تحذير هام جدا !!!!!!!!!!!!!
اللي مابيشربش سجاير وشايف انها سم وانها بتدمر الصحه وبتسرق الفلوس واللي يحتاجه البيت والجامع وكده يعني ، مايقراش النوت ده ، النوت ده للمدخنين فقط ، ويمكن كمان للمدافعين عن حريات البشر المعاديين للتمييز لاي سبب !!!
القصه ومافيها ان الست " لندن " قررت تقرف ابو ام المدخنين !!!
الاول مافيش تدخين في المطار !!! والمدخين يركبوا الحمير والعربيات او يسافروا بالطيارات بادبهم ومن غير دخان !!!
وبعدين قالك لا ، دي اوربا كلها بتحافظ علي صحه المواطن ، بالجبر والالزام ، مافيش تدخين في المطارات !!! واللي يسافر يقعد خرمان وبراحته يعني !!! ونظريات من ماركه خلو عندكم قوه اراده وعزيمه وشخصيه بالمره وبطلوا تدخين !!!
طيب نستحمل الطياره اللي مافيهاش تدخين ونستحمل المطار اللي مافيهوش تدخين !!!
طبعا التاكسي او المترو او حتي الحمار اللي حينقلك من المطار لاي حته برضه مافيهوش تدخين !!!
خرمان .. وماله خليك خرمان علشان تتعلم الادب !!!
مش عايز تتعلم الادب ، برضه براحتك !!!
برضه مش حتشرب سجاير بالادب بقله الادب بالجبر بالعوووو المهم مافيش سجاير الا في بيتكم !!!
حتي اللوكندات كتير منها مابقاش فيه امكان للمدخنين !!!
اوربا فيها مكان لكل الناس ولكل حاجه الا المدخنين !!!!
ياسلااااااااااااام
الله ، مش هي دي اوربا بتاعت الحريه والمهلبيه وحقوق الانسان !!!
اه حقوق الانسان غير المدخن ، لكن الانسان المدخن المجرم ابن المجرم مالوش حقوق ، ليه ، لان الانسان ده بيدمر نفسه وصحته ، وان كان عليه مش مهم هو يروح في ستين داهيه ، هو كمان بيدمر صحه الانسان اللي مش عايز يدمر صحته !! ده بقي اختراع اسمه المدخن السلبي اخترعوه لينا علشان يقرفونا ، انا ادخن بكيفي وانت تدخن سلبا ،تشم الدخان وتبقي دخنت غصبن عنك |!!! ابدا مش حيحصل ابدا ، اوربا بتدافع عن السلبي اللي مش عايز يبقي مدخن والروح بالدم برضه مافيش تدخين ، طب مالسلبي ده يقعد بعيد ، او بلاش احنا نقعد بعيد !!! لا بالروح بالدم نفديك ياسلبي !!!!
ولاننا عايزين نحافظ علي صحه الانسان اللي مش عايز يدمر صحته !!! التدخين معاه في نفس القاره ممنووووووووع !!!
ده قاره نظيفه من اصدقاء البيئه !!!!!!!!!!! وبيئه نظيفه تساوي قاره اجمل !!!!!! ويلعن ابو المدخنين الشريرين المنحطين الايجابيين اللي عايزين يدمروا صحه السلبيين !!!!
المهم ، نسيبنا من القضايا الفلسفيه العميقه ونخلينا في السجاير
تنزل من التاكسي حضرتك ، تخش مطعم ممنوع التدخين ، تقعد في قهوه ممنوع التدخين !!!
كل اللي مسموح لك به والي حين اشعار اخر ، تدخن في الشارع وفقط !!!!
طيب ياعم الدنيا بتمطر ، احسن يارب يجي لك برد وتموت حد قالك تدخن !!!
طيب ياعم الدنيا صقيع ودرجه الحراره تحت الصفر ، وماله يارب تتجمد حد قالك تدخن !!!
ولان المدخنين ولاد اللذين لا يرتدعون ومابيبطلوش سجاير !!!
