من الفيس بوك .... ايتها الطبقه المتوسطه اتبرعي لمصر ....... هذه هي القدوة ....

#من_كل_مصري_لمصر_100_جنيه


هو زعيم عايز مصر احسن ويسعي لده بجد 

مش رئيس جاي يقضي فترته الرئاسية ويمشي ...

فيه فرق كبير قوي قوي ...

السيسي زعيم لمصر بجد

لو السيسي كان قال لملايين المصريين قبل 30 يونيو 

عايزين الثوره تنجح ، اتبرعوا بنص ممتلكاتكم لمصر 

كانوا اتبرعوا بطيب خاطر من كتر رعبهم ان مصر حتضيع ...

طيب ، احنا برضه مش عايزين مصر تضيع 

يالا اتبرع يامصري ، اتبرعي يامصرية

عارف ياريس ، لولا ان يناير خربت بيت ابونا وبيعتنا اللي قدامنا واللي ورانا 

كنا عرفنا نتبرع بمبالغ اكبر ...

لكن يناير كنستنا زي المقشه قدامها ومسحتنا وركبتنا ديون وسابتنا علي البلاطة 

اه والنعمة 

ماهو خراب البلد خراب لينا كلنا ...

لكن برضه انت نور عينينا واحنا مانتأخرش عنك وعن مصر 

ان شالله نبيع البلاطة ...

ايام المجهود الحربي بعد نكسه 67 ، الطبقه المتوسطه المصريه باعت صيغتها وحطت كل مدخراتها ودعمت جيش مصر ومصر ...

وادينا بعد يناير 2011 مطلوب تاني من الطبقه المتوسطه المصريه تدعم مصر 

الطبقه المتوسطه المصريه هي عمود الخيمه واللي وقت التعب تشيل البلد علي راسها ..

حب البلد مش اغاني ومش مظاهرات متمولة لصالح قطر وامريكا

حب البلد تضحيه بكل اللي نقدر نضحي بيه ، 

المصريين ضحوا باجمل اولادهم 

ومصر ضحت بااغلي رجالتها 

والدم المصري الغالي فدانا كلنا 

لو علي الفلوس تهون ويبقي مقدور عليها ....

يالا نتبرع يامصريين زي السيسي ماقال ...

هو احنا عندنا اغلي من مصر .

محدش يقولي ظروفي وحشه 

كلنا ظروفنا وحشه 

محدش يقولي عليا ديون 

كلنا علينا ديون 

محدش يقولي عليا التزامات 

كلنا علينا التزامات 

مصر بقي ظروفها وحشه وعليها ديون وعليها التزامات 

وهي الحبيبه الغاليه اللي لازم كلنا نقف جنبها ونسندها 

واي حاجه حتطلع من ذمتك برضا وحب لمصر ، كأنها النوايه اللي حتسند الزير :) 

باكلم الطبقه المتوسطه المصرية 

لو بنت صديقك او ابن صديقتك اتجوز 

حتنقطوه بكام ؟؟؟

طيب ادفع ربع النقطه دي كل شهر لمصر 

كتير عليها ؟؟؟؟ 

باكلم الطبقه المتوسطه المصرية 

بذمتك ، مشترك في كام قناه مشفرة 

والاشتراك الشهري كام ؟؟

طيب ياسيدي اعتبر انك غيرت الباقه وزودت الفلوس 200 جنيه كل شهر 

وادي ال 200 جنيه لمصر ، ايه كتير عليها 

باكلم الطبقه المتوسطه المصرية 

داخل علينا رمضان 

بتحب عيش السرايا بالفزدق ؟؟؟

بتحب الكنافه بالبندق ؟؟؟

طيب ، الطبق بكام ؟؟؟

طيب ايه رايك تجيب لمصر كل شهر طبق عيش سرايا بالفزدق ؟؟؟

واعتبر كل ايامها رمضان 

كتير عليها ؟؟؟ 

باكلم الطبقه المتوسطه المصرية - ابناءنا في الخارج 

لو انت صاحبي وحبيبي وطلبت منك علبه دوا ب 100 جنيه 

حتجيبها لي بمنتهي الجدعنه ومش حترضي تاخد فلوسها 

طيب مصر طالبه منك علبه دوا كل شهر ب 100 جنيه 

كتير عليها ؟؟؟ 

باكلم الطبقه المتوسطه المصرية - ابناءنا في الخارج 

وانت راجع من السفر كل سنه بذمتك بتجيب كام هديه للحبايب

طيب ايه رايك تجيب لمصر هديه كل شهر 

ماهي ست الحبايب .... 

باكلم الطبقه المتوسطه المصرية 

تذكرتين السيما بكام في اي مول ؟؟؟

اعتبر ياسيدي مصر صديقتك وانت عازمها علي السيما مره كل شهر 

ادفع تمن تذكرتين سيما كل شهر لمصر 

باكلم الطبقه المتوسطه المصرية 

بذمتكم دفع كل واحد منكم كام للجزيرة علشان كاس العالم 

اعتبروا ان مصر عملت لكم كاس عالم كل شهر 

وادفعوا لها ربع اللي دفعتوه للجزيره علشان كاس العالم ..

مصر اولي من الجزيرة 

وتنميه مصراهم من متابعه كاس العالم :) 

احنا بنصرف فلوس كتيرة في اي هبل علي فكره ...

طيب ناخد جزء صغير قوي من ( اي هبل ) ده ونديه هديه لمصر 

علي الاقل يبقي ليه قيمه ومعني ...

ندفعه واحنا مكسوفين ، لاننا بنعبر عن حبنا بالفلوس وفيه رجاله قدمت حياتها علشان احنا نعيش ونلعب علي النت ونتفرج علي الفضائيات ونخش السيما ... 

باكلم الطبقه المتوسطه المصرية ..

بصوا ..... بتدفع كام فاتوره موبيلك في الشهر 

طيب ياسيدي ادفع عليها زياده نصف قيمتها هديه لمصر كل شهر 

كأنك زودت استهلاكك الشهري حبا في مصر اللي بتكلمها كل يوم 

باكلم الطبقه المتوسطه المصرية 

بصوا .... بتدفع كام اشتراك النت كل شهر 

طيب ايه رايك ، تدفع نفس قيمه الاشتراك مره تانيه لمصر هديه 

كأنك زودت استهلاكك للنت لانك بتكلم مصر :) 

باكلم الطبقه المتوسطه المصرية 

بصوا ، لما حد بتحبه بيروح المستشفي 

وتقرر تبعت له بوكيه ورد خايب ، يطلع تمنه 100 جنيه 

طيب لو حد قالك مصر اللي بتحبها تعبانه وفي المستشفي 

مش بذمتك حتبعت لها علي الاقل بوكيه ورد ب100 جنيه 

طيب ، الف سلامه عليها الغاليه 

ايه رايك نبعت لمصر كل شهر بوكيه ورد ب 100 جنيه 

باكلم الطبقه المتوسطه المصرية 

بصوا .... التورتاته من اخيب محل حلويات ااقلها ب 100 جنيه 

ايه رايك تعتبر ان عيد ميلاد مصر مره كل شهر 

وتتبرع بتمن تورتايه ب 100 جنيه لمصر كل شهر 

باكلم الطبقه المتوسطه المصرية 

بصوا ، 100 لتر بنزين 92 ب 185 جنيه 

بذمتك بتحط كام لتر كل شهر 

طيب ايه رايك تتبرع لمصر بتمن 100 لتر بس كل شهر 

باكلم الطبقه المتوسطه المصرية 

بصوا .... خرطوشه السجاير المستورده ب 200 جنيه 

بذمتك بتشرب كام خرطوشه 

طيب ايه رايك لو تدي مصر تمن خرطوشه واحده كل شهر


انا حاعزم "" مصر"" عندي علي العشا مره كل شهر
واجيب لها كيلو كباب وكفته وطرب
وسلطات وعيش وحاجه ساقعه وشويه فاكهه ....
كل شهر ، حادفع لمصر في عزومتها في بيتي ، 200 جنيه شهريا
وانت ؟؟؟
تحب تعزم مصر عندك مره علي العشا كل شهر ؟؟؟؟؟؟؟

انا حاجيب ل " مصر " علبه مضاد حيوي مستورده كل شهر
ااقل علبه مضاد حيوي مستورده ب 150 جنيه
حاساعد مصر تسترد صحتها ب 150 جنيه شهريا
وانت ؟؟؟
تحب تساعد مصر تسترد صحتها ب 150 جنيه شهريا ؟؟؟


انا حاجيب لمصر بوكيه ورد بمناسبه ثورة 30 يونيو
بوكيه الورد ب 100 جنيه
حاجيب لها بوكيه ورد كل شهر
وانت
ماتحبش تجيب لمصر بوكيه ورد كل شهر رساله حب ووطنيه ؟؟؟؟؟؟

باكلم الطبقه المتوسطه المصرية
تذكرتين السيما بكام في اي مول ؟؟؟
اعتبر ياسيدي مصر صديقتك وانت عازمها علي السيما مره كل شهر
ادفع تمن تذكرتين سيما كل شهر لمصر

يااهلنا ياللي في العمرة وياللي رايحين العمرة
ايه رايك تجيب لمصر سبحه يسر ؟؟؟
طيب ايه رايك تجيب لمصر سبحه يسر كل شهر
ب 100 جنيه في الشهر ...
السبحه اللي تجيبها لمصر ، مصر تدعي لك واحنا كلنا معاها ...
يااهلنا ياللي في العمرة
ادعوا لمصر ، واتبرعوا لها ب 100 جنيه كل شهر
هي تدعي لك واحنا معاها ...

