مجرد صورة !!!!!!!!!!!!!!ا

لن اكتب حرفا جديدا سوي ماسيربط بين العبارات القديمه وبعضها ...

هذه صورة اكونها من عبارات وجمل قديمه كتبتها ونشرتها  في بوستات مختلفه منذ 25 يناير وحتي اليوم في هذه المدونة ( ياما دقت علي الراس طبول ) وفي مدونه (قوس قزح ملون ) وفي ( الفيس بوك).. عبارات انتقيها من من تلك البوستات لارسم من تفاصيلها صورة ، كنت ومازلت اراها جيدا ...

اولا - في المدونات

( 1 ) 

كتبت في نوت ( اتمني انتصاركم وهزيمتي(

المنشورة يوم 5 فبراير 2011 علي هذه المدونه ( ياما دقت علي الراس طبول ..(

"""""اتمني هزيمتني ، فانتصار افكاري ورؤيتي منتهي الهزيمه التي لااتمناها ابدا وانتصاركم وافكاركم ، هي الهبه الاجمل التي قد يهبها الله سبحانه وتعالي للوطن الذي نحبه جميعا !!! ليت حياتنا تصبح اجمل !! ليت الفوضي لاتدب فيها فنتبعثر ملايين الشظايا !!!! ليت لانفقد دولتنا المدنيه وسط طبول الحرب وقنابل المولوتوف وتفجير خط الغاز ورصاص المدافع الرشاشه وفتوي ضرب ضباط القوات المسلحه بطوب لنأخذ حسنه !!! ليت لانفقد دولتنا المدنيه مصر التي نحبها وسط رياح التغيير !!!! لااقف امام الطوفان بكفي لانقذ وطننا من الغرق ، من انا لانقذه!! """"

http://marmar18359.blogspot.com/2011/02/blog-post_8725.html

( 2 ) 

كتبت في مقالة ( قراءات وانطباعات .. مشاهد من الايام السودة ) 

المنشور في جريدة روز اليوسف يوم 5 فبراير 2011

والمنشور في مدونه ( قوس قزح ملون ) 

""""""هامش .... 3 -كنت اسال المتحمسون للمظاهرات ولجمعه الغضب ابتداء من يوم نهارالاربعاء وبعد انتهاء مظاهرات الثلاثاء ، اسالهم عن البديل الذي يسعون اليه هدفا لتظاهراتهم ليحكم مصر ، كانوا حائرين لايملكون اجابه ، يتهموني بفوبيا " الاخوان " واني افضل بقاء الحال علي ماهو عليه لمرضي ب" فوبيا " الاخوان .. حاولت اشرح لهم اني لاافهم ثورة حقيقية بلا بديل سياسي متفق عليه بين اطراف الثورة والا تحولت لفوضي يركبها من يقوي وهذا من شأنه يشيع الفوضي الخلاقه التي تحبها امريكا وقناه الجزيرة وان هذا السيناريو من شانه يسلم البلد لمن لانعرفه ومن شأنه يعرض الوطن وامنه لخطر شديد ، لكنهم سخروا مني ومازالوا ...

هامش ..... 11 -في 2 فبراير 2011 ... أبدت إيران أمس ارتياحها الكبير للتطورات في مصر، معتبرة أن سقوط النظام في هذا البلد هو من «إنجازات الثورة الإيرانية» وسيتيح «إقامة شرق أوسط إسلامي»، في حين دعت تركيا الرئيس المصري حسني مبارك الى «تلبية إرادة شعبه في التغيير من دون تردد ، وأشاد وزير الخارجية الإيراني علي أكبر صالحي في تصريحات بثها التلفزيون الحكومي بالتطورات في مصر وتونس معتبراً أن «الشعوب باتت تخطط لمصيرها كما تريد»، معرباً عن ثقته بأن «الشعب المصري الثوري الذي أسهم في صناعة التاريخ سيؤدي دوره في إيجاد شرق أوسط إسلامي يعيش فيه جميع الأحرار وطلاب العدل والاستقلال""""""""

http://amar18359.blogspot.com/2011/03/blog-post.html

( 3 ) 

كتبت في نوت ( هذه رؤيتي وهذه كلمتي للوطن والتاريخ )

في هذه المدونة ( ياما دقت علي الراس طبول ) المنشور 10 فبراير 2011 

""""""و اقول .... ان عدم تأييدي لما حدث في اليومين 25 ، 28 يناير، لم يكن لان عندي فزاعه الاخوان او فوبيا الاخوان ، بل لاني كنت اري انها حركه بلا راس ، حركه الشباب ، والحركه التي بلا راس سيمتطيها غيرها من الحركات السياسيه الجاهزه ، وكنت اري ان الاخوان المسلمين هم اكثر القوي السياسيه المصريه للاسف استعدادا للقفز علي حركه الشباب ، واظن ان تخوفي ، موجود الان علي ارض الواقع ، احزاب المعارضه ( التجمع الوفد الناصري ) التي كانت خارج القوي السياسيه المشاركه في 25 يناير ، بعد نجاح المظاهرات في ذلك اليوم ، قررت تلك الاحزاب تندس وسط الحركه وتدعي انها موجوده ، بل واصدرت بيانات ومطالب وكأنها صاحبه الحركه !!! ...................................................................................................................................................................................................................................................................................... ومن حق القوي السياسيه التي شاركت في المظاهرات ان تحاول ركوب الحركه ومن حق الشباب يرفض ذلك الركوب ، ومن حق القوي السياسيه التي لم تشارك في المظاهرات ان تدعي انها شاركت فيها ويرفض الشباب تلك الادعاءات ، ومن حق الاخوان المسلمين ان يقولوا نحن لاننسب فضل تلك الحركه لنا فقط باعتبار جزء من فضلها يعود لهم والجزء الاخر يعود للاخرين ، من حقهم هذا ، ومن حقهم ايضا ان يقرروا يستفيدوا بنجاح المظاهرات ويقرروا يعلنوا الخلافه الاسلامية ، هذا من حقهم جميعا .... هذا هو منتهي الديمقراطية !!! لكن اليس من حقي وحق الاخرين ان نقول رأينا فيما يحدث ورأينا في المطالب التي تطرح الان !!!""""""

