خلاص ده مات !!!ا

كان نفسي أسأله قبل مايموت 

الا هو صحيح الموت بيوجع ؟؟

كان نفسي أسأله .. 

يحبني ابلغ مامته ايه وكمان باباه 

يحبني اقول لبنته ايه وكمان اخوه 

واقول لمصر اللي مات علشانها ايه 

كان نفسي اساله بيحبها قد ايه ؟؟

ومات زعلان عليها ولا ايه ؟؟

قريت اسمه كذا مرة

وحاولت احفظه 

قلت عيب مايصحش يموت

وكمان مانبقاش عارفين اسمه ايه 

يعني حتي مانعرفش نزعل عليه !!

للأسف يادي الأسف 

مالحقتش اقوله حاجة

ويمكن مالحقتش كمان اعرفه 

اصلي شفته وانا بأبكي  

شفته سطر في رسالة

بتقول خلاص ده مات 

شفته دمعه اتحجرت وقت السكات 

شفته قهرة قلب ام 

شفته صرخه من ست واقفه في البلكونة بعيد 

عماله تصرخ وتسأل القاتل انت ليه بتموته ؟؟

شفت موته مجرد خبر صغير 

يزيد فوق الهم هم 

شفت مصر بتعيط عليه 

وبتدعي له بالجنه وطولة العمر هناك 

شفت ابتسامه

رسمها الموت علي وشه الشجاع 

وهو ماشي من دنيا ظالمة للبراح 

بيقدم دمه وروحه وعمره

هديه رخيصه لاجل مصر 

ماهي مصر الغاليه

مايغلاش عليها شي 

حتي عمره وشبابه وضحكته الحلوة 

وامله في الحياه

برضه مايغلوش عليها 

للأسف يادي الأسف 

مالحقتش اسأله هو الموت بيوجع ؟؟

ولو كنت سألته كان جاوبني

وانا صعبانه عليه 

اه ياخالتي الموت بيوجع 

بيوجعكم انتم

ياللي لسه عايشين متعذبين 

اما انا فالموت عتقني من حياة 

دمها تقيل حبتين 

ريح قلبي اللي كان الحب واجعه 

والامل في بكره عماله بيوديه ويجيبني 

مرة احلم بخير ومرة يطلع حلمي كابوس 

مرة اتمني ومرة يطلع املي علي فاشوش 

للأسف يادي الأسف 

مالحقتش اسأله 

مات بسرعه مات بشجاعه 

مات مستعجل قوي

مات وهو بطل

وعارف انه قدم عمره 

لمصر الجميله 

وانه هادها هديه 

وانه مكسوف

لتكون الهديه مش قد المقام 

اصل مقامها في قلبه الاخضر

كان كبير 

مقامها يحتاج منه ميت عمر

فوق عمره 

يقدمهم ليها هدية رخيصة

ويموت سعيد !!! 

