26 أبريل 2013

وطني


20 أبريل 2013

لما طلت من شباكها !!!!


مصر ............... ام الدنيا ..
وقت الوجع والهم ، تطل عليك من شباكها العالي ...
تطبط وتهدهد وتواسي وتهون ....
تاخدك في حضنها تبكي وتشكي 
تحرسك بروحها وتحافظ عليك وتنشلك من ظلام الوحشة لنور الحضارة ...
مصر 
امبارح ، واليوم تقيل والدم المصري علي الرصيف 
فتحت مصر حضنها وقلبها وسرقتني وهونت علي الصعب وطمنتني ...
فكانت هذه العبارات .....................


Photo: ‎وسلاما يابلادى‎


  • مصر تتقري من اليمين للشمال من اول ايزيس وحورس لغايه اصغر طالب في الحضانه بيذكر ربه ويحب وطنه !!! مصر تتقري من اليمين للشمال من الفرعونيه للقبطيه للاسلاميه للقوميه العربيه للوطنيه مصر تتقري من اليمين للشمال من بوابه الهرم لبوابه الحلواني لبوابه النصر 
  • اياكم وانكسار الروح ، هذه هي الهزيمه الاكيدة !!! اياكم وانكسار الروح ...
  • عندما تجد الدنيا ثقيله ، والهواء راكد ، والجو ازرق ، وانت مش طايق نفسك وحاسس ان نفسك تعيط وانك مقهور وقلبك واجعك ، ساعتها تعرف علي طول ، ان السم الاخواني الفاشي بيتنشر جوه روحك ، وانهم بيحاربوك ويقيدوك ويسلسلوك وانهم بينتصروا عليك !!! ساعتها ، تفتح الشباك للهوا المصري النقي وتغسل وشك بميه نيلها الجميل وتسمع اغاني تفكرك بمصر اللي بتحبها وانها قويه وعزيزه وغاليه وتتفرج علي افلام تحنن الدنيا عليك وتوريك ازاي كنا وسنظل مناره الحضارة وام الدنيا ، ساعتها علي طول ، تستعيذ من شياطين الانس الفاشيست وتطرد الاشباح من روحك ودنيتك وتستدعي كل شيء حلو تعرفه عن مصر وبتحبه فيها ، حتلاقي روح مصر دبت فيك تاني ، قوتك وسندت قلبك وفكرتك انها كانت ومازالت مقبره الغزاه وان مافيش حد جه عليها وسلم ، وتفتكر انها مهد الحضارة وان رسل ربك مروا عليها وحمتهم موسي، عيسي ، يوسف وان سيدنا النبي اتجوز مريم منها وانه اوصاكم باقباطها وان جندها خير جند وان ارضها جنه وترابها حنة ، وان مين دول الاخوان الفاشيست اللي يعرفوا يروحوا ولا يجيوا مع مصر ، وانها غمه وحتنزاح زي ماميت غمه انزاحت وفضلت مصر ............. ساعتها حتبقي اقوي وتعرف تقاوح وتقاوم وتتنتصر لمصر وتنتصر بيها !!!! صباحكم مقاومه ، صباحكم مقاوحه ، صباحكم قوة ، صباحكم مصري جميل .....

مجرد يوم ثقيل ..


كان يوم ثقيل ....
الدماء المصرية تسيل علي الرصيف ..
اللحي تحمل اسلحة بيضاء ونارية تتصور وهما انها ستعز بها الاسلام وقتما تنتصر علي المصريين الذين لايستكينوا لارهابهم ...
يوم ثقيل ... قضيته علي الفيس بوك اصرخ ، اتشاجر ، احارب ، اقاوم الهزيمة والوجع ، ادفع عن مصر شرهم وارهابهم فكانت تلك العبارات ...............

