26 مايو 2009

القيد ...... !!!!!!



يحاصر المجتمع والتاريخ والتراث والامثله الشعبيه والخرافات والشعر الرجل - اي رجل - في طرف معادله الذكوره الاجتماعيه بقواعدها الصارمه وقيودها الخانقه واحكامها الامره .. وهناك الذكر لايسمح .. لايقبل ..لايوافق .. هناك ... الذكر حازم .. قوي .. عنيف .. صارم ... صاحب الكلمه والرآي .. صاحب السطوه والهيمنه .. صاحب الاراده الاولي والاخيره ..... وتعتقل الانثي في الطرف الثاني من المعادلة .. فالذكر لايسمح للانثي ان ... لا يقبل من الانثي ان .... لايوافق للانثي علي ....الذكر حازم معها .. قوي عليها... عنيف معها ... صارم تجاهها ..!!!
لماذا حاصر المجتمع الرجل في تلك المعادله الموحشه ... لان الانثي تلك المخيفه العنيفه اللعوب تغويه تضعفه تكسر ارادته تفضحه فلا يكون امامه الا تلجيمها والا افلت عيارها ، لايكون امامه الا السيطره عليها والا فرت من قبضته .... هكذا احكمت المعادله واحكمت هيمنتها علي الرجال والنساء ... فالرجل مع انثاه التي " تخصه ، تشرفه ، تفضحه " كانت هي امه اخته زوجته ابنته لا يبارح تلك المعادله التي اعتقله المجتمع فيها ولا يقوي علي الخروج عن اطرها قيد انمله ربما يشعر بالضيق وفقا لتلك القواعد لكنه لايكسرها ، ربما يشعر بالتعاسه بسبب تلك القيود لكنه لايحلها ، ربما يتمني لو يتصرف بطريقه مختلفه لكنه لايفصح ابدا عن ذلك !!!!!
لماذا لايقوي لماذا لا يفصح ؟؟؟؟؟؟ لااعرف ولااحد يعرف ...... فالرجال تنكر مااقوله وتستنكره ولاتعترف به ولا تقبله ويتصوروني اصف اوهاما واكاذيب وخرافات لاني عقلي وعقل كل النساء مريض ومنحرف ويحتاج البتر وفي افضل الاحوال الالغاء !!!!!
وحتي نعرف مالذي يحدث ولماذا يحدث فهنيئا للعاهرات بالرجال ، فهذه هي السيده الوحيده التي لايخشي الرجل علي صورته امامها ، هي السيده التي يعيش معها نفسه المقيده بالقهر ، هنيئا للعاهرات فهن الوحيدات اللاتي يرون منهم الوجوه الحقيقيه البسيطه المرحه يرون منهم وجوه الاطفال وشقاوه الصبيه وسعاده الانطلاق والضحك من القلب بغير حساب فلا تخنقهم السيطره ولا تحاصرهم الهيمنه ولا يتشاجروا مع المرايات يبحثوا فيها عن اشنابهم وعضلاتهم والهيبه التي يرغبوا دائما ان يروعوا بها قلوب النساء ... حتي نعرف مالذي يحدث وسببه فنحن لن نري من الرجال وجوهها الحقيقيه ولن نري من الرجال قلوبها الحقيقيه ولن نري من الرجال طيبتها وبهجتها وحنانها وغرامها ، حتي سنعرف مالذي يحدث واسبابه سنري فقط من الرجال الاقنعه التي يرتدوها علي نفوسهم تخنقهم وعلي وجوههم تشوههم وعلي عقولهم تلغيها وعلي قلوبهم تغلظها !!!
واكم من رجال اعترفوا لصديقاتهن - وفقط - انهم يعيشوا حياه تقليديه نمطيه سخيفه ممله مع امرآه لايحبوها ولن يحبوها وانهم يرفضوا تغيير حياتهم لان كل امرآه سيعيشوا معها وتحمل اسماءهم سيعاملوها بنفس الطريقه الجافه والمعامله البارده ولن يمنحوها قلوبهم او حبهم ولن يتباسطوا معها او يدللوها فطوق حملها لاسمائهم يخنق رقابهم يلزمهم بمعامله بارده جافه قاسيه حازمه صارمه وانهم يكرهون حياتهم معها اكثر منها ويرغبون في الفرار من اسرها اكثر منها لكنهم واقعيين يرون الحياه بوضوح واحكامها بجلاء ويعرفون ان رجولتهم الاجتماعيه المفروضه عليهم بشكلها الموحش الفظ تفرض عليهم تلك الحياه البارده السخيفه الموجعه !!!!!!! طبعا اي رجل سيقرا ماكتبت سينكره ويتهمني بالجموح وعدم الفهم و..... مهما قلتم لن اصدقكم لانكم وانت تنكروا كلماتي مخنوقين بالقيود والاطواق الاجتماعيه اللعينه التي تفرض عليكم وبالضروره انكار كل ما قلته !!!!!