كان نفسي اسأله قبل مايموت 

الا هو صحيح الموت بيوجع ؟؟

لكنه مات بسرعه

قبل ماالحق اساله 

وسابني وملايين معايا حزنانين 

والقهرة حارقه قلوبنا 

والايام كلها زرقا

والدموع مش راضيه تنزل 

وبتقطع في قلوبنا سكاكين 

والاهه مخنوقه في حنجرة

دبحها كتر الهتاف 

باسم البلد اللي علشانه مات 

الحنجرة اتقطعت حبالها 

واتخرس جواها صوتنا 

واحنا مش عارفين نعيط ولانهتف 

بس عايزينه يرجع 

علشان نشيله علي راسنا ونمشي 

تاني في المظاهرة 

يهتف معانا واحنا بنهتف 

تحيا مصر وان شالله نموت كلنا 

بس للاسف يادي الاسف 

مالحقتش اقوله حاجه 

مالحقتش اقوله مصر بتحبك قوي 

وبتفخر بيك قوي 

وكلنا كلنا بنحبك قوي 

وعلي فكره احنا عليك مش زعلانين 

احنا فرحانين بفخرك باسمك بانتصارك 

علي الجماعة الارهابيه 

اللي قتلتك ومستنيه تقتلنا 

واحنا كمان مستنين 

اصل مصر العزيزه مهرها غالي قوي 

الف مليون ضحكه حلوه 

غنوه حلوه 

بنت حلوه 

شاب كان يحلم ببكره 

ست ربت عيالها وماتت فرحانه 

بانها دفعت مع اولادها مهر بكره 

وانتم علي فكره كسبانين 

اتقتلتم غدر اه لكن كسبانين 

كسبانين حبنا واحترامنا 

وحب مصر اللي بتحب ولادها الطيبين 

اللي يقدموا عمرهم ليها هديه 

وهما كمان مكسوفين 

لتكون هديه ماتناسبش حبها

في قلبهم الاخضر

اللي شاخ قبل الاوان 

انتم موتم وانتم كسبانين 

واحنا الموت وجعنا 

وعليكم صعبانين ... 

للأسف يادي الأسف 

مالحقتش اساله هو الموت بيوجع 

كنا ماشين في المظاهره 

وبنهتف فرحانين 

صوتنا طالع من قلوبنا 

ودموع الفرح سايلين 

علي وش مبسوط وسعيد 

لما يهتف باسم مصر

ويموت شهيد  

صوتنا اتدبح لما جت له رصاصه 

مش عارفين منين 

لما حنجرته سكتت واحنا مش فاهمين 

حنجرته سكتت 

ودبحها راجل فاهم انه بيقتله

علشان ماربنا يرضي عنه 

بس ربنا مابيرضاش بالظلم

ولابيرضي عن المجرمين 

هو قتله فاهم انه رايح كده خلاص الجنه 

ومش عارف انه اخوه

وابن اخوه ويمكن ابنه 

قتله راضي وهو مضحوك عليه 

مضحكوك عليه

لغايه مانسي اسمه واسم ابنه 

وقتله مره وميت مره

وهو مش دريان بالحكايه

واصلها وفصلها 

وهو ليه جاي يقتل هنا ؟؟

للاسف يادي الاسف 

بكره لما يبلغوه

ان الجثه المرميه علي الرصيف 

تبقي لابنه 

وانه قتله من غير مايعرف انه ابنه 

وقتها حيفتكر صوت روحه

وهي راحه للبراح 

وهو بيكسر في رقبته 

وهو بيخنقه ويضحك سعيد 

وهو بيضرب علي راسه رصاصه 

وبيكبر مع كل الفرحانين 

 قتله وهو مايعرفش اسمه 

مايعرفش انه ابنه 

انه دمه ، انه همه 

وانه ابن عمره اللي ضيعه برصاصه رخيصه 

سلمها له الشيخ

وقاله علي الجنه حدف ياولدي 

فاطلق الرصاصه في قلب ابنه 

وعاش في جهنم الحمرا حياه وموت 

حيفتكر انه قتله بسرعه

وماسمعش اخر كلمه قالها

لما قاله بتقتلني ليه ؟؟

طيب اقتلني بس خلي بالك علي مصر 

دي حبيبتي ، خلي بالك عليها

قتله برصاصه من بعيد 

اصله كان متوضي خايف علي الوضو 

ليفسده الدم النجس ..

دم ابنه اللي قتله وهومش دريان 

انه بيموت في نفسه 

كان متوضي وعايز يلحق يخلص قتل

بسرعه ويجري 

علشان يلحق المغرب 

في الجامع جماعه !!! 

