يوم 29 يونيو 2013 ، اشتريت لحفيدي علم صغنن قده ....
وقعدت اهتف في العربية ، ارحل ارحل ، مصر مصر ، وهو يرد ورايا ، الحل الحل مصل مصل ..
وبقي بعد كده كل مايشوف مظاهرات 30 يونيو ، يهتف ويحرك العلم ، الحل الحل مصل مصل ..
ليه كنت باعمل معاه كده ؟؟
كنت عايزه اقولك لما يبقي راجل طول بعرض انه كان جزء من تاريخ مصر وشارك في صناعته ، كنت عايزاه يحس بقيمه العلم وقيمه مصر ، كنت عايزاه يفخر بأنه شارك في ثوره وطنه للتحرر من الاحتلال الاخواني ..
وكبر حفيدي حبة وبقي بيعرف يقول مصر مصر ، وكل مايشوف في قناه تلفزيونيه صور ل 30 يونيو ، يهتف بصوت عالي مصر مصر ويدور علي العلم ولما مايلاقيهوش ، يعيط ، مالك ياحبيبي ، عايز العلم علشان اقول مصر مصر ...
يسلم حسك ياحبيبي وتسلم انت ومصر ...
علموا اولادكم وابناءكم الوطنيه فمصر المستقبل تخصهم وعليهم يتعلموا الا يضيعوها ...
علموهم يرفعوا العلم ويهتفوا بأسمها ، مصر مصر ، مصر مصر فهذا الذي حافظ علي مصر طيله التاريخ وسيحافظ عليها كل المستقبل ... مصر مصر ، مصر مصر ...
اسكتوا يامصريين ....... مش طلع قفا الواد الارهابي اللي اتلسع عليه وهو بيتقبض عليه امبارح ، اهم من موت محمد ابو شقره ومحمد المبروك واللوا نبيل فراج ، اهم من موت طقم الطياره الهليكوبتر ، اهم من موت مريم في كنسيه الوراق ، اهم من ضباط كرداسه ، اهم من الضباط اللي اتقنصوا وقت فض اعتصام رابعه والنهضه ، اهم من الشباب اللي اترمي من فوق الخزان ، اهم من ضباط مديريه امن المنصوره وعساكر مديريه امن القاهره وجنود معسكر الامن المركزي في السويس ،اهم من الكنايس اللي اتحرقت واتدمرت ، اهم من دكتوره الجامعه اللي قلعوها هدومها ، اهم من الحرس الاداري لامن جامعه القاهره اللي اتلموا عليهم وضربوهم وولعوا فيهم ، اهم من عميده الجامعه بتاعت الازهر اللي كسروا الاوضه عليها ، اهم من مكتب عميد حقوق اللي كسروه ورموا اوراقه من الشباك ، اهم من حياه نهي السكندريه اللي اتقلت ب 116 طعنه لانها رفعت علامه تمرد ، اهم من العسكري اللي احتجزه طلبه الازهر ورموه من الدور الثالث ، اهم من ضباط اقسام مصر اللي اتقتلوا علي مكاتبهم واهم من ضباط السجون اللي اتقتلوا وهما بيدافعوا عن السجون ماتتفتحش ويتهرب المساجين ، اهم من ضحايا كنيسه الوراق اللي اتضرب عليهم رصاص وهما بيحتفلوا بفرح ومات اطفال صغيرين والجاتو لسه في بقهم ، اهم من سواق تاكسي المنصوره اللي اتدبح لانه رفع ايديه بعلامه النصر ، اهم من سواق تاكسي اسكندريه اللي مات مقتول لانه زمر للمظاهره الارهابيه تفتح له السكه يجري علي اكل عيشه ، اهم من الجنود اللي اتقتلوا في رفح وهما لسه بيفطروا والادان بيقول الله واكبر ، اهم من الجنود اللي اتحرق بيهم الاتوبيس وهما لسه مروحين في الاتوبيس بعد ماخلصوا تجنيدهم ، اهم تفجير مديريه امن الدقهليه ومحاوله تفجير مديريه امن القاهره وتدمير المتحف الاسلامي ، اهم من كل الارامل اللي مات رجالتهم وهما بيدافعوا عن مصر ، اهم من كل اليتامي اللي مات ابائهم وهما بيدافعوا عن مصر ، اهم من كل الاباء والامهات اللي قلبها اتحرق وضهرها اتكسر بعد مامات اولادهم زينه الشباب وهما بيدافعوا عن مصر وفي جيشها وشرطتها ، اهم من الطياره اللي اتضربت بصاروخ ومات فيه 6 رجاله من ابطال مصر ، اهم من طلبه الحقوق اللي دخلوا عليهم لجنه الامتحان وكسروا اللجنه عليهم ، اهم من ابن جابر نصار اللي اتضرب المولوتوف في الجامعه وشالوا له الطحال ، اهم من طلبه الجامعه اللي اتقتلوا في الجامعه في القاهره والازهر ، اهم من المحلات اللي اتكسرت واكل عيش الناس اتدمر ، اهم من العربيات بتاعت الناس اللي اتحرقت وهما لسه ماسددوش اقساطها ، اهم من مصر كلها وشعبها كله ...
