الواحد لما بيكون حران ...
عاده عاده بيكون كمان زهقان ..
الحر بيكتم النفس وكتمه النفس بتجيب الزهق ....... ايه الكلام الفاشل ده ...
مش مهم فاشل فاشل ...... وانا من ساعه ماصحيت من النوم والشمس طلعت نار وانا حرانه وزهقانه وبلف حوالين روحي وطبعا روحي كمان بتلف حواليه ...
المهم .... لا مش مهم .... مع الحر والزهق دماغي عماله تزن ، فيها افكار عماله تروح وتيجي زي بندول الساعه وانا عماله اروح واجي معاها لما فرهدت خالص .... قلت خلاص مابدهاش بقي .... افضي راسي من الافكار واكتب الكلمتين اللي عمالين يزنوا علي راسي وبلاش دوشه ..... ماعلينا برضه ...
امبارح اوباما جه مصر يوجه خطاب للعالم الاسلامي ... وقال اللي قاله واللي كلنا عارفين ...
انا شخصيا انبسطت باللي قاله مش لانه حليوه واسمراني وبس ولا لانه شاب وروحه شابه وتحس الحيويه بتفط من عينيه وان حيويته بتتنقل لك فتلاقي روحك انت كمان عايز تفط وتنط ، لا برضه ، ولا لاني باعتبره الحقيقه رمز انتصاري جميل لحركه صراع ضد التمييز العنصري ، حركه دفعت ثمن باهظ وتضحيات عظيمه وفي الاخر غيرت بدآبها وافكارها قناعات جزء من المجتمع الامريكي اللي صوتوا للواد الاسمراني وقعده علي قمه الدنيا ، رغم ان كل دي اسباب تبسط وتخليني وانا باسمع " مستر بريزيدنت اوف امريكا " ابقي في منتهي السعاده ، ......
لا انا انبسطت لانه عبر عن توجهات وافكاره ادارته الاداره الجديده التي ستحكم امريكا الاربع سنوات القادمه وهي توجهات وسياسات تختلف طبعا عن سياسه الاداره الجمهوريه المتوحشه " الهبله " التي عبر عنها بوش سنوات طويله ودت العالم وامريكا في ستين داهيه !!!
طيب هو اوباما قال ايه وبسطني كده ، لا كل واحد يرجع للخطاب ويشوفه قال ايه لاني بصراحه حرانه قوي مش حاقدر اكتب تاني الراجل قال ايه ....
لحد هنا وكلامي عادي كلام حران بصراحه ونفسه مقطوع ... انا سمعت اوباما وكنت مبسوطه جدا وممتنه ومبتسمه واتفرجت عليه وهو في الهرم بالتي شيرت والبنطلون البيج الجينز وماسك قزازه الميه وعماله يفط ويطلع سلالم وينزل ، كنت مبسوطه بيه ... ولكن دوام الحال من المحال .......
بدآت بقي التعليقات والاراء والتحليلات والضيف اللي في الاستديو والضيف اللي علي التليفون ..... وبدآنا فاصل من وجع الدماغ والكلام اللي بصراحه بصراحه يعني مالوش لزمه - او في الاغلب الاعم يمكن ٩٥ ٪ منه مالوش لزمه وال ٥٪ مش فاكره اتقال فيها ايه ..... ماعلينا ....... ناس زعلت انه اتكلم من مصر وطبعا علي راسهم الجزيره وضيوفها وماشي ياجزيره براحتكم هو قال مصر مش قال قطر .. لكن عقابا لاوباما انه قال مصر يبقي كلامه مااضافش جديد ومستفز ومجرد حديث وليس خطوات تنفيذيه و" قال المحرقه " و" ماقالش اسرائيل لما اتكلم عن النووي " و..... هاتك ياتقطيع في الراجل !!!
