علي راي خالد الذكر اسماعيل يسين ، اسمعوا واعووووووووا ..
انا جايه اكلمكم في موضوع خطير جدا النهارده !!
وقصدي طبعا الخير والمصلحه !!!
عملا بشعار ( اللي ياكل لوحده يزور !!!! )
بس قبل ماانشر الخير احب اسالكم سؤال تمهيدي لشحذ العقل واثاره الهمم !!
انا مش عارفه هي كلمه ( تصويت ) بقت كلمه بذئيه او ابيحه من ورايا ولا حاجه ؟؟؟!!!
اصل انا اخر عهدي بيها زمان ، انها كانت كلمه عاديه ، ممكن ولاد الناس وولاد الشوارع يستخدموها من غير اي غضاضه !!!
لا وزمان كمان ، كان بيسمحوا للستات والبنات ربيبات العائلات الراقيه انهم يستخدموها برضه !!!
وكانت زمان بتتكتب عادي خالص ، لاحد يقول ايه قله الادب دي ولاحد يقول ايه قله الثقافه دي !!!
عادي يعني ، تصويت تصويت تصويت !!! كلمه عاديه لابتعض ولا بتخربش ولا بتقف في الزور !!!
هي كمان كلمه ليست من الكلمات التي درج ابناء الطبقات الراقيه علي اعتبارها من كلمات ابناء الطبقات الواطيه والمنحطه في المجتمع حتي يتجنبوها ويعاقبوا من يقولها او يرددها !!!
مش بس كده ، لا ده دلوقتي ، اولاد الطبقات اللي معتبره روحها راقيه ، قرروا تمردا علي القواعد الصارمه للتربيه ، انهم يستخدموا كل الكلمات والالفاظ المنحطه متباهيين بقله ادبهم باعتبارهم ( cooooooooooool ) وعادي ( كبر ياman ) !!!!
الله .... طيب ايه مشكله كلمه ( تصويت ) دي !!!
مين قال ان فيها مشكله ، انا اللي بقول ، وحاشرح حالا ايه مشكلتها !!!!
بس ارجع اشحذ العقل واثير الهمم واسال ؟؟؟؟
هل صدرت اوامر سياسيه عليا بعدم استخدام تلك الكلمه ، باعتبارها مثيره للشجون ، لانها تذكر بعض الناس من ذوي الميول الاكتئابيه بموضوع الانتخابات والتزوير وشراء الاصوات .... الي اخر تلك الذكريات السياسيه المؤلمه !!!!
غالبا لا ، لان كلمه تصويت يعني تختار من تريده من بين مجموعه ، لكن لايعني ان من تختاره سينجح او حيطلع الاول ، اذن عادي جدا لاتوجد محاذير سياسيه علي استخدام تلك الكلمه ولا يطبق قانون الطواريء علي من يستخدمها !!!!
فل جدا ............... فين المشكله بقي !!!!
ليه باسأل ، لان اذاعات الاغاني ( الاف امية ) قرروا يستبدلوا تلك الكلمه الابيحه او البذئيه بكلمه ( vote) !!!
يعني لما تيجي مذيعه معووجه اللسان او مذيع لسانه فرانكو اراب ، يتكلم عن مجموعه اغاني ويطلب من الجمهور يختار احسنهم او افضلهم ، بدل مالمذيعه او المذيع يقول للجمهور ( صوتوا ) للاغنيه يقولوا ( ابعتو لينا vote ) !!!
تفتكروا المذيعه ام لسان معووج او المذيع ابو لسان فرانكوا اراب ، خايفيين الجمهور الجاهل اللي بيسمعهم يفهم كلمه ( صوتوا ) بمعني (يالهوتي ياخرابي يالهوتي ياخرابي ) حسب " صويت " خالد الذكر سيد زيان في مسرحيه سيدتي الجميله ، فاخترعوا كلمه ( vote) بدلا منها باعتبار ان جمهور الاذاعات المعنيه لايفهم في اللغه العربيه للدرجه التي يرد الفعل لمصدره ( صوت صويت - يالهوتي ياخرابي) او ( صوت تصويت - مين احسن ) انما خبير وضليع في اللغات الحيه وغير الحية فسيفهم كلمه ( vote) بشكل سهل وبسيط وعادي !!!!