اتبرعوا لمصر رساله حب ووطنية
بذمتكم فيه اغلي منها تحبوها ؟؟؟؟؟

من الفيس بوك .... وداعا ياصديقي الجميل ....

* لااملك احكي لكم عن عبد الله كمال مالم يقله عن نفسه ...لكنه كان انسان جميل جدا فياض بالانسانية الجميلة والنبل والعطاء الفياض 

لو كنتم لاتعلمون .

* الحداد يليق بالاصدقاء .... وداعا عبدالله كمال ...

* والله ياعبد الله بغيابك الحياة سينقصها كثير من البصيرة وانا شخصيا سينقصني بعض الطمأنينة ....

* لم تخبرني ابدا من أين كنت تأتي يالشوكولاتة التي كنت توزعها علينا بمنتهي الحب والعطاء والكرم والفرحة ... علني كنت أفلح ولو لبرهة في استعادة مذاق الصداقة والصحبة الجميلة .... وداعا يا صديقي الجميل .. وداعا عبدالله كمال ....

* لم أذهب سرادق عزاء صديقي عبدالله كمال لاتقبل العزاء فيه لاني في عمل خارج القاهرة ... لكني أحمل ال سرادق والعزاء والحزن جميعهم في قلبي أينما أكون .... سلام إليك وعليك ياصديقي ......

* عندما دعيت عبد الله كمال " عضو لجنة السياسات للحزب الوطني " ورئيس تحرير جريدة ومجله روز اليوسف لحفل توقيع كتبي عام 2010 ، وكنت كاتبه راي في الجريدة التي يرأس تحريرها ، قبل سعيدا ووعدني بالحضور وحضر فعلا ...

يومها بعض اصدقائي اليساريين - ولم يعد معظمهم اصدقائي ولااعرفهم - غضبوا من حضوره وغضبوا مني ، وقالوا لي " جايبه بتاع لجنه السياسات " وقلت لهم اه ، احترمه واراه صادقا في مواقفه واختياراته حتي لو كانت لاتعجبكم ...

يومها ، حضر صديق قديم - ولم يعد صديق اساسا - قومي عروبي وغضب من حضوره وخرج من القاعه وقتما تكلم عبد الله ، لانه من لجنه السياسات وضد مصر !!!!!

هؤلاء اليساريين شاركوا في يناير 2011 واحدهم قال لي ، مصر لازم تتحرق الاول علشان تنضف وكان يقصد بحق مايقوله ، وحين اشتعلت النار في ثوب مصر ، كان فرحا سعيدا وكان عبد الله كمال يطفيء النيران ويدافع عن مصر ..

هؤلاء اليساريين شاركوا في يناير 2011 وتحالفوا مع الاخوان المسلمين وقالوا عنهم فصيل وطني ودعوا بمنتهي الديمقراطيه لوجودهم علي الساحه السياسيه ، وخدعوا المصريين وتلاعبوا بوعيهم عن الاخوان المسلمين ودفعوهم لقبولهم فكان ماكان ، في نفس الوقت كان عبد الله كمال يهاجم الاخوان والاخوان يهاجموه لانه يفضحهم ، كان يدافع عن مصر دوله الحضارة الكبيرة مصر التنوير وهم يتحالفوا مع الاخوان الفاشيست الظلاميين الاقصائيين ..

اما هذا القومي العروبي ، فعمل مستشارا لمرسي لانه ابن الثورة ولم يستقل الا قبيل 30 يونيو بايام قليلة في نفس الوقت الذي كان عبد الله كمال يكتب ضد مرسي من اول لحظه ويجهز بكتاباته ومواقفه ل30 يونيو دفاعا عن مصر وحضارتها ودورها الاقليمي ....

اما هذا القومي العروبي ، فكان يدافع عن حماس لانه فصيل المقاومه ضد اسرائيل متغاضيا عن خطرها الارهابي عن مصر وكونها الجناح المسلح للاخوان الارهابيين ، وكان عبد الله يفضح دورها دفاعا عن الامن القومي المصري ....

عبد الله كمال الذي هاجموه لانه من لجنه السياسات كان عاشق لمصر ومدافعا عنها طيله الوقت لايفكر الا فيها وكان مؤمنا بكل مايقوله دفاعا عن مصر وكان يري الاخوان الارهابيين خطرا كبيرا علي مصر وكان مبصرا مدركا حقيقه تلك الجماعه وعلاقاتها الدوليه وتحالفاتها الخطيره علي مصر ...

عبد الله كمال لايحتاج شهادتي ولا كلماتي

لكنه بحق كان وطني مصري جميل ، عاشق لمصر ...

وكما كانوا يقولون لبعضهم احبك في الله ، انا كنت ومازلت وساظل احبه في مصر ....

العراق .... البوابة الشرقية للعالم العربي

العراق ....

البوابة الشرقية للعالم العربي 

بغداد ....

كان يحكمها رجل ديكتاتور ، هكذا قالت امريكا وقال الشيوعين العراقيين وقال المتأسلمين شيعه وسنه ... 

لم اعقد اثق فيما قالوه ، امريكا ، الشيوعين العراقيين ، المتأسلمين !!! 

امريكا ورطت صدام حسين في احتلال الكويت ، هذا مااؤمن به جيدا ، نعم ورطته ، زينت له جموحه القومي ، ربما زينت له بترول الكويت او المحافظة ال 19 كما كان يطلق عليها ....

اجتياح صدام حسين للكويت جريمه عروبية ، ففي هذا الزمن لم يعد اجتياح اي دوله ممكن غير اجتياح امريكا لمن ترغب في اجتياحه تحت اي مسمي تحرير ديمقراطيه حقوق انسان سلاح نووي ...

لاادافع عن جريمه صدام حسين مع الكويت ، لكني اقول انه كان كمينا لتحطيم العراق التي كانت دوله عربيه قوية ، مع احتلال الكويت وضرورة تحريرها وانا وقتها وكنت ومازالت موافقه علي ضرورة تحريرها ، بدأت عواصف الصحراء الامريكيه لتحطيم العراق العربية ، حرب وقصف وتحطيم البنية التحتيه وسرق ونهب موارد العراق وثرواتها ، حصار اقتصادي موجع ، ثم بعد 11 سبتمبر ، العراق تمتلك اسلحه نوويه ، اسلحه ممنوعه دوليه ، يظهر البرادعي العوبه امريكا ليدعم ادعاءات ضد العراق ، وتبدأ الحرب التي تقصف فيها العراق بالصواريخ الامريكيه وبرامج قناه الجزيره ومراسليها واكاذيبها و..... يتبخر الجيش العراقي ويختبيء صدام حسين وتحتل امريكا العراق ، ويرفع الشيوعين العراقيين في جريمه وطنيه لن اغفرها لهم ابدا ماحييت ، يرفعوا اعلامهم الحمراء علي مدافع الدبابات الامريكيه وهي تجتاح بغداد ، وسرق المتحف العراقي وكنوزه واحتلت العراق وسيطرت امريكا علي بترولها واذل جنودها العراقيين فرأينا من يسير علي اربع كالدواب وراينا نساء تنتهك وسمعنا ثم ادركنا سجن ابو غريب التي لهت فيه المجندات الامريكيات باعناق وكرامه العراقيين ورايناهم يعاملوهم كالكلاب وينتهكوا رجولتهم ويعروهم ويتضاحكوا قتلا للملل السخيف وقت الخدمه في السجن ..