وكتبت في نفس النوت ايضا

"""""ويبدأ سيناريو الانفراد بالسلطه ........................ وماعنديش فزاعه الاخوان ، لكن هما البديل ، لكن هما اللي بيعاتبوني علي فزاعه الاخوان بيعتبروني مجنونه ، وان مافيش اخوان !!! ولا شايفين ان الاخوان هدفهم الدعوة مش الحكم زي ماهما بيقولوا!!!! ولا شايفين ان الاخوان اضعف من ركوب الموجه والاستفاده من الفوضي والتفكك والتعطيل !!! ولا مش شايفين انهم التنظيم الوحيد في مصر اللي بيشتغل من اربعين سنه وله كوادر منظمه في كل حته ( من جميعات دفن الموتي للنقابات والجامعات والنوادي و....الي اخره ) ومدعوم بالقوي الاسلاميه المختلفه المحليه والخارجيه ( ايران حماس حزب الله القاعده ) .....""""

وكتبت في نفس النوت ايضا 

* وحين يخاف البعض علي التحرير وشبابه ، اشاركهم الخوف ، لان السقف العالي للمطالبات والتشبث به ، دون قوة من ناحيه وبديل من ناحيه اخري ، انما يعرض التحرير والوطن كله لكارثه امنيه تطيح بهم وبكل هوامش الحريات التي كانت موجوده وتخضع الجميع لدوله عسكريه عنيفه او لفاشيه دينيه اعنف ، وفي الحالتين سيدفع التحرير والوطن كله ثمنا غاليا موجعا داميا..... وهي اختيارات "زباله " في الحالتين ...

* التعامل مع التحرير وكل ماحدث فيه بالحماس فقط لاينفع !!! والتعامل مع التحرير وكل ماحدث فيه بالتأييد فقط لاينفع !!! التعامل مع كل مايحدث بفوضويه بالغه والتشبث بالهدم دون اهتمام بشكل التغيير لما بعد الهدم باعتبار ان الهدم في ذاته هدفا غاليا ، لاينفع ، لان الهدم لن يقف عن مرحله الهدم بل يلزمه بناء مابعد الهدم ، والبناء لايكون بشكل رومانسي حالم ، بل يكون وفقا لمصالح وبدائل وتوازنات قوي ، ولان هزيمه التحرير في منتصف الطريق من شأنه يحدث كارثه ولان تشبث التحرير باستكمال الطريق حتي نهايته دون بديل من شأنه يحدث كارثه ، فكأن التحرير يكون " الشنيور " الذي فتح الجدار لقوه اخري لتقبض بزمام الامور!!!!

http://marmar18359.blogspot.com/2011/02/blog-post_10.html

( 4 ) 

كتبت في نوت ( مفاجأة للجميع )

في هذه المدونة ( ياما دقت علي الراس طبول ) يوم 17 مارس 2011 

"""""""نتائج الاستفتاء ... ستوضح مالذي سنراه في المستقبل القريب حينما يتجاوز جمهور الفريقين صناديق الاستفتاء لصناديق الانتخابات التشريعيه وصناديق انتخاب رئيس الجمهورية .... نتائج الاستفتاء ستقول الكثير !!! ربما يفتح بعض الناس وقتها عيونهم لايصدقوا مايروه !!! ربما يلعن البعض الديمقراطيه التي ستصنع وطنا لن يجد له فيه مكان !!! ربما سيصفق الجميع احتفالا بقوته وضعف خصومه السياسين !!! ربما ستعم الاحتفالات والليالي الملاح وقتما يكتشف كل فصيل سياسي قوته وحجمها وقوه خصومه وحجمها !!! ربما سيلعن البعض الثلاثين سنه السابقه التي افقدته قوته ونفرت منه الخصوم والعاطفين !!!ربما سيصمت البعض اكتئابا !!!لااعرف بالضبط مالذي سيحدث لنا ، لكني واثق ان ماسيحدث سيكون مفاجأه للجميع !!!""""""

http://marmar18359.blogspot.com/2011/03/blog-post_17.html

( 5 ) 

نشرت في مدونه ( قوس قزح ملون ) بتاريخ 11 ابريل 2011 

مقالا كتبته ولم ينشر في مجله روز اليوسف بعنوان ( مشاهد من مصر الجديدة - مصر مابعد ثوره 25 يناير )

"""""" ( 6 )التصويت الطائفي والاستفتاء ، مابين كتابه المقاله وماقبل نشرها ، قال المصريين كلمتهم بشأن التعديلات الدستورية ، خرج المصريين من الصمت والسلبيه مايتجاوز الثمانيه عشر مليون ناخب ،ليس فقط ليقولوا كلمتهم ورايهم في التعديلات الدستورية للموافقه عليها من عدمه ، بل خرجوا في تصويت طائفي عنيف ، تيار الاسلام السياسي اوصي ناخبيه ومريديه بقولة نعم واقنعهم بان التصويت بنعم سيقيهم شر الدوله المدنيه الكافرة وسيبقي نص الماده الثانيه في الدستور والكنيسه اخرجت ناخبيها للتصويت دفاعا عن مدنيه مصر ووجودهم ولمنح القوي السياسيه الاخري فرصه الاستعداد للانتخابات التشريعيه حتي لا يستولي الحزب الوطني وتيار الاسلام السياسي علي المجالس المنتخبه وعلي البلد ، ومابين التصويت الطائفي وحدة الدعايه الطائفيه واصدار الفتاوي الشرعية انقسم الوطن لفريقين نسوا الثورة والدستور والوطن ، تحول الاستفتاء لحرب طائفيه اعد كل فريق فيها العدة للفريق الاخر وصار التصويت غيرة علي الدين ودفاعا عن الوجود واعتبر كل فريق نتيجه التصويت نصرا له وهزيمه للاخر ، وافاق المصريين يوم الاستفتاء علي ملايين المصريين في طوابير الاستفتاء معظمهم للاسف لايعي معني التعديلات الدستورية ولا يفهم نصوصها ، لكنه خرج للطابور استجابه لدعوة الشيخ والقسيس !!! وحين ظهرت النتيجه فرح من اكتسح وقهر من هزم ودقت طبول الطائفية في المجتمع دقا عنيفا هذه المره ، لم تحرق كنيسه ولم يتظاهر سلفيين ، لكن طبول الطائفيه دقت اصمت الاذان بصوتها المرعب وقتما انقسم المصريين فريقين وانتصر احدهم في " غزوة الصناديق " وهزم الاخر ، لم تعد القصه " نعم " او " لا " بل كان استعراض قوة وحمية دينية ودعايه مضللة ولعب علي المشاعر الدينيه واستغلالها و" يروح الدستور في ستين داهيه " كما قال احد الشيوخ الذي هدي الضالين ليصوتوا بنعم مع فريق الدين ضد الفريق الاخر !!! كأن الاستفتاء علي التعديلات الدستوريه معركه طائفيه تحمل رساله واستعراض قوة و " عايزين ديمقراطيه ادي الديمقراطيه " قال احدهم وهو يعاير الاخرين بالنصر المبين وتجرأ الاخر وتصور مصر تخصه وحده فدعا معارضيه " اللي مش عاجبه عندهم تاشيرات كندا وامريكا " ... التصويت الطائفي ودق طبول الحرب واستعراض القوة وانكار الاخر واقصاءه ، نتائج للثورة ومشهد من مشاهدها التي يعيشه المصريين ، النخب السياسيه فزعت من ذلك التصويت واحس الثوار بالفجوة الواسعه بينهم وبين الشعب الذي يؤثر في رايه وقراراته الشيوخ والائمه والقساوسه والجامع والكنيسه !!!"""

