10 أكتوبر 2011

عبارات قصيره تعبر عن رأيي في المأساة التي نعيشها !!!

صباح الخير ياوطن !!!! 
باي حال جاء الصباح ؟؟؟؟












( 1 ) 

اللي عنده كلمه طيبه يقولها ، واللي معندوش يتخرس ويسكت !!!! البلد بتولع وانتم ولا فارق معاكم !!!
( 2 ) 
مينا شهيد ، مايكل شهيد ، محمد شهيد ، احمد شهيد ، كلنا شهداء... المؤامره اللي بتحرق مصر !!!! فوقوا ربنا يكرمكم !!!! مؤامره والله العظيم مؤامرة ، مؤامره والله العظيم مؤامره ، اللي ضربوا الجيش وضربوا الاقباط ووقعوا الاقباط في المسلمين ، بينفذوا مؤامره !!! كل اللي ماتوا شهداء المؤامرة وكل اللي اتصابوا ضحايا المؤامرة !!! مؤامرة علي مصر يستخدم فيها الاقباط والجيش والثورة لحرق مصر !!!! مؤامرة علينا كلنا .... مش قصه خلاف سياسي ولا فتنه طائفيه ، لا دي مؤامرة مؤامرة مؤامرة مؤامرة ... من الخارج من الداخل من الداخل لصالح الخارج من الخارج باستخدام الداخل ............ مؤامرة وبس !!!
( 3 ) 
مظاهره الاقباط رجال ونساء واطفال ، لايمكن تضرب الجيش انا متأكده !!! لكن الجيش اتضرب وانا متأكده !!!! ايه التفسير ؟؟؟؟؟؟؟؟؟ التفسير البسيط ان فيه حد ضرب الجيش وكانه من الاقباط ، والجيش رد لانه تصور انه بيتضرب من الاقباط ، والاقباط لقوا الجيش بيضربهم ضربوه !!!! ايه صعبه دي ، حد وسخ خاين عميل ضرب الجيش علشان يستفزه ووقع الاقباط والمسلمين في الجيش .............. دي مؤامرة كبيره مستهدف بيها مصر وامن مصر ووحده مصر ..... وكلنا ضحاياها مسلمين واقباط ومصريين !!!!
( 4 ) 
عمر عفيفي بقاله شهور يقول استفزوا الجيش استفزوا الجيش ، ويقولوا اضربوا الجيش وخدوا الدبابات والمدرعات ، هل افلح عمر عفيفي واعوانه الخونه امس في استفزاز الجيش !!!! الاقباط ماضربوش الجيش ، لكن الجيش اتضرب واستفز ورد !!!!! مين اللي استفز الجيش ولزق القصه في الاقباط ، مين اللي قرر يحرق مصر من بوابه الفتنه الطائفيه والصدام مع الجيش ...
( 5 ) 
المشير طنطاوي ، المجلس العسكري ، المخابرات العامه ، المخابرات العسكريه ، اشرحوا للمصريين المؤامره اللي بتحصل ، اشرحوا لهم ايه اللي بيحصل ومين عايز يحرق مصر ، ماتعبرهوش سر حربي ولا مساله تحقيق في النيابة ، ارجوكم اشرحوا للمصريين المؤامره اللي بتحصل ، فهموهم ايه اللي بيحصل ، دي الطريقه الوحيده لحمايه مصر ، الطريقه الوحيده ان الناس تفهم اللي بيحصل علشان تعرف تحمي بلدها !!! صارحوا الناس وانقذوا البلد من المؤامره ، خلوا الناس تدافع عن بلدها وتحميها وتلم علي بعض !!! صارحوا الناس بالحقيقه علشان تحموا مصر
( 6 ) 
اشرح المؤامره يادكتور شرف ، اشرح المؤامره وخلي المصريين يفهموا ويعرفوا يحموا بلدهم اشرح المؤامره وفهموا الناس ايه اللي بيحصل السكوت حيحرق البلد ودمنا ودم مصر وشعبها في رقبتكم كلكم ...

هناك تعليقان (2):