النهارده اتقتل واحد بيحب مصر 

وبكره كمان حيتقتل واحد بيحب مصر 

وواحده حلوة هي كمان بتحب مصر 

وست جدة هي كمان بتحب مصر 

وراجل حارب في سينا ومامتش 

بس النهارده مات لانه بيحب مصر 

بس للاسف يادي الاسف 

حاولت احفظ اساميهم لما ماتوا 

قلت عيب مايصحش يموتوا 

واحنا عايشين مش فاكرين اساميهم 

حاولت احفظ اساميهم

لكن اساميهم كتيره 

والذاكره ضعفت من كتر العياط 

والهم اللي كابس علي قلبي 

قلت مش مهم يطلع اسمه ايه 

اي اسم المهم انه مصري 

مات وهو بيحب مصر 

ياحبيبي ياللي مت وانت بتحب مصر 

مصر كمان ياحبيبي بتحبك قوي 

وحتفضل فاكراك قوي 

وفرحانه بيك قوي 

ومتعطره بدمك الفواح 

وشايله اسمك في قلبها

وتاج علي راسها 

ويوم النصره القويه 

والفرحه اللي مابعدهاش فرحه 

مصر كلها هتهتف باسمك 

وحتفتكرك 

وتصرخ تقول ده ابني ودي بنتي 

اللي ماتوا علشان ماارفع راسي واكون 

واديني كونت

دفعوا اعمارهم لاجلي وانا حاعيش

علشان امد في عمرهم

واهتف كل لحظه باسمهم

ياحبيبي ياللي مت وانت بتحب في مصر 

مصر بتحبك قوي 

وكلنا بنحبك قوي 

موت بقي وانت فخور بموتك وفرحان 

والباقي بقي علينا 

نحفظ اسمك ليوم الفرحه 

ونمشي وراك علي نفس الطريق 

دمك ينور ضلمته 

وروحك تونس وحشته 

ادعي لينا بقي وانت في الجنه وسعيد 

وانت في الجنه شهيد 

ادعي لينا عقبال مصر ماتفرح بينا 

زي مافرحت بيك 

يوم مانقدم عمرنا وروحنا ليها مهر

لاجل تعيش وتبقي

لاجل تهتف باسمنا يوم ماتفرح

ادعلي لينا وانت في الجنه سعيد

وانت في الجنه شهيد

اننا نموت زيك واحنا مبسوطين

فرحانين اننا بنقدم ارواحنا هديه

لمصر اغلي الغاليين .. 

شركاء في القتل

ايها المجرمون الغافلون عن شر الدولة الدينية وشر الجماعات الارهابيه وشر التحالف معهم وشر الترويج لهم ولافكارهم ولديمقراطيتهم النكراء ، ايها المجرمين الغافلين عن ماكان يحدث في مصر ، جهله لم تقرأوا الواقع ولم تنتبهوا لتركيبته السياسيه وقواها الظاهره والخفيه والمسلحه والسلمية !!!

ايها المجرمون .. كيف تناموا وكيف تعيشوا والدماء المصرية الطاهره الغاليه تسيل علي الرصيف وخيره شباب الوطن يغتالون بايدي من روجتم لهم ودافعتم عنهم وتحالفتم معهم !!!

كيف تعيشوا وكيف تشعروا ووطنا يتمزق بسكين بلادتكم وجهلكم ؟؟؟

لقد خدعوكم .. فضيعتوا المصريين وضيعتوا مصر !!! 

انتم بلهاء سذج في افضل الاحوال ..

الان تعتذروا للمصريين وتلونوا ملامحكم بحزن مزيف وكأنكم حزاني لما يحدث في المحروسة !!! 

اعتذارتكم لاقيمة لها 

اعتذروا لمصر عن كل كلمه وحرف قلتوه زيفتم به وعي الناس وضللتوهم به ، فان قبلت منكم مصر ، قبلنا !!!

وان لم تقبل اعتذاركم لاتكلمونا عنها مره ثانيه !!!!ولاتعتذروا لنا !!!ا 

انتم سبب تلك سفح الدماء الطاهره التي تسيل علي ارض الوطن وهو ينتفض يدافع عن نفسه من الدوله الدينيه التي احضرتوها له ولشعبنا الطيب بغفلتكم السياسيه ..

انتم شركاء في القتل بالسذاجه والغفله السياسيه لو افترضت حسن نيتكم!!! 

شركاء في القتل ، لو لم تقبل مصر اعتذاركم ، استحققتم الاعدام مع القتله الاصليين والمحرضين علي القتل !!!! 

دم مصر "بيشر " من اقلامكم والسنتكم وشاشاتكم !!! 

