يالا نفتح صندوق العفاريت ........
المطلقه ..... تلك السيده التي بلا رجل .... اما تركها لعيب فيها - من وجه نظره - واما تركته لعيب فيه - من وجه نظرها - وليس مهما من ترك من ، فالمجتمع الجميل الذي نعيش فيه ، يعتبر السيده المطلقه هي السبب في الطلاق وهي المسئوله عنه وهي المدانه لحصوله ، فلو كانت السيده المطلقه " نصاحه وعاقله وبتحافظ علي بيتها وراجلها " ماوقع الطلاق ، هكذا قرر المجتمع انها مسئوله ولانها مسئوله فهي مدانه ولانها مدانه فغالبا " شايفه ليها شوفه تانيه " واذا لم تثبت الايام انها " هي اللي شايفه شوفه " وان الرجل الذي كان زوجها وهو اللي " شافه شوفه تانيه وتالته وعاشره " فهي برضه مسئوله " معرفتش تحافظ عليه وتصونه وتكفيه وتلمه و.... " مسئوله يعني مسئوله !!! بس خلاص !!!
اذن المشكله الاولي التي تواجهها المطلقه المشكله الدفينه في نفوس المحيطين بها انها المسئوله عن خراب البيت !!!! طيب ماشي وبعدين ، ولا قبلين !!! هم بيدينوها وخلاص !!!!!!
المشكله التانيه ان المجتمع مازال يخاف من المطلقه ، النساء تخاف من المطلقه لانها في الاغلب " خطافه رجاله " ستخطفهم او تنوي تخطفهم او احتمال تخطفهم ، باعتبارهم " الرجاله المخطوفين " يعني " ياحرام غلابه ومخطوفين بقي !!!" ، النساء تخاف المطلقه لانها " خطافه رجاله " ستنقض بانيابها ومخالبها وسحرها و" قله ادبها " علي الرجل الزوج الجميل اللطيف ، ولان الستات مش لازمها وجع دماغ وسين وجيم ومش لازمها " تحرس " علي جوزها " اللي ياحرام حيتخطف " ولانها تؤمن جدا بان " الباب اللي يجي لك منه الريح سده واستريح " ولانها تخاف من العفريت ومش " عايزاه يطلع لها " فالبعد عن السيده المطلقه ، مهما كانت لطيفه او مؤدبه او مكسوره الجناح والقط ياكل عشاها ، البعد عن السيده المطلقه غنيمه وخلاص !!!! وهكذا فجآ تجد المطلقه نفسها مستبعده بصنعه لطافه من اوساط اجتماعيه وصداقات ودوائر علاقات كانت موجوده فيها قبل الطلاق ، مش لان دمها تقل بعد الطلاق ، لانها بقت خطر جداجدا!!!
موضوع عبيط جدا ، ست معاها جوز ، واحتمال يكون جوز جزمه واحتمال يكون مالوش لزمه واحتمال يكون دمه تقيل ، تبقي الستات مطمئنه وامنه لان ذلك الجوز - اي ماكان وصفه - سيمنع تلك السيده من " البصبصه " للراجل ياحرام " اللي احتمال يتخطف " ، وحين يرحل ذلك الرجل عن حياه تلك السيده لاي سبب ، ينسي الناس وبالاخص النساء ، طبيعتها واخلاقها ويستبعدوها ويبعدوا عنها و" الباب اللي يجي لك منه الريح سده واستريح " و " سوري ياحبيبتي مشغوله قوي مافضيتش اكلمك ، سوري ياحبيبتتتتي مش فاضيه ااقابلك !!" موضوع عبثي وعبيط لكن واقعي وحقيقي ..... طيب ده الستات ، مابتحسش بالامان علي اجوازها اللي نفسهم يتخطفوا وبيتلككوا علشان يتخطفوا وبيرقعوا بالصوت طول الوقت " اخطفيني والنبي " الستات مابتحسش بالامان علشان كده " بلاها مطلقات " !!!
مش بس كده !!! لا كمان لان المطلقات ممكن يعني ممكن مثلا .......... غير الانسات !!!! الانسات عذراوات !!! والباقي مفهوم اما المطلقات فهن مطلقات مباحات مستباحات .......... والباقي برضه مفهوم !!!!!!!