اسكتوا يامصريين ، مش طلع قفا الواد الارهابي اهم من مصر !!!!
صدق من قال ، ان لم تستحي فافعل ماشئت !!!
وصدق من قال ، تري القشه في عيني ولاتري الشجره في عينك !!!
هو الضرب علي القفا بيوجع ؟؟؟ فيه ناس زعلانه لان ضابط شرطه لسع ارهابي علي قفاه وهو بيقبض عليه .. طيب ممكن اسئله بريئه هو الضرب علي القفا بيوجع او يهين الكرامه ؟؟؟ بيوجع او يهين الكرامه اكتر من ضرب المولوتوف ؟؟؟ اكتر من رمي الشباب من فوق الخزان وتكسير عضمهم وقتل اللي لسه فيه الروح منهم ؟؟؟ اكتر من وقوع مديريه امن المنصورة فوق راس الضباط وتحطم عضام رؤوسهم تحت الانقاض ؟؟؟ اكتر من وجع ميه النار اللي اداها الارهابين لامين الشرطه اللي كان لسه عايش في مذبحه كرداسه وطلب يشرب ميه وهو بيطلع في الروح ؟؟ اكتر من حرق اتوبيس الجنود بالجنود في رفح وهما مروحين بعد ماخلصوا تجنيدهم ؟؟؟ اكتر من قطع راس التاجر القبطي في العريش عن جسمه ؟؟ اكتر من قتل مريم في كنيسه الوراق بالرصاص اللي فرتك جسمها ؟؟؟ اكتر من قتل العساكر والضباط وقت الفطار في رمضان والرز لسه في بقهم ؟؟؟ اكتر من قتل الضباط في الاقسام والسجون ؟؟؟ اكتر من اغتيال بالالي لشرطه وجيش ومدنيين ؟؟؟ ياللي زعلتم لان المجرم الارهابي اتلسع علي قفاه بالقلم ومازعلتوش علي اي حاجه تانيه عاشها كل المصريين ، قولوا للارهابيين يبطلوا يضربوا الي وخرطوش ويحرقوا عربيات الشرطه وعربيات الناس ويكسروا الرصيف ويحدفوا الناس والشرطه بالطوب .. بدام زعلانين قوي كده ماتقولوا لهم يبطلوا لو قفاهم عزيز قوي كده وبيزعلوا عليه قلمين تلاته عليه ؟؟ والبادي اظلم ... علي فكره حقوق الانسان لكل الانسان ، او مافيش حقوق انسان لكل الانسان علينا توحيد قواعد اللعبه والبادي اظلم
في ذكري 25 يناير .. عايزه اقول كلمتين مهمين من وجه نظري بس لازم وانا باقولهم ، لازم اميز بين موضوعين كبار قوي ...
الموضوع الاول .... بين ناس مصريين وطنيين نزلوا يوم 25 يناير ومابعدها لانهم بيحبوا مصر وكانوا بيحلموا لها بمستقبل اجمل ، وعارفين ان مافيش قياده سياسيه لكن نازلين وبيرددوا شعارات سياسيه فضفاضه محدش يختلف عليها ... ده موضوع...
و
الموضوع التاني ..... بين مؤامرة امريكيه اخوانيه ، كانت عارفه انها مستحيل تتنفذ الا بنزول الملايين الوطنيين الشوارع ، علشان كده عملوا كل حاجه لحشدهم في الشوارع ، من اول اخفاء هويتهم السياسيه لغايه رفع شعارات عامه مجمعه محدش يختلف عليها ، لغايه استخدام كل التقنيات الفنيه للتزوير والتزييف بشأن عدد اللي نزلوا وتحميس اللي مانزلوش ينزلوا ، مؤامره امريكيه لتقسيم الشرق الاوسط ومصر ، مؤامرة استخدموا فيها الاخوان في كل حته ( مصر ، سوريا ، ليبيا ، تونس ، اليمن) لتنفيذ المخطط والمؤامرة ...