هناك 23 تعليقًا:

عقل مهوي يقول...

اه صح فعلا .. احنا عايشين في "مجتمع" ذكوري .. بس معلش بعد اذن حضرتك .......

حضيت كلمه مجتمع بين علامتين تنصيص .. لان المجتمع متكون من ذكر و أنثي .. والانثي في كثير من الاحيان تكون المدافعه عن ذكوره مجتمعها .. بالعادات والتقاليد والاعراف .. والاساطير ايضا.

معلش برضه مره كمان .. لا اوافقك ان العاهرات هن اللاتي نتعري امامهم كذكور بشخصياتنا الحقيقيه .. الانسان يتعري امام صديقه فقط .. سواء كان هذ الصديق ذكر أنثي .. ولو كانت عاهره
ليس دفاعا عن العاهرات .. لكن ان كانت العاهات فقط يعرفن الحقيقه .. فليتحول المجتمع الي العهر لينكشف امام نفسه ويسقط عنه فسقه..
استاذتي .. انكشف امامها .. وكم من مررات وددت لو بكيت بين يديها .. وانا الذكر في المجتمع المتخلف .. لكنها ليست عاهره ..

أشرف وجدى يقول...

المجتمع الذكوري واقع لا ينكرة إلا مغالط والضرر الواقع منه علي الانثي عموما سواء كانت سيدة مجتمع أوعاهرة لا يستطيع أي إنسان يحكم المنطق البسيط أن ينكره .
ولكن الا تري أن هذا الفكر الذكوري له ظلاله علي تفكير الانثى التي أستطاعت الحياة في ظل هذا المنطق فطورت أساليب للتعامل مع المنطق المعوج خرجت أساليب معوجة أيضا.
فأصبح الخروج من أثر هذا المنطق مستحيل لأنه ببساطة لن نستطيع أن أي من طرفيه بدون الطرف الاخر
ولابد ان نحتمل إعادة بناء الثقة بين الطرفين لأجيال حتي نصلح ماأفسده الدهر
وحتي تحقق هذا فالجميع مدان للأسف
تحياتي أشرف وجدي

غير معرف يقول...

منال الشلقاني في الفيس بوك
صباحكم فل يا بنات
حلوة يا اميرة وفكرتنى بالمثل اللى بيقول اكسر للمرأة ضلع يطلع لها مئة
و فى حديث او مقولة مش فكرها ان الراجل يشاور مراته و يعمل عكس ما تقول
و موروثات كتير لغاية النهاردة الام المصرية تربى عليها ابنها وهى نفس الام التى تعانى مما قلتى
الاذدواجية هى العصر الذى نحيا فيه

غير معرف يقول...

جيهان احمد - الفيس بوك

انا عايزة افهم بقى انتى حتنشرى النوت دى على الفيس بوك ولا لا يهمنى اشوف ردود افعال الرجال

وبصراحة انتى قلتى اللى كان نفسى اقوله من سنينى وفكرتينى بحاجات من الماضى الجميل ههههههههههههههههه قصدى اللى كان نصة اليم وبالغرغم من كدة بحبه اكتر من الحاضر تخيلى بقى يمكن علشان مكنش عندى خبرة دلوقتى ولا شايلة هم حاجة زى دلوقتى لكن الرجال بما انى مدوباهم هههههههههههههههههههه بلاش اقول كام علشان الاخوة الاصدقاء محدش فيهم يتخض ولا يفهم غلط

هما كدة زى ما انتى وصفتيهم بالظبط والحرف والله يا اميرة انا بقى مش غايظنى غير الجزئية اللى بتقولى فيها