الرجاله بقي علاقتهم بالمطلقات موضوع تاني خالص خالص ....... راجل نفسه " يمهيص " ، " يحب في التليفون " ، "يتمايص" وفيه مطلقه موجوده ، اذن المطلقه متاحه ، اذن المطلقه ممكن نتمهيص معاها وعليها ، هي متاحه ممكنه وغالبا " بتستنشق " علي شويه مياصه كما يري الرجاله !!! فالراجل المتجوز - بعضهم طبعا - يجد في السيده المطلقه فرصه متاحه للمهيصه والمياصه و" التحمرش " ويتعجب الرجال جدا حين ترفض المطلقه المياصه والمهيصه ، يتعجبوا ويخافوا منها لانها " تبقي بترسم علي تقيل " يخافوا منها لانه مش عايزين رسم علي تقيل ولا تدبيس ولا توريط هما عايزين بس " شويه طراوه " اما اذا حتقلب " ريح واعاصير " وعلي ايه ياعم مابلاش دوشه !!! والرجال او بعضهم ينتقي المطلقه " للمياصه والمهيصه " لانها من وجه نظرهم اكيد تحتاج رجل وتعاني من الجفاف العاطفي ومحرومه و "ماحتصدق !!!!!!" ويري الرجل في نفسه طبعا الصلاحيه "لدلدقه" الحنان والمياصه والاستهبال اللي محتاجاه الست المطلقه " قليله الادب طبعا " ولو الراجل ده " اتقفش من مراته " يبقي الحجج والاعذار جاهزه " اغرتني اغوتني استضعفتني " هههههههه وطبعا الست مراته "جاهزه " تصدق ان المطلقه اللي جوزها "اتقفش " بيكلمها او بيتمايص عليها ، جاهزه لتصديق انها هي التي اغرت واغوت وخطفت !!!! مش مطلقه !!!!! و" هو احنا نسيب النار جنب الكبريت وبعدين نقول ولعت ليه " طبعا لا اذن يلزم ابعاد النار اللي هي الست المطلقه عن الكبريت اللي هو الراجل الغلبان اللي تم اغواءه واغراءه ويانهار اسود كان حيتخطف كمان !!!!!........
ده جانب من مشكله الرجاله مع الستات المطلقه !!! رؤيتهم لها باعتبارها متاحه مباحه !!! الجانب الاخر خوفهم منها ، ليه ، لانها مطلقه فاضيه فلو قررت هي الاقتراب منه ، تبقي ناويه علي تدبيسه سودا ومشكله وخراب بيوت ، والرجل المتزوج ياحرام عايز يهذر ويتمايص وبس !!! اما بقي جواز وعلاقه جديه وتدبيس !!! فيع ويع ويع ويع !!!!!
واكم من رجال استباحوا نساء مطلقات او حاولوا استباحتهن وعندما فشلوا ، طبعا المثل العربي الجميل " ال...... تلهيك وتخلي اللي فيها فيك " وعلي طول جري لمراته وحاسبي وحرصي ، فلانه صاحبتك المطلقه بتعاكسني وقلت لها عيب وحرام ومراتي صاحبتك ولافيش فايده ، وطبعا الست نفسها تصدق جوزها وعندها شكوك في صاحبتها المطلقه بانها جاهزه للمعاكسه والمهيصه ، فشكوي ال....... وكذبه يتحول لحقيقه وتاني " الباب اللي يجيلك منه الريح سده بالاسمنت والمقاطعه واستريح " !!!!!!
طيب ده الراجل اللي نفسه يتمهيص .... فيه راجل تاني مانفسوش يتمهيص ولا حاجه ... راجل منضبط بيحب مراته وبيته وحريص عليهم ولكن ....... مايمنعش نشرب قهوه والقهوه تجر عشا والعشا يفتح باب الشيطان !!!! وساعات راجل تاني منضبط بيحب مراته وبيته وبرضه حريص عليهم جدا ، يلاقي المطلقه وحيده لاانيس ولا جليس ، تصعب عليه طبعا لانه " حوووووونين " ولانه " حووووونين " يبقي نفسه يدلدق حنان وعواطف بس في التليفون وهاتي تليفونك وخد تليفوني واحنا اصدقاء طبعا اصدقاء و....... الاحترام والجديه و" الو ازيك اخبارك ايه طبعا طبعا " وهاتك ياكلام باعتبار الست المطلقه راجل !!!!!! ههههههههه !!!!! لا ده احنا اصدقاء خالص فعلا !!!!!