دم مصر " بيشر " من بين اصابعكم وبين شفاهكم وانتم تكتبون كذبا وزيفا وتتكلمون كذبا وزيفا !!! 

يامصريين ................. هؤلاء قتله ابنائكم وقتله وطنكم !!!ا

لاتسمعوا لهم ولا تقرؤا لهم ولا تشاهدوا برامجهم ولاتسلموهم قياد حياتكم ووطنكم !!

هم في افضل الاحوال سذج ضيعوا الوطن وضيعوكم !!!

 لاتسلموا لهم قيادكم ، لاتسلموا لهم قيادكم !!!

كفي مصر خيرهم وشرهم !!!

الرمق الاخير

انه الرمق الاخير 

الوجع الاخير 

القلب يتبعثر نثرات في الفضاء الملوث بالاكاذيب 

والتكفير وخيانة الوطن وبيعه في سوق العقارات 

وبيع رجاله في سوق العبيد

ونساءه في سوق النخاسه 

وسينا في سوق الاكاذيب والخديعة والخيانة  

القلب يتبعثر ، متبعثر في الفضاء الملوث بالهم 

نلملمه عله يتوحد ويشفي 

نرتق جرحه الاعمق بايدينا جميعا 

نخرج معا من طياته خنجر مسموم 

عله يقوي فيضخ دم طاهر كمثل دماء الشهداء 

في اورده الوطن وشراينه المسدودة 

فيستعيد الحياة التي استعصت عليه

وكادت تتركه يموت 

ببلاده وترحل ...

انه الرمق الاخير 

النفس الاخير 

نتوجع نتألم تتمزق صدورنا

ونحن فقط نحاول نعيش 

بشر احياء في وطن كمثل التي سمعنا عنه 

كمثل الذي حلمنا نفخر به

ونرفع راياته فوق اهراماتنا 

ومعابد حضارتنا ومسلات فخره الشامخه 

احياء في وطنه نحبه 

وحاربنا من اجله

ولم يفرحنا بعد وننتظر فرحته 

تتمزق صدورنا

وهي تزيح الاتربة الخانقة والسم 

التي راكمتها الايام فوق انفاسنا

تخنقها غضبا 

ننتفض تشبثا بالحياة

نرفض الموت الاكلينكي 

لعقولنا وقلوبنا ووطنا 

نرفض تحنيط تاريخنا ووأده 

ودفنه ومحوه وقهره وقهرنا 

نصرخ الما

وصدورنا تستنشق الهواء النقي 

المار فوق حقولنا الخضراء

وخصوبة ارحام نساءنا 

فوق اضابير حضارتنا 

فوق دماء اولادنا برائحة اللوتس 

وهي تسيل علي الارض 

تهتف بحب الوطن المستعصي علي حبنا 

نصرخ والهوي المصري يوجعنا والهواء ايضا 

ونتنفس ونلملم اوجاعنا 

ونستقوي ببعضنا البعض 

ونغلق بوابات الوطن الشرقيه في وجه الغزاة 

لايخدعنا ملامحهم التي تشبهنا 

ولا قسماتهم التي تلين في وجوهنا 

ولا اطماعهم التي يخفوها خلف ظهورهم كالخناجر 

ونشد ظهورنا ونتكاتف 

ونسند علي بعضنا البعض 

ونتحمل الوجع الاخير ونتمناه الاخير 

ونصرخ بعافية وقوة واصرار 

فتهتز السموات السبع فرحا 

ويفتح الفردوس الاعلي لشهداءنا 

وتعلو الرايات المخضبه بالفرحه للسماء 

ونستعد للفرحه بكل كل الوجع 

انه الرمق الاخير 

الوجع الاخير 

النفس الاخير 

الحلم الاخير 

يمزقونا فلانتمزق 

يبعثرونا فلا نتفرق 

يسرقوا البصيرة من قلوبنا فلا نتوه 

يحطموا ارادتنا او يحاولوا فلا ننكسر 

يشوهوا الحلم بالكوابيس فننتفض اصرارا 

علي التشبث بالحلم مهما بعد وفر  

انه الرمق الاخير 

لنبقي او نموت !!! 