فهنيئا للعاهرات بالرجال ، فهذه هي السيده الوحيده التي لايخشي الرجل علي صورته امامها ، هي السيده التي يعيش معها نفسه المقيده بالقهر ، هنيئا للعاهرات فهن الوحيدات اللاتي يرون منهم الوجوه الحقيقيه البسيطه المرحه يرون منهم وجوه الاطفال وشقاوه الصبيه وسعاده الانطلاق والضحك

هما كدة فعلا بس حقولك ايه السبب لان الراجل المصرى بطبعه شخصيته اضعف من الست المصرية الست المصرية على اد ما هى حنونه وفى الزمن دة بالذات شخصيتها قوية وبتعجبنى مش كلهم لكن الغالبية العظمى

لكن العاهرات موجودين لتلبية كل الرغبات دون جدال فا بالتالى حيكون فى تساوى انتى حتدينى وانا حديك لكن فى نظر الرجال الزوجات يئخذنا فقط دون عطاء


بصراحة نوت جامدة جدا وعندى استعداد اتكلم فيها للصبح دة

كنت الاول مش بغير ولا بسأل انت فين ولا رايح فين كان عندى ثقة كبيرة فى كل شى لكن دلوقتى وبعد مرورو سنين من تجاربو خبرات الخ الخ بقيت اسال واشوف بس بحب علشان مديش فرصة لعاهرة

بس عارفه حعترفلك اعتراف رغم انه بيفتح قلبه وبيجيب كل اللى بطنه ليالى وليالى لكن لسة ما زال هناك العديد من الاشياء اللى معرفهاش واتمنى انه يكون محتفظ بيها لنفسه مش مخليها تروح هنا ولا هنا فى يوم من الايام ومهما الست عملت ومهما بقت صديقة وعشيقة وحبيبة الخ الخ باردو مش بيقول غير اللى عايز يقوله ولا بيعمل غير اللى هو عايز يعمله

تسلم ايديك يا جميل

غير معرف يقول...

اماني خليل - الفيس بوك
اميرة الجميلة
مع اتفاقي التام معاكي في الجزء الاول ومع تحليلك حوالين الضغوط اللي بتكون علي الرجل
واتفاقي ايضا علي انها بتخنقه وبتخنق الست معاه برضه
لكن بختلف معاكي علي ان الراجل بيكون فل وورده مفتحه مع العاهرة او الصديقه
والا لا مؤاخذه الواحد يقلب شر***من الصبح
:D:D
بصي يا مرمر حتي التناقض ده بيمارسه مع العشيقه والصديقه والخليلة لانه طبع مجبون عليه
يعني تلاقيه يصاحب فتاه ليل بس يبقي عاوزها ليه لوحده يا ابن الناس دي فتاة ليل مخ امه جزمة
يرفعها لمرتبه الخليله السريه او الزوجه العرفيه تلاقيه عاوز يبدلها علي شكل امه ومراته وسعي لبسك بلاش شغل اتحجبي واقعدي في البيت
وقائمة الاوامر والنواهي
وشويه شوية يمسخها تبقي زي مراته
يعني لا المحترمة نافع ولا الصايعه نافع
لو تفتكري مثال صغير"هشام مصطفي" لما عرف سوزان علي امه واخواته طلع بيهم سوا عمره!!!ليه مش فاهمه عشان يقول دي ست محترمة وتستحق اتجوزها طب ما كان عندك المحترمات كتير ايه الفكره تجيب رقاصه وتحجبها واو تمسخها واحده تانيه اعتقد انه طمع الرجل وغروره عاوز كل حاجه وفي الاخر بيخسر كل حاجه

غير معرف يقول...

مشيره عبد الله - الفيس بوك
الموضوع ده كبير اوي يا مرمر انا قراته الصبح مرة ودلوقتي مرة تانيه
الراجل بيتلذذ بالعلاقه السريه والتي تبعد عن انظار الناس لانه يفعل بيها كما يشاء دون قيود له واذا قرر ان يعلن هذه العلاقه فتنتهي وقت علانها لان متعتها عنده بانها في السر والزوجه علي العلاقه الممله الروتينيه التي تحتوي علي قدر كبير من الطلبات والالتزمات مثل ادفع المدارس فاتورة التليفون المصيف وهكذا ولكن العلاقه السريه حتي لو انفق ما انفق هو بقراره دون التزام او قيد
الرجال عموما يضع القيد لمن يخصه ويكره من يضع له قيد

آميرة بهي الدين يقول...