وعادي جدا اكلمك زي الرجاله زي الستات " يفرق ايه " ولا يفرق حاجه غير انك جبان !!!! للاسف مش قادر تقول ان ليك صديقه !!! لان مراتك " ياحرام " عقلها صغير ومش حتقدر تصدمها ان بتكلم واحده ست وكمان مطلقه " فتضحك علي مراتك باعتبارك بتكلم راجل وتكلم صديقتك باعتبارها راجل ..... لا والله راجل فعلا !!!!!!!!!!
طيب نعمل ايه يعني ....... نموت المطلقات سبب الشرور والاغواء والخطف !!!!!!!!!!
هههههههههههههه والله ستات كتيره " عيشتها زفت ورجالتها زفتين " نفسها ترد تقول اه ، لانهن مهددات جدا و" الفتنه نائمه لعن الله من ايقظها " !!!!!!!!!
طيب ............ اه نسيت اقول حاجه مهمه جدا ، يمكن يعني يمكن ، تطمن الستات المهددات ، ولو اني رايي يعني ان مافيش حاجه في الدنيا تطمنهم !!! ليه !!! لان كل واحده عارفه من جواها " ان جوزها بصباص وعينه زايغه تتدب فيها ميت رصاصه وانه نفسه يتخطف بس يلاقي فرصه !!!!!!!! ...... نسيت ااقولكم حاجه مهمه جدا ..... ان غالبا معظم المطلقات بيبقوا خلاص " كرهوا الصنف " و" كرفوا رجاله " ومابيبصوش لرجاله حد لا بعيد ولا قريب ، لان تجاربهن الفاشله كشف لهن المستور واوضحت لهن طبيعه معظم الرجال التي يزيفوها حتي لاتظهر !!!! معظم المطلقات لا يفكرن اطلاقا في " تعليق " جوز واحده تانيه لانهم عارفين ان " احمد زي الحاج احمد " معظم المطلقات لا يفكروا ولا يرغبوا في خطف رجل سواء جوز لواحده تانيه او مش جوز حد !!!!!
هل كده حتتطمنوا ؟؟؟؟؟؟؟؟؟ هههههههههههههههه طبعا لا !!!!!!!!!
معظم المطلقات مش عايزين الرجاله تبطل تتمايص عليهم وتتحرش بيهن قولا ولفظا واسلوبا ، هل الرجاله حتبطل تتمايص وتتمهيص ؟؟؟؟؟؟؟؟؟؟؟؟؟ طبعا لا !!!!!!!!!
خلاص براحتكم بقي !!!!!!!! وياايتها المطلقات فلتستمعن بحريتكن وحياتكن بلا قيود بلا اعباء بلا " قرف " !!!!!!! لنتحمل المجتمع رجاله ونساءه ، فهذه ضريبه الحريه التي تتمرغوا في بهجتها !!!!!!!!!!
المطلقه ..... تلك السيده التي بلا رجل .... اما تركها لعيب فيها - من وجه نظره - واما تركته لعيب فيه - من وجه نظرها - وليس مهما من ترك من ، فالمجتمع الجميل الذي نعيش فيه ، يعتبر السيده المطلقه هي السبب في الطلاق وهي المسئوله عنه وهي المدانه لحصوله ، فلو كانت السيده المطلقه " نصاحه وعاقله وبتحافظ علي بيتها وراجلها " ماوقع الطلاق ، هكذا قرر المجتمع انها مسئوله ولانها مسئوله فهي مدانه ولانها مدانه فغالبا " شايفه ليها شوفه تانيه " واذا لم تثبت الايام انها " هي اللي شايفه شوفه " وان الرجل الذي كان زوجها وهو اللي " شافه شوفه تانيه وتالته وعاشره " فهي برضه مسئوله " معرفتش تحافظ عليه وتصونه وتكفيه وتلمه و.... " مسئوله يعني مسئوله !!! بس خلاص !!!
اذن المشكله الاولي التي تواجهها المطلقه المشكله الدفينه في نفوس المحيطين بها انها المسئوله عن خراب البيت !!!! طيب ماشي وبعدين ، ولا قبلين !!! هم بيدينوها وخلاص !!!!!!
