ليه محدش بيقول كلنا مصر ؟؟؟؟؟؟؟؟؟؟؟؟؟؟ ليه محدش منتبه لطبيعه الهجوم الايدولوجي السياسي المنظم الشرس علي مصر !!!ا وانا هنا لا اعني الهجوم علي الحكومه بل الهجوم علي مصر الي حد التهديد باختراق حدودها وكسر اسوارها والدعوه للعصيان المدني والتظاهرات المليونيه .......... وايه حكايه ان ضرب غزه اتقررفي مصر وكانت وزيره الخارجيه الاسراىليه جايه تاخد الضوء الاخضر من مصر ؟؟؟؟؟؟؟ ايه الكلام ده ؟؟؟ وهي اسرائيل محتاجه ضوء اخضر من مصر ؟؟؟ طب لو مصر قالت لها لا مش حاديكي الضوء الاخضر ايه اسرائيل كانت قعدت مكانها وسكتت وخلنا ؟؟؟؟؟ ياسلام ؟؟؟؟؟؟ وهو صحيح ان حماس ضربت ٦٠ صاروخ علي اسرائيل اثناء زياره وزيره الخارجيه الاسرائليه لمصر ؟؟؟؟؟ واذا كان الكلام ده صحيح كان مقصود بيه - اننا نهدي النفوس ولا اننا نرسل رساله اننا اقويا ومش فارق معنا ولا ايه وحتضربوا حنضرب والعين بالعين والنابلم بالنابلم علي راي السادات ايام حرب الاستنزاف ؟؟؟؟؟؟؟؟؟ وبعدين بتهاجموا مصر ليه - متخاذله عن دعم غزه عسكريا - ومين دعمها عسكريا - ولا انا مش واخده بالي ؟؟؟؟؟؟ سوريا دعمت غزه عسكريا - الاردن - حزب الله - حماس نفسها دافعت عن غزه عسكريا ولا انا برضه مش واخده بالي ؟؟؟؟؟؟؟؟؟؟؟؟ فين سوريا في الهجوم علي غزه ؟؟؟؟؟؟؟؟ ماذا تفعل والجولان محتله منذ عقود هل تحارب اسرائيل هل فتحت حدودها لدعم غزه لماذا لا تهاجموها ؟؟؟؟؟؟ اين الاردن التي خرجت مظاهراتها امام سفاراتنا يرفعون الاحذيه في وجوههنا .. اليست لها حدود مشتركه مع اسرائيل ماذا فعلت ؟؟؟؟؟ وقطر ... قطر بتشتم مصر وتتهمها بالخيانه ؟؟؟؟؟؟؟ باماره ايه ... باماره دورها في حرب العراق باماره القواعد الامريكيه اللي عندها باماره ايه ؟؟؟؟؟؟؟؟؟ وحزب الله - اللي وقفنا معاه وساندناه في حربه ضد اسرائيل ٢٠٠٦ ... ليه مابيفتحتش جبهه مع اسرائيل دلوقتي لتخفيف الضغط علي غزه ؟؟؟؟ ليه مابيضربش عمق اسرائيل بالصواريخ لسحب جزء من الجيش الاسرائيلي علي جبهته تخفيفا للضغط علي غزه ؟؟؟؟؟؟؟؟؟ وحماس ماراحتش اجتماع الفصايل الفلسطينيه امبارح ليه وزعلانه ليه انهم بيقولوا انها مسئوله عن اللي بيحصل في غزه ؟؟؟؟؟؟؟ امال مين اللي مسئول مش حماس برضه اللي بتحكم غزه ؟؟؟؟؟ مش حماس برضه اللي قالت انهاء الهدنه ؟؟؟؟؟؟؟؟؟؟ مش حماس برضه اللي قال احد مسئوليها ( سنصمد حتي لو ابيدت غزه ) ونسي يقول لينا حيصمد فين ؟؟؟؟؟ واهل غزه اللي بيدفعوا تمن قرارتهم ده ذنبهم ايه ؟؟؟؟؟؟؟؟؟؟؟ اذا كانت في اجندات سياسيه تخص الاخوان وحماس ليها الاولويه علي وقف مايحدث في غزه علي الجميع ان ينتبه لها ؟؟؟؟؟؟ ااننا جميعا متعاطفين مع غزه ومتضامنين مع شعبها ومدركين حجم المآساه التي يعيشوها تحت القصف والنيران الاسرائلييه لكن ماينفعش اللخبطه وتغييب الراس وضرب كل القضايا في بعضها بحيث نتخلبط ومانبقاش فاهمين ايه اللي بيحصل وليه !!!!!!!!!! ليه الناس ما بتعلنش اجنداتها واهدافها بوضوح تمام علشان اللي يآيد يآيد وهو فاهم واللي يرفض يرفض وهو فاهم ؟؟؟؟؟؟؟؟ طيب طلباتكم ايه ؟؟؟؟؟؟؟؟ نفتح الحدود وبعدين ؟؟؟؟؟؟ مطلب فتح الحدود نتايجه ايه ؟؟؟؟؟ علي مصر اساسا ولا خلاص مصر ماعدتش تهمنا ولا فارقه معانا ؟؟؟؟؟؟؟ نفتح الحدود ازاي وليه وعلشان يحصل ايه ؟؟؟؟؟؟؟ اللي بيطالب بفتح الحدود ماقلناش عايز ايه بعد كده ؟؟؟؟ يعني بعد فتح الحدود طلباته ايه .. نخش نحارب في غزه - ولا اهل غزه يخشوا سينا ولا اسرائيل تضرب سينا لانها بقت ساحه حرب زي غزه ولا ايه اللي ممكن يحصل .. حد يفهمنا !!!!!!!!!ا نفتح الحدود علشان حماس تخش سينا ولا علشان اسرائيل تهجر اهل غزه لسينا ولا علشان يحصل ايه ؟؟؟؟؟؟؟ متعاطفين مع غزه اه في منتهي الاسي والحزن علي اللي بيحصل فيها اه بنكره اسرائيل وحنفضل نكرهها اه لينها خلافات مع الحكومه المصريه وانتقادات لسياساتها اه لكن نروج لاجندات سياسيه غامضه ونحقق اهدافها ماينفعش خالص ...... وبعدين هو اللي يختلف مع حماس وسياساتها يبقي اسرائيلي وخلاص كده ببساطه كده وبسهوله كده - يعني يااما الاتفاق مع حماس والبصم بالعشره علي سياساتها اي ماكانت اثارها ياما نكون نتهم باننا بنردد كلام اسرائيل وببنحاز لها ضد اهل غره - كده بسهوله وبساطه - وبعدين انتم عمالين تهاجموا مصر ليه باعتبار ايه ان الهجوم عليها حيوقف كارثه غزه - طيب مصر وحشه وبعدين ؟؟؟؟ كده استريحتم وحليتم المشكله وخلاص حننام ضميرنا مستريح ؟؟؟؟؟؟ اسرائيل لازم توقف القصف الوحشي قبل ماغزه تباد علي راي هنيه - لكن هنيه نسي يقول لنا اسرائيل حتوقف القصف ازاي وليه ووفقا لانهي شروط ؟؟؟؟؟؟؟ وايه قوه حماس - غير انها تشتم مصر - لايقاف القصف الاسرائيلي ووقف اباده غزه واهلها ........ ....حد يفهمنا الضابط المصري اللي اتقتل ده اتقتل ليه ومين اللي قتله وبرصاص مين ؟؟؟؟؟؟؟ ولو هو كان رد الرصاص برصاص ومات فلسطينين برصاص مصري علي الحدود كان حصل ايه وكان اتقال ايه ...... ملحوظه هامه جداجدا انا مابحبش اتكلم في السياسه علي الفيس بوك لاني بعتبره لعبه بنلعبها لكن المره دي بقي بصحيح مش قادره ... وارجوكم اللي مش حيعرف يتناقش معايا مايردش علي ... يعني بمعني اصح الشتائم مالهاش لزمه لان كلنا غضبانين ومستفزين والمشرحه مش ناقصه قتلا ............
نشر هذا النوت علي الفيس بوك يوم ٢٨ ديسمبر ٢٠٠٨ .... واعدت نشره في المدونه .......
نشر هذا النوت علي الفيس بوك يوم ٢٨ ديسمبر ٢٠٠٨ .... واعدت نشره في المدونه .......
ليست هناك تعليقات:
إرسال تعليق