخيفا صاخبا
هل يعرف اي منا كيف انشطرت النواه التوويه
هل كان بركان حارق وفيضان هادر
ورجل وامرأه لم يجمعهما الا التناقض والتنافر والوجع
والاحتياج للحب الحقيقي !!!!!!!!


( 6 )
لقاء حقيقي

عجبا للجغرافيا
ليس لها ماضي مثل التاريخ
ولا قوانين مثل الفيزياء
ولا قواعد مثل اللغه العربيه
عجبا للجغرافيا
لاتحتاج رموز مثل الجبر
ولامثلثات مثل الهندسه
ولا جدول ضرب مثل الحساب

عجبا للجغرافيا
لاتحتاج حفظ وتكرار مثل المحفوظات
ولا تحتاج مفتاح صول مثل النوته الموسيقيه
ولاتحتاج ابره وخيط مثل التدبير المنزلي

عجبا للجغرافيا
لم تحتاج من بطلنا البركان وبطلتنا الفيضان
الا لقاء حقيقي صادق
انفجر البركان وتساقطتت حممه تحرق الماضي الموجع وتخلق من تحت الرماد حياه جديده
انفجر الفيضان وغمرت مياءه البدن الملوث بهم الزمان وغسلت الروح من مرارتها فبعثت حياه جديده

( 7 )
الحب

انه الحب
كلمه من ثلاث حروف بلا اي معني
لكنها كل المعني وكل الحياه
لم يعد البركان المشتعل بركانا
ولم يعد الفيضان المتراجع فيضانا
وانسدل شعر المرأه فوق كتفيها وابتسمت في حضن الرجل المحب
فقبلها فقبلته فتغيرت القوانين والقواعد والخرائط والظواهر الجغرافيه
وتعافيا !!!


( 8 )
الانتصار

تحول البركان لابتسامه وزهرة
وتحول الفيضان لفرحه وزهرة
وتحول الرجل المحب والسيدة المحبة لزهرتين
وانتصر الحب الحقيقي علي الجغرافيا وظواهرها الطبيعيه المخيفه !!!!