المشكله التانيه ان المجتمع مازال يخاف من المطلقه ، النساء تخاف من المطلقه لانها في الاغلب " خطافه رجاله " ستخطفهم او تنوي تخطفهم او احتمال تخطفهم ، باعتبارهم " الرجاله المخطوفين " يعني " ياحرام غلابه ومخطوفين بقي !!!" ، النساء تخاف المطلقه لانها " خطافه رجاله " ستنقض بانيابها ومخالبها وسحرها و" قله ادبها " علي الرجل الزوج الجميل اللطيف ، ولان الستات مش لازمها وجع دماغ وسين وجيم ومش لازمها " تحرس " علي جوزها " اللي ياحرام حيتخطف " ولانها تؤمن جدا بان " الباب اللي يجي لك منه الريح سده واستريح " ولانها تخاف من العفريت ومش " عايزاه يطلع لها " فالبعد عن السيده المطلقه ، مهما كانت لطيفه او مؤدبه او مكسوره الجناح والقط ياكل عشاها ، البعد عن السيده المطلقه غنيمه وخلاص !!!! وهكذا فجآ تجد المطلقه نفسها مستبعده بصنعه لطافه من اوساط اجتماعيه وصداقات ودوائر علاقات كانت موجوده فيها قبل الطلاق ، مش لان دمها تقل بعد الطلاق ، لانها بقت خطر جداجدا!!!
موضوع عبيط جدا ، ست معاها جوز ، واحتمال يكون جوز جزمه واحتمال يكون مالوش لزمه واحتمال يكون دمه تقيل ، تبقي الستات مطمئنه وامنه لان ذلك الجوز - اي ماكان وصفه - سيمنع تلك السيده من " البصبصه " للراجل ياحرام " اللي احتمال يتخطف " ، وحين يرحل ذلك الرجل عن حياه تلك السيده لاي سبب ، ينسي الناس وبالاخص النساء ، طبيعتها واخلاقها ويستبعدوها ويبعدوا عنها و" الباب اللي يجي لك منه الريح سده واستريح " و " سوري ياحبيبتي مشغوله قوي مافضيتش اكلمك ، سوري ياحبيبتتتتي مش فاضيه ااقابلك !!" موضوع عبثي وعبيط لكن واقعي وحقيقي ..... طيب ده الستات ، مابتحسش بالامان علي اجوازها اللي نفسهم يتخطفوا وبيتلككوا علشان يتخطفوا وبيرقعوا بالصوت طول الوقت " اخطفيني والنبي " الستات مابتحسش بالامان علشان كده " بلاها مطلقات " !!!
مش بس كده !!! لا كمان لان المطلقات ممكن يعني ممكن مثلا .......... غير الانسات !!!! الانسات عذراوات !!! والباقي مفهوم اما المطلقات فهن مطلقات مباحات مستباحات .......... والباقي برضه مفهوم !!!!!!!
الرجاله بقي علاقتهم بالمطلقات موضوع تاني خالص خالص ....... راجل نفسه " يمهيص " ، " يحب في التليفون " ، "يتمايص" وفيه مطلقه موجوده ، اذن المطلقه متاحه ، اذن المطلقه ممكن نتمهيص معاها وعليها ، هي متاحه ممكنه وغالبا " بتستنشق " علي شويه مياصه كما يري الرجاله !!! فالراجل المتجوز - بعضهم طبعا - يجد في السيده المطلقه فرصه متاحه للمهيصه والمياصه و" التحمرش " ويتعجب الرجال جدا حين ترفض المطلقه المياصه والمهيصه ، يتعجبوا ويخافوا منها لانها " تبقي بترسم علي تقيل " يخافوا منها لانه مش عايزين رسم علي تقيل ولا تدبيس ولا توريط هما عايزين بس " شويه طراوه " اما اذا حتقلب " ريح واعاصير " وعلي ايه ياعم مابلاش دوشه !!! والرجال او بعضهم ينتقي المطلقه " للمياصه والمهيصه " لانها من وجه نظرهم اكيد تحتاج رجل وتعاني من الجفاف العاطفي ومحرومه و "ماحتصدق !!!!!!" ويري الرجل في نفسه طبعا الصلاحيه "لدلدقه" الحنان والمياصه والاستهبال اللي محتاجاه الست المطلقه " قليله الادب طبعا " ولو الراجل ده " اتقفش من مراته " يبقي الحجج والاعذار جاهزه " اغرتني اغوتني استضعفتني " هههههههه وطبعا الست مراته "جاهزه " تصدق ان المطلقه اللي جوزها "اتقفش " بيكلمها او بيتمايص عليها ، جاهزه لتصديق انها هي التي اغرت واغوت وخطفت !!!! مش مطلقه !!!!! و" هو احنا نسيب النار جنب الكبريت وبعدين نقول ولعت ليه " طبعا لا اذن يلزم ابعاد النار اللي هي الست المطلقه عن الكبريت اللي هو الراجل الغلبان اللي تم اغواءه واغراءه ويانهار اسود كان حيتخطف كمان !!!!!........