ولان طبعا الراجل قصدي المستر بيرزدنت " لسانه بربنت " ويعرف يرد عن نفسه ، قلت ماليش دعوه هو حر عايز يرد يرد مش عايز يرد برضه براحته !!! وهكذا " سكيت علي الجزيره " وضيوفها المتعجرفين ...
المشكله اني معرفتش " اسك " كويس عليهم لاني قعدت افكر في بعض كلماتهم !!!! وادور عن الخطاب الل كان يرضيهم ويفض المولد المنصوب بتاع سيدي اوباما ، قعدت افكر في الكلمات اللي كان مفروض الراجل يقولها وماقالهاش ، ولو كان قالها كانت الجزيره وضيوفها استريحوا جدا لدرجه انهم كان ممكن يقطعوا البث لانهم مش حيلاقوا حاجه يقولوها ......
اكيد كان عايزين اوباما يقول يلعن ابو اسرائيل وانه قبل مايجي القاهره هدها فوق روس يهودها وانه رمي انقاضها في البحر و"بح خلاص " مافيش اسرائيل !!!! طيب كانوا حينبسطوا لو قال كده ؟؟؟؟
طبعا لا ... لازم كمان كان يقول ان "حماس" اسياد الناس وانه شخصيا معجب جداجدا باصرارها علي عدم التفاوض ومعجب جداجدا بصراعها مع فتح وتحالفها مع حسن نصر الله وان اسرائيل تستاهل كل اللي جري لها وحيجري لها .....والاهم من ده ومن ده انه مايطلبش من حماس تتفاوض ولا تسيب سلاحها ولا تبطل تضرب اسرائيل ويطالب اسرائيل تنسحب !! لغايه فين لغايه مامتبقاش موجوده ولو حماس ضربتها ما تردش وياريت يقول يارب اسرائيل تموت ... كفايه كده !!!
لا طبعا ، طب وافغانستان حيسيبها كده ، مش حيسحب القوات ويسيب طالبان تعمل مابدا لها ويسيب القاعده تكبر قواعدها كمان وكمان ولو كان تمن ده " البرجين " وياعم ماتدقش مافيه في امريكا ميت او الف برج ضربوا واتنين والباقي لسه موجود وجميل !! معقول امريكا تعمل راسها براس برجين !!!
خلاص ياجماعه كده كنتم حتنبسطوا !!!! لا طبعا.... طيب عايزين ايه .... يبقي ضد اليهود !!! بقي ضد اليهود !!! يقول مافيش محرقه !!! مافيش محرقه !!! يقول القدس لا عاصمه ابديه لاسرائيل ولا تدويل القدس انما طبعا يعترف بان القدس عربيه وستين عربيه كمان !!!! كده ياجماعه كنتم حتنبسطوا من اوباما !!!
لاااااااااااااااااااا .... ليه طيب .. ده كده الحاج اوباما بقي عربي اكتر من العرب ومسلم اكتر من المسلمين وقومي اكتر من القوميين وحماسي اكتر من الحماسيين !!!
عايزين ايه تاني !!! لا لسه .... لسه ايه تاني ....... مااعتذرش لينا عن جرائم الاداره السابقه !!! ماقالش بوش مجرم ، ماقالش اسفين اان المحكمه العراقيه اصدرت حكمها باعدام صدام حسين ، ماقالش ان المحكمه العراقيه نفسها تمثيليه بايخه وانه بيعتذر عن دخول العراق واحتلال العراق .... ماقالش انه بيعتذر لمحمد وعبد السلام وابو جمال واحمد وسعد - مين دول - دول الناس اللي عذبهم بوش في جوانتينامو !!! مااعتذرش ليهم نفر نفر ...... طيب ماهو قال حيقفل جوانتينامو ... لا مش كفايه لازم يعتذر !!!