وافلحت الاقمار الصناعيه التي تعرف القرد مخبي ابنه فين ، تعثر علي صدام حسين ، واخرجوه امام الكاميرات اشعث الشعر زائغ العينين وسخروا منه وكشفوا عليه وعلي اسنانه وسلطوا الاضواء الحارقه علي مقلتيه ، وشعرت بالعار ، نعم شعرت بالعار ، هاهي امريكا شرطي العالم تاتي منطقتها تنتهكنا تستبيح اوطاننا وتعامل رؤساءنا ( ديكتاتوريين كانوا ام ديمقراطيين مثلها ) معامله مهينه حقيره قصد منها اذلالنا جميع فياايها العربي البسيط حيث انت ، اذا كنت افلحت اقهر رئيسك وافضحك واذله فمالذي سافعله بك ، وواكب ذلك صور العراقيين الرجال مقيدون من رقابهم تلهو بكرامتهم المجندات الامريكيات ليطغي الاحساس بالذل والمهانه ، هاهو الرئيس نعامله كالحيوانات وهاانتم ايضا ....

ليس مقبولا يجبيني احدهم يقول لي ان صدام حسين كان ديكتاتور ، لان امريكا تدعم ديكتاتوريين كثير علي مدي تاريخها وامريكا اللاتينيه تشهد وبينوشيه وشيلي تشهد ، امريكا لم تسقطه لانه ديكتاتور ، ايضا ليس من حقها تستبيح بلادنا لانه ديكتاتور وتعلمنا الادب والاكل بالشوكه والسكينه والتحضر وحقوق الانسان ، ليس من حقها تستبيح بلادنا وتتعامل معنا كحيوانات المزارع ونباتات الصوب باسم مبادئها الزائفه ...

وعقب محاكمه هزليه شكليه ، صدر حكم باعدام صدام حسين ، واختارت امريكا ان نستيقظ صباح عيد الاضحي ونحن نستعد لذبح الخراف والاضحية ، اختارت لنا تذبح رئيس عربي في نفس اللحظه ، وتصورت امريكا ان صدام حسين سيستجديها ويجثو علي ركبتيه ويرجوها تعفو عنه ، لكنه مات كالرجال ...

في تلك اللحظه بالذات قتلني العار ، امريكا شرطي العالم اتت بانشوطتها لتشنق رئيس عربي كان يحكم دوله من اكبر الدول العربيه والبوابه الشرقيه للعالم العربي ، ربما ديكتاتور ربما مستبد لكنه ابدا لم يكن خائن لبلاده ولم يبعها في سوق النخاسه ولم يسلم مفاتيحها لامريكا لتمنحه عمرا مديدا وتدمر بلاده ...

هل عاشت العراق ديمقراطيه منذ ذلك الوقت ، ابدا ، فر منها عراقيين كثر ، انتشروا مهجرين في البلاد الغربيه وبلادهم موصده في وجههم ليتحكم فيها عملاء امريكا والمللالي والشيوخ والمتطرفين والارهابيين وتمزقت العراق باسم الحكم الذاتي وتحكم فيها الشيوخ والارهابيين باسم الديمقراطيه ، وضاع بترولها للابد باسم سداد ديون الحرب والتحرير و...................... عشنا تفجيرات ارهابيه في الاسواق وضياع وتدمير لوطن كان كبيرا عظيما ، والاسم حريه وديمقراطيه وتعدد حزبي واعتراف بالطوائف والملل ، صارت العراق وطنا فاشلا بالمعني السياسي عاجزا يحمي نفسه ولا شعبه يتحكم فيه المتطرفين والجهاديين واصحاب الهوي وعملاء امريكا .....

اليوم ، اجتاحت داعش القاعده التنظيم الارهابي صنيعه امريكا واداته القذره للتدمير ، اجتاحت الموصل ودخلت كركوك و........... ترك المدينتين الاف العراقيين وعجز الجيش العراقي يحمي المدن ، وعجز الرئيس ودستور العراق الامريكي الهوي والبرلماني الارهابي الطابع والاعضاء ، عجزوا جميعا يحمي المدن العراقيه العريقه من استبداد داعش وارهابها .....

كل هذا بسبب امريكا ...

كل هذا بسبب امريكا والخونه والعملاء 

ومن رفعوا اعلامهم الحمراء فوق الدبابات الامريكيه وهي تجتاح بغداد وتحتلها لتسقط اول عاصمه عربيه تحت الاحتلال وقبضه الامريكان ، متصورين ان امريكا الجميله تحرر وطنهم من الديكتاتوريه فاذا به تحوله لوطن يحكم ديكتاتور للا وطن ودوله فاشله تتبول علي نفسها ومفاصلها محطمة ولعابها يسيل فوق وجوهنا جميعا يحاصرنا بالعار .....

العراق ، البوابه الشرقية للعالم العربي سقطت وتمزقت واحتلت 

ومايحدث فيها اليوم بدأ منذ لحظه توريط صدام حسين في احتلال الكويت 

وكل ماسيحدث فيها غدا ليس الا نتائج متلاحقه لجريمه كبري ومؤامرة اكبر شارك فيها عراقيين خونه وعرب اكثر خيانه برروا لامريكا جريمتها ومؤامرتها ......

اللهم انقذ العراق من المصير المحتوم وامنحها السلامة ...

اللهم انقذ العراق وشعب العراق وارض العراق 

اللهم انقذ العراق وشعب العراق وارض العراق 

وانتقم من امريكا والخونه والعملاء العرب المتأمركين المحبين للديمقراطيه وحقوق الانسان علي الطريقه الامريكيه وفوق جثثنا وجثث اوطاننا جميعا ...

من الفيس بوك ..... لاتضعفي .. لاتخجلي ... لاتخافي

قرأت روايه للكاتب الفلسطيني فيصل حوراني ، اسمها المحاصرون ، كنت في المرحله الثانوية وقت قرأتها في منتصف السبعينيات ، كانت تحكي عن الصراع الذي حدث بين الفصائل الفلسطينيه وملك الاردن  وقتها ، وماسمي بمذبحه ايلول الاسود...

كنت صغيره والاحداث السياسيه وقتها كانت اشق واصعب علي من الادراك الدقيق ، لكني كنت اعرف ( ايلول الاسود ) انها المذبحه الاردنيه الفلسطينيه التي بذل عبد الناصر جهدا كبيرا للسيطره عليها وعقد اجتماع عربي في القاهره حضره الملك حسين والزعيم ياسر عرفات ووصلوا جميعا لحل للكارثه العربيه ثم مات عبد الناصر بازمه قلبية ...

قرأت الروايه وقتها متأثره باحداثها ، اسال نفسي عن قدر الخلاف الذي يدفع الفصائل الفلسطينيه والاردن للتقاتل الي هذه الدرجة ...

في نهايه الروايه ، قبضت السلطات الاردينه علي مناضله فلسطينيه من الفصائل التي كانت تقاتل الملك حسين ومخابراته وجيشه - حسب ماورد في الروايه وحسب مااذكر - قبضت السلطات الاردنية علي مناضله فلسطينيه وسحبتها لغرفه تعذيب واتت بمناضل زميلها ورفيقها ليحضر تعذيبها عله يضعف فيعترف او علها تضعف فتعترف ، بدأت سلطات التعذيب حفلتها ضد المناضله بتوثيقها علي منضده خشبيه وخلع كل ملابسها والعبث في جسدها - حسب ماقال الروائي وحسب مااذكر - وكانوا يتصوروا انها ستنهار وتعترف علي زملائها وان حبيبها المناضل سينهار ويعترف علي زملائه او علي نفسه بذنوب وجرائم لم يرتكبها ...

لكنه ، المناضل الحبيب ، انتفض صارخا يقويها بجمله لن انساها ماحييت ...

قال لها مامعناه وحسب مااذكر الكلمات ، لا تضعفي ولاتخافي ولا تخجلي ، انت في عريك اشرف منهم جميعا ... انت في عريك اشرف منهم جميعا .... انت في عريك اشرف منهم جميعا .....

تذكرت المشهد الاخير من الروايه وعباراته القاسيه امس وانا اتابع مايقولوه عن التحرير وبنات وفتيات السيسي ، اللاتي نزلت عصابات مأجورة حقيرة وسط احتفالهن لتتحرش بهن نكايه فيهن وفين الوطن ، يأتين فيهن جرائمهن وهم يتوعدوهن بالفضيحه والسفاله و..... انتم لسه شفتم حاجه يابنات السيسي !!!! 