لنعيش او نرحل !!! 

لنكون بشر نستحق الحياة 

او نتحول اصنام جماد

لايستحق الا البصق علي وجهه الميت  

لانه اضاع الفرصة الاخيرة في حياته 

ليحيي بحق 

فالوطن فرصه كثيرة

وحياته طويله

وانتصاراته اتية اتية لاريب فيها 

مهما تأخرت !!! 

انه الرمق الاخير 

الوجع الاخير 

النفس الاخير 

الحلم الاخير 

اما نفلح او نضيف هزيمه جديدة لكل الهزائم 

وعار جديد لكل اكاليل العار التي تخفي الحضارة 

وجهها عنها خجلا لاحفاد لم يفلحوا يحافظوا علي عظمتها 

وتهاونوا في حق انفسهم وحقها فهزموا وبقيت خالده 

مثلما ستبقي دائما 

انه الرمق الاخير 

الوجع الاخير 

النفس الاخير 

سنبقي احياء نهتف باسم الوطن الذي يوجعنا 

ونمنحه في حياتنا وبحياتنا عيش كريم يستحقه 

وان متنا سنموت موتا غاليا 

يرفع مع ارواحنا للجنة رايات الوطن عالية 

ونترك له في شوارعه الواسعه وحاراته الضيقه 

وعلي هوامش كتب تاريخه 

قبلات محبة واعتذار لاننا متنا مره واحدة 

ولم نمت الف مره ونمنحه بموتنا اجمل حياة !!!ا

متي ستكترث ؟؟؟؟

لاتدخل في الدائرة
ولاتخرج منها
تتماس مع انشوطتها المتأرجحة
باستخفاف 
وكأنك لاتعرف انها تهدف رأسك
لتحسم فيه كل الاختيارات التي تفر منها
تتأرجح كمثل الانشوطة
تبحث هي عن رأسك
وتبحث انت عن راحتك
واتابعكما معا
وانت تفر وهي تطاردك
اما تعيش بحق
اما تموت بحق
اختياراتك غامضة 
وكأنك لاتدرك ان الدائرة ستبتلعك 
وانت تتجاهل الخطر فيها ومنها 
تتماس مع انشوطتها المتأرجحة 
وكأنها لن تقبض روحك وتتأرجح وتتأرجح 
حذرتك كثيرا ولاتكترث 
متي ستكترث ؟؟؟

دوامة و........ انتهت !!!ا

وادور وادور ، وتدور الايام وتدور ، ندور في دوامة ..

دوامة عنيفة ، الايام تدور وانا معها ، وانا ادور وادور والايام معي ، نفقد الوعي ونسترده ، نغيب ونعود ، نتملص من الجدران القابضه ونعتقل بداخلها و......... ندور وندور في الدوامة !!! 

دوامه تأخدني ، كفراشه اسيرة في اشراك الضوء الباهر اقترب فاحترق واشم رائحه شياطي بانفي واتونس براحة الحريق وادمنها واختنق منها واطردها واطاردها ، دوامة تحاصرني كقطرة ماء بارد تنزلق علي جدران ملساء لا تنقذها من الهاوية العميقة ، كدمعة تتواري عن اعين المتلصيين وتنزلق علي الوجنات المحتقنة فتحرق الروح ، كوردة صغيرة تعتقلها الصفحات الصفراء لكتاب عتيق بين زوابع التراب الساكن فوق رف مهمل ....

وادور ، وادور .......... واعيش ، افرح قليلا واحزن اكثر ، واتمرد كثيرا واهزم اقل ، واعيش و...........وسط الدوامة !!! 

ادور وادور في دوامه ترفعني للسماء وتهبط بي قبلما احلق ، تقذفني للهاويه وتنتشلني قبلما اسقط ، تغرقني تحت ماء اسن بلا حياة وقبلما يخنق الماء الثقيل حويصلاتي الهوائيه يأتي نصل من الهواء يمزق رئتي ويحيني ، تنتشلني من الموت الراكد وتنفث في وجههي اعاصير هواء تمزق وجهي وروحي وبقيه الحياة التي انقذت لاعيشها ....