الا بجد صحيح ، ليه بيقولوا كلمه ( vote) بدل من كلمه ( صوتوا ) ؟؟؟؟!!!
جايز الايقاع السمعي للكلمه الانجليزيه اجمل في الودن من الكلمه العربيه وطبعا كلكم عارفين ان ودننا موسيقيه جدا لدرجه انها ياحرام بتقشعر من صخب كلمه ( صوتوا ) وبتطير وتهفف من رقه وحنان كلمه ( vote ) بالذات لما تتقال والواحد معووج كده وكله فخر وزهو انه بيعرف يتكلم انجليزي يامرسي !!!!
جايز برضه الكلمه العربيه مثيره للاحزان والشجون لانها بتفكر الشعب بالعباره التاريخيه الشهيره ( غطيني ياصفيه وصوتي ) او بتفكروه ببدايه وصله الردح الشعبيه ( صوتوا عليك بدري يابعيد ) !!!
جايزه وهو الارجح ان اللغه العربيه دمها تقيل ، الحقيقه هي دمها تقيل فعلا ، ايش جاب لجاب ( vote ) بالذمه زي (صوتوا ) ، طب حسوها كده (voooootttttteeee ) ولا ( صووووووووووتووووووا ) !!!
اللغه العربيه بصراحه بصراحه دمها تقيل و كلمه "صوتوا" دمها اتقل !!! وعليه صدر فرمان من موجه ( اف . ام ) بمحطاتها الغنائيه بحذر استخدام تلك الكلمه كبدايه لثوره لغويه عظيمه تلقي باللغه العربيه ام دم تقيل هي واصحابها في الزباله واستبدالها بخليط هجين من الكلمات الفرانكواراب ، ذات الجرس الموسيقي البديع واللسان المعووج والمياصه الفطريه واثاره الخيال بالتحليق في عوالم اجنبيه اصبح التشبه بهم ممكن وقريبا وطريق الالف ميل يبدأ ب ( vote ) وعلينا دائما ان نعيد الفضل لاصحابه ونمنحهم اكاليل الفخر التي يستحقوها ، المحطات الغنائيه لموجه ( اف ، ام ) هي التي بدأت الثوره الفرانكوارابيه الجديده .....
وباي باي اللغه العربيه ام دم تقيل واهلا اهلا او ( welcome welcome ) للغه الفراكوارابيه الجديده !!!!
المصيبه السودا ، ان نص او تلت اربع المذيعيين والمذيعات معووجيين اللسان ، اللي بيتكلموا فرانكوا اراب علي عربيزي وبيتعالوا علي اللغه العربيه ام دم تقيل ، المصيبه ان طريقه نطقهم ( بلدي اوي وبيئه اوي ) وبعضهم احيانا بيقولوا علي (p ) ( b ) والعكس بالعكس وخليك ( peace ya man ) وماتدقش علي الهايفه وكله محصل بعضه ، وبعضهم مابيعرفش اساسا انجليزي خالص يامرسي ، لكن تقول ايه بقي في الالاطه والاستظراف !!!!
ماعلينا .............. انتم حبايبي وامركم يهمني !!!
حبيت انبهكم بس ان كلمه ( صوتوا ) كلمه ياي ياي ياي ، محدش منكم يستخدمها تاني لاحسن حيقولوا عليه ياي ياي ياي!!!والموضه الجديده 2010 ومابعدها هو كلمه ( vote) ، واللي حيقول ( vote ) وهو عاوج ال ( lips وال mouth ) بتوعه يبقي ( كوووووووول - cooooooooooool ) طحن ومايبقاش ( ياي ياي ياي ) ولا اي حاجه !!!!!
وبما انكم حبايبي ..... وامركم يهمني ..... وصورتكم الفراكوارابيه تهمني جدا جدا !!!احب ااقول لكم حاجه مهمه كمان !!!!! اصل نسيت اقولكم اني باسمع الاذاعات الغنائيه لموجات الاف امية كتير جدا ، ليه ، لان مشواري طويل ، فبفتح الراديو ، واقعد طول الطريق اسمع الدروس اللغويه الراقيه اللي المذيعيين ام بق معووج ولسان فراكنوارابي بيدهوها لينا احنا المستمعين طول الوقت ....
