فيه ناس زعلانه لان ضابط شرطه لسع ارهابي علي قفاه وهو بيقبض عليه ..
طيب ممكن اسئله بريئه
هو الضرب علي القفا بيوجع او يهين الكرامه ؟؟؟
بيوجع او يهين الكرامه
اكتر من ضرب المولوتوف ؟؟؟
اكتر من رمي الشباب من فوق الخزان وتكسير عضمهم وقتل اللي لسه فيه الروح منهم ؟؟؟
اكتر من وقوع مديريه امن المنصورة فوق راس الضباط وتحطم عضام رؤوسهم تحت الانقاض ؟؟؟
اكتر من وجع ميه النار اللي اداها الارهابين لامين الشرطه اللي كان لسه عايش في مذبحه كرداسه وطلب يشرب ميه وهو بيطلع في الروح ؟؟
اكتر من حرق اتوبيس الجنود بالجنود في رفح وهما مروحين بعد ماخلصوا تجنيدهم ؟؟؟
اكتر من قطع راس التاجر القبطي في العريش عن جسمه ؟؟
اكتر من قتل مريم في كنيسه الوراق بالرصاص اللي فرتك جسمها ؟؟؟
اكتر من قتل العساكر والضباط وقت الفطار في رمضان والرز لسه في بقهم ؟؟؟
اكتر من قتل الضباط في الاقسام والسجون ؟؟؟
اكتر من اغتيال بالالي لشرطه وجيش ومدنيين ؟؟؟
ياللي زعلتم لان المجرم الارهابي اتلسع علي قفاه بالقلم ومازعلتوش علي اي حاجه تانيه عاشها كل المصريين ، قولوا للارهابيين يبطلوا يضربوا الي وخرطوش ويحرقوا عربيات الشرطه وعربيات الناس ويكسروا الرصيف ويحدفوا الناس والشرطه بالطوب ..
بدام زعلانين قوي كده
ماتقولوا لهم يبطلوا لو قفاهم عزيز قوي كده وبيزعلوا عليه قلمين تلاته عليه ؟؟
والبادي اظلم ...
علي فكره حقوق الانسان لكل الانسان ، او مافيش حقوق انسان لكل الانسان
علينا توحيد قواعد اللعبه والبادي اظلم
هناك تعليقان (2):
مجدي السباعي
طبعا بيوجع أكثر بس اللي بيتكلموا
الشعب اداهم قفا جاممممممد قوي
اةةةةةةةة فعلا الناس اللى زعلانة ان الضابط لسع الارهابى على قفاة معاهم حق لانة بيهين كرامت الارهابى الجميل ياحرام ,هو كان المفروض الضابط يضرب الارهابى خرطوش او مولوتوف او يرمية من فوق عمارة او يسقية ميت نار...عشان الناس الحلوين بتوع حقوق الانسان وغيرهم مايزعلوش ياحرام.....
وبكدا يبقى وحدنا قواعد العبة والبادى اظلم......ها طبعا كدا محدش هيزعل تانى....
NASHWA ABD EL HILEM
إرسال تعليق