لما بنقول مؤامرة امريكيه اخوانيه مش بنقصد اي اهانة للملايين المصريين الوطنيين اللي نزلوا الشارع واللي استخدموا من الاخوان لتنفيذ المؤامره الامريكية بالعكس خالص احنا بنقول لهم انتبهوا انتم شاركتم في مؤامره ضد وطنكم من غير ماتنتبهوا ومن غير ماتاخدوا بالكم ، انتبهوا علشان ماتستخدموش تاني ضد بلدكم اللي بتحبوها ..
بس والله والله ، المؤامره الامريكيه الاخوانيه استخدمت الملايين الوطنية اللي بتحب مصر وبتحلم لها بمستقبل اجمل لتنفيذ المؤامرة والمؤامره دي كانت عارفه انه يستحيل تتنفيذ في الشارع وعلي الارض بدون نزول ملايين المصريين فعلا واستخدامهم بعد كده ، الملايين دول هما اللي حماس قتلتهم بدم بارد يوم موقعه الجمل وقبلها والعربيه الدبلوماسيه الامريكيه قتلهم بدم بارد علشان تلزق التهمه في مبارك وتسخن المتظاهرين عليه اكتر واكتر ....
المشكله ان الملايين دول ، كانوا في الشارع ومش عارفين ايه اللي بيحصل حواليهم الا من الجزيرة ومن مصادر معلومات المؤامرة الي بتروج اكاذيب تسخن الناس وترفع سقف مطالبها وتبقيهم في الشارع ... ماكانوش شايفين الصورة كامله ولا حتي جزء منها ، كانوا شايفين بس اللي اطراف المؤامره عايزينهم يشوفوه وبس ..
المشكله ان الملايين الوطنيين دول ، لغايه النهارده رافضين كلامنا ورافضين يصدقوا ان كان ومازال فيه مؤامره امريكيه اخوانيه ، رافضين يصدقوا او يعترفوا بده ، ليه لان عازز عليهم الاحساس بأنهم استخدموا من قبل الاخوان والامريكان ، رافضين كلامنا لان عازز عليهم ان يكون كل اللي قالوه لغايه مالصوره اتضحت بالنسبه لهم ( بحكم خالد محجوب واللي بين المؤامره العسكريه علي مصر من حماس وحزب الله والاخوان ) كلام مش مضبوط ، رافضين كلامنا لانه عازز عليهم يطلع اللي قتل المصريين في الميادين وفي موقعه الجمل هما حماس ، واللي فتح السجون وقتل الضباط هما حماس بالتنسيق مع الاخوان ومليشياتهم الارهابييه ...
للملايين الوطنيين دول احب اقول ، ان الاعتراف بالكلام ده مش معناه انكم مش وطنينن ولا مخلصين ولا مابتحبوش مصر ، الاعتراف بالكلام ده معناه انه تم التلاعب بحماسكم وطنيتكم واحلامكم بمؤامره حقيرة امريكيه اخوانية اشترك فيها مصريين سوا عملاء او خونه او ارهابيين ...
انتم زي الفل وحتفضلوا زي الفل ، بس بطلوا مكابرة واعترفوا بالمؤامره علشان نعرف كلنا ايد في ايد وكتف في كتف نعرف نقاومها ونكسرها ونحافظ علي وطننا ....
النهارده الدوله المصرية ، جيش وشرطه ورئيس ومؤسسات ...
بتحتفل بهزيمه المؤامره الامريكيه الاخوانية التي بدأت يوم 25 يناير ..
هذا مغزي الاحتفال لو مش واخدين بالكم
يعني ولامؤاخذه بنطلع لسانا للبعدا وبنقول لها زنك حلاوه حلاوة زنك
( 2 )
25 يناير يوم في قدر مصر ..... قدرها الاسود
انها المؤامره الامريكيه الاخوانية علي مصر بصرف النظر عن وطنيه الكثيرين من المصريين اللي نزلوا الشوارع في حب وطنهم ، بصرف النظر عن وطنيتهم واحلامهم المشروعه في وطن اجمل ، بصرف عن هؤلاء المصريين الوطنيين الذين لم يتدربوا في صربيا ولم يتمولوا من قطر وامريكا ولم يخفوا انتماءهم للاخوان الارهابيين ، بصرف النظر عنهم ومع احترامي لهم ولاحلامهم الوطنيه ، 25 يناير مؤامره امريكيه اخوانية واتكسرت في مصر ولم تفلح في تقسيم الوطن وادخاله حرب اهليه وتدميره ، علشان كده بنتحتفل النهارده ، بنحتفل بهزيمه المؤامره
( 3 )
فيه ناس شاركت في المؤامره الامريكيه الاخوانيه علي مصر بحسن نيه وحب للوطن وباحلام مشروعه انها عايزه البلد تبقي احسن ...