  • يلعن ابو ام الثورة اللي تخلي الحشرات الضاله دي تتكلم عن تطهير القضاء !!!! يلعن ابو ام الثورة اللي تخلي سجين هارب رئيس لمصر !!!! يلعن ابو ام الثورة اللي تخلي خونه يشتموا القوات المسلحه المصرية ومؤسستها العسكريه !!!! يلعن ابو ام الثورة اللي مستمرة بالحشرات الضاله والخرفان والخونه والجواسيس والفاشيست !!!
  • لا سلام بيننا وبين الفاشيه الدينيه طوبه علي طوبه خلي العاركه منصوبة ...
  • الاخوان يضربوا الخرطوش والقنابل المسيله للدموع انهم قتله المصريين ، قتلوهم ويقتلوهم من موقعه الجمل وحتي الان مليشاتهم المسلحه هي الطرف الثالث الذي قتل المصريين من يناير 2011 وحتي الان ...
  • لاتقل الامن يضرب الشعب قل الاخوان يضربوا معارضيهم بالخرطوش والرصاص الحي والقنابل المسيلة للدموع لاتقل البوليس قتل الثوار قل الاخوان قتلوا الثوار والمصريين من يناير 2011 وحتي الان لاتقل الفلول عملوا موقعه الجمل قل الاخوان ضربوا وقتلوا المصريين المتظاهرين في موقعه الجمل لاتقل اي كلام وتردده كالبغباء افتح عينيك وشوف المشهد كويس من يناير 2011 وحتي الان الاخوان الفاشيست قتله المصريين والطرف الثالث منذ اول لحظه
  • ليسوا اخوان ولا مسلمين ولا هي مليونيه سلميه هم فاشيست قتله ، يقتلوا المصريين بالخرطوش والرصاص الحي والاسلحة البيضاء ..
  • حين تحاصر اسد جائع ويستشعر انك ستقبض عليه يتوحش !!! وحين تحاصر جماعه ارهابيه فاشيه بفشلها وكراهيه المصريين لها وتشعر انها ستعود للسجون تتوحش !!!! انتظر عنفا كبيرا الايام القادمه ، انهم خاسرون مهزومون ويعرفوا هذا ، وليس امامهم الا العنف مع المصريين ، ستسيل دماء كثيرة حتي يعودوا للسجون ، قريبا !!!!!!!
  • الدم المصري الطاهر علي الرصيف بخرطوش الاخوان ياقتله المصريين ساعه الحساب اقتربت ..
Photo: ‎المصور ابراهيم المصري بعد اصابتة اثناء قيامه بعمله
www.facebook.com/eldostor.party‎
  • الحيوانات المقززة الفاشيست ، لسه بيتكلموا ويقولوا الثورة والثورة المضاده!!!! كرهتونا في كلمه الثورة واللي جاب الثورة وام الثورة وابو الثورة يععععععععععععععع ... لو انتم بتحكموا مصر بثورة فانتم عار علي مصر وعار علي كلمه الثورة !!!
  • يارب ياااااااااااااااااااااااارب ... وانت سبحانك المنتقم العادل الجبار القوي القادر ، كل اللي تسبب بقصد بحسن نيه بسوء نية بجهل بهبل باستخفاف في الايام السوده اللي احنا عايشنيها دي ، يارب تنتقم منه انتقامك العظيم المروع ، وانت القادر ، وتورينا فيه يوم اسود ، وتورينا فيه قدرتك وجبروتك وانتقامك ، اللهم امين ....
  • ولا بتفهموا في الثورة ولا في الزفت !!!! وديتوا البلد في داهيه بجهلكم !!!!! قولوا بقي بدافع عن مبارك ، مابدافعش عن مبارك ولا يفرق معايا مبارك اساسا ولا لي مصالح مع نظامه وحكمه ولا نيله ، ولا فلول ، ولا عندي عقد نفسيه بتاعت العبيد والكلاب ولا متلازمه استوكهولم ولا متلازمه بولاق الدكرور ، لكن مقهوره من الي بيحصل لمصر وشعبها ، مقهوره ، وبادافع عن مصر ، اللي اعتبرتوها لعبه تلعبوا بيها بمنتهي الاستخفاف والسذاجه واتركبتم من الاخوان وانتم حمقي !!!! العيب مش عليكم ، العيب علي السياسين اصحاب الوعي اللي ضللوكم ولم يصارحوكم بالحقيقه وباللي قروه في الكتب واللي يعرفوه من التاريخ وخلوكم تصدقوا ان مستر اوباما لما قال ( ناو از ناو ) كان بيحب مصر وبيحبكم ، العيب علي السياسين اصحاب الوعي ومفروض الخبرة ، اللي قالواا هيه ثوره هيه ثورة ، وكل واحد قرر يحقق ذاته الثوريه المقهوره قبل مايموت ، وان شالله مصر تولع بعد مايسيب لولاده حكايه انه شارك في الثورة ، ووووووووواووووووووو يابابي برافوا عليك !!!! ماعلينا !!!! ربنا يقدركم علي نفسكم وعلي كوابيسكم وانتم بتشوفوا مصر بتتخرب وتتدمر وانتم شركاء في تخريبيها وتدميرها وكنتم فاكرين بسذاجه انكم بتحبوها !!!!! ماعلينا .............................اللي مش عاجبه كلامي ومصدق في الثوره ومستمرة والجو ده ، ومش قادر يشوف المؤامره الامريكيه وتدمير مصر وخريطه الدم والفوضي الخلاقه ، اللي مش قادر يشوف امريكا بتعمل ايه في بلادنا لصالح اسرائيل وتحقيقها لمصالحها العليا ، الي مش قادر يشوف العراق وبعدين تونس وبعدين ليبيا وبعدين مصر وبعدين سوريا ومعاهم اليمن ، اللي مش قادر يشوف التنظيم العالمي للاخوان المسلمين اللي بيحكم بلادنا ( النهضه في تونس ) ، (المجلس الانتقالي في ليبيا ) ، ( الجيش الحر في سوريا ) ، ( الاخوان المسلمين والحريه والعداله في مصر ) اللي مش قادر يشوف ده ، يحل عني ومايردش علي ويقدر يشيل نفسه كمان من عندي ، انا قلت امبارح ده وقت الفرز ، خندق الشعب وخندق الفاشيه ، علشان الفرز الصحيح يتم ، لازم كل واحد يراجع نفسه ومسئوليته عن اللي حصل ، مش هبل في هبل هو !!!!!!!!!!!!!
  • اوعي تتصوروا اني يائسه او محبطه او مكتئبه ، او عندي شكوك ان البلد ضاعت زي مالناس بتقول وتولول .................. انا متفائله جدا وعندي يقين ان مصر راجعه ، مصر دوله الحضاره والقانون ، مصر المدنيه ، مصر المستقبل ، مصر راجعه واحسن من الاول كمان ، اه بندفع تمن وحندفعه لكن مصر راجعه وهذه الحقبه كلها لزوال ، حكم ومعارضه ورئيس وجماعه ومليشيات وخرفان ، حيتكتب عنهم سطرين في تاريخ مصر ، عصر الانحطاط المملوكي الجديد ، عصر الانحطاط والخيانه الامريكيه الاخوانية ، سطرين في قسم الزباله !!!! مصر راجعه مصر راجعه مصر راجعه واحسن من الاول كمان !!!!
  • الفاشيه الدينيه ادركت هزيمتها في مصر !!!! توقعوا منها عنف اهوج ماقبل رفع الرايه البيضاء والعوده للسجون ..
  • انتم يافاشيست ياجهله ياحمقي ياحثاله ، ان كان مستعد يموت منكم واحد علشان جماعتكم ، المصريين مستعدين يموت منهم الوف وملايين علشان وطنهم !!!! احنا اللي حننتصر في النهايه وبسرعه قوي !!!! السجون في انتظاركم يافاشيست ياخونه يادلاديل المرشد ...