ناس تانيه بقي قالت كلاااااااام كتيييييييير مفاده " كلام اوباما مجرد كلام " لسه معملش حاجه !!! طيب عايزينه يعمل ايه !!! ما يتكلمش لغايه مايعمل !!!!! طيب يعمل ايه وازاي ؟؟؟؟ وحيعمل اي حاجه لوحده !!!! واحنا ايه ميتين مش حنلعب معاه الا لما يثبت ان كلامه مش كلام وبس !!!
وناس تانيه قالت لك " ده بيغازل المسلمين بكلماته " ومافهمتش !!!! الراجل بيقول انه بيحترمنا وبيحترم الاسلام وان وان وان وان ..... لا ده مجرد غزل !!! مرفوض يعني !!! بلاش غزل !!! طيب ماكانش يقول كده !!! كان يسكت !!! كان يقول زي بوش ماقال " صراع الحضارات والحروب الصليبيبه " كده كان بقي تمام لانه مابيغازلش المسلمين ولا حاجه !!!
حد عاقل بقي قال " ده بيراعي مصالح امريكا " هههههههههه تصوروا الجريمه الكبري اللي وقع فيها اوباما " انه بيراعي مصالح امريكا " !!!!!!! ممكن اضحك حبه ، اصل الجو حر قوي قوي !!! ودماغي ساااااااااااحت !!!!!!
ههههههههههههههههههههه ...... اما حوار عبثي رهيب جدا .....
اوباما رئيس امريكا ، مش رئيس مصر ولا قطر ولا السعوديه ولا ماليزيا ولا ايران ، رئيس امريكا ، طبعا لازم يراعي مصالح امريكا لان الناخبين اللي انتخبوه امريكان للاسف وبيهمهم مصالح امريكا ولو اتصرف من وجه نظر المجتمع الامريكي ضد مصلحتهم ااقل واجب معاه حيسقطوه !!! مش بس كده لا هو غالبا امريكي ، اسود اه عيله ابوه من كينيا اه لكن امريكي بيهمه بالاساس مصالح امريكا !!!! عادي يعني !!!
اوباما مسيحي !!! بصرف النظر انه ابوه حسين ولا عيلته مسلمين هو مسيحي !!! لكنه وهو مسيحي لم يتبني خطه صراع الحضارات والحروب الصليبيه بل مد يده قائلا احترام الاسلام والمسلمين وقال القدس عاصمه الاديان الثلاث بدل ما يقول زي كل الناس اللي قالت القدس العاصمه الابديه لاسرائيل ، اوباما حليف اسرائيل مش هو شخصيا يعني لا امريكا لكن قال دوله فلسطينيه لشعب عاني من التشرد من ٦٠ سنه !!!
خلاصه حوار وخطبه اوباما انه " اعترف بحق الاخر في الوجود في الحياه في الارض " والاخر هو " احنا " !!!
لكن الاخر ده مش عاجبه كلامه !!!
خلاص زهقت واتحريت موووووت .............
طيب ممكن اسمع حد منا " من الاخر " يروح امريكا يوجه لهم خطاب ونشوف حيقول ليهم ايه ...
حيقول اليهود اعداء الله ( يبقي مافيش اي اعتراف بالاخر ) ولا حيقولهم انت حبايبنا !!!
حيقول دوله فلسطينيه من البحر للنهر ونرمي اسرائيل في البحر ( يبقي مافيش اخر ) ولا حيقول ( احنا حته وانتم حته ) حيقول حماس مش حتسيب سلاحها لانه فيه احتلال اسرائيلي وحيقول حماس مش حتتفاوض خالص لان اليهود اعداء الله وحيقول حماس من حقها تستخدم العنف لان دي مقاومه مسلحه لكن لو الاحتلال الاسرائيلي رد عليها تبقي جريمه بالاضافه لكل جرايمه (يبقي مافيش اخر ) طيب ما نتفاوض مع حماس لا .. طيب نعمل دولتين لا !!!!