وقلت ايضا في نفس المقالة ...

هل فعلا سيهتم الشعب بالسياسه وشئونه العامه ويبحث عن احزاب ينخرط فيها ويؤمن ببرامجها ومرشحيها ، ام سيبحث عن حاكم عادل من وجه نظره يحقق احلامه التي لايعرف شكلها بالضبط دون ان يتعب نفسه ويبقي مكانه علي القهوه وامام التلفزيون يشكر الحاكم العادل علي كل مافعله من اجله ؟؟؟؟ من سيختار الشعب في ظل حياه حزبية هزيله قديمة قبل اسقاط النظام دفعته وقتها لعدم المشاركة ، هل ستتقاسم جماعه الاخوان المسلمين وبقايا الحزب الوطني المجلس التشريعي القادم ؟؟ هل ستتكون احزاب جديدة ( التحالف الشعبي ، الحزب الليبرالي المصري ، حزب 25 يناير ، حزب الديمقراطي الاجتماعي ، حزب العداله والحرية ) وغيرها وتنجح تلك الاحزاب مع الاحزاب القديمه التجمع الوفد الناصري الكرامه الجبهه وغيرها في حشد الاصوات الانتخابيه لصالحها فيأتي المجلس التشريعي القادم معبرا عن الشعب بكل اطيافه ؟؟؟هل ستكون الانتخابات القادمه طائفيه يصوت فيها الناخبون لصالح الدين علي حساب الوطن ولصالح الشيوخ والقساوسه علي حساب القاده والزعماء السياسين ولحساب الفتاوي الدينيه علي حساب وجهات النظر السياسيه والبرامج !!! هل سيصوت الناخبون للدين كما قال لي احدهم مبررا ال " نعم " التي قالها يوم الاستفتاء " قلت نعم غيرة علي ديني ، هو ربنا لماحيحاسبنا حيحاسبنا علي ايه علي الحريه والديمقراطيه ولا علي الدين ، خلاص نصوت لصالح الدين واللي يقوله الدين" ونسي يقول لي ماعلاقه الدين بالتعديلات الدستورية !!!

http://amar18359.blogspot.com/2011/04/25.html

( 6 )

نشرت في مدونه ( قوس قزح ملون ) بتاريخ 10 مايو 2011 

خبرا منشورا بجريدة المصري اليوم بذات التاريخ .... ورد فيه .....

""""""كشف عدد من قيادات التيارات الإسلامية عن أن التحالف بينهم فى الفترة الأخيرة، رغم اختلاف مرجعياتهم الفكرية، هدفه إقامة الدولة الإسلامية وتطبيق الحدود، وقالوا فى تصريحات خاصة لـ«المصرى اليوم»: إنهم يسعون للتنسيق فيما بينهم فى الدورة البرلمانية المقبلة للتصدى للقوى السياسية التى تستهدف المشروع الإسلامى وتريد إقصاءه.وقال عبدالمنعم الشحات، المتحدث الرسمى باسم الدعوة السلفية: «إن التحالف الظاهر الآن بين التيارات الإسلامية المختلفة، يستهدف الدخول إلى الحياة السياسية بقوة لضمان الحفاظ على الهوية الإسلامية فى الفترة الحالية بعد ظهور دعوات تطالب بطمسها،وأضاف: «التيارات الإسلامية ستخوض انتخابات مجلسى الشعب والشورى المقبلة وسيساند بعضها البعض وستتبنى بعض المستقلين حال عدم وجود مرشح إسلامى». وقال أسامة حافظ، المتحدث الرسمى باسم الجماعة الإسلامية، إن التحالف والتقارب بين التيارات الإسلامية يجدد الأمل فى أن يكون الدين هو الحاكم فى مصر ونشر الإسلام فى قلوب المواطنين، وإقامة الحدود التى أمرنا الله بها لأنها جزء من الدين ولا يستطيع أحد إنكارها، مشدداً على أن التعاون سيظل متواصلاً حتى يحكم الدين ويتمكن من قلوب الناس.

http://amar18359.blogspot.com/2011/05/blog-post.html

( 7 ) 

نشرت في هذه المدونه ( ياما دقت علي الراس طبول ) بتاريخ 13 اكتوبر 

نوت ( الطينه غير العجينه ) قلت فيه ........

"""""" الطينة غير العجينة !!!!باختصار جداااااااااااااااااااااااااااااا ، النخب السياسية المثقفه شايفه الشعب اولاد البلد بطلجيه وصيع ...طبعا مش لابسين بنطلونات ساقطه ولا بدل وكرفاتتات ولا عاملين شعرهم ديل حصان ولاحاطين برفان ولا بيتكلموا فرنساوي وانجليزي وبيشتموا ويقولوا كلام ابيح ويضربوا بالسنجه والسافوريا ودمهم حامي ومابيعرفوش يفكروا كويس !!!

والشعب شايف النخب السياسيه المثقفه خواجات ..
لا بيتكلموا بلغتهم ولا بيقولوا كلام يفهموه والا فرنكه وبيرطنوا بكلام محدش بيفهمه ...علشان كده المسلمين ماشيين ورا امام الجامع والسنيه والشيخ ابو دقن اللي بيفهموا له !!!والمسيحين بيسمعوا كلام ابونا اللي بيفهموا له !!!

.............................................................

.......................................................................

