دي مش نوت
ده فضفضه غضب وزهق وبس !!!!
هي الناس اللي صوتها عالي قوي دي واللي عايز تغير النظام السياسي للبلد ، مابيحاولوش ليه يغيرو بجد !!!
يعني بدل الكلام واللت والعجن والشتيمه والانتقادات المريره ، ليه مابيخشوش احزاب معارضه ، من ناحيه يقووها ومن ناحيه يبقي غضبهم مثمر ، جايز جايز يتم تداول للسلطه !!!
حتقولوا مافيش احزاب عاجباكم !!!
طيب اعملوا احزاب تانيه جديده !! ماينفعش !!! طيب امال مين اللي حيغير !!! امي حتطلع من قبرها تغير وترجع تموت !!!
طيب المعارضه قاعده بتنش !!! ومحدش بيخش الاحزاب !!!
وفيه شويه شخصيات عامه في البلد ، بتتكلم باسم نفسها ولصالح نفسها وبس خلاص!!!!
دول كبيرهم تجيبهم في مؤتمر يتكلم ويقول بقين حلوين ويتصور وبس خلاص يروح ينام!!!
جنرالات بلا جنود !!!!
وهي من امتي الجنرالات بيخشوا المعارك ويكسبوها بلا جنود !!!!
ده حتي ناس كتير من اللي بتتكلم عن التغيير مسافره وبتشتغل وعايشه بره مصر سواء في البلاد العربيه او غيرها ، عايزين يغيروا وهما قاعدين هناك ، عايزين حد تاني يغير لصالح احلامهم ، لكن هما لايشاركوا ولا يبذلوا مجهود ولا اي حاجه خالص !!!
يعني معظم الناس اللي جوه مابتخشش الاحزاب ولا بتمارس سياسه بجد ، بس غاضبه وبتتكلم وتحلم !!!
وبعض الناس اللي بره مسافره اساسا ومش موجوده وبرضه غاضبه وبتتكلم وبتحلم !!!
ثم ..........
اللي عايز يغير النظام السياسي ده ، عايز ايه بعد مالنظام يتغير !!!
ولا عايز بس التغيير !!!!
التغيير لايه ، يعني مثلا عايزين تغيير يجي بعده الاخوان المسلمين يحكموا البلد !!!
عايزينه نظام اشتراكي !!! شيوعي !!!
عايزين ليبراليه حره !!!
عايزين ايه !!!!
هو التغيير بقي الهدف وبس !!!!
نغير نغير نغير !!! لايه مش مهم ، بايه مش مهم !!!!
طيب !!!!
حتغيروا النظام السياسي ، انتم متفقين كلكم علي كده ، طيب بعد ماتغيروا ، هل كلكم متفقين علي اللي انتم عايزينه بعد التغيير ولا ساعتها يحلها الحلال وتتخانقوا وتموتوا بعض !!!!
فيه فرق كبير بين الغضب العشوائي وبين الثورة !!!
الغضب العشوائي مدمر يهدد الشعب قبل الحكومه !!!!
مالوش توجه مالوش هدف مالوش كبير مالوش غرض ، غضب ثم غضب وهيه هيه ابويا اتحرق !!!
لكن الثوره عمل سياسي منظم لازم يكون له طليعه وناس بتقود وتنظيم حزب او جماعه وافكار وبرنامج واهداف!!!! هو فيه تيار سياسي او حزب او جماعه منظمه بتسعي لعمل ثورة والشعب وراها وعارف برنامجها !!! اذا مافيش ، امال مين اللي حيقود الثورة !!! ويحدد خطها واتجاهها واهدافها !!!! مين ، امي الله يرحمها!!!
ياجدعان انتم عايزين ايه ؟؟
غضبانين وبس !!! وعايزين تغيير وبس !!! تغيير وان شاءالله تولع !!!!
غضبانين زي الناس اللي في الشارع اللي مش عارفه ماذا بعد الغضب !!!
غضبانين لدرجه انكم مستعدين الدنيا تولع ، حتي لو حتولع في هدومنا ، المهم التغيير وبس !!!
تيجي ايام سوده وماله اهو تغيير ..
تيجي ايام حمرا وماله اهو تغيير ..
الاخوان وماله اهو تغيير !!!
ابليس وماله اهو تغيير !!!
الدنيا تولع وماله اهو تغيير !!!
التتغير هو الهدف وهو الرساله وهو النتيجه !!!!
ياوقعتنا السوده !!!!
اه يابلد غلبانه بمثقفيها وشخصياتها العامه ومتعلميها !!!
قاعدين مش عايزين يعملوا حاجه ، مش عايزين يدفعوا التمن السياسي ، مش عايزين يتحركوا لكن نفسهم حد غيرهم يحرق البلد نيابه عنهم ولصالح احلامهم في التغيير !!!!
ياحرام يامصر !!!!!
مش بقول ياوقعتنا السودة !!!!
هناك 5 تعليقات:
بنحب المنظره والمريسه
انا افضل ااقول وعايز حد يعمل هنروح بعيد ليه
عايزين فلوس ومش بيشتغلوا
عايزن شهادات ومش بيذاكروا
احنا اصلا نستاهل كل اللى بيحصل فينا
محدش بيحبها ولا بيحب نفسه
سمو الاميره
التغير مطلوب.... والتغير هو امر اللهى
حيث ان التغير صوره من التطوير والتحديث
التغير امر طبيعى
فسبحان من يغير ولا يتغير
التغير سنه الحياه
التغير شرط ليغير الله ما بنا
(لا يغير الله ما بقوم حتى يغيروا ما بانفسهم)
كل ده زى الفل
.......
المهم يكون التغير للافضل
ليس هناك تغير من اجل التغير
انما يجب ان يكون التغير عن دارسه ووعى والمام بكل جوانب قضيه التغير
وان نعى هل هو تغير ام تبديل لاننا جميعا نخلط بين التغير والتبديل
يجب ان يكون التغير واعى ومدروس
ومعروف عواقبه ونتائجه
...
يا فرحتى لما يتشال وزير حرامى شبع خلاص ويجى مكانه وزير حرامى لسه جعان هيبدأ من الاول
انا مع التغير للافضل
ولست مع هوجه التغير العشوائى
لسنا اطفال نمل من لعبنا ونطلب غيرها
كلامك بيشعل ثوره فى نفوسنا
دمتى رائعه
تحياتى
وبعدين بلاش ان شاء الله تولع
لحسن تولع بجد
وبينى وبينك هى غاليه عليا اوى
نخليها
( يكش تولع )
ايه رائيك
أحزنتني كثيراً
ثورة الغضب تقاد من مكتب الارشاد ....يمسح النظام شباب غاضب ..ليأتى المرشد على حصانه الابيض وحوله قاذورات مثل نور وسيد البدوى لتكتمل الصورة الشبه علمانيه وندخل حكم القرون الوسطى بعد ان تأكل الثورة اولادها
اكسترا دائما
إرسال تعليق