لكن ده ماينفيش انها مؤامره امريكيه اخوانية ، وماينفيش ان هدفها كان تدمير مصر وتنفيذ المخطط الامريكي الحقير لاعاده تقسيم المنطقه ..
الطريق لجهنم مفروش بالنوايا الحسنه والمشاعر الوطنية النبيلة ....
( 4 )
طلعوا انحياز طنطاوي والمجلس العسكري والجيش من المشهد
طلعوا حماس وحزب الله ومؤامره اقتحام السجون وتهريب المساجين والمؤامرة الجنائية من المشهد
طلعوا القناصه وموقعه قتل المتظاهرين من فوق العمارات من المشهد
طلعوا الجزيرة واكاذيبها وتزييفها من المشهد
طلعوا الدعم الامريكي ودولاراته وتمويله ومستر اوباما من المشهد
طلعوا الانحياز القطري التركي الحماساوي من المشهد
وبصوا في المرايات بعدسات مكبرة علشان تشوفوا كويس
وابقوا احكوا لولادكم عن الحكايه وشوفوا حتقولوا ليهم ايه ؟؟؟
فيه مرشح مدني لان القانون بيمنع ترشيح العسكريين ....
يطلع بقي المرشح المدني ده من خلفيه هندسيه ( زي الحمار ) ، من خلفيه صحفيه (زي واحد منهم ) ، من خلفيه طبية ( زي تتح ) ، من خلفيه قانونيه ( زي ابو 7 اصوات ) ، من خلفيه مخابراتيه ( زي حسام خير ) ، من خلفيه عماليه ( زي ابو العز الحريري ) ، من خلفيه ارهابيه ( زي البغل في الابريق ) من خلفيه عسكريه ( زي الفريق شفيق ) ....
مش مهم خلفيه المرشح ايه ، المهم انه مرشح مدني بصرف النظر عن خلفيته !!!!
خلوا بالكم من اللي قاصدين يلخبطوكم وماتتخلبطوش ..
قل مرشح مدني بصرف النظر عن خلفيته ايه ، ولاتقل ابدا ابدا مرشح عسكري !!
جوائز الخواجات كلها مشبوهه من اول نوبل ، لغايه سخاروف ، لغايه الاوسكار مشبوهه لان الهوي السياسي والمصالح بتتحكم في مين ندي له الجايزه وليه ... عمري مافرحت بجايزة خواجاتي من اي نوع او ملة ... الحقيقه عمري مافرحت باي حاجه تيجي من ناحيه الخواجات ايمانا بمثل جدتي العظيم " الحدايه مابتحدفش كتاكيت " ..... شالله يانوبل ، شالله ياسخاروف ، شالله يااوسكار.... اللي يستحقوا جوايز بجد لانهم ابطال وطنيين ، عمر الخواجات مابيشفوهم !!!! ياخواجات الغبرة...
جوايزكم مشبوهة ومالهاش عندنا لزمه لا هي ولا اللي بتدوها له.......