كنا زماااااااااااان ايام اللغه العربيه لما كان طه حسين بيسميها لغتنا الجميله ، كنا نقول المطرب او المطربه طلع شريط جديد !!! وممكن طبعا نقول اسطوانه !!! هههههههههههه ، ده كان زمااااااان ، دلوقتي اللغه العربيه ماهياش لغه جميله ولا حاجه ، لا دمها تقيل ، ولابد من مواكبه العصر والعولمه والنظام العالمي الجديد واي كلام تخين كده ، فدلوقتي اللي يقول (شريط او اسطوانه ) يبقي برضه ياي ياي ياي!!
ااقولكم تقولوا ايه وتدعوا لي !!!! تقولوا ( album) ...
تقولوا المطرب الفلاني طلع ( album ) جديد !!!
واوعي تقولوها بطريقه فلاحييني ، لا لازم تقولوها بطريقه ( album ) ازاي ؟؟؟ تفتحوا بقكم علي الاخر وانت بتقولوها ، تحطوا عليها نص كيلو ( فتحه ) ........... قولوا كده ...( album ) ... ايوه كده مظبوط ....!!
ولاني باحبكم جداااااااااا .. ولاني باتعلم بسرعه من هذه الاذاعات ، عرفت ايه الاستخدامات العظيمه لتلك الكلمه الجميله (album ) !!!!
مثلا ... نقول للمطرب او المطربه ( ايه مش حتقولي لينا ايه اخر اخبار ال ( album ) اللي ناويه تطلعيه ) !!!
ممكن كمان .... نقول للمطرب او المطربه ( الف مبروك علي ال ( album ) الجديد اللي طلعتيه ده مكسر الدنيا )!!!
لا حاقول لكم حاجه مهمه كمان ...
دي كلمه ممكن نقولها للملحن او مؤلف الاغاني ، يعني مثلا ( الحانك في (album)كانت تحفه ) !!!
او ( كلمات ال ( album )بتاع المطربه فلانه فزيعه فزيعه فزيعه !!!! ) ....
اوعي تكون زيي فلاح وبيئه ومن بتوع زمااااااااان وتتلخبط في الاول وتفهم ان كلمه ( album ) اللي بيقولوها يقصدوها بيها ( البوم صور ) لا .... البوم صور دي كلمه عربي بيئه وعمرهم مايقولوها علي لسانهم المعووج ابدا !!! هما لما بيقولوها ، بيقصدوا بيها ( شريط او اسطوانه ) لكن طبعا مابيستخدموش الكلام الواطي بتاعنا ده ، لا بيستخدموا الكلمه العظيمه ( album ) عليها نص كيلو (فتحه) من بتاعت اللغه العربيه فيبقي الكلام ( cooooool ) والاذاعه (cooooooool) والمذيع والمذيعه اخر ( coooool ) جدا خالص !!!!
اسيبكم بقي دلوقتي .....................وكفايه عليكم كده !!!
لكن اوعدكم ، كل مااعرف كلمه ( فزيعه ) من اللي بيستخدموها حاجي جري اقولكم عليها !!!
منها ينوبني فيكم ثواب !!!!
ومنها اساعد في نشر المعارف العظيمه التي تبثها الينا الاذاعات الغنائيه الاف امية !!!!
بااااااااااااااااااي !!! ( انا باقولها طبعا بلسان معوووووووج ، علشان اثبت لكم اني كل يوم باتحسن عن اليوم اللي قبله وعقبالكم كلكم ) ...
باااااااااااااااااااااااااي ( برضه عليها نص كيلو فتحه من بتاعت اللغه العربيه ام دم تقيل ) ............
بااااااااااااااااااااااااااااااااي .....
انا جايه اكلمكم في موضوع خطير جدا النهارده !!
وقصدي طبعا الخير والمصلحه !!!
عملا بشعار ( اللي ياكل لوحده يزور !!!! )
بس قبل ماانشر الخير احب اسالكم سؤال تمهيدي لشحذ العقل واثاره الهمم !!
انا مش عارفه هي كلمه ( تصويت ) بقت كلمه بذئيه او ابيحه من ورايا ولا حاجه ؟؟؟!!!