رانوش كلير - الفيس بوك لم أتوقع أنكن تكتبون في هذه المواضيع الجريئة
لكن أقف لك سيدتي على هذه الجرأة أنا مع التغيير الشامل لعقل الرجل العربي الذي بدأ يتبجح بهذه العلاقات والتي تأثر بها زواج الكثير من أبنائنا في العالم العربي ...

هنيئا لصراحتك والصورة المختارة أيضا
قوية الرسالة ورائعة التفاصيل

لكن قد يكون هناك رجال يتحملون اسم المرأة ولكن مجرد التغيير سيكون قاتولي لهم لذا يحبذون فكرة أن تُسجن المرأة في حياة غير سعيدة على أن تخرج للعالم وتكون حرة ..
أنا مع هذه الكتابات الجريئة ولكن التي لا تخدش الحقيقة

آميرة بهي الدين يقول...

خلود السيد - الفيس بوك أوبااااااااااااااااا
وجون وجون وجوووووووووووووون
الله ينور يا مرمر

ربنا فى بدء الخلق خلق حوا علشان تدلع آدم وتونسه
ومن يومها والغرور راكبه
دى جزئية
الجزئية التانية
الدين والمجتمع
الدين وتفسير الرجال الخاطئ لمعاملة المرأة
بإنهم قوامون .. رغم ان باقى الآية بما أنفقوا
ولو كل راجل اتبع تعاليم الاسلام الصح مع المرأة الدنيا هتبقى جنة
يعنى مثلا وصايا الرسول عليه الصلاة والسلام وكمان حق المرأة فى مالها الخاص وإن الرجل مسئول عن توفير من يخدمها و شاوروهم بالأمر
وكتير من الأمثلة
أما المجتمع الذكورى والتقاليد البالية زودت الطين بلة وخلت كل ما هو ناجح رجل وانه المخ والعضلات و..و..و.. و
والولد يلعب بالمسدس والبنت بالعروسة
وللأسف كلنا بنيجى وبنكمل نفس المسيرة لحد كبير فى تربية ولادنا

على فكرة انا مش بافكر وارتب كلامى
دة رد الفعل اللحظى بعد قراءة النوت

النقطة اللى باختلف معاها ان الراجل بيكون على طبيعته مع العاهرة
اعتقد اننا هنا بنتكلم عن الراجل بشكل عام
اما الرجال اللى بيعرفوا ساقطات دول مختلفين

الرجل بيكون على طبيعته مع صديقته .. خليلته ودة لأنها مخفية ومفيش بينهم أى مسئوليات

وفى الآخر عايزة اقولكم حاجة واقعية منحياتى توضح كل راجل ممكن يكون بيفكر ازاى

جوزى دايما يقولى لو قلتلك بحبك ودلعتك ممكن تتمرعى عليا
هما فاكرين كدة
ان كل ما كان جاف وصارم الست هتسعى لرضاه اكتر

رغيت كتير معلش

بس انشرى وزلزلى الدنيا

صباح الفل

غير معرف يقول...