المصيبة كبيرة قوي شكلها !!!!!ا

وسلم لي علي الدوله المدنية وعلي الديمقراطية !!!! """"""""

http://marmar18359.blogspot.com/2011/10/blog-post_6426.html

ثانيا - في الفيس بوك

( 1 ) 

يوم 19 / 3/ 2011 

-----------------------------------------------------------------------------------------

[Saturday 19th of March 2011 04:05:19 PM] [ Details ] 
للمرة التانيه اقول .. رغم سعادتي بالايجابيه في المشاركه في الاستفتاء ، لكني قررت الا اتفائل ، فاذا جاءت النتيجه سيئه لن اغضب ولااحزن لاني للاسف اتوقعها ، ولو جاءت النتيجه مبهجه سافرح بشده واوزع شربات ، النتيجه وحشه وحلوه حسب نسب التصويت ، فليس المهم نعم او لا فقط ، بل المهم كام كام ؟؟؟ فالارقام مؤشر علي شكل المستقبل !!! لست متفائله وربما متشائمه كمان!!!!ا

-----------------------------------------------------------------------------------------

[Saturday 19th of March 2011 05:09:26 PM] [ Details ] 
انها الديمقراطيه يااحباب الديمقراطية !!! واهم حاجه في الديمقراطيه نتعلمها ازاي نتهزم !!!! ونقبل الاخر اللي غلب !!!!ا مش عاجبكم الديمقراطيه يبقي حسني مبارك وعمر سليمان وقد اعذر من انذر وانتم حرين !!!!!!!!!

-----------------------------------------------------------------------------------------

[Sunday 20th of March 2011 12:08:05 AM] [ Details ] 
عصام العريان قال ادمن خالد سعيد عبد الرحمن من اخوان !!! واسماء محفوظ حاطه شعار الاخوان المصحف والسيفين علي بروفيلها !!!!ا وخيرت الشاطر خرج من السجن ومعاه حسن مالك وعبود الزمر واخرين !!!!!ا وشباب التحرير قالك الاخوان مالهمش وجود في الميدان !!! وعواجيز التحرير من السياسين القدامي واليسار قالك مالهمش وجود في المجتمع نسبتهم ضئيله جدااااا !!!! بخخخخخخخخخ ... ازيكم دلوقتي ؟؟ ... ويقولوا لي انت مابتشوفيش !! انا برضه؟؟

-----------------------------------------------------------------------------------------

[Sunday 20th of March 2011 12:33:16 AM] [ Details ] 
فتح عينك تاكل ملبن !!!! اللي مايشوفش من الغربال يبقي اعمي !!!!ا ياريت الناس تهدي كده وتحاول تشوف !!! حتضيعونا وتضيعوا البلد بسبب العمي الحيثي!!! افتحوا عينكم ومخكم وحاولوا تشوفوا اي حاجه ربنا يكرمكم !!!! بلاش عجرفه وتناكه وآلاطه باعتباركم اللي شايفين واللي فاهمين !!! ادي انتم طلعتم لاشايفين ولا فاهمين !!! ازيكم بقي؟؟؟ !!!!ا حوار داخلي نفسه ااقوله لناس كتير لكن مابقولوش !!!!ا

-----------------------------------------------------------------------------------------

[Sunday 20th of March 2011 01:01:59 AM] [ Details ] 
ااقولكم سر ، لست حزينه ولا غاضبه ، لست مصدومه ولا متفاجئه ، يمكن كمان مبسوطه !!! ليه ، لاني زعلت وعيطت كتير وقت الناس ماكانت مبسوطه !!! وكنت باقول انا شايفه والناس تتريق علي وتقاطعني وتتهمني اتهامات سياسيه منحطه!!!! ومبسوطه مش باللي حصل ، لا مبسوطه اني كنت شايفه ومش عميا!!! شريرة انا ؟؟ ابدا والله ،بس باطبطب علي روحي !!!ا

( 2 ) 

يوم 20/ 3/ 2011 

-----------------------------------------------------------------------------------------

[Sunday 20th of March 2011 06:13:43 AM] [ Details ] 
التصويت الطائفي والتمترس العقائدي والجهل السياسي والامية والتلاعب بالمشاعر الدينيه سواء الاسلاميه او المسيحيه وغياب تاثير الاحزاب السياسية وعدم فهم الجماهير لمعني الدوله المدنيه واعتبارها قرين الكفر والالحاد .... كل هذا اخرج الملايين من منازلها غيرة علي دينها لتقوم نعم ليس للتعديلات الدستورية لكن نعم لحمايه الدين !!!!ا انها الدوله الدينيه تثبت اقدامها ان كنت مش واخدين بالكم !!!!ا

-----------------------------------------------------------------------------------------

[Sunday 20th of March 2011 06:28:29 AM] [ Details ] 
من حول التصويت علي التعديلات الدستورية لتصويت دفاعا عن الدين وغيرة عليه!!! ان لم نفهم سيتحول كل تصويت قادم لصالح الدفاع عن الدين !!!

( 3 ) 

يوم 22 / 3/ 2011 

-----------------------------------------------------------------------------------------

[Tuesday 22nd of March 2011 02:07:18 AM] [ Details ] 
انا مصدومه من اللي مصدومين ، كل ماصدمتهم تزيد صدمتي تزيد .. كل ماصدمتهم تزيد افهم انهم ماكانوش فاهمين حاجه خالص فصدمتي تزيد وتزيد !!!!ا اسمعوا صوت الواقع فماكنتم تسمعوه من قبل كانت سي ديهات معدة سلفا لخديعتكم والمصيبه انكم سمعتوها وانبسطتم واتخدعتم وصدقتم !!!ا

----------------------------------------------------------------------------------------

[Tuesday 22nd of March 2011 03:10:43 AM] [ Details ] 
واضح ان كله كان يعرف مصر من تقارير الامم المتحده ؟؟؟ فلما طلعت مصر الحقيقيه ، الناس اتخضت !!!! هي دي مصر ياعبله !!! مابتعرفش فرنساوي ولاحقوق انسان ولا دوله مدنيه ولابتروح الاوبرا ولا بتقرا مدونات وعايزه تخش الجنه لانها عايشه في جهنم فنفسها تتنصف ولو في الاخرة !!! هي دي مصر ياعبلة !!! حتعملي ايه ياعبله بقي ؟؟؟؟؟ محتاجه كام سنه عشان تعرفي تتكلمي مصري ؟؟؟؟

-----------------------------------------------------------------------------------------