اصل انا اخر عهدي بيها زمان ، انها كانت كلمه عاديه ، ممكن ولاد الناس وولاد الشوارع يستخدموها من غير اي غضاضه !!!
لا وزمان كمان ، كان بيسمحوا للستات والبنات ربيبات العائلات الراقيه انهم يستخدموها برضه !!!
وكانت زمان بتتكتب عادي خالص ، لاحد يقول ايه قله الادب دي ولاحد يقول ايه قله الثقافه دي !!!
عادي يعني ، تصويت تصويت تصويت !!! كلمه عاديه لابتعض ولا بتخربش ولا بتقف في الزور !!!
هي كمان كلمه ليست من الكلمات التي درج ابناء الطبقات الراقيه علي اعتبارها من كلمات ابناء الطبقات الواطيه والمنحطه في المجتمع حتي يتجنبوها ويعاقبوا من يقولها او يرددها !!!
مش بس كده ، لا ده دلوقتي ، اولاد الطبقات اللي معتبره روحها راقيه ، قرروا تمردا علي القواعد الصارمه للتربيه ، انهم يستخدموا كل الكلمات والالفاظ المنحطه متباهيين بقله ادبهم باعتبارهم ( cooooooooooool ) وعادي ( كبر ياman ) !!!!
الله .... طيب ايه مشكله كلمه ( تصويت ) دي !!!
مين قال ان فيها مشكله ، انا اللي بقول ، وحاشرح حالا ايه مشكلتها !!!!
بس ارجع اشحذ العقل واثير الهمم واسال ؟؟؟؟
هل صدرت اوامر سياسيه عليا بعدم استخدام تلك الكلمه ، باعتبارها مثيره للشجون ، لانها تذكر بعض الناس من ذوي الميول الاكتئابيه بموضوع الانتخابات والتزوير وشراء الاصوات .... الي اخر تلك الذكريات السياسيه المؤلمه !!!!
غالبا لا ، لان كلمه تصويت يعني تختار من تريده من بين مجموعه ، لكن لايعني ان من تختاره سينجح او حيطلع الاول ، اذن عادي جدا لاتوجد محاذير سياسيه علي استخدام تلك الكلمه ولا يطبق قانون الطواريء علي من يستخدمها !!!!
فل جدا ............... فين المشكله بقي !!!!
ليه باسأل ، لان اذاعات الاغاني ( الاف امية ) قرروا يستبدلوا تلك الكلمه الابيحه او البذئيه بكلمه ( vote) !!!
يعني لما تيجي مذيعه معووجه اللسان او مذيع لسانه فرانكو اراب ، يتكلم عن مجموعه اغاني ويطلب من الجمهور يختار احسنهم او افضلهم ، بدل مالمذيعه او المذيع يقول للجمهور ( صوتوا ) للاغنيه يقولوا ( ابعتو لينا vote ) !!!
تفتكروا المذيعه ام لسان معووج او المذيع ابو لسان فرانكوا اراب ، خايفيين الجمهور الجاهل اللي بيسمعهم يفهم كلمه ( صوتوا ) بمعني (يالهوتي ياخرابي يالهوتي ياخرابي ) حسب " صويت " خالد الذكر سيد زيان في مسرحيه سيدتي الجميله ، فاخترعوا كلمه ( vote) بدلا منها باعتبار ان جمهور الاذاعات المعنيه لايفهم في اللغه العربيه للدرجه التي يرد الفعل لمصدره ( صوت صويت - يالهوتي ياخرابي) او ( صوت تصويت - مين احسن ) انما خبير وضليع في اللغات الحيه وغير الحية فسيفهم كلمه ( vote) بشكل سهل وبسيط وعادي !!!!
الا بجد صحيح ، ليه بيقولوا كلمه ( vote) بدل من كلمه ( صوتوا ) ؟؟؟؟!!!
جايز الايقاع السمعي للكلمه الانجليزيه اجمل في الودن من الكلمه العربيه وطبعا كلكم عارفين ان ودننا موسيقيه جدا لدرجه انها ياحرام بتقشعر من صخب كلمه ( صوتوا ) وبتطير وتهفف من رقه وحنان كلمه ( vote ) بالذات لما تتقال والواحد معووج كده وكله فخر وزهو انه بيعرف يتكلم انجليزي يامرسي !!!!