قعدت اتصور واحد منا - من الاخر اللي معجبوش كلام اوباما - يروح امريكا يكلم العالم المسيحي يقول ليهم ايه وهو تحكمه نظره احاديه لا يعترف بحق الاخر في الوجود ولا حق الاخر في الحياه !!!
اوباما اعترف بحق الاخر لانه اتي نتيجه صراع تميزيي عنصري وقوده انكار حق الاخر في الوجود - انكار البيض لحق السود في الوجود - ولانه يعرف الاثار الكارثيه العنيفه التي تنفجر عندما تنكر حق الاخر الذي لن يقبل ذلك الانكار -لانه يعرف ذلك ونتائجه وعاني هو شخصيا منه - قرر ان يعترف بالاخر ويمد له يده......
لكننا لم نتعلم من انكار الاخر ونفيه حتي الان اي دروس ولم نحترق بلهيب انكار الاخر ولم نعاني من نتائج اننا لا نري الا حقوقنا ولا نسمع الا صوتنا ولا نفهم الا لغتنا ... لم نعاني بما فيه الكفايه من ذلك ... لذا لم نفهم معني وقيمه ومضمون خطاب اوباما!!!!!!!
يانهار اسود الجو حار بشكل رهيب ..... والموضوع سخن راسي اكتر واكتر !!!!!!
يامن تطالبون - اوباما او غيره - بالاعتراف بوجودكم ، عليكم ان تعترفوا بوجودهم !!!!!!!!! ولنخرج من اسر الماضي والتاريخ والجغرافيا !!!! او..............................فليكن عندنا من القوه ما يتيح لنا ان نفرض علي الاخرين ما نبغي فرضه لكن اذا امنا بهذا وانتظرنا قوتنا لفرض افكارنا وقناعاتنا ومبادئنا علي الاخرين فلنتوقف عن البكاء والعويل والندب اذا ماقام الاخر باستخدام قوته ضدنا لفرض افكاره وقناعاته ومبادئه .... فاذا كنا سنحتكم للقوه ... فالبقاء للاقوي !!!!!! واذا كنا نؤمن بالحوار فهناك يد ممدوده اليكم ماذا انتم فاعلين !!!!!!!!!!!!!!!
ارجوكم .... كفاكم عويل " ويالهوتي ... ياخرابي " سلاحا وحيدا في مواجهه القوه الغاشمه التي تحطمنا او تتمني وفي مواجهه اليد الممدوده التي ستتعاون معنا او تتمني ... فعويلكم في الحالتين مقرف جداجداجداجدا ...
معنتش حاكتب حاجه ابدا في الحر لان دماغي عاليه جدا من كتر الحراره ..
فبتقول حاجات مفروض ما تقولهاش !!!!!!!!
تصدقوا ..... بجد والله .... حسيت ان الناس زعلت ان اوباما قال اللي قاله ، كان نفسهم يقول نفس كلام بوش ويعمل نفس تصرفات بوش فيبقي عندنا سبب ومبرر نفضل نشتم ونشتم ونشتم ونشتم ... ومن كتر الشتيمه مايبقاش عندنا وقت نعمل اي حاجه تانيه لكن دلوقتي - مفروض بصراحه - نبطل شيتمه - فهيبقي عندنا فراغ ووقت لازم نستفيد منهم بقي في حاجه مهمه واحنا ماعندناش حاجات مهمه فلازم يفضل اوباما زي بوش واحنا زي مااحنا و....... هاتك يالطيم ياصويت يانديب !!!!!!
يالهوتي ياخرابي ......يالهوتي ياخرابي.....يالهوتي ياخرابي.....
يالهوتي ياخرابي.....يالهوتي ياخرابي !!!!!!!!!!!!!!!!
-----------------------------------------------------------------------------
عاده عاده بيكون كمان زهقان ..
الحر بيكتم النفس وكتمه النفس بتجيب الزهق ....... ايه الكلام الفاشل ده ...