ده جانب من مشكله الرجاله مع الستات المطلقه !!! رؤيتهم لها باعتبارها متاحه مباحه !!! الجانب الاخر خوفهم منها ، ليه ، لانها مطلقه فاضيه فلو قررت هي الاقتراب منه ، تبقي ناويه علي تدبيسه سودا ومشكله وخراب بيوت ، والرجل المتزوج ياحرام عايز يهذر ويتمايص وبس !!! اما بقي جواز وعلاقه جديه وتدبيس !!! فيع ويع ويع ويع !!!!!
واكم من رجال استباحوا نساء مطلقات او حاولوا استباحتهن وعندما فشلوا ، طبعا المثل العربي الجميل " ال...... تلهيك وتخلي اللي فيها فيك " وعلي طول جري لمراته وحاسبي وحرصي ، فلانه صاحبتك المطلقه بتعاكسني وقلت لها عيب وحرام ومراتي صاحبتك ولافيش فايده ، وطبعا الست نفسها تصدق جوزها وعندها شكوك في صاحبتها المطلقه بانها جاهزه للمعاكسه والمهيصه ، فشكوي ال....... وكذبه يتحول لحقيقه وتاني " الباب اللي يجيلك منه الريح سده بالاسمنت والمقاطعه واستريح " !!!!!!
طيب ده الراجل اللي نفسه يتمهيص .... فيه راجل تاني مانفسوش يتمهيص ولا حاجه ... راجل منضبط بيحب مراته وبيته وحريص عليهم ولكن ....... مايمنعش نشرب قهوه والقهوه تجر عشا والعشا يفتح باب الشيطان !!!! وساعات راجل تاني منضبط بيحب مراته وبيته وبرضه حريص عليهم جدا ، يلاقي المطلقه وحيده لاانيس ولا جليس ، تصعب عليه طبعا لانه " حوووووونين " ولانه " حووووونين " يبقي نفسه يدلدق حنان وعواطف بس في التليفون وهاتي تليفونك وخد تليفوني واحنا اصدقاء طبعا اصدقاء و....... الاحترام والجديه و" الو ازيك اخبارك ايه طبعا طبعا " وهاتك ياكلام باعتبار الست المطلقه راجل !!!!!! ههههههههه !!!!! لا ده احنا اصدقاء خالص فعلا !!!!!
وعادي جدا اكلمك زي الرجاله زي الستات " يفرق ايه " ولا يفرق حاجه غير انك جبان !!!! للاسف مش قادر تقول ان ليك صديقه !!! لان مراتك " ياحرام " عقلها صغير ومش حتقدر تصدمها ان بتكلم واحده ست وكمان مطلقه " فتضحك علي مراتك باعتبارك بتكلم راجل وتكلم صديقتك باعتبارها راجل ..... لا والله راجل فعلا !!!!!!!!!!
طيب نعمل ايه يعني ....... نموت المطلقات سبب الشرور والاغواء والخطف !!!!!!!!!!
هههههههههههههه والله ستات كتيره " عيشتها زفت ورجالتها زفتين " نفسها ترد تقول اه ، لانهن مهددات جدا و" الفتنه نائمه لعن الله من ايقظها " !!!!!!!!!