جايز برضه الكلمه العربيه مثيره للاحزان والشجون لانها بتفكر الشعب بالعباره التاريخيه الشهيره ( غطيني ياصفيه وصوتي ) او بتفكروه ببدايه وصله الردح الشعبيه ( صوتوا عليك بدري يابعيد ) !!!
جايزه وهو الارجح ان اللغه العربيه دمها تقيل ، الحقيقه هي دمها تقيل فعلا ، ايش جاب لجاب ( vote ) بالذمه زي (صوتوا ) ، طب حسوها كده (voooootttttteeee ) ولا ( صووووووووووتووووووا ) !!!
اللغه العربيه بصراحه بصراحه دمها تقيل و كلمه "صوتوا" دمها اتقل !!! وعليه صدر فرمان من موجه ( اف . ام ) بمحطاتها الغنائيه بحذر استخدام تلك الكلمه كبدايه لثوره لغويه عظيمه تلقي باللغه العربيه ام دم تقيل هي واصحابها في الزباله واستبدالها بخليط هجين من الكلمات الفرانكواراب ، ذات الجرس الموسيقي البديع واللسان المعووج والمياصه الفطريه واثاره الخيال بالتحليق في عوالم اجنبيه اصبح التشبه بهم ممكن وقريبا وطريق الالف ميل يبدأ ب ( vote ) وعلينا دائما ان نعيد الفضل لاصحابه ونمنحهم اكاليل الفخر التي يستحقوها ، المحطات الغنائيه لموجه ( اف ، ام ) هي التي بدأت الثوره الفرانكوارابيه الجديده .....
وباي باي اللغه العربيه ام دم تقيل واهلا اهلا او ( welcome welcome ) للغه الفراكوارابيه الجديده !!!!
المصيبه السودا ، ان نص او تلت اربع المذيعيين والمذيعات معووجيين اللسان ، اللي بيتكلموا فرانكوا اراب علي عربيزي وبيتعالوا علي اللغه العربيه ام دم تقيل ، المصيبه ان طريقه نطقهم ( بلدي اوي وبيئه اوي ) وبعضهم احيانا بيقولوا علي (p ) ( b ) والعكس بالعكس وخليك ( peace ya man ) وماتدقش علي الهايفه وكله محصل بعضه ، وبعضهم مابيعرفش اساسا انجليزي خالص يامرسي ، لكن تقول ايه بقي في الالاطه والاستظراف !!!!
ماعلينا .............. انتم حبايبي وامركم يهمني !!!
حبيت انبهكم بس ان كلمه ( صوتوا ) كلمه ياي ياي ياي ، محدش منكم يستخدمها تاني لاحسن حيقولوا عليه ياي ياي ياي!!!والموضه الجديده 2010 ومابعدها هو كلمه ( vote) ، واللي حيقول ( vote ) وهو عاوج ال ( lips وال mouth ) بتوعه يبقي ( كوووووووول - cooooooooooool ) طحن ومايبقاش ( ياي ياي ياي ) ولا اي حاجه !!!!!
وبما انكم حبايبي ..... وامركم يهمني ..... وصورتكم الفراكوارابيه تهمني جدا جدا !!!احب ااقول لكم حاجه مهمه كمان !!!!! اصل نسيت اقولكم اني باسمع الاذاعات الغنائيه لموجات الاف امية كتير جدا ، ليه ، لان مشواري طويل ، فبفتح الراديو ، واقعد طول الطريق اسمع الدروس اللغويه الراقيه اللي المذيعيين ام بق معووج ولسان فراكنوارابي بيدهوها لينا احنا المستمعين طول الوقت ....
كنا زماااااااااااان ايام اللغه العربيه لما كان طه حسين بيسميها لغتنا الجميله ، كنا نقول المطرب او المطربه طلع شريط جديد !!! وممكن طبعا نقول اسطوانه !!! هههههههههههه ، ده كان زمااااااان ، دلوقتي اللغه العربيه ماهياش لغه جميله ولا حاجه ، لا دمها تقيل ، ولابد من مواكبه العصر والعولمه والنظام العالمي الجديد واي كلام تخين كده ، فدلوقتي اللي يقول (شريط او اسطوانه ) يبقي برضه ياي ياي ياي!!