بتاريخ 17 يناير 2014 - الساعه 47ر12 ظهرا ... ----------------------------------------------------------- كلمتين وافقين في زوري .... الشعب المصري عايز يحل مشاكله ويعيش كويس ، طبعا عايزين نحل مشاكل التعليم والصحه والاسكان والبطاله وربط الاجور بالاسعار ، طبعا عايزين السياحه والاستثمار وتشجيع الصناعه الوطنيه وفتح فرص عمل ، طبعا عايزين نعمر الصحراء ، طبعا عايزين نحل مشكله اولاد الشوارع ، طبعا عايزين نحافظ علي كرامة المصريين في الداخل والخارج ، طبعا عايزين دوله قانون والقانون يطبق علي الصغير والكبير و اللي له ضهر واللي مالوش طبعا عايزين ديمقراطيه وتداول سلطه واحترام الاقليه لراي الاغلبيه واحترام الاغلبيه لوجود الاقليه ، طبعا عايزين مواطنه ودوله حقوق وواجبات لادوله فقيه ولا دوله خلافه ، طبعا كل ده عظيم ، اشمعني بقي بتقولوا كده للسيسي ؟؟؟؟ وكل واحد من الثوريين والسياسين عمال يتشرط عليه وعلينا ، وفارد صدره كده وبيبرق لنا كأنه جاب الديب من ديله ؟؟؟ ماهو احنا عايزين كل الحاجات دي من اي مرشح للرئاسه .. ولا انتم فاكرين ان اي حد طلع مظاهره وكتب مقاله بقي زعيم سياسي نصدقه والسيسي اللي بيقود الجيش المصري ومن قبله المخابرات الحربيه واللي انحاز للمصريين فعلا ايام 30 يونيو لتحرير مصر من الاحتلال الاخواني اللي مطلوب منه ضمانات لحضراتكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
جدي العمدة ابو امي ، كان رجل اقطاعي يملك مئات الافدنة الزراعيه في محافظتي الشرقيه والدقهليه ، عندما قامت ثوره يوليو 1952 ، خضع لقوانين الاصلاح الزراعي مرتين ، المره الاولي تحملها والمره الثانيه مات بازمه قلبية لان " الغجر الفلاحين حياخدوا الارض بتاعت اسيادهم " وعندما مات جدي محسورا مقهورا لان ارضه وارض اجداده حتروح للفلاحين ، صارت الثورة ورجالها عدوا دائما للعائلة التي فقدت رأسها وكبيرها وايضا فقدت ارضها ونفوذها المالي والاجتماعي ..
لم تري عائله امي اي شيء ايجابي في الثورة ، ثوره يوليو 1952 ، ولم تكترث بالوطن واهله والي عاشوه في ظل الثورة والتغييرات الاجتماعيه التي احدثتها ثورة يوليو ...
عائله امي شخصنت ثورة يوليو 1952 واعتبرتها ثورة معاديه للعائله ورجالها اعداء العائلة ...لم تنظر للوطن وماحدث فيه ، فقط نظرت لمأساتها وعلي اساسها عادت وكرهت والي الابد ثوره يوليو ..
ماعلينا ...
كثيرين ممن يعادون مبارك ويتشدقون بكلمات كبري عن فساد حكمه ، ضحايا تجارب شخصيه قاسيه لحكم مبارك وزمنه ، ليس معني هذا ان حكم مبارك بلا اخطاء او خالي من الفساد ، مااقوله ان هذا الحكم له ماله وعليه ماعليه ، ولم يكن فقط فساد مطلق كما يحلو للضحايا ان يقولوا ، وسيأتي يوما يقيم وضع الوطن في حقبة ذلك الحكم وربما يكتشف وقتها الكثير من الايجابيات التي ينكرها ضحايا تلك الحقبة ...
اكبر المصائب ان اعجز عن الرؤيه الموضوعيه واعتبر معياري الشخصي الذاتي هو المعيار الحقيقي الوحيد ....
بالمناسبه ، اللي عايز يعرف رايي في ححكم ميارك ، يمكنه مراجعه عشرات المقالات المنشورة في مدونتي " قوس قزح ملون " قبل يناير 2011 ، ويمكنه مراجعه النص المنشور في مدونتي " ياما دقت علي الراس طبول " يوم 10 فبراير 2011 والمعنون " هذه كلمتي ورؤيتي للوطن والتاريخ " ....
لكن كل هذا لاينفي رايي فيه باعتباره قائد عسكري وطني ، ولا ينفي رايي في يناير باعتبارها مؤامره امريكيه اخوانية .....
طلعوا انحياز طنطاوي والمجلس العسكري والجيش من المشهد طلعوا حماس وحزب الله ومؤامره اقتحام السجون وتهريب المساجين والمؤامرة الجنائية من المشهد طلعوا القناصه وموقعه قتل المتظاهرين من فوق العمارات من المشهد طلعوا الجزيرة واكاذيبها وتزييفها من المشهد طلعوا الدعم الامريكي ودولاراته وتمويله ومستر اوباما من المشهد طلعوا الانحياز القطري التركي الحماساوي من المشهد وبصوا في المرايات بعدسات مكبرة علشان تشوفوا كويس وابقوا احكوا لولادكم عن الحكايه وشوفوا حتقولوا ليهم ايه ؟؟
العسكريه المصريه من ايام مينا موحد القطرين لايام السيسي حمت مصر وحضارتها من الغزاه والاعداء في الداخل والخارج ... ااقروا تاريخ مصر قبل ماتكلمونا عن مصر
اشفق عليه من المسئوليه التي حمله بها الخالق ، اشفق عليه من الطوق الذي طوق به القدر عنقه عندما علق امال واحلام المصريين في وطن عظيم يشق عنان السماء بحضارته ورقيه وديمقراطيته وعظمته عليه وفي رقبته ، اشفق عليه من حب المصريين له ، فهذا الحب ثقل وحمل ، المصريين يحبوه ويضعوا امالهم عليه ويثقوا فيه وبه ...