مها عباسي - الفيس بوك
Maha Abbasi
May 28 at 9:50am
Reply
صباحكو فل الاول
يمكن مشكله الراجل الاساسيه انه بيدى نفسه كل السلطات والحقوق انا ماقدرش طبعا اعمم الكلام دة ولا اقدر اقول ان كل الستات مقهورين بس اللى اقدر اقوله ان حتى الست اللى بتتمتع بقوة انها تكون واخدة حقها مش بتاخدة بالتراضى بتكون واخدة بشئ من الاتنين يااما بالقوة
او بتكبير الدماغ من الراجل
نظام ياستى اعملى اللى انتى عاوزاه واسكتى
وبعدين معلش يعنى ماهو العيب من الاصل فى المعادله الذكوريه دى بسبب انثى
وغرور الراجل برضه بسبب انثى
وكل العقد والكلاكيع اللى فى بعض الرجاله بسبب مين
ماهى فى الاول سببها واحدة ست
هى مش الام اللى هى ست بتربى العيل من يوم مايتولد على انه راجل وتفرح بيه اوى لما يزعق ويعلى صوته ويتخانق حتى لو كان العيل دة عبيط وغبى بس اسمه راجل ولازم يتربى على انه راجل
طيب حد سال نفسه يعنى ايه رجوله
ويعنى ايه راجل
اعتقد ان الراجل فى مجتمعتنا عندة انفصام شخصيه او على الاقل ازدواج
بس فى بعض الاحيان مش بيكون مريض لا هو بس واقع تحت ضغوط
لان مايقدرش يعيش بما يشعر به بداخله
والا سيراه الجميع ضعيف
انا معاكى يااميرة جدا فى الجزئيه دى وعجبتنى اوى
فنحن لن نري من الرجال وجوهها الحقيقيه ولن نري من الرجال قلوبها الحقيقيه ولن نري من الرجال طيبتها وبهجتها وحنانها وغرامها ، حتي سنعرف مالذي يحدث واسبابه سنري فقط من الرجال الاقنعه التي يرتدوها علي نفوسهم تخنقهم وعلي وجوههم تشوههم وعلي عقولهم تلغيها وعلي قلوبهم تغلظها !!!
بس برضه مش قاعدة عامه لان فى رجال مابداخلهم اسؤ من تلك الاقنعه التى يرتادوها
وبرضه هارجع تانى اقول ان اصل المشكله انثى مش راجل
انثى هى اللى زرعت فى الراجل كل تلك الافكار واهدته كل تلك القيود التى يكبلها بها هى ومن سواها

غير معرف يقول...

بثينه - الفيس بوك
جميل جدا النوت بس ليه مش للنشر العام ! ما الرجالة عارفين نظرتنا ليهم كويس أوي وكانت هتبقي فرصة نهبش في بعض
أنا مع مها وكل حد قال ان الست هي السبب بس برضة الراجل في طبعه كدة أسد في بيته وحبوب ولذيذ مع صاحبته أيا كان وضعها مش بس علشان مافيش قيود لأ دة علشان بيبقي فرحان بنفسه انه فتك وفرحته بتخليه متجلي
كتبت مرة قصة اسمها بدلة رقص حمراء مفادها ان الست لو حتي عملت لجوزها قرد هيبهدلها ولو حتي بالصمت والطناش
والسبب : ديل الكلب لم ينعدل ولو علقوا فيه قالب
وشكرررا

غير معرف يقول...

بثينه - الفيس بوك
جميل جدا النوت بس ليه مش للنشر العام ! ما الرجالة عارفين نظرتنا ليهم كويس أوي وكانت هتبقي فرصة نهبش في بعض
أنا مع مها وكل حد قال ان الست هي السبب بس برضة الراجل في طبعه كدة أسد في بيته وحبوب ولذيذ مع صاحبته أيا كان وضعها مش بس علشان مافيش قيود لأ دة علشان بيبقي فرحان بنفسه انه فتك وفرحته بتخليه متجلي
كتبت مرة قصة اسمها بدلة رقص حمراء مفادها ان الست لو حتي عملت لجوزها قرد هيبهدلها ولو حتي بالصمت والطناش
والسبب : ديل الكلب لم ينعدل ولو علقوا فيه قالب
وشكرررا

غير معرف يقول...

ايمان يوسف - الفيس بوك
صباح الخير جميعا

كالعادة أنا دايما متأخرة فى الرد ..معلش يا أميرة
قرأت النوت ..قوية جدا و حقيقية جدا
و ان كنت أفضل ان يذكر فيها "معظم الرجال " لسه والله فى رجالة كويسة فى الزمن ده . ساعات بحس ان حتى الرجال اللى مش مقتنعة بمثل تلك التصرفات و فى داخلهم إقتناع كامل بحقوق المرأة ..غصب عنهم بيتأثروا بالرجال الأخرين و بيجاروهم فى التصرفات حتى لا يطلق عليهم انهم أقل رجولة

