بعض الجهل مع بعض التلقين والحفظ ، يثمر اناس عاجزين عن التعامل مع الكوره الارضيه اللي بتلف ، عايزينها تثبت مكانها علشان الكلمتين اللي فيي راسهم يبقي ليهم معني ، اول ماتتحرك يتلخبطوا لان الحصه اللي خدوها مش نافعه مع اللي بيحصل علي اختلافه واختلاف تفاصيله ، ولان طبعا الكورة الارضيه مابتبطلش لف ، هما بيتلخبطوا قوي قوي ويقولوا كلام احمق تافه عبيط وكأنه كلام سياسي كبير ، لانه فقط يملكوا بعض الكلام يحاولوا يطبقوها علي كل حاجه في الدنيا ، ماهم مش عارفين حاجه تانيه علشان يقولوها !!
اتعلموا الاول وبجد وافهموا قبل ماتتكلموا ، سياسه البغبغانات دي تخلي شكلكم وحش قوي لانكم زي شويكار في مسرحيه سيدتي الجميله ، ازي الصحه ، برافوا ، الجو جميل !!!!
ولو مش عارفين تتعلموا ، اسكتوا ، وعادي ، اكم من بشر لايتحدثوا الا فيما يفهموه فيلقوا التقدير والاحترام لانهم لايفتوا ولا يتشدقوا بكلام لايفهموه ولا يعرفوا معناه ودلالاته الحقيقيه ....
العيب علي اللي فهمكم انكم بتفهموا في السياسه اللي هي مش كيميا واي حد يعرف يفتي فيها ويتكلم !!!
العيب عليكم لما عجبتكم اللعبه وقررتم ، اه بنفهم جدا طبعا ايه المشكله يعني !!!
ليه كل ده ، لاني لسه بتصدم من ناس بتتكلم في الي ما بتفهمش فيه بمنتهي البحاجه والاقتدار لا وكمان تشتم وتنتقد وتعمل فيها خبير استراتيجي !!!
ايها الخجل اين حمرتك ؟؟؟؟؟؟؟؟؟؟؟
انتم كبيركم ، جمهور طيب لطيف يمشي ورا قائد يقوله روح هنا وتعالي هنا وكمان يخلي باله وهو ماشي مايتكعبلش في رجليه !!!! علي فكره دي مش شتيمه ده دور وطني عظيم جدا ، انما لو كل واحد قرر يبقي قائد وزعيم ويفتي ويتكلم ويشرح ويحلل ويقول كلام مالوش معني في وقت صعب ، حتبقي وقعتنا سوده ونضحك الناس علينا !!!
استهدوا بالله كده وبطلوا فتي ، فجميعنا لايفهم في الكيميا ولا الفن ولا الفلك ، والسياسه ليست علم لقيط يفتي فيه من يفتي ويتكلم فيه من يتكلم ، انه علم مثل علوم كثيره تحتاج دراسه وخبره وتجارب ، وانتم ، ايها الجهال لاتفهموا فيه ولا قوانينه حتي لو ظللتم تصرخوا وتنقدوا بصوت عالي يكسر زجاج الكوكب كله !!!!
اتعلموا او اسكتوا !!!!
ليست هناك تعليقات:
إرسال تعليق