هل تعرفوا مرض الذئبه الحمراء ؟؟؟؟؟
كان ليا قريبه وصديقه عندها المرض ده ... الله يرحمها بقي
اللي عرفته عن المرض ده ، ان بيحصل تحور في وظيفه كرات الدم البيضاء
كرات الدم البيضاء اللي مفروض انها خط الدفاع الاول عن الجسم من الميكروبات والجراثيم والامراض ، فجأ بتتحول عن دورها ده ، وتتحول هي لاجسام مهاجمه للجسم ، هي تهاجم اجهزة الجسم وتحاربها وتمرضها وتكسرها ، فجأ يتحول جهاز المناعه في الجسم لمهاجمه الجسم ومحاربته ، قريبتي وصديقتي دي جالها في الكلي ، لغايه ماحصل لها فشل كلوي .....
المهم ............... دي فكره مرض الذئبه الحمرا ، ان الجسم يهاجم نفسه بنفسه مايستناش لما تيجي جراثيم او ميكروبات او فيروسات تهاجمه ، لا هو يهاجم نفسه بنفسه ...
طيب .... لما بتأمل المشهد السياسي في اوطاننا منذ يناير 2011 ، في مصر والدول العربيه كلها ، حسيت ان اللي بيحصل في بلادنا شبه قوي الجسم المريض بالذئبه الحمراء ، فجأ بيحصل هجوم علي بلادنا ، الهجوم ده مش من جيوش غازيه ولا قوات اجنبيه جايه من بره ، لا الهجوم علي بلادنا جاي من جوانا ، من ناس مواطنين مفروض زينا ، مفروض يكون واجبهم الدفاع عن الوطن وحمايته ، لكن بدل مايدافعوا عنه ويحموه ، بدل من ده ، يهاجموه ويحاربوه ويسعوه لتدميره بكل الطرق اعلاميه ممكن ، دبلوماسيه ممكن ، ارهابيه وقتل وترويع ممكن ، اكاذيب وشائعات ممكن ، لما فكرت في اللي بيحصل في بلادنا ، لقيت ان مؤامرة الربيع العربي دي هي محاوله امريكيه فاشله بنت وسخه زي الامريكان وزي الاخوان وزي العملاء الخونه ، محاوله امريكيه لتحويل اوطاننا لمرضي بمرض الذئبه الحمرا ، بدل ماتكلف نفسها وتغزونا ، تسلط علينا من جوانا ناس زينا ، تخليهم يتحولوا من مدافعين عن الوطن لمحاربين للوطن ، مؤامرة الربيع العربي ، كان عايزه جهاز المناعه الوطني بتاع بلادنا يتحول هو نفسه لمرض يمرض بلادنا ويدمرها ، مولت وسلحت ودعمت اعلاميا ودبلوماسيا وشخصيا ومنظمات دوليه ومجتمع مدني كل ده ، افلح يحول جزء من شعوبنا لاعداء حقراء خونه متسلطين علينا زي ماكرات الدم البيضا في مرض الذئبه الحمرا بتتحول لاعداء حقرا خونه متسلطين علي الجسم البشري تكسره وتحاربه وفي الاخر تموته ....
مؤامرة الربيع العربي ، هي محاوله استنساخ مرض الذئبه الحمراء في بلادنا وتطبيقه مش علي اجساد البشر لا علي اوطان البشر ، وبالذات اوطانا احنا ويمكن تكرر التجربه ، يعني مؤامرة الربيع العربي دي مؤامره فيروسيه ، بس مش فيروسات المعامل ومختبرات الجيش الامريكي ، لا فيروسات ومعامل معاهد الاستراتيجيات والخطط والمؤامرات الكونية ...
هما كان فاهمين ان ال 10 او 50 او 5000 اللي هما افلحوا يغيروا تركيبتهم الجينيه الوطنيه ويفسدها ، كان فاهمين ان دول حيتحولوا لمحاربين ضدنا يحطمونا ويدمروا بلادنا وانهم حيفلحوا ، والحقيقه هما خدعوا ناس كتير وكادوا في بعض البلدان يفلحوا او حتي افلحوا ، لكن في مصر ، وبنفس المنطق الطبي الاستراتيجي ، الامريكان وتابعييهم الخونه الاوساخ الارهابيين القتله ، دول ودول ماكانوش يعرفوا ان مصر شخصت المرض بدري بدري ، وفهمته ، واخترعت له ترياق يعالجه ويشفيها منه ، مصر مااتلخبطش في المرض واعراضه وعالجته غلط ، ولا فهمته متأخر ، لا مصر شخصت المرض في بدايته صح واستعدت لمواجهته ومواجهه كرات الدم البيضا المجرمه اللي اصابها فساد جيني وطني ، استعدت لهم وعملت لهم ترياق شافي وخدعت المرض وفي الوقت المناسب حقنت مصر جسمها وروحها بالترياق الشافي فكانت ثوره 30 يونيو ومابعدها ..
طبعا كسرنا المؤامرة والمرض ، لكن مازال بعض كرات الدم البيضا الخاينه المجرمه الفاسده جينيا ووطنيا ، لسه بتحاول تجري هنا وهنا متصوره انها حتهاجم الجسم تاني وتعيد له المرض وان عندها القدره تاني علي بعث المرض وصولا لتدمير الجسم ، ماتعرفش انها مهما تحاول فاشله وان الجسم خلاص اتحصن بالترياق وخف من المرض وكل اللي فاضل له ، ان يسيب الخلايا البيضاء المجنونه دي تنتحر وفي الاخر تهاجم نفسها بعد فشلها في مهاجمه اي شيء اخر وتموت نفسها بنفسها ...
فكروا في الصوره والتشبيه
وقولوا لي رايكم ايه ؟؟؟؟؟؟؟؟؟؟؟؟؟؟؟؟؟؟؟
مع الاعتذار طبعا لكل الاطباء الاصدقاء ، لاني ادليت بدلي في ماءهم وفتيت ولو طلع كلامي تخريف وفهمي للمرض مش صحيح ، حامسح البوست وعادي ، يبقي فكره مش صحيحه وخلاص ...
ليست هناك تعليقات:
إرسال تعليق