اه ياقذر يامجرم يامنحط ياحقير يااجير ياارهابي ، ايوه ، احنا بنات ونساء السيسي كما يحلو لكم تطلقوا علينا ، ايوه احنا بنات ونساء مصر ، اشرف منكم جميعا واكثر وطنيه 

وللفتيات اللاتي عرين وانتهكن جسدهن ، اصرخ كبطل الروايه بمنتهي القوه ، لاتضعفي لا تخافي لاتخجلي ، انت في عريك اشرف منهم جميعا ... 

اكرر كلماتي ، لاتضعفي لاتخافي لاتخجلي ، انت في عريك اشرف منهم جميعا ...

هذه مصر

تطهرت من دنس ايام العار بماء البحيرة المقدسة وبركات اولياء الله الصالحين ودعوات اهلها المخلصين ، وتعطرت وتبخرت بريحان البردي واللوتس والريحان ونسيم الوادي المورف باشجار الياسمين والنعناع الاخضر وانفاس الاحباء ، وتحممت وتوضأت بالنور والتقوي والفرحة ودماء شهداءها القديسين ، واغتسلت من الايام السوداء وقيحها الزفر بماء الكوثر وندي فجر وجودها ، ودفنت الرجس والنجاسة في اعماق ارضها الطيبة التي طالما تحملت وصبرت وهضمت واثمرت وجود وقوة وحياة ، وتجملت بابتسامات قلوبكم واستقوت بكم وبارواحكم المطمئنة ويقينكم فيها وبها ، وبُعثت للعالم كله وللحياة فرحه كما يليق بها ، قويه كما عهدناها ، صاحبة هيبة وحضور كما تستحق ، سارت في مواكب الفخر يزفها الشهداء والملوك الفراعنة العظماء وحراس المعبد وحماه كنوزها وحضارتها تلفها الاهازيج والاناشيد والتراتيل والترانيم واغنيات الفرح وصدح البلابل وهديل اليمام وادعية الكروان وقرأن الفجر وصدح اجراس الكنائس ودعوات الاتقياء العاشقين ، لتبدأ خطوتها الاولي في صفحات فخرها في عمرها السرمدي المديد ،ويحلق حورس فوق رأسها يحميها ويقويها ويصونها ويدفع عنها الشر والاذي ويمنحها روحه وقوته وحكمته وسطع اتون قويا متألقا مباركا عظيما يشملها ببهاءه وسناءه ويحرق اعداءها بنيران عظمته وقوته وجبروته وطغيانه .............. وابتسم التاريخ وفتح دفتره ليسطر بماء الذهب ودماء الشهداء العطرة صفحه جديده من تاريخ ام التاريخ المحروسة حلوة الحلوات ، صفحه الانتصار والفرحة كما تستحق وكما يليق بها ....

انها لحظة اليقين ، هذه مصر كانت وستظل ..

افخروا يامصريين بمصركم وبانفسكم ... 

نحن اول التاريخ واول حضارته وفرحته الدائمة ..... 

حفظ الله مصر ارضه المباركه المصطفاة للفخر والفرحة ...

من الفيس بوك ...... احنا الفاسدين

قال احدهم لااعرف اسمه في حملة المرشح الرئاسي الذي لااذكر اسمه يصف مؤيدي وناخبي المشير عبد الفتاح السيسي ، فكان هذه العبارات ردا عليه ، علي صفحتي علي الفيس بوك ...

( 1 ) 

بيقولك فاسدين ... 

طب عيني في عينكم كده ، مين اللي فاسد 

افكركم ؟؟؟

وحياه السفيرة الامريكيه وعزومات السفاره 

وسفريات امريكا والبوكت مني 

والدكاكين اللي فتحتوها ومولتوها 

لا انتم مش فاسدين فعلا ...

فعلا فعلا 

( 2 ) 

احنا اللي كنا بنعيط لما مصر بتضيع وانتم بتاخدوا مرسي بالحضن 

احنا اللي كنا بنعيط لما مصر بتتدمر وانتم بتتحالفوا علي قوائم الحريه والعداله ودخلتم البرلمان معاهم 

احنا اللي كنا بنعيط لما مصر بتضيع وانتم واقفين تتصوروا مع مرسي والاخوان في فيرمونت 

احنا اللي كنا بنعيط لما مصر بتضيع وتتدمر وانتم بتقولوا لمرسي وحشتني ياريس 

احنا اللي كنا بنعيط لما مصر بتضيع وانتم بتقولوا نحمي مقرات الاخوان من ارهاب الشعب 

احنا اللي كنا نبعيط لما مصر بتضيع وانتم بتجهزوا اتفاقات مع الحريه والعداله علي الانتخابات التشريعيه الجديده 

احنا اللي كنا بنعيط لما مصر بتضيع وانتم بتبيعوها وتقبضوا تمنها

فعلا احنا فاسدين 

وانتم الطهر اولاد الطاهره .

( 3 ) 

صدق من قال ، لما العيب يجي من اهل العيب مايبقاش عيب ...

حرامية ولاعات ومقالات 

صربيا وسفريات 

فلوس وتمويلات 

دكاكين واجندات 

ويقولك الفاسدين مع السيسي ...

ياراجل عيب ، اختشي علي دمك 

وصدق من قال اللي بيته قزاز مايحدفش الناس بالطوب لانهم حيحدفوه بالشباشب !!! 

بجد انتم تقرفوا الكلب الجربان ...

( 4 ) 

احنا الفاسدين ؟؟؟

صح صح 

باماره التمويلات الخارجيه ودكاكين حقوق الانسان ومحلات المجتمع المدني وسفريات امريكا وقطر وصربيا ..

احنا الفاسدين ؟؟؟

صح صح 

بامارة احنا اللي تحالفنا مع الاخوان ورحنا قطر وقبضنا منها ومن القذافي ومن صدام حسين ومن كلاب السكك 

فعلا ، احنا الفاسدين اللي مع السيسي وانتم الطهر اللي مع التنظيم العالمي للاخوان ومع امريكا ومع الفوضي الخلاقه وتدمير مصر ...

صدق من قال ، ايها الخجل اين حمرتك ..

وصدق من قال ، ان لم تستحي فافعل ماشئت ..

وصدق من قال ، ال..... تلهيك وتخلي اللي فيها فيك ..

بكره ، بكره بجد ، حتشوفوا الفاسدين ياولاد الطاهره وتعرفوا حجمكم ومقاسكم وعزلتكم وقرف الشعب وكراهيته ليكم 

( 5 ) 

احنا الفاسدين اللي ورا السيسي وقدامه وحواليه وشايلينه علي راسنا زي ماهو شايل مصر علي راسه 

احنا اللي دافعنا عن مصر ونزلنا 30 يونيو ملايين ملايين في مواجه مليشات الاخوان الارهابيه والحماسوية 

وانتم الطهر اللي سلمتهم البلد للاخوان وعصرتم لمون وانتخبتم مرسي ، ورحتوا معاه فيرمونت وقلت للشعب دن مناضل وابن الثورة واتخرستم لما خرجوا الارهابيين من السجن وتحالفتم معاهم علي قوائم الحريه والعداله في الانتخابات البرلمانية ..

احنا الفاسدين اللي حررنا مصر من الاحتلال الاخواني وقلنا سينا مصريه مش لحماس وحلايب وشلاتين مصريه مش للسودان ، وقناه السويس مصريه مش لقطر ، واثار مصر لمصر ....

فسادنا المزعوم فخر وطني لمصر 

وطهركم الثوري عار وخيانة وخنجر في قلب مصر ....

( 6 ) 

احنا الفاسدين اللي مع السيسي ووراه وقدامه وحواليه وشايلينه علي راسنا زي ماهو شايل مصر علي راسه 

احنا الفاسدين اللي حررنا وطنا من الاحتلال الاخواني والمؤامره الامريكيه 

وانتم الطهر اللي سلمتم بلدنا للاخوان وحكمتم في رقبتنا الامريكان باماره ( ناو اذ ناو) ..

احنا الفاسدين اللي مع السيسي ووراه وقدامه وحواليه وشايلينه علي راسنا زي ماهو شايل مصر علي راسه 

بكره الصناديق تقول لكم كم عدد الفاسدين ياولاد الطاهرة ...

وساعتها ، افقدوا الامل فينا بقي وحلوا عن سمانا وعن وطنا ....