يحبه المصريين لانه انحاز لهم لوطنهم ، لانه فك اسرهم وعتقهم من عبوديه الجماعه التي اتت لتدمر وطنهم وتدمرهم فتمردوا عليها وعلي ارهابيها وفاشيتها وقهرها وصرخوا للمولي ينقذهم ونادوا قواتهم المسلحه تدافع عن وطنهم وامنه القومي الذي يباع وحدودهم التي تمزق وارضهم التي تقسم ، نادوا علي قواتهم المسلحه تنقذ وطنهم فالعدو الداخلي انكي واشد غدرا وقبحا من العدو الخارجي ، والعدو القابع علي كرسي الرئاسه ويخون وطنه اشد قبحا وتدميرا من اعتي الخونه الاجانب ، نادوا القوات المسلحه تنقذ الوطن وتنقذهم وتنقذ المستقبل وحياه اولادهم ...
ولانه يعشق مصر ويحبها ولانه يسمع صوتها بقلبه ويعرف مصالحها بعقله ويدافع عن امنها القومي بروحه وحياته ، لانه كل هذا واكثر ، انحاز للمصريين وحمل روحه علي كفه وقدمها مهرا لمصر والمصريين ، سمع ندائهم وصوت صراخهم وقهره ايامهم ولياليهم السودا واحس العار مثلهم وهو يري خائن علي مقعد الحكم يبيع الوطن والشرف والتاريخ والحضاره ، سمع ندائهم واستغاثتهم ، مست قلبه وروحه ولمست عقله ووجدانه وادرك مسئوليته التاريخيه والامانه التي القاها الله بين يديه ، وقتها لم يخاف علي حياته ولم يفر بنفسه ولم يبحث عن مكاسب شخصيه ولم يفكر في امنه الشخصي ولا امن قواته ، بل حمل روحه وحياته وامن قواته وامنه ، حمل كل هذا برضاء وحب والقاهم تحت قدم مصر وشعبها ، نادوه فلبي ندائهم وانحاز لهم ولمستقبلهم فاحبوه ووثقوا فيه واطمئنوا له وامنه به ، فمن ينحاز للمصريين ينحاز المصريين له ومن يحب المصريين يحبه المصريين ومن يبدي المصريين علي نفسه يبديه المصريين علي انفسهم ويسيروا خلفه ويسلموا له قيادهم مطمئنين واثقين ...
اشفق عليه من حب المصريين والامانه والحمل الذي القاه المصريين علي كتفيه وفوق كاهله ، اشفق عليه من امل المصريين فيه وثقتهم فيه ، فهي امانه كبيره ثقيله ينوء بحملها الجبال ، لكنه لها وهي له ...
المصريين صدقوه وامنوا به ووثقوا فيه ، وقت اصدر قانونه بمنع تملك الاجانب للاراضي في سيناء ادرك المصريين انه يعرف المؤامره وحجمها وسيمنعها ويتصدي له ولن يسمح بضياع سيناء وارضها التي ارتوت بدماء القاده العظماء والجنود الشرفاء لتتحرر من احتلال حقير بغيض ، وقت رفض مشروع اقليم قناه السويس ادرك المصريين انه يعرف قيمه الشريان المائي الذي حفره المصريين بحياتهم وارواحهم ودفعوا ثمن غاليا لتاميمه واسترداده من قبضه الاستعمار المجرم ، وقت قال كلمته الشهيره والاولي التي سمعها المصريين منه " مصر ام الدنيا وحتبقي قد الدنيا " وقت سمعوا منه تلك العباره ادركوا انه يعرف قيمه وطنهم ومعناه ويعرف قدر قهرتهم ووطئتها وانه منهم وهم منه وانه منحاز له وسينحاز لوطنهم مهما كان الثمن الذي سيدفعه لتحريرهم ...