ولكن لى سؤال يا أميرة ..أليست المرأة أيضا لها ضلع كبير فى ما يحدث لها ..فهى أيضا بداخلها تأثرت بما تقوله أمها و جدتها و كل الأجيال التى سبقتها ..عششى على بيتك ..ضل راجل و لا ضل حيطة و فى كثير من الأحيان تستسلم لأنانية الرجل المفرطة و منعا للمشاكل تكف عن المحاولة و تتحول الى ألة ترضى و تكفى طلبات عائلتها و تنسى تماما ان لها حق فى الحياة الطبيبعية و حين تمر الأيام و تثور على وضعها ..يكون من المحال الرجوع الى الوراء فقد تعود الزوج على إستسلامها ..و ثورتها على حق طبيعى لها ..إنما تكون على شىء ليس من حقها من وجهة نظر الزوج..نحن من نخلق تلك العبودية فى حالات كثيرة و نصبح شىء رخيص ..لا يكترث به الزوج و يعتبره قيدا و حبل يخنقه طيلة الوقت
لأننا نستسلم خوفا على حياة زائفة و على مصلحة الأولاد

أنشرى النوت ..و ان كنتى ستجدى الكثير من المعارضات و لكنها فى الأخر ستفيد الكثيرين ..الرجل الذى يفهم و يخاف من الإعتراف و المرأة المستسلمة للعبودية و كثيرين مما يتعطشون للكلام عن حالهم

و إحنا معاكى
:)

غير معرف يقول...

سحر الجعاره - الفيس بوك
Sahar El Gaara
Today at 4:27am
Reply
أميرة .. استغربت جدا من ترددك فى النشر، لأنها تتناقض مع جرأتك فى الطرح
المقال فيه إنصاف لا يستحقه الرجل .. والحقيقة أننى أختلف معك فى عدة نقاط : 1 العاهرة لا ترى من الرجل الوجوه الحقيقيه البسيطه المرحه يرون منهم وجوه الاطفال وشقاوه الصبيه وسعاده الانطلاق والضحك من القلب بغير حساب
إنها ترى الحيوان الذى يمارس غريزته بشكل همجى .. ترى لاعب السيرك أو البهلوان الذى يدفع للجمهور ليصفق له ، وواقع الأمر هى المتفرج والجارية ، التى تمثل للزبون لتقنعه بفحولته .. بينما ينتابها إحساس بالغثيان
2 قلت أن الرجل( مع انثاه التي " تخصه ، تشرفه ، تفضحه " كانت هي امه اخته
زوجته ابنته لا يبارح تلك المعادله التي اعتقله المجتمع فيها
ودعينى أختلف معك ثانية : الرجل يريد من زوجته أن تكون عاهرة قطاع خاص وسيدة صالون وأم فاضلة .. لكنها حين تخذله فى الفراش .. وتلاحظ عجزه عن إشباعها يتحول غلى وحش كاسر
ثالثا وأخيرا : الرجل ليس أسير للتراث والامثله الشعبيه والخرافات والشعر
ولا معتقل فى حياة حياه تقليديه نمطيه سخيفه ممله مع امرآه لايحبوها ولن يحبوها ، أو ضحية رجولته الاجتماعيه المفروضه عليه ، بشكلها الموحش الفظ .. انه يستسلم لهذه الحالة فقط لأنه مقهور سياسيا وإقتصاديا ، وحين تتوفر فى يده السيولة المادية أو فرصة زواج مجانى أو عشيقة بلا طلبات
يتحرر من كل الأفكار التقليدية، ويفجر .. ويصبح أقوى فى مواجهة المجتمع لأنه ببساطة إنتصر على العادات والتقاليد .. وأم العيال ، وتخلص من الإحساس بالقهر .. ودمتم

آميرة بهي الدين يقول...

ياسحر ...... لكل مقام مقال !!!!!! بس كده
القصه ليست جراءه وليست جبن
القصه اختيار
ومن حقي اختيار من يقرآ ومن يتفاعل
ليس من منطق الجبن ولكن منطق البصيره
وشكرا لتعليقك

غير معرف يقول...

هاجر ابو العينين - الفيس بوك

انا مش هقول حلوة و لا وحشه
انا هقول انها حقيقيه جدا جدا جدا جدا جدا
بجد برافو عليكى

غير معرف يقول...