جتكم القرف ، شويه صيع ماسكين ميكروفونات وعاملين دوشه زي سرب الغربان 

من الفيس بوك .... وجه نظر خاصه جدااااااااااا

دي وجه نظر خاصه جداااااااااااااااااااااااااااااااااا

بعض المصريين ممن كانوا لاعلاقه لهم بالسياسه اطلاقا قبل 24 يناير 2011 

بعضهم الذي اشتركوا في الاحداث ، وفجأ بقوا من وجه نظر نفسهم سياسين ...

وبيتكلموا في السياسه والاحزاب والشعارات والشعب والجيش والفساد والمليارات 

هؤلاء ، احسوا فجأ بقيمتهم التي لم يشعروا بها من قبل واكتشفوا ان لهم " دور " غير اكل العيش والمشاكل الزوجيه والكوافير .. هؤلاء ، احسوا فجأ بأن " مصر " طرحت فجأ في حياتهم واكتشفوا ان فيه حاجه اسمها " سياسه " وفساد وحقوق انسان وحريات و............. قضايا كبيرة قوي قوي عمرهم ماسمعوا عنها ، مش سمعوا عنها بس لا دول كمان بقي بيتكلموا فيها وليهم راي ....

الناس دول ، دخلوا عالم السياسه صدفه ، وحد قال لهم دي ثوره ، قالك بجد ، اذن هي ثورة واحنا مشاركين في الثوره وبقينا ثوار .......... وحماس مابعده حماس ...

الناس دول بقي ، لانهم بجد مالهمش علاقه بالسياسه ولايفهموا فيها لا وقتها ولا لغايه دلوقتي ، الناس دول اكتر ناس في الحياه حيفضلوا يدافعوا عن ( مؤامرة يناير ) لغايه مايموتوا .... هي الثورة اللي اشتركوا فيها ، اللي عملت لهم قيمه قدام نفسهم وقدام اصحابهم واهلهم ، اللي خلتهم بقوا زعماء وابطال ونشطاء وسياسين ، اللي خلتهم يتكلموا في قضايا كبيرة كانوا بيخافوا اساسا لما يسمعوها ، الناس دول اكتر ناس حيدافعوا عن يناير ، لافيها مؤامرة امريكيه ولا ناو اذ ناو ، ولا فيها حماس واقتحام الحدود وكسر السجون ، لا فيها جوجل ولا خطوط ارضيه للتواصل مع الانترنت بعد قطع الاتصالات ، ولا فيها " الميدان مافيهوش اخوان " ولا فيها " انتم عاملين الاخوان فزاعه لانكم بتدافعوا عن مبارك " ولا فيها حماس وقناصه ركبوا عمارات التحرير وقتلوا المصريين ، ازاي عايزين منهم يشوفوا كده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ازاي عايزين منهم يشوفوا كده وينتبهوا ان اللي الحدث اللي كانوا فاكرينه اعظم حدث في حياتهم طلع مؤامره استخدمت حماسهم وحبهم لوطنهم لصالح الاخوان والارهابيين ؟؟؟؟؟ ازاي عايزين منهم يشوفوا ان الحدث الاهم في حياتهم اللي حولهم من ناس بتفطر وتتغدي وتتعشي وتتفرج علي فيلم السهره لسياسين ونشطاء وابطال وتغيير ، ازاي عايزينهم يشوفوه جزء من مؤامره اكبر علي مصر بصرف النظر عن حسن النوايا ....

المصريين دول لاكانوا بيفهموا في السياسه في الاول ، لما قالوا ثورة وقلنا مؤامرة وشتمونا ، ولا بيفهموا في السياسه في الاخر ، لما مصممين انها ثوره ولسه بيشتمونا .... ولانهم مابيفهموش في السياسه ولا قوانينها ولا آلياتها ، قرروا حتي الموت ، انها الثورة العظيمة !!!! 

واي كلام عن انها مش ثورة او انها مؤامرة بيحرمهم من بهجه المشاركه في الثورة التي كانت الحدث السياسي الاول والاعظم في حياتهم ، وبيحرمهم من قيمه اكتسبوها وهما عمرهم ماكانوا يتصوروا انهم يكتسبوها ، قيمه خلتهم يتجاوزوا مشاكلهم الشخصيه ويخرجوا من مراراتها ووجعها لحياه ثورية ارحب ، تقوم حضرتك سعادتك تقول لهم عليها مؤامرة وعايزيهم يقتنعوا ............ انسي ، هي الثورة العظيمه كانت وستظل ، وابطالها ابطالهم العظماء ، ورجالها رجالهم العظماء ، وشعاراتها شعاراتهم العظيمة وذكرياتها هي الذكريات الاثمن العظيمة في حياتهم ، بقي كل ده يرموه ويصدقوا حضرتك انها مؤامرة امريكيه اخوانية علي مصر والمنطقه العربيه كلها وانهم استخدموا رغم وطنيتهم وبراءتهم وطيبه قلبهم وحسن نيتهم ضد وطنهم ؟؟؟؟؟

ولايمكن حيحصل ابداااااااااااااااااااااااااا ...

كانت وستظل وحتي الموت ، الثورة العظيمة !!!! 

بجد بيصعبوا علي ، لكن امر الله غالب .....

هل فيه يوم يفهموا ولا حيفضلوا رافضين مصممين انهم مايفهموش وتفضل اكبر مؤامره علي مصر في وجه نظرهم هي الثورة العظيمة ؟؟؟؟؟ ....

من الفيس بوك .... احياء وبعث روح الوطنيه المصرية #تحيا_مصر

اعظم مشكله تواجه المشير السيسي ، هي احياء وبعث روح الوطنيه المصرية 

الفخر بالانتماء لوطن الحضارة 

الايمان به والتضحيه من اجله 

احياء وبعث روح الوطنيه المصريه هي الامل والمنقذ والحل 

هي التي ستكسر المؤامرات 

هي التي ستحمي الارض والعرض والابناء والاحفاد 

هي التي ستحفظ الحضارة والتراث والتاريخ والجغرافيا 

خلال الثلاثين سنه الماضيه ، لاسباب متعلقه بالتعليم والاعلام والثقافه ، انكسرت روح الوطنيه المصرية ، واصبحت مصر مجرد بلد في البطاقه او الباسبور ، بلد عايزين نطفش منها ومش فارقه معانا ومرات ابونا مش امنا الغاليه .. لما اجيال تتربي علي ده ، ويتكسر انتماءها الوطني ويسخر من تاريخها وتختزل حضارتها العظيمة في فرعون موسي الطاغي الباغي ، لما اجيال تتربي علي فكر انها عايزه تطفش يااما للخليج حيث الشوارع اوسع والسوبر ماركت اشيك وذل الكفيل يهون لان اكل العيش مر ، او تطفش لاوربا حيث الثقافه والحضاره والتنوير والحريه ، لما اجيال تتربي ان البلد مالهاش لزمه وعايزين نطفش منها ان شالله نموت علي شواطيء ايطاليا غرقا بعد مانبيع الارض والصيغه علشان نوفر مصاريف السفر ، لما يتسلط علينا الاعلام والافلام يسخروا من كل شيء واي شيء له قيمه ومحترم ، لما نشتم فاروق لان ملك فاسد بيلعب قمار ونشتم عبد الناصر لانه رمي احتياطي الدهب في اليمن ونشتم السادات لانه عمل صلح مع اسرائيل ونشتم مبارك علشان التوريث والفساد ، وفي نفس الوقت مانقدمش حاجه خالص ترفع الروح الوطنيه وتقويها يبقي احنا بنخلق اجيال مستعده تبيع بلدها لانها ماتستحقش غير البيع ، لما يكون المصريين مش عارفين عظماء المؤلفين والكتاب والمبدعين لانهم لايقرأون ، ومش عارفين تاريخ لانه لازاروا المتاحف ولا مناطق الاثار ولا فاضيين يزورها ، ولا عارفين قيمه جغرافيا مصر لان الجغرافيا دمها تقيل ، لما يكون كتاب جمال حمدان شخصيه مصر لايدرس لتلاميذ مصر فيتخرجوا من مراحل الدراسه المختلفه وهم لايعرفوا عن مصر الا اسمها ، لما نكون لابنحي العلم ولا بنفخر بمصريتنا ولا مشغولين بتقديم نماذج من تاريخنا تشرف وتشعرنا بالفخر ، لما يحصل ده كله ، يبحث المصريين عن انتماء اخر ، بعضهم ينتمي للدين فيتلاعبوا به ، وبعضهم ينتمي لبلاد الحضاره من وجه نظرهم فيتبنوا ثقافاتها وافكارها ويخجلوا من مصريتهم ، لما يحصل ده كله ، يبحث المصريين عن انتماء اخر ، مره كوره ومرة عصبيه وقبليه ، ويحتاسوا ... 