اشفق عليه من حب المصريين لكني افهم معني هذا الحب وقيمته وقدره ، فالمصريين سيسيروا خلفه مطمئنين واثقين انه سيقود وطنهم ويقودهم بمنتهي الحب والقوه للمستقبل ، المصريين سيسلموه قيادهم راضين متوقعين منه يحمل وطنهم صوب المستقبل وسيجعل وطنهم بقيادته وطنا جميلا يليق بهم وبحضارتهم وباحلامهم وانه سيمنحهم جميعا الفرصه العادله ليحيوا حياه كريمه جميله طالما حلموا بها وتمنوها...
امس واليوم ، 14 و15 يناير ، وحين نزل المصريين للتصويت في الاستفتاء ، كنا نحلم باعلام مصر مرفوعه في ايديهم شاره واشاره ودلاله ورمز لدعمهم لثوره 30 يونيو وشرعيتها وفخر بمصر ورايتها ، لكن المصريين لم يكتفوا باعلام مصر بل حملوا معها صورته ، ووحدوا بينه وبين الوطن ، حمل المصريين علم مصر وصورته وهتفوا باسم مصر واسمه ، لانه صار في قلوب المصريين رمزا للوطن لقوته ، رمزا للوطن وتحريره ، رمزا للوطن والدفاع عنه ، حمل المصريين صوره وهتفوا باسم وصفقوا له واحتفوا به يرسلوا له رساله عظيمه ، انت في قلوبنا وعقولنا القائد فلا تتخلي عنها ولا تخذلنا ولا تترك يد الوطن من يدك ولا تتخلي عن احلامنا ولا تستخسر نفسك في الوطن وفينا ، حملوا صوته وهتفوا باسمه رساله ونداء ، اسمعنا ايها القائد العظيم ، اسمعنا واستجب لدعوتنا والحاحنا وتقدم صفوفنا وتعالي قائدنا واحكم وطننا وادعمه وادعمنا واحمله واحملنا للمستقبل الجميل ، حملوا صوته وهتفوا باسمه رساله ورجاء ، رساله لمن سيحب مصر بصدق واخلاص سيحبه المصريين بصدق واخلاص ، ورجاء ، اسمع صوت قلوبنا كما سمعته من قبل ، حين ناديناك في المره الاولي لتحرر وطننا استجبت واليوم نناديك ثانيه لتحمل وطننا للمستقبل ونرجوك تستجيب ...
امس واليوم 14 ، 15 يناير ، ارسل المصريين رساله للجميع ، لمن يتصور نفسه يصلح مرشحا للرئاسه ، لن نمنحكم صوتا واحدا فاصواتنا كلها له ، ارسلوا لهم رساله ، ليست العبره في الكلمات الفارغه ولا البرامج الورقيه ولا الثوريه المزيفه ولا الابتسامات ، العبره بمن يسمع صوت مصر بقلبه ويمنحها عمره فتحبه وتمنحه قلبها واصواتها ، ارسل المصريين رساله للجميع ، هذا اختيارنا وقدرنا ، اختيارنا الذي انحاز لنا فانحزنا له ، وحررنا من القهر فصدقناه قدرته ليحملنا للمستقبل ، واحب وطننا وحمله روحه علي كفه من اجله فسيمنحه حبه ووقته وعلمه وقدراته ليجعل منه وطنا عظيما يليق به وبنا ... ارسل المصريين رساله للسياسين والاحزاب السياسيه والنخب والفلاسفه واصحاب الياقات البيضاء والابراج العاجيه ، لانصدقكم ولن ننحاز لكم وقلوبنا لا تستقبل ارسالكم ولاتصدق كلماتكم التي تخرج من شفاهكم ولاتمر علي قلوبنا ولا تصلها ، لانصدقكم ولن ، ولن نمنحكم اصواتنا ولن نحملكم لمقعد الحكم لان وطننا لايستحق الا من يحبه ونحبه ونحن والوطن نعرف من نحبه ويحبنا ....