مش مهم فاشل فاشل ...... وانا من ساعه ماصحيت من النوم والشمس طلعت نار وانا حرانه وزهقانه وبلف حوالين روحي وطبعا روحي كمان بتلف حواليه ...
المهم .... لا مش مهم .... مع الحر والزهق دماغي عماله تزن ، فيها افكار عماله تروح وتيجي زي بندول الساعه وانا عماله اروح واجي معاها لما فرهدت خالص .... قلت خلاص مابدهاش بقي .... افضي راسي من الافكار واكتب الكلمتين اللي عمالين يزنوا علي راسي وبلاش دوشه ..... ماعلينا برضه ...
امبارح اوباما جه مصر يوجه خطاب للعالم الاسلامي ... وقال اللي قاله واللي كلنا عارفين ...
انا شخصيا انبسطت باللي قاله مش لانه حليوه واسمراني وبس ولا لانه شاب وروحه شابه وتحس الحيويه بتفط من عينيه وان حيويته بتتنقل لك فتلاقي روحك انت كمان عايز تفط وتنط ، لا برضه ، ولا لاني باعتبره الحقيقه رمز انتصاري جميل لحركه صراع ضد التمييز العنصري ، حركه دفعت ثمن باهظ وتضحيات عظيمه وفي الاخر غيرت بدآبها وافكارها قناعات جزء من المجتمع الامريكي اللي صوتوا للواد الاسمراني وقعده علي قمه الدنيا ، رغم ان كل دي اسباب تبسط وتخليني وانا باسمع " مستر بريزيدنت اوف امريكا " ابقي في منتهي السعاده ، ......
لا انا انبسطت لانه عبر عن توجهات وافكاره ادارته الاداره الجديده التي ستحكم امريكا الاربع سنوات القادمه وهي توجهات وسياسات تختلف طبعا عن سياسه الاداره الجمهوريه المتوحشه " الهبله " التي عبر عنها بوش سنوات طويله ودت العالم وامريكا في ستين داهيه !!!
طيب هو اوباما قال ايه وبسطني كده ، لا كل واحد يرجع للخطاب ويشوفه قال ايه لاني بصراحه حرانه قوي مش حاقدر اكتب تاني الراجل قال ايه ....
لحد هنا وكلامي عادي كلام حران بصراحه ونفسه مقطوع ... انا سمعت اوباما وكنت مبسوطه جدا وممتنه ومبتسمه واتفرجت عليه وهو في الهرم بالتي شيرت والبنطلون البيج الجينز وماسك قزازه الميه وعماله يفط ويطلع سلالم وينزل ، كنت مبسوطه بيه ... ولكن دوام الحال من المحال .......
بدآت بقي التعليقات والاراء والتحليلات والضيف اللي في الاستديو والضيف اللي علي التليفون ..... وبدآنا فاصل من وجع الدماغ والكلام اللي بصراحه بصراحه يعني مالوش لزمه - او في الاغلب الاعم يمكن ٩٥ ٪ منه مالوش لزمه وال ٥٪ مش فاكره اتقال فيها ايه ..... ماعلينا ....... ناس زعلت انه اتكلم من مصر وطبعا علي راسهم الجزيره وضيوفها وماشي ياجزيره براحتكم هو قال مصر مش قال قطر .. لكن عقابا لاوباما انه قال مصر يبقي كلامه مااضافش جديد ومستفز ومجرد حديث وليس خطوات تنفيذيه و" قال المحرقه " و" ماقالش اسرائيل لما اتكلم عن النووي " و..... هاتك ياتقطيع في الراجل !!!
ولان طبعا الراجل قصدي المستر بيرزدنت " لسانه بربنت " ويعرف يرد عن نفسه ، قلت ماليش دعوه هو حر عايز يرد يرد مش عايز يرد برضه براحته !!! وهكذا " سكيت علي الجزيره " وضيوفها المتعجرفين ...