وفجأ مصر تتعرض للخطر ، فيعيطوا ويصرخوا وهما بيحبوها بس مش فاهمين ليه بيحبوها ...

هنا ، لازم نقف ، لازم نفكر ، لازم نعرف ، ان كلنا علينا واجب كبير قوي تجاه مصر 

اللي ينقذها من الخونه والعملاء ، هي روح الوطنيه المصريه والانتماء لها 

اللي ينقذها من اسرائيل وامريكا ، هي روح الوطنيه المصرية والانتماء لها 

اللي ينقذها من تجار الدين والارهابيين ، هي روح الوطنيه المصريه والانتماء لها ..

لابد علينا جميعا ، نتكاتف لاحياء وبعث روح الوطنيه المصرية 

لابد علينا جميعا ، نتكاتف لاحياء وبعث روح الوطنيه المصريه 

روح الفخر بالانتماء لهذا الوطن العظيم ، لهذه الحضاره العظيمه ، لهذا التاريخ والحاضر العظيم 

علينا ننقب في تاريخنا ومعارفنا وخبراتنا ونقدم نماذج من مصر مشرفه نتفخر بها من مصر ، علينا 

نقدم كتاب ومفكرين ومثقفين ومخترعين ومحاربين جميعهم بكل عطاءهم كانت وصارت مصر ....

ياسعادة المشير السيسي ، علينا احياء وبعث روح الوطنيه المصريه 

بشكل عاجل وسريع مع الاطفال والشباب ، وبشكل استراتيجي طويل الامد مع كل الشعب 

هذا هو درع مصر ياسعاده المشير والذي سيحميها وينقذها الان وغدا وليوم الدين 

لايليق بدوله الحضارة العظيمه ان تندثر امام افكار الكاوبوي الذين ابادوا الهنود الحمر 

لايليق بدوله الحضاره العظيمه ان تندثر امام افكار اوربا الاستعماريه التي بنت امجادها علي احتلال البلاد الاخري واستغلال شعوبها مواردها ...

نحن اصل الحضاره وعلينا احياء وبعث روح الوطنيه المصريه باستنطاق هذه الحضاره لتحكي حكايتها وفخرها ومجدها للمصريين ، وهنا لااتكلم عن التاريخ فقط ، بل اتكلم عن الحاضر ايضا ..

نحن نملك مقومات الفخر الوطني ، لكن التراب الذي اهيل ويهال عليه كثير جدا ، يحتاج وطني مصري مخلص محب لوطنه مثلك وبقوتك وثقه في وطنك والشعب المصري ، يحتاجه ليمنح تلك الروح المصريه العظيمة مجال ونطاق للانطلاق والتألق والسطوع ....

احياء وبعث الروح الوطنيه المصريه هو الحل ياسعاده المشير 

او احد الحلول الهامه لانقاذ مصر 

وايدينا وقلوبنا في يدك ومع قلبك لننقذ مصر ...

احياء وبعث الروح الوطنيه المصريه هو الحل 

احياء وبعث الروح الوطنيه المصريه هو الحل 

‫#‏السيسي_رئيسي‬

‫#‏تحيا_مصر‬

من الفيس بوك ... انطباعات اراء مشاعر حول واثناء حوار المشير السيسي #تحيا_مصر

في التاسعة مساء الاثنين 5 مايو 2014 ، خليت شوارع القاهره ومصر المحروسة وتحلق المصريين حول التلفزيون ومعهم العالم العربي يتابعوا اول حوار مع المشير عبد الفتاح السيسي المرشح لرئاسه جمهورية مصر ... خليت شوارع القاهره وصمت المصريين وامتلئت المقاهي بالمصريين يتابعوا الحوار ويتفاعلوا معه ويصفقوا ويضحكوا ويتملك الامل ارواحهم ، علي الشاشه يجلس رئيسهم المنتظر ، يسمعوا كلماته اراءه افكاره مشاعره ، يتأملوا تعبيرات وجهه مالذي افرحه مالذي يغضبه ، يحب مصر ، هكذا قالوا وهمسوا ، هذا الرجل يحب مصر ، هذا الرجل شجاع وقوي ، يهزوا رؤوسهم بالموافقه ، يحترم المرأه ، مسلم نعم لكن مصري لن يميز بين المصريين علي اساس الدين ، يحتاج دعمنا جميعا ، نعم ، هذا الوطن وطننا جميعا ويحتاج دعمنا وعوننا ومساعدتنا لننتشل وطننا وننقذه ، نعم ، نعم ..... #تحيا_مصر

وعلي شبكات التواصل الاجتماعي ، تواصل المصريين عشاق مصر المتفائلين به المصدقين لهم ، تواصلوا يعقبوا ويتحدثوا عن الرئيس القادم لمصر ... وكانت هذه انطباعاتي وارائي ومشاعري حول اللقاء علي صفحات الفيس بوك .... #تحيا_مصر

الجزء الاول من الحوار 

5 مايو 2014 

السيسي علي شاشه سي بي سي ، اون تي في 

انه وقت سماع مرشحنا لرئاسه جمهورية مصر العربية 

وقت سماع المشير عبد الفتاح السيسي 

‫#‏تحيا_مصر‬

هذا البطل الوطني الشعبي هو رئيس مصر القادم 

من يحب مصر ، مصر تحبه 

من قلبه لقلب المصريين مباشرة ....

هذا البطل الوطني الشعبي هو رئيس مصر القادم 

السيسي رئيسي ...

‫#‏تحيا_مصر‬

السيسي ، رئيس مصر القادم 

كل حرف وكل نفس محسوب ومتفكر فيه وله معني 

كل كلمه لها قيمه ومضمون 

يامصريين احنا اختيارنا صحيح 

يامصريين احنا اختيارنا صحيح 

ربنا يكملها بالخير يارب 

#تحيا_مصر

ابراهيم عيسي بيحاول يتشاقي ، لكن الهيبه والمنطق والعقل والرزانه ، ملخبطينه 

#تحيا_مصر

بجد بجد ......

تعيشي ياضحكه مصر ....

وتعيشي ياهيبه مصر .....

وتعيشي يامصر ....

تحيا مصر ....

#تحيا_مصر

الله يرحم ايام الشباشب لما كانت مرشحه نفسها لرئاسه مصر ....

باستثناء شفيق طبعا ....

كانت شباشب اشكال والوان ، بصباع ، زنوبه ، خدوجه ، قباب حمام ، شبشب زحافي ..... شباشب ، ترشحها مهين لكل مصري منا ...

ايام سوده وعدت ....

مصر عادت شمسك الذهب ......

#تحيا_مصر

الحنين الشجن لمصر التي كانت ، متوحد مع حبه للجماليه وانتماءه لها ...

انه مصري بجد مصري وطني 

#تحيا_مصر

يحن لمصر الجميله التي كانت 

وسيسعي لمصر الجميله التي يحلم بها 

#تحيا_مصر

احنا قدمنا صوره افقدت الاسلام انسانيته 

وقدمنا الله للناس بصورة لاتليق مع مقامه الرفيع 

الله ينور عليك ياسيسي ...

#تحيا_مصر

الرشد ............................................

سلم لسانك ياسيسي ...

#تحيا_مصر

بيقاطعوه ولا يتركوه يكمل حديثه ، لا عن الجماليه ولا عن موقف المجلس العسكري 

المذيعين المحاورين مرتبكين .....

#تحيا_مصر

تفتكر ياابراهيم لو حماه رجل اعمال ، وهو مش كده ، تفتكر مفروض يطلق مراته قبل مايترشح للرئاسه ؟؟؟

رايك ايه ياابو خليل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ 

#تحيا_مصر

التطاول ... سااتحمله وليس اقبله ...

منتهي العقل ....

#تحيا_مصر

اه ، احنا عايزينك رئيس تربي الناس لان الناس مش متربيه 

انت مش عايز كده ياابراهيم 

عايز القانون يحبس قللات الاخلاق فتبقي دوله بوليسيه 

ولا عايز يسيب الدنيا منفلته بلا اخلاق فتبقي فوضي ....

مش فاهماك بجد النهارده ........

احنا عايزين رئيس قدوه حسنه ، الاصل الناس يبقي عندها اخلاق والقله القليله المنحرفه يطبق عليها القانون ، انت لا فاهم قانون ولا فاهم اخلاق ياابراهيم ....