تلاقيهم بهوات وهوانم وصيع وحثاله ، كلهم واقفين منهم للسما ، بره المطاعم والكافيهات والفنادق والمحلات وجهات العمل ،كلهم واقفين في الشارع ، في البرد في الصقيع ، تحت المطر ، مش مهم ، كلهم واقفين يدخنوا ورافعين راسهم للسما ، ليه ، علشان يدعوا ربنا القدير ينتقم من اللي بهدلوهم ووقفوهم في الشارع يشربوا سيجاره !!!!
مالك يااوربا !!!! وانت يالندن انت بالذات مالك !!!!!!!
ماكان زمان فيه اماكن للمدخنين واماكن لغير المدخنين !!!
لا كبرت في راسهم بقي ، هي اماكن لغير المدخنين بس
طيب والمدخنين ، انتم مضطهدينا !!! اه مضطهدينكم وان كان عاجبكم !!!
واللي مش عاجبه ، اللي مش عاجبه يشرب السيجاره في الشارع ويكشف راسه لربنا !!!
ياسلام ، ايه الاستبداد ده ، ايه السخف ده ، ايه التحكم القراقوشي ده ، فيه ناس مدخنين وناس غير مدخنين !!! البشر من زوايه التدخين نوعين ، مدخنين وغير مدخنين !!! عادي زي كل حاجه في الدنيا !!! بشر عاديه لابتعض ولا بتهوهو ولا بتجري ورا اللي مش مدخنين تحدفهم بالطوب !!! انتم بقي بتحدفونا بالطوب ليه !!!!
وكلنا امام الدستور والقانون والوطن اصحاب حقوق واحده قانونيه وشرعيه وتدخينيه !!!
هما ما نقدرش نغصبهم يشربوا سجاير ، واحنا برضه احرار !!! احرار في اي حته ، مش احرار في الشارع وبس !!!
اما مصيبه والله !!!
هو التدخين بقي جريمه يامنززززززززز ؟؟؟
ليه فجأ اوربا قامت وهاجت علي التدخين والمدخنين !!!!
وبعدين مش انتم برضوا اللي بتصنعوا السجاير وبتبيعهوها في بلادكم في السوق الحره والسوق المحبوسه وكل الاسواق
طيب مالكم بقي ، يعني اشتري علبه السجاير وادفع لكم فلوس ومصانعكم شغاله وعمالكم بيقبضوا وانا ، انا اللي دفعت كل الفلوس دي ، اشرب السيجاره في الشارع !!!! ياسلام علي الديكتاتوريه !!!!
ياسلام علي ازدواج المعايير !!!!
ياسلام علي السخافه !!!
ياسلام لما القانون يبقي ظالم ومفتري وضد حقوق الانسان ويمشي علي دماغ الناس كلها بالجزمه !!!
قالك ايه
قالك احنا كنا بنحاصرهم علشان ييبطلوا تدخين !!!!
احمدك يارب انكم مابتقبضوش علينا لغايه مانتوب ونبطل !!!
وتودونا معسكرات الاعتقال زي هتلر او المزراع الجماعيه زي ماوتسي تونج او اوضه الفيران زي ابله فتحيه !!!
وتحاصرونا ليه ، هو احنا قوات هلتر في الحرب العالميه الثانيه ، مطلوب الانتصار علينا !!!
وبعدين هو احنا مش متنينلن احرار ولا ايه !!!
ولا انت من الاحرار ياعلي بس وانت مابتشربش سجاير !!!
انما ياعلي لو شربت سجاير تبقي مش من الاحرار ولانيله تبقي قاصر ومالكش اراده وزفت وايجابي وبتأذي السلبي اللي كل اوربا بتفديه بالروح بالدم !!!
وخلاص بقت السجاير يع !!! كخ !!! الناس تلاقيك بتشرب سيجاره تبص لك من فوق وتحت !!! يع جدا يع خااااااااااااااااااالص !!!