المشكله اني معرفتش " اسك " كويس عليهم لاني قعدت افكر في بعض كلماتهم !!!! وادور عن الخطاب الل كان يرضيهم ويفض المولد المنصوب بتاع سيدي اوباما ، قعدت افكر في الكلمات اللي كان مفروض الراجل يقولها وماقالهاش ، ولو كان قالها كانت الجزيره وضيوفها استريحوا جدا لدرجه انهم كان ممكن يقطعوا البث لانهم مش حيلاقوا حاجه يقولوها ......
اكيد كان عايزين اوباما يقول يلعن ابو اسرائيل وانه قبل مايجي القاهره هدها فوق روس يهودها وانه رمي انقاضها في البحر و"بح خلاص " مافيش اسرائيل !!!! طيب كانوا حينبسطوا لو قال كده ؟؟؟؟
طبعا لا ... لازم كمان كان يقول ان "حماس" اسياد الناس وانه شخصيا معجب جداجدا باصرارها علي عدم التفاوض ومعجب جداجدا بصراعها مع فتح وتحالفها مع حسن نصر الله وان اسرائيل تستاهل كل اللي جري لها وحيجري لها .....والاهم من ده ومن ده انه مايطلبش من حماس تتفاوض ولا تسيب سلاحها ولا تبطل تضرب اسرائيل ويطالب اسرائيل تنسحب !! لغايه فين لغايه مامتبقاش موجوده ولو حماس ضربتها ما تردش وياريت يقول يارب اسرائيل تموت ... كفايه كده !!!
لا طبعا ، طب وافغانستان حيسيبها كده ، مش حيسحب القوات ويسيب طالبان تعمل مابدا لها ويسيب القاعده تكبر قواعدها كمان وكمان ولو كان تمن ده " البرجين " وياعم ماتدقش مافيه في امريكا ميت او الف برج ضربوا واتنين والباقي لسه موجود وجميل !! معقول امريكا تعمل راسها براس برجين !!!
خلاص ياجماعه كده كنتم حتنبسطوا !!!! لا طبعا.... طيب عايزين ايه .... يبقي ضد اليهود !!! بقي ضد اليهود !!! يقول مافيش محرقه !!! مافيش محرقه !!! يقول القدس لا عاصمه ابديه لاسرائيل ولا تدويل القدس انما طبعا يعترف بان القدس عربيه وستين عربيه كمان !!!! كده ياجماعه كنتم حتنبسطوا من اوباما !!!
لاااااااااااااااااااا .... ليه طيب .. ده كده الحاج اوباما بقي عربي اكتر من العرب ومسلم اكتر من المسلمين وقومي اكتر من القوميين وحماسي اكتر من الحماسيين !!!
عايزين ايه تاني !!! لا لسه .... لسه ايه تاني ....... مااعتذرش لينا عن جرائم الاداره السابقه !!! ماقالش بوش مجرم ، ماقالش اسفين اان المحكمه العراقيه اصدرت حكمها باعدام صدام حسين ، ماقالش ان المحكمه العراقيه نفسها تمثيليه بايخه وانه بيعتذر عن دخول العراق واحتلال العراق .... ماقالش انه بيعتذر لمحمد وعبد السلام وابو جمال واحمد وسعد - مين دول - دول الناس اللي عذبهم بوش في جوانتينامو !!! مااعتذرش ليهم نفر نفر ...... طيب ماهو قال حيقفل جوانتينامو ... لا مش كفايه لازم يعتذر !!!
ناس تانيه بقي قالت كلاااااااام كتيييييييير مفاده " كلام اوباما مجرد كلام " لسه معملش حاجه !!! طيب عايزينه يعمل ايه !!! ما يتكلمش لغايه مايعمل !!!!! طيب يعمل ايه وازاي ؟؟؟؟ وحيعمل اي حاجه لوحده !!!! واحنا ايه ميتين مش حنلعب معاه الا لما يثبت ان كلامه مش كلام وبس !!!