دوامة ، تدور وتدور ، تدور بنفسها وحول نفسها ، وتدور بي ومعي ، ترفعني ناحية السماء ، تقذفني صوب الارض ، تدفني بين طيات السحب الرماديه ، توءدني تحت ركام من ضباب كثيف ، دوامه تصارعني وتصارعني ، واصارعها واصارعها ولااحد ينتصر ولااحد ينهزم ولااحد يعيش ولااحد يموت ، وكأن الدوران المستمر الدؤوب قدر وقدر القدر ........... 

و...... ايام لاتأتي ، وايام تأتي ولااعيشها ، وايام توجعني وتبعثرني ، وايام تصالحني وتلملمني و.......... ابكي واضحك وافقد الامل واتشبث به وايأس واتمرد و....... اقاوم كل الوجع وانتظرك تنتشلني من كل مايبعثرني في قلب الدوامة !!!! 

دوامه تغرقني بين ركام اوجاع قديمه وهموم ثقيله واحلام مجهضه وامنيات بعيده ، تدفني تحت اطلال بقايا الاوهام التي حلقت صوب السماء وكأنها الفرحه ثم رطمتني بارض الواقع وصخره المشحوذ بالوجع ، تحملني صوب قرص الشمس اظنه حاني فيحرقني بوهج نيرانه ، تقذف بي فوق طيات سحب ساكنه فتتحول لاعاصير ورعد وبرق وتلاطمني بين ذرات ماءها المسنون ، تحلق بي صوب القمر فاظنه الدفء فيلاقيني كسوف الصقيع يفتت عضدي ويمزق روحي ويبعثرني ولااطمئن ولااسكن ولاتهدأ الدوامه ولا تكف عن الدوران ...

ومازالت الايام تدور ، وانا معها ، خدره احيانا ، غائبه عن الوعي اقل ، منتبهه كثيرا ، مخدره اقل ، تداعبني الاحلام المستحيلة والامنيات المؤجله واعدهم اقبض عليهم ونعيش كلنا ، ويفروا مني ويكذبوا علي بأنهم سيعودوا ولا يعودوا !!!! 

وانتظرك وانتظرك ، تاتي من هناك من بعيد ، تشق الغمام الكثيف بابتسامه تلون العالم الموحش بالفرحه ، انتظرك وانتظرك ، تأتي من هناك من بعيد ، تخرجني من لج الدوامه وتعالجني من دوارها وتنزع عن روحي ونفسي ووجداني وذاكرتي وذكرياتي ملحها وسمها وزبد موجها وهم شرها و...........موقنه انك ستأتي وان انتظاري لن يطول ...

وفي يوم حان طيب ، اشرقت شمسه فوق نافذتي انا ، وهدل كروانه فوق شرفتي انا ، وتفتحت الياسمينات الفواحه في شجرتي انا ، في ذلك اليوم الحاني ... فاجئتني ... بوجودك بروعتك بحنانك بفيضانك واعاصير مشاعرك ودفئك وطمأنينتك وطيبة كل الايام التي كانت ذهبت وعادت معك ... 

وتمتد روحك لتنتشلني من وسط الدوامه ووجع اعاصيرها و............تهدء روعي و........... تطمئني و.............وتعيد لوهج روحي توهجه ..... و تصالحني علي احلامي وامنياتي وذاتي  و........... تبطء الدوامه دورانها و.........التقط انفاسي في حضنك و..........ابكي علي كتفك فيخرج السم من تحت مسام جلدي و...........اركن علي ذراعك و..........و انصت بكل انتباه لهمسك وصمتك وبصيرة عينيك وومضه روحك و............... تكف الدوامه عن الدوران واكسر - معك - الدائرة المستعصية القابضه واحلق بعيد عن كل القديم ، و........... تمطر الدنيا فرحا و........ ابادلك حبك بحب اعمق !!!! 

علي هامش نجاح اوباما ................ ( من الفيس بوك ) !

