يالا نفتح صندوق العفاريت تاني ............ وماله ........
مالهم بقي الرجاله ومال الستات !!!!!!!! انهي رجاله وانهي ستات ؟؟؟؟؟؟؟ طيب حاقول اهو واوضح ...
مش باقصد بس رجاله - يعني كبار - وستات - يعني كبار - !!! لا ممكن مالهم الشباب بالشابات !!!!! يعني الكلام ده ينطبق علي الذكور والاناث في كل الاعمار والظروف ......... كلام عام بايخ !!!!!!
راجل ..... اي راجل ....... يعجب بست ... جميله .. لطيفه .. جسمها حلو ... منطلقه ... دمها خفيف ......... شخصيتها جميله .. ذكيه .. شاطره ... موهوبه ...... كل ده كويس ومافيش مشكله !!!!!
معجب بيك ... اهلا وسهلا ....
يزود العيار شويه .......... بحبك .. وانا كمان بحبك !!!!!!
بقولك ايه بغير عليكي !!!!!! طيب احترم غيرتك !!!! بلاش تتباسطي مع الناس ..... حاضر .. وطبعا بالذات الرجاله !! زمايلك قرايبك اعملي بينك وبينهم حاجز !!!!!
ولانها - يعني الست المقصوده - بتحب الراجل المقصود ... تقفل علي روحها شويه ، بلاش هزار مع الزملا .. بلاش تباسط مع القرايب ..
مبسوط ياحبيبي !!!!!!
لا سكتنا له دخل بحماره ................
بقولك ايه لبس ملفت للنظر ... ياريت تاخدي بالك .. خدتي بالك ... طيب ياريت تغيره الاستايل بتاعه شويه ... مفتوح بلاش مقفول اه ، قصير لا طويل اه ، ضيق لا واسع اه .......
وافقت الهانم لانها بتحب !!!!!
خطوه كمان !!!!!!!
شعرك ملفت لميه ...... لمته ....... غطيه ؟؟؟ ليه ؟؟؟؟ كده بغير عليك وكمان ربنا قال !!!!!!
الله طيب ياعم انت .... محبتش واحده من الاساس ليه بتلبس زي ماانت عايز ومغطيه راسها !!!!
لا اخد واحده جميله مختلفه وبعدين بالحب اخنقها شويه شويه شويه واغير شخصيتها واظبطها واسيطر عليها واتحكم فيها !!!
وباسم الحب ........ اسمعي كلامي
باسم الحب ........... اعملي اللي انا عايزه
وباسم الحب ........... انسي نفسك وافتكريني !!!!!!!
والمصيبه ان بنات كتييييييييييييير وستات كتيييييييييييير تتنازل وتطنش ، تتنازل وتعمل اللي الراجل عايزه ، تتنازل وتريح راسها ، تتنازل وتكبر نافوخها ...... ويوم بعد يوم تفقد حته من نفسها ، يوم بعد يوم تتغير لواحده تانيه مش معجبه بيها ومش بتحبها ...... وتصحي في يوم من النوم تلاقي روحها مخنووووووووووووقه وتلاقي روحها بقت واحده تانيه !!!!!!!
ياعم الحاج ...... مالستات كتير ...... اشكال والوان وموديلات وعلي كل شكل وصنف ياباطتسته !!!
ماتنقي ياعم الحاج واحده وفقا لمواصفاتك اللي انت مؤمن بيها ، يعني خد واحده تريحك علي طول ، واحده بتعمل اللي انت عايزه قبل ما تطلبه منها ....... لا ده مابيحصلش ....... لازم عم الحاج ياخد وينقي ويحب واحده بتضايقه بسلوكها بافكارها بطريقه لبسها بطريقه تفاعلها مع الاخرين ...... وبعدين عم الحاج يتخانق ويزعق ويتقمص و" ولو بتبحبيني اعملي اللي عايزه " و " لو بتبحبيني اسمعي كلامي "
وشويه تنازلات في شويه تنازلات و............. هيه هيه هيه نجحت في تغييرها في تحويلها في تبدليها وبقت واحده تانيه خااااااااااالص ...
الله طيب ليه ياعم الحاج ... مالطيب احسن ... ماكنت خدت واحده علي هواك
بدل ماتاخد واحده منطلقه وتكببها او واحده بتشتغل وتقعدها في البيت او واحده كاشفه شعرها بتحجبها !!!
مالسوق فيه كتيرررررررررر قوي !!! ليه بقي وجع القلب ده !!!!!