هشام محمد - الفيس بوك
جملة الختام فى مقالتك عزيزتى اميرة هى سبب كل ما عرضتيه فى صدر المقال ( مهما قلتم لن اصدقكم لانكم وانت تنكروا كلماتي مخنوقين بالقيود والاطواق الاجتماعيه اللعينه التي تفرض عليكم وبالضروره انكار كل ما قلته!!!) هذا هو لب المشكلة ,افتقاد الثقه المفترض .. التعميم .. التربص , احادية الرؤية , انا لا انكر ان ما طرحتيه بمقالك من امثلة هو امر واقع للاسف ف... Read Moreى بعض الحالات مهما كثر عددها , و لكنى ضد التعميم على جنس الرجال , كما انا ضد التعميم فى اتهام جنس النساء بالنرجسية و سطحية التفكير او الاهتمام بالقشور , النماذج السلبية موجودة و اقر ذلك , المفهوم الشرقى الخاطىء للرجولة موجود اعترف بذلك , و لكن فى المقابل سيدتى فأننى احسب ان الرجل الذى يجد فى رفيقته ( زوجه كانت او حبيبه او صديقه او رفيقه ) السكن و الامان و الاحتواء لا يمكن له ان يمارس عليها سادية غير مبررة ,
Hesham Mohamed
Hesham Mohamed at 2:45pm May 28
اعتقد يا أميرة الكلمة و الاحساس ان الامثلة التى طرحتيها هى امثلة قائمة واجب التحاور بشأنها و اكتشاف مكامن الخلل فيها و مبرراته التى من المؤكد ان كل من الطرفان يتحمل مسئولية جزء منها , لكنى ضد التعميم و ان يكون الرجل مرادف لهولاكو الجبار دوما او ان تكون المرأة مرادف لديدمونة اللعوب دوما
واحسب ان النتائج الخاطئة هى دوما ثمرة معطوبة لخيارات خاطئ... Read Moreة من البدايات , و يمكن و بأيدينا عزيزتى أن نغير خارطة الطريق فى تعاملات الطرفان بشرط ان لا نتخذ مواقف مسبقة و نتربص للاخر , واعتقد ان حرفان من حاء و باء هما للطرفان خير شفاء
مودتى و اعتزازى الذى يذداد دوما رغم انك انثى و رغم انى ذكر

غير معرف يقول...

عمرو بدوي - الفيس بوك
هقول رأيي و مش هخاف من التهديد اللي كتبتيه في الآخر و مفاده ان اللي يختلف معاكي من الرجالة يبقى كداب و مش هتصدقيه

متفق معاكي في اننا مجتمع نفتقد لثقافة التعامل الصحي مع الجنس الآخر سواء رجال او نساء و اؤيدك في ان ذلك بسبب مفاهيم مجتمع برجاله ونسائه و احترم جدا رؤيتك في ان الحصار و الضرر يقع على الجنسين

و اختلف معاكي في ان وصفك للرجل في الجزء الا... Read Moreخير ينطبق تماما على سي السيد و ان الامر يختلف و الصورة بها تغير كبير حاليا و ايضا توجيهك للتهديد في النهاية و اختصاصك الرجال فقط به و الذي سيقلب الموضوع لخناقة بين جنس الرجال و جنس السيدات و هذا ما يحدث عادة عند مناقشة قضايا التعامل بين الجنسين و عشان كدة لا تحل و لن تحل طالما تحولت من قضية مجتمع الي مباراة اهلي و زمالك ...... تعصب للالوان في الحق و الباطل ينتهي بالوصول لولا حاجة

غير معرف يقول...

مها عباسي - الفيس بوك
حلوة يا اميرة وفكرتنى بالمثل اللى بيقول اكسر للمرأة ضلع يطلع لها مئة
و فى حديث او مقولة مش فكرها ان الراجل يشاور مراته و يعمل عكس ما تقول
و موروثات كتير لغاية النهاردة الام المصرية تربى عليها ابنها وهى نفس الام التى تعانى مما قلتى
الازدواجية هى العصر الذى نحيا فيه

غير معرف يقول...

علي الشرقاوي - الفيس بوك
باختصار يا اميرتى اعتقد ان الموضوع من وجهه نظرى ان الرجل هو الرجل
يعنى ادم هو ادم حواء خلقت بعد ادم او بمعنى اخر حواء تبحث عن ادم الزوج الاب والزوج الابن
كما ان ادم وكل رجل يبحث عن امه فى حواء
وكما نعلم ادم ليس له ام فسيظل البحث قائم مادامت الحياه
يبحث عن حواء الزوجه...
حواء الام الحنون
حواء الابنه ( الطفله )
ولا ايه يا اميرتى

غير معرف يقول...

