31 يناير 2014

من الفيس بوك .... علموهم الوطنية






يوم 29 يونيو 2013 ، اشتريت لحفيدي علم صغنن قده ....
وقعدت اهتف في العربية ، ارحل ارحل ، مصر مصر ، وهو يرد ورايا ، الحل الحل مصل مصل ..
وبقي بعد كده كل مايشوف مظاهرات 30 يونيو ، يهتف ويحرك العلم ، الحل الحل مصل مصل ..
ليه كنت باعمل معاه كده ؟؟
كنت عايزه اقولك لما يبقي راجل طول بعرض انه كان جزء من تاريخ مصر وشارك في صناعته ، كنت عايزاه يحس بقيمه العلم وقيمه مصر ، كنت عايزاه يفخر بأنه شارك في ثوره وطنه للتحرر من الاحتلال الاخواني ..
وكبر حفيدي حبة وبقي بيعرف يقول مصر مصر ، وكل مايشوف في قناه تلفزيونيه صور ل 30 يونيو ، يهتف بصوت عالي مصر مصر ويدور علي العلم ولما مايلاقيهوش ، يعيط ، مالك ياحبيبي ، عايز العلم علشان اقول مصر مصر ...
يسلم حسك ياحبيبي وتسلم انت ومصر ...
علموا اولادكم وابناءكم الوطنيه فمصر المستقبل تخصهم وعليهم يتعلموا الا يضيعوها ...
علموهم يرفعوا العلم ويهتفوا بأسمها ، مصر مصر ، مصر مصر فهذا الذي حافظ علي مصر طيله التاريخ وسيحافظ عليها كل المستقبل ... مصر مصر ، مصر مصر ...

هناك تعليق واحد:

غير معرف يقول...

تسلمى يارب يا استاذة اميرة ويسلم حفيدك ويسلم كل اللى نزل وشارك عشان مصر,كأنك بتحكى عن ابن اخويا بالظبط
ونزلنا ورسمنا اعلام وقولنا ارحل ارحل...
,بس كان فية ناس بيضحكو ويقولة هو العيل الصغير دة يفهم اية؟بس العيل دة دلوقتى بقى كل ما يشوف الجيش يعدى من تحت البيت يقول بأعلى صوت الجيش والشعب ايد واحدة,ويشاورلهم بالعلم..
فعلا يا استاذة لازم نعلمهم الوطنية .
NASHWA ABD EL HILEM