ااقولكم تقولوا ايه وتدعوا لي !!!! تقولوا ( album) ...
تقولوا المطرب الفلاني طلع ( album ) جديد !!!
واوعي تقولوها بطريقه فلاحييني ، لا لازم تقولوها بطريقه ( album ) ازاي ؟؟؟ تفتحوا بقكم علي الاخر وانت بتقولوها ، تحطوا عليها نص كيلو ( فتحه ) ........... قولوا كده ...( album ) ... ايوه كده مظبوط ....!!
ولاني باحبكم جداااااااااا .. ولاني باتعلم بسرعه من هذه الاذاعات ، عرفت ايه الاستخدامات العظيمه لتلك الكلمه الجميله (album ) !!!!
مثلا ... نقول للمطرب او المطربه ( ايه مش حتقولي لينا ايه اخر اخبار ال ( album ) اللي ناويه تطلعيه ) !!!
ممكن كمان .... نقول للمطرب او المطربه ( الف مبروك علي ال ( album ) الجديد اللي طلعتيه ده مكسر الدنيا )!!!
لا حاقول لكم حاجه مهمه كمان ...
دي كلمه ممكن نقولها للملحن او مؤلف الاغاني ، يعني مثلا ( الحانك في (album)كانت تحفه ) !!!
او ( كلمات ال ( album )بتاع المطربه فلانه فزيعه فزيعه فزيعه !!!! ) ....
اوعي تكون زيي فلاح وبيئه ومن بتوع زمااااااااان وتتلخبط في الاول وتفهم ان كلمه ( album ) اللي بيقولوها يقصدوها بيها ( البوم صور ) لا .... البوم صور دي كلمه عربي بيئه وعمرهم مايقولوها علي لسانهم المعووج ابدا !!! هما لما بيقولوها ، بيقصدوا بيها ( شريط او اسطوانه ) لكن طبعا مابيستخدموش الكلام الواطي بتاعنا ده ، لا بيستخدموا الكلمه العظيمه ( album ) عليها نص كيلو (فتحه) من بتاعت اللغه العربيه فيبقي الكلام ( cooooool ) والاذاعه (cooooooool) والمذيع والمذيعه اخر ( coooool ) جدا خالص !!!!
اسيبكم بقي دلوقتي .....................وكفايه عليكم كده !!!
لكن اوعدكم ، كل مااعرف كلمه ( فزيعه ) من اللي بيستخدموها حاجي جري اقولكم عليها !!!
منها ينوبني فيكم ثواب !!!!
ومنها اساعد في نشر المعارف العظيمه التي تبثها الينا الاذاعات الغنائيه الاف امية !!!!
بااااااااااااااااااي !!! ( انا باقولها طبعا بلسان معوووووووج ، علشان اثبت لكم اني كل يوم باتحسن عن اليوم اللي قبله وعقبالكم كلكم ) ...
باااااااااااااااااااااااااي ( برضه عليها نص كيلو فتحه من بتاعت اللغه العربيه ام دم تقيل ) ............
بااااااااااااااااااااااااااااااااي .....
هناك تعليق واحد:
ههههههههههه
هههههههههههههههه
طب يمكن يكلمة تصويت بتفكرهم بالتزور فى بلدهم ومش عايزين يقلبوا المواجع ويقولوا ان الحزب الوطنى قفل انتخابات الشورى لصالحه
والتصويييييييت فى الشعب اللى جاية شرحه
هاقول ايه بس دى لغة ايعلم بيها الاربنا
وانا على نفسى ماحبش اتكلمها ولا اكتب بيها
رغم انى مدرسة انجليزى
بس العربى عربى والانجليزى انجليزى
شكرا انك ضحكتينى
كنت عايزة اضحك بجد ولو ان شر البلية ما يضحك بس مايضرش
قليل من الضحك يفك ااكتئاب المزمن
اه فكرتينى بكلمة البوم واسمعى انجى الانور فى دريم وهى بتقولها اوعى تفتحى بقك احسن تطلع غلط
باااااااااااااااى
فىى نوت تانية
إرسال تعليق