قالت مها............

مها ....... الكاتبه المرهفه لمدونه لافندر ........منحتنا بعض مشاعرها علي " الفيس بوك " كتبت وباحت وتآلمت واشتاقت .. فتفاعلنا معها ورددنا عليها فتواصلت معنا وردت علينا ....... كتابات مها ملك مها ومشاعر مها ملك مها لكن ما باحت به لنا ملكنا جميعا فكان هذا الجدل الجميل ... مها قالت و..... انا قلت ردا عليها ........ فعادت ترد علي ....... فكانت تلك السينفونيه الجميله من المشاعر والاحاسيس والكلمات ..... انني لن انشر كل ما كتبته مها لكني سانشر ما وقفت امامه من كلماتها........ واترك لها بقيته في مدونتها العطره ( لافندر )
http://el-lavender.blogspot.com/

قالت مها ................... لقاء مع موعد رحيل
عندما تدق الاجراس معلنه نهايه الرحله
.......................
لا استطيع ان انسى من رحل
....................
كنت افقد متعه الرفقه ومتعه اللقاءواشرد بعيدا فى تخيل لحظه نفترق فيها
كنت اتخيل الفراغ الذى سيتركه الراحل فى حياتى لاننى ايقنت ان الكل لرحيل ولن يبقى للنهايه الا انا وحقائبى وبعض الذكريات التى ينساها
الى جوارى من رافقنى قبل الرحيل ..........كل منهم نسى جزء منه واخذ جزء منى
وبعد الكثير من المحطات قررت ان اتناسى ......... ولا اتذكر الا تلك السويعات او الايام او الشهور او حتى السنين
التى نختطفها من زمن الرحله احياها بكل مافيها من متعه وادخر من متعتها مايكفينى لبعد الرحيل
فلقد اصبحت موقنه انه لابد من رحيل حتى وان طالت بنا الرحله فحتما هناك رحيل
وقلت انا ......... كلما اقتربنا من الموت نسيناه واحببنا الحياه اكثر واكثر ... ايه ياست مها .. مشحونه مشاعر كده ليه ؟؟؟ متكهربه باللي جواك ليه ؟؟؟
كل منهم نسى جزء منه ... واخذ جزء منى
........ مش موافقاكي .. كل واحد ساب عمدا حته منه جواك بتحبك واخد منك حته بتحبه .. ده مش نسيان ده موقف عمدي .. هو ده اللي بيخلينا في حياه الناس وذاكرتهم ولو بعد الف سنه .. فالحب لا يتبدد بموت الاحبه .. لكنه الاحبه يحتلوا القلب كل القلب حين يرحلوا ..... وحاسآلك تاني .. مشحونه مشاعر كده ليه ؟؟؟ شكلك واقفه فوق قمه جبل التلج تتوهجين سخونه ولا احد يفهم ؟؟؟؟ اسفه للتطفل والبواخه
فقالت مها .......... انا فعلا بمر بحاله غريبه جدا اليومين دول عندى حاله من الحنين غريبه قوى لناس كنت جزء منهم وهما جزء منى عندى حنين لحاله انسانيه جميله نفسى اعرف لسه فاكرنى ولا اتنسيت
فقلت انا .........فاهمه جدا بتقولي ايه - اصلي انا كمان دايما جوايا حنين وعلي راي فيروز مابعرف لمين - لحد لسه ماجاش ومستنياه - لحد كان موجود ومشي ومافقتدش الامل من رجوعه - لصحبه كانت مدفياني ومشيت فالدنيا بردت - لعيليتي اللي كانت حلوه قوي وخضعت لقانون الرحيل وسابت جوايا شوق ووجع البعاد والم الفقد - ارجع بقي لكلامك - لو كانت حاله انسانيه جميله انت لسه فاكرها تآكدي انها لسه فاكراكي - محدش بيفتكر حد ناسيه !!!!!! محدش بيفكر في حد مابيفكرش فيه !!!!!!! حتي الناس اللي بين ايدين ربنا لما يهفوا علينا ونفتكرهم الناس تقول ( طالبين لنفسهم الرحمه ) يعني بيكلمونا وموجودين معنا وزي ما احنا فاكرينهم هما كمان فاكرينا وبيفكرونا بوجودهم - اتطمني وصدقيني - اللي زيك صعب قوي قوي قوي تتنسي !!!!!ا
فقالت نهي ........... صح وكلامك مية مية يامرمر وعلى رأى أونكل ابراهيم الله يرحمه.. لما يكون حد بيحبك يبقى أقل حاجة تقدميها له انك تحبيه وانا كمان بقول انا لما أحب أو افتكر حد طبيعى جدا انه هو كمان يحبنى ويفتكرنى أصل الحب رايح جاى مش وان واى صدقينى متجربة جدا جدا حكاية رايح جاى دى وماحدش يطلع يقوللى فيه حاجة اسمها حب من طرف واحد وكلام من ده اذا كان السلام لو رميته وماحدش رد عليا الملايكة هترد عليايبقى الحب لو رميته زى السلام وماتردليش من اللى بحبه برضه اكيد الملايكة هتحبنى ومش الملايكة وبس... ربنا سبحانه وتعالى كمان هيحبنى لمجرد انى حبيت ماحدش يقول عليا بتفزلك.. انا بس ممكن أكون مش عارفة أعبر بس صدقونى اللى بتكلمكم دى صاحبة تجربة صوفية عظيمة وفاهمة كويس هى بتقول ايه حتى لو مش عارفة تعبر أو تفهمكم هى قصدها ايه هههههههههههههههههههههههه
فقلت انا .......... علي فكره الموت مش بس موت ... لا الموت كمان لما حد يخرج من حياتك بصرف النظر عن السبب ، يخرج للابد ،لا يبقي منه الا ذكري ربما جميله تشعره بفقده او ذكري تعيسه تجعلي تشكري الظروف اللي اخرجته من حياتك ... الموت غياب مستمر لانهائي بصرف النظر عن سببه - علشان كده لما حد ينزل من القطر اختياري واحنا لسه راكبين القطر ..لما ينزل ويسيبنا ولا يكترث بوجودنا ولا يلتفت خلفه للنظر علينا ولا يمد يده علي التليفون يقول وحشتوني يبقي للاسف مات .. مات حيا موت نهائي لا بعث فيه ...ومش مهم يبقي شكل العلاقه ايه حب ولا محبش - صداقه ولا ماصدقاش - علاقه انسانيه ولا ماانسانياش - مدام مات يبقي الله يرحمه ويرحمنا .....