#تحيا_مصر

انتم عايزين تسمعوا ولا عايزين تتكلموا انتم ؟؟؟؟؟؟؟؟؟؟؟؟؟؟؟؟؟؟

معناه بمنتهي الادب اسكتوا .... فسكتوا وسابوه اتكلم ....

#تحيا_مصر

ابراهيم مغلول ، ولميس محتاسه .......

السيسي ..... سارق الاضواء والكاميرا والقلوب والارواح 

ياخيبتكم التقيلة .....

#تحيا_مصر

اسمها المؤسسه العسكريه 

اللفظ بدلاله استخدامه ولا انا مش واخد بالي ؟؟؟؟

يسلم فمك ياسعاده المشير ..

#تحيا_مصر

ايه رايك انت .... ابراهيم عيسي جاوب وبمنتهي الدقه والسيسي بيضحك !!! 

ههههههههههههههههههههه انت ابن نكته ياسيسي ومصري اصيل 

#تحيا_مصر

انت بتسأل السيسي عن حماه ، رجل اعمال ولا شريك في كذا ولا كذا 

طيب ماتنساش تسأل حمدين عن جوز اخته ، القيادي في الاخوان المسلمين والحريه والعداله ؟؟؟

اوعي تنسي ياابراهيم 

#تحيا_مصر

نحن ننتمي لحضاره عظيمه اسمها حضاره الفراعنة 

وكان ملوك مصر العظماء هم الفراعنه العظماء 

الملوك الذين صنعوا حضاره مصر وعظمتها ...

نحن المصريين نصنع حاكم جديد لمصر ، حاكم يجدد حضارتها وعظمتها 

نحن نصنع فرعون مصري جديد عام 2014 بمنتهي البهجة 

#تحيا_مصر

البرنامج ، هو حلم قابل للتحقيق ....

في الثانويه العامه عايزين نجيب 90% 

طالب يذاكر و طالب مايذاكرش 

طالب ينجح ويجيب 90% وطالب يسقط ومايجيبش 

احنا المصريين حنذاكر ، كلنا حنذاكر ....... 

وحننجح .....

السيسي والمصريين سيذاكروا لتحقيق الحلم .......

لا انام ولا انتم كمان حتناموا 

غير مقبول نترك لاولادنا واحفادنا ديون وعوز ...

عيب علينا ....

#تحيا_مصر

يالميس ... ياابراهيم ياعيسي 

المصريين يتحملوا علشان وطنهم 

بطلوا تروجوا لفكره العصايه السحريه وبعدين ترجعوا تغضبوا من الفكرة ......

هذا ليس حوار ، هذا تربص ...

#تحيا_مصر

في ليلة اجمل من هذه واكثر بهاءا وحميمية وبهجة 

سيجلس المصريين في جلسات السمر 

يتغنوا باسمه كبطل شعبي يعيد احياء الروح المصرية والوطنية في قلوب المصريين 

ويعيد لمصر وطنهم مكانته وحضارته العظيمة 

للفتح ياعبد الفتاح 

#تحيا_مصر

هو ابراهيم عيسي كان فاهم انه حيزنق السيسي في موضوع قانون التظاهر ، ويخليه يقول حالغي القانون لما ابقي رئيس علشان النحانيح تنبسط ؟؟؟؟

السيسي عينه وقلبه علي مصر والمصريين مش علي النحانيح 

السيسي بيفكر في ملايين المصريين اللي المظاهرات غير المصرح بيها بتضيع بلدهم 

السيسي قاله ده قانون تنظيم التظاهر مش منعه ، مين قدم طلب واترفض 

السيسي قاله دي دوله قانون 

ابراهيم عيسي كان فاهم انه حيورطه في تصريحات ضد القانون ومع الفوضي وهيصه هيصه ...

هو ابراهيم عيسي ماذاكرش السيسي وكلماته ومواقفه قبل الحوار ده ؟؟

هو ابراهيم عيسي مايعرفش انه كان رئيس المخابرات الحربية وده معناه ايه ؟؟

هو ابراهيم عيسي فاهم انه قاعد قدام عيل بديل حصان ، او مناضل من علي سلم نقابه الضحفيين ، او ناشت وقفات احتجاجيه .... مش تذاكر الرئيس الاول ياابراهيم قبل ماتفكر تعمل له سؤال كمين ، فتيجي تصيده يصيدك ؟؟؟

علي فكره ياابراهيم ، السيسي عارف انه لو كان ريح قلبك وقال اي كلمه ضد قانون التظاهر كان ملايين المصريين اللي بيحبوه النهارده وبيأيدوه وقفوا ضده وفي ثانية...

احنا بنأيده لانه حيرجع مصر دوله قويه عظيمه ذات هيبه دوله حضاره دوله قانون ، مش دوله صيع ونشتاء !!! 

فعلا ، تيجي تصيده يصيدك !!!! 

ولا عزاء للنحانيح ولا النشتاء .....

#تحيا_مصر

الجزء الثاني م الحوار 

5 مايو 2014 

السيسي اكثر غضبا واستفزازا ..... في هذا الجزء من اللقاء ...

لايساعدوه علي طرح افكاره ، يقاوموه باليأس ، يحاربوه بمحاوله الاستخفاف بافكاره ، لايقبل منهم 

لكنه غاضب ....

الاعلام محتاج يؤمن برسالتك ياسعاده الرئيس ليعاونك ويعاون المصريين علي اجتياز محنه وعوز الوطن 

#تحيا_مصر

صارحنا بمشاكل وطننا ، نمنحه ارواحنا 

تقدم الصفوف لنسير خلفك وبجوارك 

تحمل معنا سنتحمل معك 

اطرح افكارك الخلاقه الجديده سنصبح جنودك في جيش انقاذ وطن الحضارة والتاريخ وحمله للمستقبل ...

السيسي رئيسي 

#تحيا_مصر

هو يحترم المصريين ويحبهم 

ويحب مصر 

ويرفض خديعتنا بمشاريع وهميه وقدرات مستحيله وعصا سحريه 

اساس حكمه سيكون المصارحه والمكاشفه والمشاركه ....

انه بطل مصري وطني يحب مصر وشعبها وسيمنحهم من روحه وجهده قدوه عظيمه ليعاونوه ويعاونوا انفسهم لحل مشكلات مصر ...

هو السيسي ، رئيسي ...

#تحيا_مصر

الجيش في قلبي وسيظل ....

وفي قلبنا احنا كمان وفوق راسنا .....

#تحيا_مصر

تاني اقول واكرر ، هما لايحاولوا عرض افكاره وبرنامجه بقدر مايحاولوا حصاره 

يأتي بافكار النحانيح والنشتاء والصيع لمناقشته فيها وكأن لاهم لمصر الا ارضاء هؤلاء الصيع ....

سقطه اعلاميه غريبه جدا ....

#تحيا_مصر

نحن ظهيره الشعبي والسياسي 

نحن المصريين ....

ماهواش محتاج نحانيح ولا صيع علشان يبقوا ظهيره السياسي 

بلاش قرف ...

#تحيا_مصر

يتحدث بلغة الشعب وروحه ....

وهما متعودين علي التقعير والسفسطه والكلام الفارغ واللغو ...

السيسي رئيسي ...

#تحيا_مصر

الجيش كله اهل ثقه 

طبعا ، ماهو اللي يقدم حياته وروحه فداء لمصر ....

لازم يكون اهل ثقه ، هو فيه اكتر من كده ثقة ......

اجابه حاسمه قاطعه باترة .... الجيش كله اهل ثقة ...

#تحيا_مصر

ازاي النسيج الوطني يتألم واحنا موجودين 

عن اقباط مصر واهلها يتحدث ...

#تحيا_مصر

كل واحد دينه عنده غالي 

نحترم خيارات بعضنا البعض 

والاحترام مش كلام 

يسلم فمك ياسيسي ...

#تحيا_مصر

معنديش مسلم ولا مسيحي 

عندي مصري 

عبد الفتاح السيسي .......

#تحيا_مصر

ليه احنا بنشوه كل حاجه 

ليه مش عارفين نقول ان فيه حاجه حلوة في حياتنا 

ليه مابنقولش 25 وجنبها 30 مش دي اراده الشعب ؟؟؟...