محمد حويحي - الفيس بوك
ادم يبحث عن حواء .. حتي لو كانت عاهره ...

معلش .. حضرتك انا كان ليا اعتراض علي الكلمه الجامده الموجعه دي ..

الانسان يبحث عن صديق .. مهما كان جنسه او فعله .. وان كانت عاهره... Read More

بس برصه .. لو ان العاهرات الاقدر علي كشف الحقائق .. يبقي افضل لمجتمعنا ان يتهم بالعهر .. افضل من سبه بالمجتمع الذكوري المتخلف تربيه الاساطير والخرافات

غير معرف يقول...

سحر الحكيم - الفيس بوك
مساء الخير على الجميع اولا
حين يشعر الرجل بالسلطه وانه هو صاحب المشوره والمتحكم الوحيد فليس هو وحده المسئول بنسبه كبيره عن هذا الشعور الرجل منذ ولادته يجد من يحفزه على هذا وأول من تحفزه هى أمه ولكى يثبت لها انه رجل يفعل ما يراه فى المجتمع فى هذه النقطه
خصوصا تقع مسئوليتها على عاتق المجتمع نفسه والذى يقدم الأفكار --- فيفرض الرجل سطوته من هذا المنطلق بنسبه كبيره ولو انى ارى انها غير معممه وهناك رجال قادرين على العطاء ربما اكثر من النساء احيانا --- والرجل لا يحيا بدون انثى ولا الأنثى ايضا تستطيع الحياه بدون رجل هذه هى الحياه ولكن هناك بعض الرجال ولا اقول جميعهم -- بعض منهم يرى ان حياته لا ترضيه بشكل ما
مع زوجته ويجد نفسه يفر الى اخرى ربما للهروب ربماا لأثبات الوجود
ولعده اسباب كثيره لا يراها الا هو نفسه وكثيرا من النساء يجعلوون الرجل يفر منهم لان منهن الكثيرات الغير سويات اذا هى معادله ولا نظلم رجل ولا نظلم امرأه --- واكرر باننى لا اعمم الفكره فمجتمع الرجال منقسم كمجتمع النساء وملىء بالوان الشخصيات ... Read More
يتبع
Sahar Elhakim
Sahar Elhakim at 10:12pm May 28
وهناك الكثير من الرجال والذين اصبحوا ظاهرين لا اسباب لهم للفرار ولا ينقصهم شىء ولكنهم فقط لهم اطماع خاصه وهؤلاء هم الذين يفرون للعاهرات او هم هؤلاء الذين يهوون خيانه الزوجات لا لسبب محدد الا انه شىء بداخله يجذبه لهذا --- وهذه النوعيه من الرجال غالبا تكونغير سويه ويجد لنفسه هو فقط المبررات لذلك
ويرتمى فى احضان امرأه اخرى فقط ليشعر بوجوده وهو فى حقيقه الأمر لو فعل هذا مع زوجته سيكو افضل جدا له
واعود اقول ان المرأه لابد ان تجعل الحب هو الأساس وهذا هو دورها الحقيقى وتجديد الحب مطلوب ولكن هناك من يستجيب وهناك من لا يتقبل فى الأصل ---
وفى نهايه كلماتى اقول ان الرجل يترك احضان امه لاحضان زوجته وان لم يجد فيه الحنان فلن يستمر وهكذا المرأه ان لم تجد الحمايه هى الأخرى فلن تستمر فى العطاء الحياه مناصفه بين الرجل والمراه والمشاعر مناصفه ايضا فلابد من العطاء من الطرفين والحب من الطرفين لتستوى الحياه
خالص تحياتى اميره ... Read More
خالص التحيه لجميع

غير معرف يقول...

فاطمه رضوان - الفيس بوك
مش عارفه اقولك اه يامرمر

المشكله انه انا ست واكيد اكيد هقولك كلامك زبده وقشطه ومهلبيه ع قلبي

افضل تسمعي كلام الرجاله

غير معرف يقول...

نانيس حسني - الفيس بوك
انا متفقة معاكى يا اميرة فى كل كلمة
بس شايفة ان ده بيحصل على مراحل يعنى اعتقد القناع ده بيجى فى اخر مرحلة بعد الحب ما بيروح
وكمان للاسف فيه كمان بعض السيدات هم اللى بيتسببوا فى القناع ده