 [Tuesday 22nd of March 2011 03:23:47 AM] [ Details ] 
ايام الثورة ، كنت في منتهي التوجس وشايفه ان الثورة علي عظمتها ستاتي لغياب البديل الحقيقي بقوي الاسلام السياسي المنظمه الجاهزة ، الثوريين هاجموني ووصلت للتطاول والاتهام بالجبن ، وقتها قلت ليه رؤيه مختلفه للمشهد وقراءه مختلفه لابعاده و لو طلعت غلطانه عندي شجاعه الاعتراف بالخطأ والاعتذار ، وادي بسرعه الايام اثبتت صحه قراءتي للمشهد ، اللي شتموني بقي عندهم جراءه الاعتذار والاعتراف بالخطأ ؟؟ سؤال بريء اعرف اجابته مسبقا !ا

-----------------------------------------------------------------------------------------

 [Tuesday 22nd of March 2011 03:54:58 AM] [ Details ] 
خساره معركه ليست خسارة الحرب !!!! اوافقكم جدا !!! لكن علينا نعترف اننا خسرنا معركه علشان نستفيد من دروس الهزيمه ونتعلم علشان نعرف نكسب الحرب !!!! ا لو مااتعلمناش ومافهمناش احنا خسرنا ليه مش حنكسب حاجه !!!ا قاعده بسيطه وواضحه!!!ا

( 4 ) 

يوم 23/ 3/ 2011 

-----------------------------------------------------------------------------------------

[Wednesday 23rd of March 2011 03:34:35 AM] [ Details ] 
قلنا مافيش قياده ، وقلنا البديل الجاهز حينط ويركب بعد الناس كلها ماتجهز له السكه وتفتحها له !!! قلتوا اطلعي من الميدان وبلاش يأس !!! طيب اهو البديل الجاهز نط وركب وحاجات تانيه كمان !!!!ا ازيكم بقي ؟؟؟؟زي الزفت زيي ولا احسن شويه ومتفائلين وكده ؟؟؟

( 5 ) 

يوم 30 / 4/ 2011 

-----------------------------------------------------------------------------------------

[Saturday 30th of April 2011 03:18:58 PM] [ Details ] 
اخشي يأتي يوما اقول فيه لقد عشنا كذبه كبيرة وخدعنا خديعه مروعه واستغلينا وكل احلامنا المشروعة لنقع في الهاوية !!! اخشي يأتي هذا اليوم ، اخشي يأتي هذا اليوم!!!!

( 6 ) 

يوم 8 / 5/ 2011 

-----------------------------------------------------------------------------------------

[Sunday 8th of May 2011 05:11:50 PM] [ Details ] 

ياثوره ، الحقي مصر هتضيع !!! ياثوره ياثورة ، الحقي مصر هتضيع!!!ا

( 7 ) 

يوم 10/ 5/ 2011 

-----------------------------------------------------------------------------------------

[Tuesday 10th of May 2011 01:40:15 PM] [ Details ] 
ماقلت من شهرين ، انا حاركب دقن علي سبيل الاحتياط الكلي ، والحمد لله ابتدت تخضر اهي وعلي مالتحالف الاسلامي يخلص انتخابات البرلمانيه القادمه والاخيره تكون دقني طلعت ويمكن شنبي كمان !!! عقبال عندكم كده

( 8 ) 

يوم 29 / 7 / 2011 

-----------------------------------------------------------------------------------------

 Friday 29th of July 2011 04:10:38 AM] [ Details ] 

الشريعه الاسلاميه المصدر الرئيسي للتشريع ، تصقيف وتكبير وهيييييييييييييييييييييييه ، صوت التحرير !!!!ا

-----------------------------------------------------------------------------------------

 [Friday 29th of July 2011 04:51:45 AM] [ Details ] 
السويس بتقول اسلاميه اسلاميه ولا للمباديء الدستوريه التيار الاسلامي والجبهه السلفيه هما اللي موجودين بكثره ، الاسكندريه بتقول اسلاميه اسلاميه والهتافات كلها اسلاميه والوجود الملحوظ للاخوان والسلفيين !!!! اهلا بيكم كلكم والله نورتوني

-----------------------------------------------------------------------------------------

 [Friday 29th of July 2011 02:05:09 AM] [ Details ] 
التحرير يهتف اسلاميه اسلامية ، علشان اللي مش سامع يسمع !!! مش قلت لكم الاسود لسه ماجاش !!!!ا

-----------------------------------------------------------------------------------------

 [Friday 29th of July 2011 02:45:26 AM] [ Details ] 
الشعب يريد تطبيق شرع الله !!! هتافات التحرير التي تدوي عاليا !!!! ومحاوله جذب الاسلاميين لاي شعارات اخري من اي قوي اخري بيفشل تماما !!! الشعب يريد تطبيق شرع الله !!!

-----------------------------------------------------------------------------------------

[Friday 29th of July 2011 03:44:37 AM] [ Details ] 
اسمعوا هتافات التحرير النهاردة، جايز نتعلم حاجه وجايز نفهم اي حاجه وجايز نشوف شكل المستقبل ايه علشان محدش يتخض بعد كده من اي حاجه تحصل !!!!!!!ا

-----------------------------------------------------------------------------------------

الصورة واضحة جدا ، علشان كده ، خلاص معنديش حاجه تاني ااقولها ...

مفاجأة مصرية

الليله فارقة ...
فقط واحد وثلاثون دقيقه تفصلني زمنيا عن يوم الانتخابات الذي يحتلني وجدانيا وذهنيا وعقليا ..
مصر تنتخب ، لاول مره بعد الثورة !!!
تحاول مصر تصنع برلمان الثورة الذي يعبر عن اطياف المجتمع
تحاول و.................من سينجح ومالذي سيفعله في مصر التي تقف اهبه الاستعداد لاستقبال حكامها الجدد ، من سيصيغوا دستورها ويحكموها اربعه سنوات !!!
غدا وبعد الغد .......... الاثتنين والثلاثاء ، سيصيرا يومين انتخابيين ، ليس فقط غدا ، لا لمده شهر ونصف تقريبا !!!
ثلاث مراحل انتخابيه والجوله الاولي وجوله الاعاده ، و............سيأتي الحكام الجدد علي جيادهم البيضاء وباصوات الشعب واردته وقراره ليصنعوا للشعب المصري الذي لااتمناه " مفعولا به " مستقبله ومستقبلهم !!!ا
غدا وبعد الغد ، ستشهد مصر مفاجأة !!!
هل ستكون مفاجأة ساره ام تعيسة ؟؟
في نهايه تلك العملية الانتخابية وفي ضوء نتائجها ومالذي سيحدث فيها ،  كيف سيري المصريين المفاجأة التي ستحدث ... وكيف ستؤثر في حياتهم الاربعه سنوات القادمه وفي المستقبل ...
لااعرف مالذي يخبئه لنا المستقبل بعد هذه الليله الفارقة ليله ثمانيه وعشرين نوفمبر 2011
وبعدها ، بعد ليله ثمانيه وعشرين نوفمبر 2011 ......... وفي ضوء ماسنعرفه بعدها ، سنتعرف علي مصر الجديده وعلي مستقبلها ومستقبل حياتنا !!!
من سيصوت لمن ؟؟؟ هل سيأتي برلمان الثورة معبرا عن المجتمع المصري فعلا ؟؟؟
لااحد يعرف  ، الجميع يخمن ويتوقع ويسعد ويغضب وينتظر!!!!
البعض متفائل والاخر متشائم والجميع قلق و....................انتظروا غدا مفاجأة مصرية !!!
انتظروا المفاجأة المصرية التي ستكشف عن نفسها يوما بعد يوم ، ابتداء من الغد 28 نوفمبر 2011 