وطبعا لو حد اتهف في راسه وشرب سيجاره في الاماكن الممنوعه ، تلاقي البوليس والبلديه والاسعاف ويمكن الامن المركزي كله بيجري وراك وانت مدخن مجرم ابن مجرم !!!
زي مايكون البوليس بتاعهم ماعندوش حاجه يعملها !!!!
ماعلينا
انا شخصيا باكره اوربا !!! المستبده الظالمه بتاع حقوق الحيوانات والدرافيل والتعالب
اللي هارينا كلام عن حقوق الانسان وحقوق الحيوان وحقوق الكلب ابن الكلب !!!
ومهتمه بكل الحقوق وكل الحريات الا المدخنين !!! المدخنين عليهم لعنه اوربا نفر نفر !!!!!!!!!!
باكره اوربا !!!! اللي بتضطهدني !!!
وانا موتي وسمي حد يضطهدني !!!!
اضطهاد ده ولا مش اضطهاد ؟؟؟؟؟؟؟؟؟؟؟؟؟؟؟؟؟
انت حافظوا علي صحتكم وااقعدوا في اماكن معقمه وبيئه في منتهي النظافه !!!
واحنا نشرب سجاير علي جنب ، ورا الستاره ، ساعات كان بيحطوا امكان التدخين جنب الحمام !!! يعني كله تكدير في تكدير !!!
يااوربا .......... طظ فيك !!!
وباكرهك ياست اوربا انا حره في مشاعري !!!
ولاايه
برضه ده مافيهوش حريه !!!!!!!!!!!!!!!!!!!!!!!! علي فكره انا باتكلم جد جدا مش باهيس
اللي بيحصل ده اضطهاد اضطهاد اضطهاد !!!
وبالحنجوري اكتر ( تمييز ضد المدخنين تنهي عنه كل الدساتير ومواثيق الامم المتحده )!!!!!!!!!!!
يعني كلام جد جدا !!!!
اللي مابيشربش سجاير وشايف انها سم وانها بتدمر الصحه وبتسرق الفلوس واللي يحتاجه البيت والجامع وكده يعني ، مايقراش النوت ده ، النوت ده للمدخنين فقط ، ويمكن كمان للمدافعين عن حريات البشر المعاديين للتمييز لاي سبب !!!
القصه ومافيها ان الست " لندن " قررت تقرف ابو ام المدخنين !!!
الاول مافيش تدخين في المطار !!! والمدخين يركبوا الحمير والعربيات او يسافروا بالطيارات بادبهم ومن غير دخان !!!
وبعدين قالك لا ، دي اوربا كلها بتحافظ علي صحه المواطن ، بالجبر والالزام ، مافيش تدخين في المطارات !!! واللي يسافر يقعد خرمان وبراحته يعني !!! ونظريات من ماركه خلو عندكم قوه اراده وعزيمه وشخصيه بالمره وبطلوا تدخين !!!
طيب نستحمل الطياره اللي مافيهاش تدخين ونستحمل المطار اللي مافيهوش تدخين !!!
طبعا التاكسي او المترو او حتي الحمار اللي حينقلك من المطار لاي حته برضه مافيهوش تدخين !!!
خرمان .. وماله خليك خرمان علشان تتعلم الادب !!!
مش عايز تتعلم الادب ، برضه براحتك !!!
برضه مش حتشرب سجاير بالادب بقله الادب بالجبر بالعوووو المهم مافيش سجاير الا في بيتكم !!!
حتي اللوكندات كتير منها مابقاش فيه امكان للمدخنين !!!
اوربا فيها مكان لكل الناس ولكل حاجه الا المدخنين !!!!
ياسلااااااااااااام
الله ، مش هي دي اوربا بتاعت الحريه والمهلبيه وحقوق الانسان !!!