طيب ............ اه نسيت اقول حاجه مهمه جدا ، يمكن يعني يمكن ، تطمن الستات المهددات ، ولو اني رايي يعني ان مافيش حاجه في الدنيا تطمنهم !!! ليه !!! لان كل واحده عارفه من جواها " ان جوزها بصباص وعينه زايغه تتدب فيها ميت رصاصه وانه نفسه يتخطف بس يلاقي فرصه !!!!!!!! ...... نسيت ااقولكم حاجه مهمه جدا ..... ان غالبا معظم المطلقات بيبقوا خلاص " كرهوا الصنف " و" كرفوا رجاله " ومابيبصوش لرجاله حد لا بعيد ولا قريب ، لان تجاربهن الفاشله كشف لهن المستور واوضحت لهن طبيعه معظم الرجال التي يزيفوها حتي لاتظهر !!!! معظم المطلقات لا يفكرن اطلاقا في " تعليق " جوز واحده تانيه لانهم عارفين ان " احمد زي الحاج احمد " معظم المطلقات لا يفكروا ولا يرغبوا في خطف رجل سواء جوز لواحده تانيه او مش جوز حد !!!!!
هل كده حتتطمنوا ؟؟؟؟؟؟؟؟؟ هههههههههههههههه طبعا لا !!!!!!!!!
معظم المطلقات مش عايزين الرجاله تبطل تتمايص عليهم وتتحرش بيهن قولا ولفظا واسلوبا ، هل الرجاله حتبطل تتمايص وتتمهيص ؟؟؟؟؟؟؟؟؟؟؟؟؟ طبعا لا !!!!!!!!!
خلاص براحتكم بقي !!!!!!!! وياايتها المطلقات فلتستمعن بحريتكن وحياتكن بلا قيود بلا اعباء بلا " قرف " !!!!!!! لنتحمل المجتمع رجاله ونساءه ، فهذه ضريبه الحريه التي تتمرغوا في بهجتها !!!!!!!!!!
هناك تعليق واحد:
فى حقيقه الأمر لمستى موضوع بيمس عائلات كثيرهلان نسبه المطلقات اصبحت عاليه جدا ولمستى حقائق موجوده وعايشه بيناالمطلقه فعلا بتعامل بشكل سىء جدا وبمعنى اخر بشكل رخيص من المجتمع وطبعا زى ما قلتى هى المتهمه الأولى والأخيره لانها ارادت ان تحيا بشكل أدمى بنسبه كبيره لا تطلق المرأه الآ للسببين الى تفضلتى وذكرتيهم اما هو او هى وفى النهايه هى المتهمه -- وعلى هذا الأساس يتعامل معها المجتمع على انها اجرمت وليس لها الحق أن تحيا حياه هادئه وتهنأ بها لان المجتمع يخشونها وكما كرتى ايضا النساء الخائفات من أن الزوج المثالى يذهب اليها فى الوقت الى يكون فيه الزوج فى الأصل غير قانع أو راضى بحياته لكن لا لوم عليه لانه رجل يحب من يريد يخطىء كيفما شاء الأديان السماويه والدين الأسلامى على الأخص لم يجرم الطلاق فكيف يعطى المجتمع لنفسه الحق فى التجريم --- والدين أيضا لم يأمرنا بأن نتحاشى مثل تلك المطلقه خوفا من وجودها على الزوج مثلا بل أمر الزوجه أن تكون هى السكن لزوجها وهنا لن تخشى اى انسانه لو استطاعت ان تكون هى السكن -- وهناك نساءيصدقون وسيظلو يصدقون أزواجهم حتى لو كانت متأكده أنه أفتراء لا لانها تحبه ولكن لانه زوجها ولابد أن تصدقه حين يقول لها ان صديقتك حاولت مغازلتى وكيف يا سيدتى تغازل المرأه الرجل الا اذا كانت متمرسه وقادره على ذلك --- الرجل فى هذه الحاله يتحول الى نعامه خائفه وبمنتهى الغباء يظن ان المرأه الذكيه ستصدقه فلا تصدق هذا الكلام الا اغبى النساء فى راى -- ولو حاولت المرأه المطلقه الحفاظ على نفسها تنقلب الدنيا على رأسها --- الحقيقه ان المطلقه بتواجه بشاعه مجتمع مزيف كاذب وليس لها الحق فى الدفاع على نفسها وانا انادى معك وبأعلى صوت عيشى يا أمرأه حياتك بكل حريه ولكن أحزرى ذئاب يتربصون لحظه يحاولون فيها سرقتك
بالرغم انى كتبت لكن لسه عندى كتير اقوله فرأسى مزدحمه بالأفكار فأعذرينى لو لم أكن منسقه فى تقديمى الرد سيدتى بكل الحب أنحنى لشخصك الكريم
تحياتى
إرسال تعليق