ايه اللي بيحصل ؟؟ وحيحصل ؟؟؟؟؟؟؟؟؟؟؟؟؟؟

باختصار وبسرعه لان مافيش وقت .... مافيش وقت للتفاصيل ولا للشرح ولا للكلام التخين !!!! 

فيه حاجه كبيره قوي بتحصل وحتحصل !!!! 

لكن محدش واخد باله منها ..

الناس مشدود نظرها للتحرير واللي بيحصل في التحرير ، واللي بيحصل في التحرير مهم جدا وخطير جدا ، لكن مش ده الحدث الاساسي لالي بيحصل ، لا اللي بيحصل مالوش علاقه بالتحرير واخطر منه ، لكن مقصود الناس تركز مع التحرير ، ده مقصود ، مقصود نركز مع التحرير اللي بيحصل فيه مصايب ودم وجراح علشان مانشوفش المصيبه الاكبر اللي بتتجهز لنا 

السيناريو ابتدي والقطر خرج من المحطه والشرطه بتتهاجم في كل مكان من ناس مش ثوار 

من اطفال شوارع علي عصبجيه علي بطلجيه علي غيره ، الناس دي اللي معرفش هما مين ، بيتحاموا في الثوار والثوره علشان ينفذوا مخطط مالوش علاقه لابالثوار ولا بالثورة ، وهما عارفين ازاي يخلي الثوره والثوار ينتفضوا ، كل شويه قتيل شهيد كل شويه ضحيه ، والدم يبقي للركب ...

لما يدخل الدم في المعادله يبقي لاتصالح لاتفاوض لا هدنه لاتراجع ، طبعا لا تراجع ، لان اللي هما عايزينه - وهما دي معرفش مين - لسه مااتحققش ، وطول ماهو لسه مااتحققش حيفضل فيها شهدا ومصابين وتراكم غضب رهيب ، لما يحصل اللي هما عايزين ، حيقف سيل الدم الطاهر اللي بيتسفح غدر !!!

وكل مالدم يكتر ، الثوره تغضب اكتر والثوار يغضبوا اكتر ، وكل مايغضبوا اكتر ، اللي ليهم مخطط سري يعرفوا ينفذوه .. 

وعلشان الثوره والثوار يغضبوا ، الدم المصري الغالي يرخص والشباب المصري الغالي يتقتل والاكاذيب تكتر ، ولازم نفقد الثقه في كل حد وكل حاجه ، اشاعات تتقال علي انها حقايق والناس تصدقها وترددها وتكبرها ، ولازم نربط احداث الماضي بالحاضر ونعمل قياس غير حقيقي علي احداث غير متشابهه بس من كتر مالناس بتردد نفس الكلام نصدق انها احداث متشابهه ، ونسخر من اللي مايجوزش السخريه منه بس من كتر مانسخر منه نضحك رغم انه حاجه ماتضحكش ..

علشان المخطط اللي احنا مش شايفينه يتحقق ، لازم تفضل الناس محتقنه ، وغضبانه ، فلازم نفكرهم بكل حاجه سلبيه احنا زرعناها في عقلهم كل الشهور اللي فاتت ، الاول اقنعناهم ان الفلوس المنهوبه حترجع ، وهم صدقونا ، طيب نفكرهم بقي ان الفلوس المنهوبه مارجعتش !!! فيغضبوا لان الفلوس المنهوبه مارجعتش !!! الاول اقنعناهم ان المحاكمات بطيئه وان القانون بطيء وان المحاكم الثوريه عظيمه وان الاعدام مطلوب ، اقنعناهم فصدقونا لانهم لايعرفوا في القانون ولا يعرفوا في المحاكمات ، دلوقتي بقي الوقت المناسب نفكرهم بان كل اللي بيحصل بيحصل لان ماحصلش اعدامات ولان القانون بطيء ، نفكرهم ونعايرهم فيزعلوا ويغضبوا وينادوا بالاعدام الفوري والمحاكم الثوريه ، يعني ايه مش مهم ، ولا حد فاضي يسال ولا يتناقش !!! المهم يفضلوا غضبانين لانهم طول ماهم غضبانين طول مااحنا عارفين نوجههم نحركهم نوديهم ونجيبهم ، ومافيش مانع من الفزاعات ، الحق الفلول الحق الاسلاميين الحق العسكريين الحق الفاشيه الدينيه والتقسيم الحق الفاشيه العسكريه والاستيلاء علي الحكم ، ونجيب حدوته من الماضي وحدوته وهميه ماحصلتش ونقول حصلت ونربط بين اللي مايتربطش بينه ، والناس تاخد كلامنا وتصدقه ولما نغضبها تغضب ويتفوا كلهم في بق بعض وينقلوا نفس الكلام وبعد شويه يصدقوه كذبنا ويبقي حقيقه ويغضبوا ويغضبوا ويفقدوا الرؤيه والبصيره والاحساس ويبقي تروس في اله عملاقه ، اله موت ، الاول بتموتهم وبعدين تموت الوطن ومحدش واخد باله ولا منتبه للي بيحصل ، ليه ، لان كلنا مركيز علي التحرير اللي شادد بصرنا وتركيزنا وتعاطفنا ومخلينا مش عارفين نشوف اي حاجه تانيه حوالينا مع انها تخزق العينين وواضحه وضوح الشمس !!!! 