اه حقوق الانسان غير المدخن ، لكن الانسان المدخن المجرم ابن المجرم مالوش حقوق ، ليه ، لان الانسان ده بيدمر نفسه وصحته ، وان كان عليه مش مهم هو يروح في ستين داهيه ، هو كمان بيدمر صحه الانسان اللي مش عايز يدمر صحته !! ده بقي اختراع اسمه المدخن السلبي اخترعوه لينا علشان يقرفونا ، انا ادخن بكيفي وانت تدخن سلبا ،تشم الدخان وتبقي دخنت غصبن عنك |!!! ابدا مش حيحصل ابدا ، اوربا بتدافع عن السلبي اللي مش عايز يبقي مدخن والروح بالدم برضه مافيش تدخين ، طب مالسلبي ده يقعد بعيد ، او بلاش احنا نقعد بعيد !!! لا بالروح بالدم نفديك ياسلبي !!!!
ولاننا عايزين نحافظ علي صحه الانسان اللي مش عايز يدمر صحته !!! التدخين معاه في نفس القاره ممنووووووووع !!!
ده قاره نظيفه من اصدقاء البيئه !!!!!!!!!!! وبيئه نظيفه تساوي قاره اجمل !!!!!! ويلعن ابو المدخنين الشريرين المنحطين الايجابيين اللي عايزين يدمروا صحه السلبيين !!!!
المهم ، نسيبنا من القضايا الفلسفيه العميقه ونخلينا في السجاير
تنزل من التاكسي حضرتك ، تخش مطعم ممنوع التدخين ، تقعد في قهوه ممنوع التدخين !!!
كل اللي مسموح لك به والي حين اشعار اخر ، تدخن في الشارع وفقط !!!!
طيب ياعم الدنيا بتمطر ، احسن يارب يجي لك برد وتموت حد قالك تدخن !!!
طيب ياعم الدنيا صقيع ودرجه الحراره تحت الصفر ، وماله يارب تتجمد حد قالك تدخن !!!
ولان المدخنين ولاد اللذين لا يرتدعون ومابيبطلوش سجاير !!!
تلاقيهم بهوات وهوانم وصيع وحثاله ، كلهم واقفين منهم للسما ، بره المطاعم والكافيهات والفنادق والمحلات وجهات العمل ،كلهم واقفين في الشارع ، في البرد في الصقيع ، تحت المطر ، مش مهم ، كلهم واقفين يدخنوا ورافعين راسهم للسما ، ليه ، علشان يدعوا ربنا القدير ينتقم من اللي بهدلوهم ووقفوهم في الشارع يشربوا سيجاره !!!!
مالك يااوربا !!!! وانت يالندن انت بالذات مالك !!!!!!!
ماكان زمان فيه اماكن للمدخنين واماكن لغير المدخنين !!!
لا كبرت في راسهم بقي ، هي اماكن لغير المدخنين بس
طيب والمدخنين ، انتم مضطهدينا !!! اه مضطهدينكم وان كان عاجبكم !!!
واللي مش عاجبه ، اللي مش عاجبه يشرب السيجاره في الشارع ويكشف راسه لربنا !!!
ياسلام ، ايه الاستبداد ده ، ايه السخف ده ، ايه التحكم القراقوشي ده ، فيه ناس مدخنين وناس غير مدخنين !!! البشر من زوايه التدخين نوعين ، مدخنين وغير مدخنين !!! عادي زي كل حاجه في الدنيا !!! بشر عاديه لابتعض ولا بتهوهو ولا بتجري ورا اللي مش مدخنين تحدفهم بالطوب !!! انتم بقي بتحدفونا بالطوب ليه !!!!
وكلنا امام الدستور والقانون والوطن اصحاب حقوق واحده قانونيه وشرعيه وتدخينيه !!!
هما ما نقدرش نغصبهم يشربوا سجاير ، واحنا برضه احرار !!! احرار في اي حته ، مش احرار في الشارع وبس !!!
اما مصيبه والله !!!
هو التدخين بقي جريمه يامنززززززززز ؟؟؟
ليه فجأ اوربا قامت وهاجت علي التدخين والمدخنين !!!!