ويؤسفني اقول لكم ان النساء عندما تفقد نفسها وتتبدل تفقد في حقيقه الحال علاقتها الحيويه بالحياه وتفقد احيانا الرغبه في الحياه ذاتها!!!!!!!!! طيب ليه ياعم الحاج ماكان من الاول !!!!!!!!
وانت " ياابلتي " ماتفتحتي عينيك وتركزي !!!!! ولا يعني لازم الفاس تيجي في الراس والدنيا تتعك علشان تنتبهي انك بتتخنقي وانك متضايقه وانك ( مش انت !!!!! ) وبعدين نرجع نعيط!!!!!!!! اما والله قصه غريبه قوي !!!!!!!
ياعم الحاج ماتختار اللي تناسبك من الاول .. واني ياابلتي ماتاخدي بالك انتي بتتزحلقي علي فين
ولا لازم نتخانق ونعيط ونلعن ابو اليوم اللي شفناك فيه !!!!!!!!!!!
هناك تعليقان (2):
التوصيف صحيح لحالات المطلقات، بس لايمكن تغيييره بمعزل عن صورة الأنثي والذكر بشكل عام في المجتمع. القصة بدأت من حتي التصور الأسطوري الخطأ لدينا ان حواء خلقت من ضلع أعوج. ولو تابعت الحوارارت حول التحرش الجنسي علي الفيس بوك أو البرامج الحوارية في الإذاعة والتليفزيون حتلاقيها بتعكس قدر كبير من الصورة السائدة في عقول الأغلبية، مثلا واحدة في برنامج ديني في الإذاعة بتقول ان مجرد وجود إناث حول الشاب إغراء يحتاج للمقاومة فمابالنا لو لبسها –الكلام مازال للسيدة- يظهر مفاتنها. في المسح الصحي الديمغرافي لسنة 1995 كان في جزء يتناول العنف ضد المرأة وكان يتضمن سؤال متي يقبل العنف من الزوج: بدءً من حرق الطعام إلي الخروج بدون إذن إلي ان الزوجة تقول لا لزوجها عند رغبته في ممارسة الجنس. عند النقطة الأخيرة لم يكن هناك فرق في الاستجابة سواء للمستوى التعليمي أو الاقتصادي. الكل تساوي من حقه أن يضربها في هذه الحالة. في السنوات التالية لم يتكرر هذا السؤال.
ما لم يناقش بصراحة في مجتمعنا هو sexuality فالشائع خطأ ليس فقط عن المرأة لكن أيضاً عن الرجل. فتصور أن الرجل تحركه رغبته وشهوته لأي أمرأة فهو غير مذنب، تصور لاينطبق حتي علي ذكور الحيوانات.
اعتقد أننا أغفلنا لوقت طويل تطوير فكر Mentality الناس في المجتمع، تصورنا خطأ أنه سيتطور نتيجة التعليم والثقافة والإعلام والتطور الاقتصادي بشكل اتوماتيكي. فظللنا نبحث في موضوعات كثيرة دون طرح الأسئلة الأصعب و الأعمق .
إذا سمحتيلى اكيد الترتيب مش منطقى وإلا كيف يكون الحب ؟ لو لبسها وتصرفاتها وتفكيرها مش عاجبه أمال عجبه إيه ؟ منظرها (((( فاترينه )))) وده طبعا شئ مقزز ان الراجل يقبل على الزواج من بنت أو سيده لمجرد منظرها وبعدين يفصلها زى ما هو عايز واسمحيلى لو هى تنازلت تبقى معدومة الشخصية وكل تصرفاتها وطبايعها مجرد سير على طبيعة الموجات المتوالية من الموضه على الشباب والكلام طبعا بنوع من المواربه بينتقد الراجل الأنانى اللى عامل زى ابناء القبائل البدوية وان هو غيران عليها و و و و صدقينى هذا أيضا غير منطقى فهناك بالفعل من الرجال نوع يسمى رجل غيور و حر و و و ودمه حامى والشرط الوحيد لده ان يكون غيور على كل نساء بيته زوجة وأختا و و و و ولا يسمح لنفسه بالنظر لأحد وإلا يبقى مجرد انانى عاوز كل شئ يبقى ليه وبس والمرأه هى المسئولة أيضا عن نوعية الرجال الذين يحتكون بها فمظهرها يلفت أناسا ولا يلفت آخرين وأسلوبها يعجب أناسا ولا يعجب آخرين وكما يبحث الرجل فعلى المرأة أيضا أن تكون حريصة على الا ترتبط الا بمن يناسبها واللوم على النفس قبل اللوم على الآخر
إرسال تعليق