انه مخطط قذر يلعب ويتلاعب بعقول الناس وجهلهم وعدم فهمهم لهذا العالم القذر عالم السياسه ، يتعامل مع نقاط ضعفهم النفسيه واحلامهم ويوهمهم بأنها اوشكت تتحقق بس فاضل علي الحلو دقه ، مخطط يهون المستحيل ويخلي الناس مستعده ترمي روحها من فوق البرج ويقنعهم انهم عصافير وحيطيروا فلما يقعوا علي جدور رقبتهم تتكسر يصوت ويصرخ ويقول شهدا تاني ودم تاني ، القصاص القصاص !! 

كل ده سيناريو وبيتنفذ ، مشهد تمثيلي يشارك فيه كومبارس لايعرفوا انهم كومبارس متصورين انهم اصحاب القرار والاراده وهم ليسوا الا رد فعل محسوب لافعال مقصوده ، مشهد تمثيلي شعاره بص العصفورة وكلنا رقبتنا بتبص علي الفراغ اللي مافيهوش عصفورة مكسوفين نقول مافيش عصفوره ليقولوا لنا ازاي انتم عمي ، لا احنا مش عمي ، احنا شايفين العصفورة وبنبص عليها ، ولان رقبتنا كلنا متعلقه في الهواء مبحلقين في العصفورة الي مش موجوده ، فيه حد بقي بيكمل السيناريو علي الارض وهو واثق اننا مش شايفينه ولا حنشوفه لان رقبتنا متعلقه لفوق وعينينا بتحلق في الفراغ !!!! 

اللي بيحصل سيناريو حقير ، معتمد علي الجهل والبراءه وعدم الادراك وعدم الرؤيه عند معظم الناس ، معتمد علي الاندفاع والحماس والغضب عند بعض الناس ، معتمد علي قوه الاخراس الرهيبه اللي كل الناس حتمارسها علي اللي يقول مافيش عصفورة ، كل الناس حتزعق فيه لانه معندوش دم ولانه مابيحترمش الدم اللي سال علي الارض ومابيحترمش الشهداء ويارب ابنك وامك وبنتك هما اللي يحصل فيهم كده !!!!!!! 

اللي بيحصل بجد ، مالوش علاقه باللي بيحصل وبنتابعه !!!! 

اللي بيحصل بجد محدش بيتكلم عنه لكن حيبان بسرعه قوي ، لكن مالوش علاقه باللي بيحصل وبنتابعه !!! \

ولما اللي بيحصل يحصل فعلا ويوصل لنتايجه ، حيتلم السيرك والاسود ترجع اقفاصها والنار اللي في بق الساحر حتتطفي !!!! 

وحيطلع علينا اللي يقول مبروك عليكم اللي حصل ، وقتلاهم في النار وشهداءنا في الجنه ، ويتغير الخطاب من تحريضي اندفاعي لشيء اخر ، المهم الهيصه تخلص والميدان يتكنس والشهداء يتكرموا والثوار يطلعوا في التلفزيون وشعرا واغاني وبرامج توك شو تشيد باللي حصل وابطاله وثواره والناس ترجع تنام في بيتها تاني مش عارفه انها اتضحك عليها واستغلت واستخدمت وكانت وقود معركه لاناقه لها فيها ولا جمل ...............

للاسف .............. كالعاده اصرخ في الفضاء وحدي ، قليله الحيله ، لااملك امنع شيئ ولا املك ابصر بما يحدث !!! 

للاسف ............ المخطط يسير علي قدم وساق 

التحرير ينتفض غضبا لان شهداءه وشهداء الوطن يتكاثرون !!! 

والمؤسسات الشرطيه تهاجم من اخرين ليسوا ثوار لكنهم تواروا خلف غضب الثوار وانتفاضتهم !!!! 

والشعب للاسف لايفهم في السياسه ويسير في المسار الذي يدفعوه اليه ويغضب وقتما يحبوا وينتفض وقتما يحتاجوه ينتفض ويهدء ويبتسم وقتما يحتاجوه يهدء ، الشعب يستخدم في المعركه لصالح طرف حقير له خطط واستراتيجيات واهداف لايرغب في الافصاح عنها ولا المطالبه بها بل يرغب في استخدام الشعب للمطالبه بها والالحاح عليها فتتحقق وكأنها انتصار للشعب وهي في الحقيقه ليست الا هزيمه جديده تضاف لهزائمه لانه - ومنذ زمن بعيد - يستخدم دون ان يدري في دروب ومسارات السياسه القذره!!! 

للاسف ............ المخطط يسير علي قدم وساق 

وسيموت مصريين كثر رجال ونساء شباب واطفال ويسيل الدم المصري الطاهر علي الار ض حتي ينتهي هؤلاء الحقراء من تنفيذ مخططاتهم الشريره التي لاعلاقه لها بالوطنيه ولا بالشرف ولا بالكرامه ولا بالثورة !!!! 

كل مايحدث امام اعيننا لاعلاقه له بما يحدث فعلا !!!! 

وكل النتائج التي ستتحقق لاعلاقه لها بما يحدث امام اعيننا فعلا !!!! 

وكلنا نستخدم للوصول لاهداف لانرغب فيها ولا تخصنا ولا تحقق مصلحه وطننا ولا شعبه !!! 

و............. كلنا بنبص العصفورة وعمالين نبحلق في الهوا ندور عليها !!!

وتحت رجلينا الدم للركب واعز اولادنا بيموتوا وحيموتوا واحنا حتي مش واخدين بالنا ومش فاهمين !!!! 

كلنا بنبص للعصفورة وسايبين الوطن يعملوا فيه اللي هما عايزينه !!! 

والله مافيه عصفوره والله مافيه عصفورة ، بصوا علي الارض تحت رجليكم وقدامكم ، شوفوا ايه اللي بيحصل وبيحصل ليه ومين المستفيد منه وعايز ايه وبيستخدمكم ازاي ، لو شفت بجد ، ساعتها الدم حيقف والاصابات حتقف وحنفك شفره كل الالغاز !!!! 

المخطط الشرير الحقير ماشي علي قدم وساق والكمين منصوب واحنا بنقع فيه ، بنقع فيه وبندفع تمنه دم غالي وشهدا غاليين ومصريين  غاليين وحندفع فيه تمن غالي تاني لسه مااحناش عارفينه لانه لسه مابناش !!! 

مش عارفه انهي الكلام !!! 

هل ده مخطط فوضي ، هل ده مخطط تقسيم ، هل ده مقدمه لانقلاب عسكري فاشي ، هل ده مقدمه لثورة اسلاميه ، هل ده مقدمه لاحتلالنا بالناتو وضربنا بقنابله !!! والله مش عارفه !!! 