18 أبريل 2013

القاضي الجليل





المستشار خالد محجوب . رئيس دائرة جنح مستأنف الاسماعيليه !!!
القاضى دا اللى ماسك قضية هروب المساجين من وادى النطرون واللى شغال فى القضية بكل صدق وجدية وطلب استدعاء محمد مرسى لسماع اقواله فى الحصول على تليفون واتصل بيه بقناة الجزيرة مع ان شبكات المحمول كانت فاصله فى مصر كلها ومع انه اتعرض لتهديدات كتير إلا أنه مستمر إحقاقا للحق ، التحيه كل التحيه سيدي القاضي الجليل !!!

14 أبريل 2013

صدقوا في مصر !!!!







لمصر قصه وحكايه ، مين يفهمها !!! 
شعبها حالته حالة ، مين يعرفها !!! 
روح ماشيه من اول التاريخ ، لاعرف حد يطفيها ولا يأُثر فيها ، نار نورت وعلمت وحرقت والمت ، وفضلت متوهجه في ارواحنا ، كل واحد فينا مصر ماشيه علي رجلين ، تراث وحضارة وتاريخ ، وحكم وكهنوت واسرار ، تجلي وقدره وهيبه ، عبقريه طيبه متواريه ، روح ماشيه من اول التاريخ في طريقها ، تفتح سكك مقفوله وتهون الصعب ، وتستحمل ، وتثابر وتكابر ، روح جوه كل واحد فينا ، في قلبه في حكمة بصيرته في صبره في قوة عزيمته !!!! 
روح ماشيه من اول التاريخ ، ناطقه بلغتها بحكمتها برهبتها بكلمتها ....
نيل وسارح في الاراضي ، ارض طارحه في كل الوادي ، عرق اسمر مسكر وابتسامه تنور ضلمة القبر وقبر زي روضه من رياض الجنه يضم الحبايب مستني بعث في الجنه ونعيمها !!! 
دي مصر ، ياللي مش فاهمين ومش عارفين ومش راضين تصدقوا ومش قادرين ...


هي دي مصر ، اللي عمرها مابتنكسر ولا تتهزم ولا تتلبس ولا تتنكس ولا تتغير وتغير الدنيا ولا تتغير .... صدقوا في مصر اللي جواكم وبتنبض جوة قلوبكم ، صدقوا فيها تصادقكم وتصدقكم وتصد عنكم .. صدقوا في مصر ... واعرفوا ان كل اللي بيحصل ، سطر ازرق في كتاب الحكمة اللي غير الدنيا ، سطر ممسوح في كتاب تاريخ نقش عظمته علي وش الدنيا ، صدقوا في مصر وصدقوا في نفسكم ، وافتكروا منن غزانا وقعد ، ومين غزانا وفلح ، ومين غزانا وصمد ، ومين غزانا وماخرجش مهزوم ....
مساءكم عظيم يااجمل شعوب الدنيا وياابناء الحضاره العظيمه ، يامصريين ....