ايه موضوع ضرب البنات في المظاهرات ده ؟؟؟
ايه موضوع البنات اساسا !!!!
هي البنات اللي نازله المظاهرات نازله باعتبارها حريم مايصحش حد يلمسها والا يخش النار ؟؟؟؟
احنا ضد ضرب المظاهرات عموما ، ضد ضرب المتظاهرين !!!
ولما حد يتضرب في المظاهره نغضب ونلوم البوليس والحكومه !!!
مش مهم بقي يطلع ست ولا يطلع راجل !!!
لكن لما نركز علي موضوع ضرب البنات والستات ، باعتبار الحكومه المجرمه ضربت الستات والبنات ، يبقيي راينا الحقيقي الدفين ان البنات مش مفروض تنزل المظاهرات لانهن زهره توضع في "عروه الجاكته" ولو نزلوا المظاهرات ، لازم الحكومه والبوليس يراعوا الاتيكيت والذوق ويبقي بوليس جنتل نايس مايضربش البنات لانهم بنات ، ولا البوليس اتعمي في عينه ومخدش باله ان دول بنات رقاق مايصحش حد يضربهم انما الاولاد الرجاله الخناشير هما اللي لو البوليس مزنوق في ضرب ، يضربهم هما ، وهما يستحملوا لانها اقويا والبنات بسكويت !!!
ايه الكلام الفاضي ده ، ايه الناس الغريبه اللي بتتكلم دي ، بتعتبر الستات والبنات كائنات ااقل وادني وارق وانعم ، وجنس ستين لطيف مايصحش غير ان بابا بس واخوهم بس وجوزهم بس هما اللي يضربوهم لكن الحكومه لا والف لا !!!
يااما البنات والستات اللي بتنزل المظاهرات زيها زي الولد مش كماله عدد ونازله تناضل والنضال مافيهوش ستات ورجاله من ايام جميله بوحريد ولغايه دلوقتي ، يااما البنات والستات نزلين باعتبارهن جنس رقيق ومطلوب من الحكومه تعاملهن مع الوضع في الاعتبار الرقه واللطافه والبسكويت ، فللاسف ده مش حيحصل اساسا لان حكومتنا مابتفهمش في البسكويت !!!!
يانضال مافيهوش رجاله وستات
ياستات لطاف ورجاله خناشير مافيهوش نضال
انما مزايا النظامين بال سيكام فعمره مايحصل ابدا !!!
ولاتضعفوا النساء المناضلات بالعويل ويا " حرام ياحرام " !!!
لاتضعفوا النساء بنظرتكم المنحطه للمرأه وقدرها وتضحياتها !!!!
وضحت الفكره ولا ااقول كمان !!!!!
ايه موضوع البنات اساسا !!!!
هي البنات اللي نازله المظاهرات نازله باعتبارها حريم مايصحش حد يلمسها والا يخش النار ؟؟؟؟
احنا ضد ضرب المظاهرات عموما ، ضد ضرب المتظاهرين !!!
ولما حد يتضرب في المظاهره نغضب ونلوم البوليس والحكومه !!!
مش مهم بقي يطلع ست ولا يطلع راجل !!!
لكن لما نركز علي موضوع ضرب البنات والستات ، باعتبار الحكومه المجرمه ضربت الستات والبنات ، يبقيي راينا الحقيقي الدفين ان البنات مش مفروض تنزل المظاهرات لانهن زهره توضع في "عروه الجاكته" ولو نزلوا المظاهرات ، لازم الحكومه والبوليس يراعوا الاتيكيت والذوق ويبقي بوليس جنتل نايس مايضربش البنات لانهم بنات ، ولا البوليس اتعمي في عينه ومخدش باله ان دول بنات رقاق مايصحش حد يضربهم انما الاولاد الرجاله الخناشير هما اللي لو البوليس مزنوق في ضرب ، يضربهم هما ، وهما يستحملوا لانها اقويا والبنات بسكويت !!!
ايه الكلام الفاضي ده ، ايه الناس الغريبه اللي بتتكلم دي ، بتعتبر الستات والبنات كائنات ااقل وادني وارق وانعم ، وجنس ستين لطيف مايصحش غير ان بابا بس واخوهم بس وجوزهم بس هما اللي يضربوهم لكن الحكومه لا والف لا !!!
يااما البنات والستات اللي بتنزل المظاهرات زيها زي الولد مش كماله عدد ونازله تناضل والنضال مافيهوش ستات ورجاله من ايام جميله بوحريد ولغايه دلوقتي ، يااما البنات والستات نزلين باعتبارهن جنس رقيق ومطلوب من الحكومه تعاملهن مع الوضع في الاعتبار الرقه واللطافه والبسكويت ، فللاسف ده مش حيحصل اساسا لان حكومتنا مابتفهمش في البسكويت !!!!
يانضال مافيهوش رجاله وستات
ياستات لطاف ورجاله خناشير مافيهوش نضال
انما مزايا النظامين بال سيكام فعمره مايحصل ابدا !!!
ولاتضعفوا النساء المناضلات بالعويل ويا " حرام ياحرام " !!!
لاتضعفوا النساء بنظرتكم المنحطه للمرأه وقدرها وتضحياتها !!!!
وضحت الفكره ولا ااقول كمان !!!!!
ليست هناك تعليقات:
إرسال تعليق