مش عارفه انهي كلامي !!! 

افتكرت يمكن كلام نعوم تشامسكي اللي بيقول ان امريكا ضد ديمقراطيات حقيقيه في بلادنا !! 

افتكرت يمكن كلامه عن عشر استراتيجيات للتحكم بالشعوب !!! 

افتكرت يمكن كلام كوندليزا رايس عن الفوضي الخلاقه !!! 

افتكرت يمكن المشهد السينمائي المتكرر عن القطه الغلبانه اللي بيولعوا في ديلها النار ويرموها جوه غيطان القصب فتتحرق بلا ذنب وتحرق الدنيا معاها !!! 

افتكرت يمكن المثل العربي اللي بيقول ، اكبر النار من مستصغر الشرر !!! 

افتكرت يمكن مشهد كورة التلج اللي بتبتدي صغيره وتتدحرج وتكبر وتتدحرج وتكبر ومحدش لايقدر يوقفها ولا يمنعها تكبر !!! 

افتكرت حاجات كتيره اخرها دعاء امي كانت بتقوله ، اللهم اني لااسالك رد القضاء ولكني اسالك اللطف فيه !!!! 

و.............. علي فكره كل اللي بيحصل مالوش علاقه باللي بيحصل بجد !!! 

و..................... علي فكره مافيش عصفورة !!!!!!!!

انتظر المطر

حين اسمع قطرات المطر تنقر فوق نافذتي كالعصفور الصغير 

وتفوح رائحه الياسمين 

ابحث عن شالي الصوفي وعن حضنك 

افتقدك واشتاق اليك .. 

اناديك فلا ياتيني الا عواصف رعديه 

تسكب امطار فوق قلبي العطش فتكوي جروحه بالملح الموجع 

وتتركه يتلظي بالهم والشوق وغيابك !!! 

 رائحه المطر الطازج تذكرني بحضورك

بوهج غرامك وقت اعترفت بحبي 

وقت خطفتني فوق سحب محبتك 

يومها ، انهمر المطر الفرح فوق قلبي يرويه 

وسطع قوس قزح في حياتي 

غادرتني العاصفه الموحشة  

واحلتني امطارك 

وبرأت من الجدب والوحشة وسقم الوحدة 

لكن المطر رحل وتركني 

وانت رحلت وتركتني انتظرك في مواسم الاعاصير 

حين اسمع قطرات المطر تنقر فوق نافذتي 

ابتسم .. فالمطر والبرد والشتاء مترادفات لوجودك 

فالدفء انت 

والحب انت 

والشوق انت 

المطر والبرد والشتاء وفنجانين قهوة في ركن دافء من شرفتي 

وياسمين وابتسامات كثيرة وغرام ...كل هذا كان انت ...  كانت ايام !!! 

الوجع الذي لايبارحني لانك غادرتني كمثل الامطار في ازمنه الجدب المستمرة انت 

رحلت عني وتركت الارض قفراء تشتاق للمطر ولك 

وصار الحلم انت 

والامل انت 

والهم انت 

والوهم انت 

وصارت القهوه ماسخه تنتظر المطر وتنتظرك 

وذبل الياسمين ينتظر قطرات المطر ليحيا وينتظرك 

وعشش العنكبوت في الركن الذي صار باردا من شرفتي ينتظر المطر وينتظرك 

ويأتي المطر يغرق شوارع مدينتي 

وترتعش قلوب الاحبة وترتوي  

وينتشر الدفء واقواس قزح الورديه 

وانا مازلت انتظر وحدي في الشرفة 

ويمر عاما واثنين 

ويأتي المطر وينقر فوق نافذتي  

ابحث عن شالي الصوفي وعن حضنك 

اتدثر بالصوف البارد وقطرات المطر الدافئة ودموعي 

وانتظرك 

و.......... سنوات طوال يأتي المطر ولا تأتي 

فهل ستأتي هذا العام مع المطر ؟؟ 

ام ستتركني كمثل كل الاعوام الفائته اتدفء بالصوف البارد والهم 

المطر اوشك يأتي فهل تأتي ؟؟؟

انتظر المطر وانتظرك 

لاتنتخبوهم وانقذوا مصر !!!!ا

الي كل النساء ...
ببساطه لا تنتخبوا حزب النور .... لاتختاروا قوائمه الانتخابيه ..
هو لايحترم النساء
هو يري ان السيده ليست الا زوجه " فلان " وابنة " فلان " وام " فلان "
لايحترم النساء
لايحترم حتي ناشطاته السياسيات
يرشح السيده ويمحو اسمها وصورتها
ويقدمها للمجتمع باعتبارها زوجه " فلان "
ولم يقل لناخبيه كيف ستمارس السياسه كنائبه بالبرلمان وهي مجرد زوجه لفلان
كيف ستتكلم وصوتها عورة وكيف ستحضر مع الرجال الغرباء عنها
هل ستعمل توكيل عام لزوجها يمارس السياسه بدلا منها ويحضر الجلسات بدلا منها ويناقش القضايا المطروحه بدلا منه
الي كل النساء
لاتنتخبوا حزب النور السلفي الذي لايحترم النساء ولا يؤمن بوجودهن ولا دورهن
حين رشح سيده ضمن قائمته الانتخابيه ، رشحها في اخر القائمه وهو يعلم انها ستسقط ولم يري مبرر لكشف وجهها امام الناخبين ووضع اسمها ضمن قائمه علي سبيل مجاراه الافكار " الغربيه " التي تحتل عقول المجتمع الذي يرغب في اصلاحها وفقا لمنهجه السلفي ..........
لاتنتخبي ياسيدتي حزب النور
هو لايحترمك وسيلغيك ويلغي صوتك وصورتك ويعتبرك مجرد تابع ( لفلان ) !!!!
لاتنتخبوا حزب النور ، فليس هو الحزب الذي سيصنع المستقبل لمصر
لاتنتخبوا حزب النور ، فاول خطوات طريقه السياسي تفصح عن نهايه الطريق
اليوم هي حرم فلان وغدا سيمنعونا من الكتابه والقراءه والوجود والعمل ، سيلغونا ويمحونا من الوجود 
انقذوا مصر ونسائها وانفسكم واحموا مستقبلها ولا تنتخبوا حزب النور !!!!ا
اللهم اني بلغت اللهم فاشهد !!!!ا
اللهم اني بلغت اللهم فاشهد !!!!ا
اللهم اني بلغت اللهم فاشهد !!!!ا