الثلاثاء 6 نوفمبر 2011 

اوباما نصاب ، بيسرقنا بكيفنا ويضحك علينا بهبلنا وبيخدعنا وهو مبتسم !!!
رومني ، جمهوري سفاح بيكرهنا وبيعلن ، بيدافع عن مصالحه ومصالح بلده ، حيضربنا بالصواريخ لو لزم الامر ...
باحب السفاح لانه يخلي قضايانا واضحه وصراعاتنا واضحه ويقوي روح المقاومه ، اما النصاب الملزق الافاق فيضيعنا بخديعته وياخد اللي هو عايزه واكتر !!!
ادعو للسفاح ينجح ، علشان نعرف ان امريكا عدوتنا كانت وستظل !!!
ونقفل باب التلزيق والنفاق وتعليم الديمقراطيه وناو از ناو والقرف ده كله !!!
ادعو للسفاح ينجح علشان نعرف عدونا من صديقنا !!!
وكفايكم تستعبطوا روحكم !!!!

الاربعاء 7 نوفمبر 2012 

( 1 ) 
اوباما ورومني ، الفارق بين المقصله ( رومني ) وبين طريقه الفرنسين في قتل سليمان الحلبي ( اوباما ) ... كليهما يدافع عن مصالح امريكا طبعا ، لكن اوباما نصاب حقير عامل انه مهتم ببلادنا ، ورومني واضح انه بيكرهنا ومنحاز ضدنا !!! كنت اتمني رومني ينجح علشان الناس تعرف تقاوم ، وانتظر من نجاح اوباما خراب اكثر لبلادنا !!!! يبدو مكتوب علينا ناخدها للاخر ... للاسف
( 2 ) 
انتظروا مزيد من الخراب علي ايد اوباما وادارته !!!! 
الا اذا انتبهنا وعرفنا ان الحدايه مابتحدفش كتاكيت وانهم لابيحبونا ولا حيحبونا وان مصالحهم تخريب بلادنا وان واجبنا نحمي بلادنا منهم !!!
ياتفوقوا ، ياحنشوف ايام اسود من قرون الخروب في تحالف اوباما وادارته الحقيرة ووكيله الاحقر بتاع قطر مع البعدا ربنا ينتقم منهم علي الصبح !!!!
امريكا مابتحبناش ولا حتحبنا ، واوباما بيدور علي مصالح بلاده الحقيره الاستعماريه وعايز يخرب بلادنا لاعايز يعلمنا ديمقراطيه ولا قلبه علينا ولا نفرق معاه !!!!( 3 ) 
اهم اهداف الامريكان الاربع سنين الجايه ، تحطيم الجيش المصري لصالح اسرائيل طبعا !!! 
اهم اهداف الامريكان الاربع سنين الجايه ، تركيع مصر واخد قواعد عسكريه وحل مشكله اسرائيل وغزه علي حساب سينا .. 
ماتساعدوش الامريكان بجهل او غباء ، في تحطيم الجيش المصري والمؤسسه العسكريه المصرية 
ماتساعدوش الامريكان بجهل او غباء ، علي تركيع مصر وتضييع سينا واخد قواعد عسكريه في بلادنا 
البعدا حيبيعوا مصر للامريكان وقطر مقابل فلوس مشروع النهضه 
ماتاكلوش وتنسوا اين الثمن اللي بيتدفع مقابل الاكل اللي حيأكلوه ليكم 
الامريكان حيأكلوا المصريين لحمنا ودمنا وسيادتنا الوطنيه واستقلالنا وفخرنا وشرفنا العسكري ، كل ده حيطحنوه ويقايضوه بالاكل والعيش وشويه راحه اقتصاديه 
احنا بنبيع الغالي وهما بيدونا الرخيص 
هما والطابور الخامس بتاعهم والبعدا وامير قطر الحقير الخاين العميل القذر !!! 
هما وكل الاعداء القابعين في حصان طرواده مستينين لحظه يطلعوا يدبحونا ويبيعونا !!! 
اللهم اني بلغت ، اللهم فاشهد ، اللهم اني بلغت ، اللهم فاشهد !!!!