#تحيا_مصر

خبره الحكم مش موجوده 

طبعا ياسيسي ، ده خروف وشبشب زنوبه تحكمه عصابه ارهابيه ، يبقي عنده خبرة حكم منين ؟؟؟؟؟؟

#تحيا_مصر

اللي كان بيدير الدوله ، هو مكتب الارشاد 

يتحدث عن الخروف ووقت حكمه 

#تحيا_مصر

لن يكون مكتب ارشاد في مصر 

لا 

لا 

لا 

#تحيا_مصر

علي الغرب ان ينتبه ويستيقظ لما يحدث في العالم والمناطق اللي فيها ارهاب ...

لغه صارمة حاسمه تحمل كل التهديد الواجب واللازم لحمايه مصر ...

#تحيا_مصر

لحظة الصمت ........ تعني ترتيب الاجابة 

ليس عجز عن الاجابه ، لكنه الصمت المنظم للافكار والعقل بمنتهي السرعه لحسن التعبير والاجابة ...

ثعلب بحق ..... السيسي رئيسي ....

#تحيا_مصر

لستم علي مستوي اللقاء ولاقادرين علي الحوار ، وافكار "مجيده" تحتلكم وتروجوا لها وتبحثوا عما يدعمها وتتصوروا ان هذا هو الحياد الاعلامي وانتم ابعد مايكون عن الحياد ، احنا المصريين عايزين نعرف راس وافكار رئيسنا الجديد ولسنا مشغولين بافكار " مجيده " وقدر اقترابه او بعده عنها...

ديل .............................. مايتعدلش ابدا 

#تحيا_مصر

لستم حيادين ...

انتم تفسدوا اللقاء بتربصكم به 

#تحيا_مصر

الملف الدولي .... البداية من موسكو ...

#تحيا_مصر

زوغ من التفاصيل بخصوص صفقه السلاح المصري الروسي 

مش حيديهم معلومات خالص 

حيفسحهم 

قالك ، سلاح ايه ؟؟؟؟؟؟؟؟؟؟؟

ثعلب ياسيسي ...

#تحيا_مصر

ياتري يامصريين ، حتنزلوا تختاروا اي مرشح 

مهم قوي انكم تاكدوا للعالم ان اللي حصل في مصر كان ارادتكم واختياركم انتم 

باقول للمرأه المصريه ، وعلشان خاطر مصر ، انزلي للانتخابات وقولي لجوزك وابنك تعالي اتعلم 

الجيش والشرطه يبقوا واقفين علي ضوافرهم علشان يحققوا الامل في العمليه الانتخابيه 

#تحيا_مصر

صور السيسي في مظاهرات ليبيا 

يدل علي عمق الازمه 

ماسعدنيش قوي ، لكن حسسني عمق الازمة 

وان ربنا حفظ مصر من وضع زي ده 

#تحيا_مصر

ماهي سياستك تجاه حماس ؟؟

عايز اقول للمصريين ماتخلوش الحال والوجدان اللي بيتشكل تجاه حماس يأثر علي موقفكم التاريخي تجاه القضيه الفلسطينية ..

حماس كتنظيم وحركه موجوده علي حدودنا الشرقيه 

ماسيفعل الرئيس حال انتخابه حال هذا الوضع 

لن ينسي المصريين من وقف الي جانبهم ومن وقف ضدهم ...

هل بتعتبر حماس وقفت ضدنا ........................................ صمت طويل وقرف 

#تحيا_مصر

دوله فلسطينيه وعاصمتنا القدس 

#تحيا_مصر

قطر 

ماتخسروش الشعب المصري اكتر من كده ...

تحذير ، نصيحه ، تهديد ، تأديب ، واللي مابيفهمش يفهم ....

المصريين مازعلوش من حد ابدا قد قطر وحماس 

#تحيا_مصر

الاستخفاف بالتسريبات ...

السيسي ، كبير قوي قوي 

#تحيا_مصر

اهمال ملف علاقتنا بالاشقاء الافارقة 

افريقيا بصفه عامه ودول حوض النيل وكمان اثيوبيا ...

في الموضوع الاستراتيجيه اللي زي كده لازم يبقي فيه حوار ومبكر 

نؤكد علي مصالح الاخرين وعلي مصالحنا 

#تحيا_مصر

الميه بالنسبه لي مش مهمه بس ، لا مسأله حياة او موت 

#تحيا_مصر

السودان هو العمق الاستراتيجي بتاعنا 

السيسي رجل محنك وعاقل وزعيم عربي 

#تحيا_مصر

اول دوله سيزورها هي السعودية 

#تحيا_مصر

شعار الحمله وطني ( تحيا مصر ) 

وليس شعار سياسي ...

مستوي الوطنيه والوطن يرقي عن اي مستوي اخر 

سياسه اقتصاد عسكريه ، تحيا مصر يعني الوطن مصر ، يعني بلدنا دايما نبص عليها ونخلي بالنا منها علشان تحيا مصر ...

وليه النجمة يافندم ، كان دايما ليها اتصال بالوطنيه المصرية 

رمز الهدايه في الوقت الصعب وفي الظلمه ....

#تحيا_مصر

الاستاذ حمدين واي حد مصري يري في نفسه انه ممكن يساهم ويتصدي لقياده الدوله المصريه 

انا احترم ده 

كنت افضل اكتر من منافس ، كنت اتمني 

#تحيا_مصر

لو جيت بتزوير اراده الناس ، مش حاحترم نفسي 

#تحيا_مصر

تقديرك لنجاحك ، هل انت مطمئن 

ان شاءالله 

السيسي رئيسا .....

#تحيا_مصر

انا باشجع كل اللي بيحب مصر ...

ومصر كمان بتحبك قوي وبتحب اللي بيحبها ....

#تحيا_مصر

الرياضة امن قومي 

يالهوي ياسيسي علي فهمك للامن القومي ...

الرياضه واللياقه البدنيه ترتفع والقدره علي العمل تزيد ...

#تحيا_مصر

مراته اسمها انتصار ...... 

ايه الفال العظيم ده .......

#تحيا_مصر

هل سيكون لمراتك دور عام ؟؟

مش عايز ازعجها بده 

لكن للمرأه المصريه كلها دور عام 

ومقدرش اجاوب بدل منها 

#تحيا_مصر

رسالته لمصر 

في اللحظه اللي احنا فيها لحظه انقاذ وطن 

وانقاذ الوطن ممكن يصل بيه حد نفديه بحياتنا 

ونجهزه لمستقبل مش علشانا علشان الشباب اللي مش لاقي شغل ومعندوش امل وكمان الاحفاد 

ده يستدعي منا بكل تجرد ومسئوليه ، اننا ننسي نفسنا كلنا ونشتغل ، مش كلمه نشتغل ، يعني نتجاوز عن خلافتنا مع بعض ، عن مطالبنا اي ماكانت المطالب سياسيه ولا اقتصاديه ولا اجتماعيه 

الواقع محتاج منا نمشي نجري نقفز ، نقفز مافيش فرصه غير كده 

لم يتم مجابهه مشاكل مصر ، بجد ، ولازم كلنا نتحرك علشان البلد تقوم بجد .....

#تحيا_مصر

لو قدر الله لمصر رفعه شأنها والعظمه التي تستحقها 

لكتب لها هذا الرجل الوطني المصري العظيم رئيسا ...

ادعو لمصر ينجح عبد الفتاح السيسي رئيسا لمصر يحملها للمستقبل 

#تحيا_مصر

يارب تكملها بالخير وتكمل جميلك علي مصر وعلينا 

يارب اللهم انك القادر احمي مصر واكمل جميلك علينا ....

انصر عبد الفتاح السيسي من اجل شعب مصر ومصر 

#تحيا_مصر

حيقولوا عليه ضد الديمقراطيه والمظاهرات 

حيقولوا عليه ضد المظاهرات الفئوية 

حيقولوا عليه معندوش برنامج غير مطالبه الناس بالشغل والتقشف 

حيقولوا عليه عسكري ومرشح الجيش 

حيقولوا عليه مش ديمقراطي واقصائي وضد الاخوان وبتوع يناير 

واحنا حنقول ...............

هو نور عينينا وبطلنا الشعبي الوطني اللي حينقذ مصر بتاعنا ويطلع بيها وبينا للمستقبل 

والكلمه الفصل لينا ، لاننا الاغلبيه والملايين اللي نزلت 30 يونيو و26 يوليو و6 اكتوبر و25 يناير 2014 وقلت له ( انزل ياسيسي ) وقالت له ( كمل جميلك ) 

الكلمه الفصل لينا ، لاننا الاغلبية و............... السيسي رئيسنا ...

#تحيا_مصر