اظن ، اني افهم في المصريين وروحهم واسمع نبض قلوبهم ، اظن ، انهم سيضغطوا يضغطوا بكل الحب والصدق والاصرار عليه ليترشح لمقعد الرئاسه ، سيضغطوا عليه ويحاصروه ليقبل رجائهم ويحمل الامانه والمسئوليه الخطيره الثقيله ، سيصرخوا فيه مثلما صرخوا في عبد الناصر وقتما قرر يتنحي ويترك حكم مصر يوم 9 يونيو ، يومها صرخوا فيه لاتتنحي ، وصرخوا حنحارب وحننتصر ، تصور انه تسبب في الهزيمه فأثر الانسحاب من الحكم لتمسكوا به ليرفعوا الهزيمه عن وطنهم ، هو الزعيم الذي لايقبلوا انسحابه من المعركه ويتمسكوا به ليحاربوا وينتصروا ، اظن المصريين سيحاصروه ليقبل رجائهم ويتحمل مسئوليه وطنهم ومسئوليتهم ويكمل معهم حربهم علي الارهاب والقوي العالميه التي تحارب وطنهم ، سيتمسكوا به ليكمل معهم المعركه التي خاضوها معا حتي ينتصروا ، ويكملوا الانتصار ببناء الوطن حرا ديمقراطيا عظيما ليصبح كما قال وصدقوه " قد الدنيا " ...
وحين يستجيب لهم ولرجائهم واصرارهم والحاحهم ، ويعلن عن ترشحه لكرسي الحكم ، سينزل المصريين الشوارع رافعين الاعلام والصور يغنوا ويهتفوا باسم مصر لان ابنا من خيره ابناءها عاد ثانيه وانحاز لهم ، سينزل المصريين الشوارع ولن يعودوا منازلهم الا وقت يحلف يمين الرئاسه ويحملوه علي اعناقهم لقصر الرئاسه ويحملوه امانه وطنهم واحلامهم ويسيروا خلفه قائدا عظيما يقبلوا معه يربطوا الحزام علي افئدتهم لصالح الوطن ويقتسموا اللقمه والحلم مع ابناء وطنهم ...
هذا مااظنه وربما مااتمناه ...
لكني واثقه يقينا ، انه لو رفض يترشح للرئاسه وترك المصريين وسط الدوامات والانواء العاصفه والمرشحين الكثر والايام السوداء ، واثقه ان مصريا واحد لن يكترث لا بالوطن ولا باي رئيس محتمل قادم ، واثقه ان مصريا واحد لن يغادر بيته ويذهب للصناديق ليختار من بين اي مرشحين مهما كان شأنهم ، واثقه ان ان مصريا واحدا لن يسلم قلبه لاي رئيس ولا عقله وان سحابه سوداء ستخيم علي الوطن تهزم ابناءه لان خير ابناءهم لم يستجيب لرجائهم وحبهم واملهم ولم يكمل انحيازه لهم ولم يكمل معهم معركتهم ولم يشاركه النصر والفرحه !!!
واثقه انه لو لم يستجب للشعب سيكسر خاطر الشعب ونفسه واحلامه وامله ...
واعتقد انه لم يفعل في المصريين الذي يحبهم ومصر التي يحبها هذا .....
اعتقد ، لا اعتقد ، بل واثقه انه لن يفعل في المصريين هذا ولن يكسر خاطرهم وقلبهم واحلامهم ولن يخذلهم ولن يتخلي عنهم وانه سينحاز مره ثانيه له ولاحلامهم وامالهم ورجائهم وانه مره ثانيه سيسمع ندائهم بقلبه ويستجيب له فيمنحوه حبهم وحلمهم بمنتهي الرضا والسعاده ...
الان الان وليس غدا .... انتظر مثل ملايين المصريين استجابته لرجاءنا وانحيازه مجددا لنا ولمصر لتصبح كما قال وكما نتمني" قد الدنيا " .....
الان الان وليس غدا ....
واظن لن يطول انتظاري ....
طبعا سيخرج علينا المتحزلقين واصحاب المصالح ويتكلموا كثيرا عن هذا الامر ، سيقولوا كثيرا وسنرد عليهم بما هو اكثر ، لكن هذا ليس وقته ولا مجاله ... وسنعود له وقته وحين يلزم الامر ... ونقول تاني ....... الان الان وليس غدا ياسيدي ، انت علي موعد مع القدر وربنا حط الطوق في رقبتك لانك تقدر وعلق ال90 مليون مصري واحلامهم وامالهم علي قيادتك لوطنهم ... لن يقبل المصريين اي حاجه تانيه ... ياحتاخدهم للسماء السابعه ، ياحتسيبهم لمصيرهم الاسود وانكسار مالوش اخر ربنا يقدرك علي اللي متقدر لك ... الان الان وليس غدا ....
" النص الرابع من محاولة استعادة ساعه الكتابة اليومية - 4 "
.jpg)
.jpg)