وبعدين مش انتم برضوا اللي بتصنعوا السجاير وبتبيعهوها في بلادكم في السوق الحره والسوق المحبوسه وكل الاسواق
طيب مالكم بقي ، يعني اشتري علبه السجاير وادفع لكم فلوس ومصانعكم شغاله وعمالكم بيقبضوا وانا ، انا اللي دفعت كل الفلوس دي ، اشرب السيجاره في الشارع !!!! ياسلام علي الديكتاتوريه !!!!
ياسلام علي ازدواج المعايير !!!!
ياسلام علي السخافه !!!
ياسلام لما القانون يبقي ظالم ومفتري وضد حقوق الانسان ويمشي علي دماغ الناس كلها بالجزمه !!!
قالك ايه
قالك احنا كنا بنحاصرهم علشان ييبطلوا تدخين !!!!
احمدك يارب انكم مابتقبضوش علينا لغايه مانتوب ونبطل !!!
وتودونا معسكرات الاعتقال زي هتلر او المزراع الجماعيه زي ماوتسي تونج او اوضه الفيران زي ابله فتحيه !!!
وتحاصرونا ليه ، هو احنا قوات هلتر في الحرب العالميه الثانيه ، مطلوب الانتصار علينا !!!
وبعدين هو احنا مش متنينلن احرار ولا ايه !!!
ولا انت من الاحرار ياعلي بس وانت مابتشربش سجاير !!!
انما ياعلي لو شربت سجاير تبقي مش من الاحرار ولانيله تبقي قاصر ومالكش اراده وزفت وايجابي وبتأذي السلبي اللي كل اوربا بتفديه بالروح بالدم !!!
وخلاص بقت السجاير يع !!! كخ !!! الناس تلاقيك بتشرب سيجاره تبص لك من فوق وتحت !!! يع جدا يع خااااااااااااااااااالص !!!
وطبعا لو حد اتهف في راسه وشرب سيجاره في الاماكن الممنوعه ، تلاقي البوليس والبلديه والاسعاف ويمكن الامن المركزي كله بيجري وراك وانت مدخن مجرم ابن مجرم !!!
زي مايكون البوليس بتاعهم ماعندوش حاجه يعملها !!!!
ماعلينا
انا شخصيا باكره اوربا !!! المستبده الظالمه بتاع حقوق الحيوانات والدرافيل والتعالب
اللي هارينا كلام عن حقوق الانسان وحقوق الحيوان وحقوق الكلب ابن الكلب !!!
ومهتمه بكل الحقوق وكل الحريات الا المدخنين !!! المدخنين عليهم لعنه اوربا نفر نفر !!!!!!!!!!
باكره اوربا !!!! اللي بتضطهدني !!!
وانا موتي وسمي حد يضطهدني !!!!
اضطهاد ده ولا مش اضطهاد ؟؟؟؟؟؟؟؟؟؟؟؟؟؟؟؟؟
انت حافظوا علي صحتكم وااقعدوا في اماكن معقمه وبيئه في منتهي النظافه !!!
واحنا نشرب سجاير علي جنب ، ورا الستاره ، ساعات كان بيحطوا امكان التدخين جنب الحمام !!! يعني كله تكدير في تكدير !!!
يااوربا .......... طظ فيك !!!
وباكرهك ياست اوربا انا حره في مشاعري !!!
ولاايه
برضه ده مافيهوش حريه !!!!!!!!!!!!!!!!!!!!!!!! علي فكره انا باتكلم جد جدا مش باهيس
اللي بيحصل ده اضطهاد اضطهاد اضطهاد !!!
وبالحنجوري اكتر ( تمييز ضد المدخنين تنهي عنه كل الدساتير ومواثيق الامم المتحده )!!!!!!!!!!!
يعني كلام جد جدا !!!!
هناك تعليق واحد:
ببساطة هو تطبيق لمبدأ :
"من تحبه وده و من تكرهه إبحث له"
و هنا أشرت الى نقطة في غاية الأهمية و هي الجمعيات الغير حكومية و كيفية عملها حسب التوجه المراد له حتى لو تناقضت مع نفسها
إرسال تعليق