"" ادي انفعالات الشباب يوم حرق المجمع العلمي ""
ايه موضوع ام الشباب ده ؟؟؟
انتم صدقتم ان الشباب اللي 25 سنه يعرف يقود مصر ولا يقود اي وزاره فيها ولا حتي يقود كشك سجاير ، ايه النفاق السياسي المقزز ده ؟؟؟
الشباب بلا خبرات لا في الحياه ولا في العمل ولا في السياسه ، الشباب مفروض يتعلم كويس ، يراكم خبراته ، ينتبه للي بيحصل حواليه ، فلما يوصل ال 40 مثلا يصبح صالح لمراكز قياديه وسيطه ، وعلي ال 50 يوصل لمراكز قياديه ...
لكن فيلم ، الشباب يقود ، فيلم هابط يفصح عن نفاق سياسي عظيم ...
اقارن بين عمرو سلامه وبين يوسف شاهين في نفس اللحظه
واقارن بين يوسف شاهين في اول عمره واقارن بينه في اخر عمره
اقارن بيني وبين بنتي ، وبنتي شطوره وذكيه وبتتعلم كويس وتثبت نجاحها كل يوم
اقارن بيني الان وبين نفسي لما كان عندي 25 سنة ...
الفرق الخبرات العمليه والحياتيه والانسانية ....
لما اطلب من حد عديم الخبرات - مهما كانت شطارته - انه يتولي قياده كبيرة باحكم عليه بالفشل الذريع ، لاني باحمله فوق طاقته وفوق اللي يقدر عليه ...
الا اذا انتم - ايها المنافقون السياسيون - مش شايفين اي قيمه للخبرة والتعلم ، يبقي انتم نفسكم ماتصلحوش لاي حاجه ، مش بس لانكم بتنافقوا الشباب بحثا عن تأييدهم لكم ودعمهم لكم واصواتهم ، لا لانكم كمان مابتفهموش في الحياه وعديمي الخبرة لانكم بتتصوروا ان الحماس وحده يكفي للقياده ومش اي اي قياده لا قياده سياسية كبيرة زي الوزارات والمصالح الحكوميه والشركات ...
نفاق سياسي وانعدام خبرة ، مش عند الشباب لا عندكم انتم ...
هناك تعليق واحد:
صباحك سعيد يااستاذة اميرة,فى البداية بوجة لحضرتك تحيةاحترام وتقديربتهمنى جدامقالاتك بتابع دائما
كل ما تكتبين وانا من اشد المعجبين بمقالاتك وصراحتك وارائك المحترمة,انا من الشباب سن 26 وفعلا بتعلم وبثبت نفسى كل يوم وبعترف انى بخطئ فى اشياء كثيرة ولكنى بتعلم منهاوبكتسب خبرة,
ولكن اسمحيلى,لوقلنا ان كل الشباب لا يصلح لمراكز قيادية,فهل كل ما فوق الاربعين يصلح لمراكز قيادية؟؟؟؟؟؟
ارفض الصور اللى بتقول ادى انفعالات الشباب يوم حرق المجمع العلمى لان فيها تعميم لجميع الشباب ,هذة الصور لشباب كلنا عرفنااليوم من هم وغرضهم اية واكتشفناهم على حقيقتهم وفضيحتهم بانت لكل الشعب وعرفنا من ورائهم ولمصلحة من يفعلو كل هذا...
اما الشباب المصرى فهم اللى جمعوا توقيعات عشان الناس تنزل ,الشباب اللى ملو ميادين مصر رفضا للارهاب
,الشباب اللى بيحب بلدة بجد من غير اى مصلحة وبيدافع عنها,الشباب اللى بيحلم يشوف مصر احسن بلد فى الدنيا ,الخ الخ,ولكن للاسف الحسنة بتخص والسيئة بتعم...............
الاختلاف فى الرأى لايفسد للود قضية
بحترمك وبحترم رأيك جدا وانتظرك فى المقالة القادمة ,شكرايااستاذةاميره
NASHWA ABD EL HILEM
إرسال تعليق