وناس تانيه قالت لك " ده بيغازل المسلمين بكلماته " ومافهمتش !!!! الراجل بيقول انه بيحترمنا وبيحترم الاسلام وان وان وان وان ..... لا ده مجرد غزل !!! مرفوض يعني !!! بلاش غزل !!! طيب ماكانش يقول كده !!! كان يسكت !!! كان يقول زي بوش ماقال " صراع الحضارات والحروب الصليبيبه " كده كان بقي تمام لانه مابيغازلش المسلمين ولا حاجه !!!
حد عاقل بقي قال " ده بيراعي مصالح امريكا " هههههههههه تصوروا الجريمه الكبري اللي وقع فيها اوباما " انه بيراعي مصالح امريكا " !!!!!!! ممكن اضحك حبه ، اصل الجو حر قوي قوي !!! ودماغي ساااااااااااحت !!!!!!
ههههههههههههههههههههه ...... اما حوار عبثي رهيب جدا .....
اوباما رئيس امريكا ، مش رئيس مصر ولا قطر ولا السعوديه ولا ماليزيا ولا ايران ، رئيس امريكا ، طبعا لازم يراعي مصالح امريكا لان الناخبين اللي انتخبوه امريكان للاسف وبيهمهم مصالح امريكا ولو اتصرف من وجه نظر المجتمع الامريكي ضد مصلحتهم ااقل واجب معاه حيسقطوه !!! مش بس كده لا هو غالبا امريكي ، اسود اه عيله ابوه من كينيا اه لكن امريكي بيهمه بالاساس مصالح امريكا !!!! عادي يعني !!!
اوباما مسيحي !!! بصرف النظر انه ابوه حسين ولا عيلته مسلمين هو مسيحي !!! لكنه وهو مسيحي لم يتبني خطه صراع الحضارات والحروب الصليبيه بل مد يده قائلا احترام الاسلام والمسلمين وقال القدس عاصمه الاديان الثلاث بدل ما يقول زي كل الناس اللي قالت القدس العاصمه الابديه لاسرائيل ، اوباما حليف اسرائيل مش هو شخصيا يعني لا امريكا لكن قال دوله فلسطينيه لشعب عاني من التشرد من ٦٠ سنه !!!
خلاصه حوار وخطبه اوباما انه " اعترف بحق الاخر في الوجود في الحياه في الارض " والاخر هو " احنا " !!!
لكن الاخر ده مش عاجبه كلامه !!!
خلاص زهقت واتحريت موووووت .............
طيب ممكن اسمع حد منا " من الاخر " يروح امريكا يوجه لهم خطاب ونشوف حيقول ليهم ايه ...
حيقول اليهود اعداء الله ( يبقي مافيش اي اعتراف بالاخر ) ولا حيقولهم انت حبايبنا !!!
حيقول دوله فلسطينيه من البحر للنهر ونرمي اسرائيل في البحر ( يبقي مافيش اخر ) ولا حيقول ( احنا حته وانتم حته ) حيقول حماس مش حتسيب سلاحها لانه فيه احتلال اسرائيلي وحيقول حماس مش حتتفاوض خالص لان اليهود اعداء الله وحيقول حماس من حقها تستخدم العنف لان دي مقاومه مسلحه لكن لو الاحتلال الاسرائيلي رد عليها تبقي جريمه بالاضافه لكل جرايمه (يبقي مافيش اخر ) طيب ما نتفاوض مع حماس لا .. طيب نعمل دولتين لا !!!!
قعدت اتصور واحد منا - من الاخر اللي معجبوش كلام اوباما - يروح امريكا يكلم العالم المسيحي يقول ليهم ايه وهو تحكمه نظره احاديه لا يعترف بحق الاخر في الوجود ولا حق الاخر في الحياه !!!
اوباما اعترف بحق الاخر لانه اتي نتيجه صراع تميزيي عنصري وقوده انكار حق الاخر في الوجود - انكار البيض لحق السود في الوجود - ولانه يعرف الاثار الكارثيه العنيفه التي تنفجر عندما تنكر حق الاخر الذي لن يقبل ذلك الانكار -لانه يعرف ذلك ونتائجه وعاني هو شخصيا منه - قرر ان يعترف بالاخر ويمد له يده......
لكننا لم نتعلم من انكار الاخر ونفيه حتي الان اي دروس ولم نحترق بلهيب انكار الاخر ولم نعاني من نتائج اننا لا نري الا حقوقنا ولا نسمع الا صوتنا ولا نفهم الا لغتنا ... لم نعاني بما فيه الكفايه من ذلك ... لذا لم نفهم معني وقيمه ومضمون خطاب اوباما!!!!!!!
يانهار اسود الجو حار بشكل رهيب ..... والموضوع سخن راسي اكتر واكتر !!!!!!
يامن تطالبون - اوباما او غيره - بالاعتراف بوجودكم ، عليكم ان تعترفوا بوجودهم !!!!!!!!! ولنخرج من اسر الماضي والتاريخ والجغرافيا !!!! او..............................فليكن عندنا من القوه ما يتيح لنا ان نفرض علي الاخرين ما نبغي فرضه لكن اذا امنا بهذا وانتظرنا قوتنا لفرض افكارنا وقناعاتنا ومبادئنا علي الاخرين فلنتوقف عن البكاء والعويل والندب اذا ماقام الاخر باستخدام قوته ضدنا لفرض افكاره وقناعاته ومبادئه .... فاذا كنا سنحتكم للقوه ... فالبقاء للاقوي !!!!!! واذا كنا نؤمن بالحوار فهناك يد ممدوده اليكم ماذا انتم فاعلين !!!!!!!!!!!!!!!
ارجوكم .... كفاكم عويل " ويالهوتي ... ياخرابي " سلاحا وحيدا في مواجهه القوه الغاشمه التي تحطمنا او تتمني وفي مواجهه اليد الممدوده التي ستتعاون معنا او تتمني ... فعويلكم في الحالتين مقرف جداجداجداجدا ...
معنتش حاكتب حاجه ابدا في الحر لان دماغي عاليه جدا من كتر الحراره ..
فبتقول حاجات مفروض ما تقولهاش !!!!!!!!
تصدقوا ..... بجد والله .... حسيت ان الناس زعلت ان اوباما قال اللي قاله ، كان نفسهم يقول نفس كلام بوش ويعمل نفس تصرفات بوش فيبقي عندنا سبب ومبرر نفضل نشتم ونشتم ونشتم ونشتم ... ومن كتر الشتيمه مايبقاش عندنا وقت نعمل اي حاجه تانيه لكن دلوقتي - مفروض بصراحه - نبطل شيتمه - فهيبقي عندنا فراغ ووقت لازم نستفيد منهم بقي في حاجه مهمه واحنا ماعندناش حاجات مهمه فلازم يفضل اوباما زي بوش واحنا زي مااحنا و....... هاتك يالطيم ياصويت يانديب !!!!!!
يالهوتي ياخرابي ......يالهوتي ياخرابي.....يالهوتي ياخرابي.....
يالهوتي ياخرابي.....يالهوتي ياخرابي !!!!!!!!!!!!!!!!
-----------------------------------------------------------------------------
هناك تعليق واحد:
أحييك على كلمة جاءت في هذا المقال يا أميرة..أنا عن نفسي، امتنعت عن متابعة التحليلات أو الآارء التي قيلت وستقال عن الخطاب. الكل يبيع كلاماً..وأفضل حل لهم هو تجاهلم..خطاب أوباما كان رائعاً بحق، بصرف النظر عن النتائج التي يمكن أن يتمخض عنها أو لا.
محمد يوسف
إرسال تعليق