طبعا كلنا عارفين ان الكلام مش بفلوس ، يعني مالوش سعر ، يعني حاجه ببلاش كده !!! ولان الكلام مش بفلوس واللي بيتكلم كلام فاضي مابيروحش النار !!! طبعا كلنا عارفين ان الكلام التخين المجعلص الكبير قوي قوي المشطشط الملهلب بيدخل الجنه ونعيمها !!! وكل مابق المواطن يتخن وكلامه يتخن اكتر ميزان حسناته يطب !!! ولان الناس مش لاقيه حاجه تعملها ، لان اي حاجه محتاجه مجهود والناس مش عايزه تبذل مجهود ، مكسله ومانتخه يعني من الاخر ، فمعادش فيه حاجه تتعمل غير ان الناس تتكلم ، لسان مابيبطلش لك لك لك طول الوقت ، وطبعا نقول تاني الكلام مش بفلوس ولا عليه جمارك ، يبقي مااسهل الكلام ومرحبا به !!! في العالم الافتراضي اللي احنا محشورين فيه ده الناس حتتكلم ازاي ... ده عالم اخرس صامت الا من الاغاني والفيديوهات ، لكن الناس نفسها تتكلم ، فالناس طبعا وبسرعه جدا وبمنتهي العبقريه قررت ان كلام العالم الافتراضي هو الكتابه !!! وبدل مالصوت يطلع من الحنجره والاحبال الصوتيه يطلع من الكي بورد وحركه الصوابع عليها !!! وايه يعني ماهو كله كلاااااااااام !!! وبس ياسيد وعنها ياعم الشيخ ، الناس هاتك ياكتابه اللي هي مفروض تبقي كلام مش باقصد كتابه فنيه ولا ابداعيه من اي شكل ، لا بقصد لت وعجن وخبز ، كلام تخين وكلام مليان وكلام فاضي وكلام ربع فاضي وهاتك يالك لك لك لك لك !!!!
اه نسيت اقول ان الناس في مصر ، يمكن بسبب زحمه المرور ، يمكن بسبب الحر ، يمكن بسبب تغيير جيني ، بقت كسلانه جدا جدا ، نفسها تنام وتنام ولما تصحي من النوم تنام تاني وبالكتير قوي تقعد علي الكنبه وترغي ، حبه في التليفون وحبه في المحمول وحبه مع الجيران والاولاد والهانم والبيه ، بتوع العالم الافتراضي بقي ، هات يارغي في الكومبيوتر ، كلام كلام كلام !!! ولان ارقي انواع الكلام هو الكلام اللي كله نضال ، كلام تخين بقي ومواقف نار وشتيمه وتهديد ووعيد ، فبعض الناس قررت ان العالم الافتراضي هو احسن مجال للكلام النضالي ، وهروا ابونا نضال وكلام تخين !! ناس ماانتاش فاهم موافقها ، هي مين ولا ايه ولا حتي عايزه ايه ، دي اسئله تافهة مش مهمه ، المهم اننا ننضال بالكلام والكتابه ونفرغ طاقاتنا النضاليه المعارضية العظيمه في الرزع علي الكي بورد ، بقوه وحسم وثبات وحزم ، الرزع علي الكي بورد اهم انواع النضال النهارده ، ووسع ياجدع اوعي وشك للمناضلين !!!!
اللي عايز يناضل يناضل وهو قاعد مكانه علي الكنبه وهاتك ياكلام ياكتابه ياصريخ ، كلام يخوف يرعب ، يصرخ ويقول كلام قوي جدا ، شتيمه ، انتقادات ، هجوم ، وينضال يناضل يناضل لغايه ماصوابعه تتعب من الطقطقه علي الكي بورد يخش ينام او حتي ينام مكانه مستريح الضمير لانه ناضل نضاااااااااااااال رهيب فعلا !!!! وياه الله يكون في عون المناضلين علي راي شكوكو !!!! ( بتصرف طبعا) !!! واحنا بقي بؤساء العالم الافتراضي ، نتكعبل في زعيم او زعيمة - لان النضال الافتراضي ليس حكرا علي الرجال والنساء بتقوم فيه بدور فعال وعظيم ومؤثر جداااااااااااا - عمال يرزع في كلمات كبيره ويرغي ويزبد بلغه الادب ويجعر بلغه قله الادب ، الواحد ركبه تفك من الفزع ، يانهار اسود ده القيامه حتقوم ، وبعد ماركبه تفك ماترجعش تربط ، لكن الزعيم - او الزعيمه - ابو جاعوره افتراضيه يتعب فينام ولا القيامه تقوم ولا اي حاجه خالص و بيس ياماااااااااان !!!!
وبعدين طبعا النضال الافتراضي ده فيه مميزات عظيمه ، اولا نحن في امان وسلام ، لا الحكومه " الحكيره" حتقبض علينا ولا حتضربنا ولا عساكر الامن المركزي "الحكرا" حيضربونا ولا الستات التخان امات شباشب بورده حيعرفوا يضربونا ولا حاجه خالص ، انت تناضل نضال افتراضي عظيم وانت في امان تام وممكن كمان تكون تحت اللحاف لو الدنيا برد قوي !!!! الميزه التانيه في مميزات النضال الافتراضي ، ان رد فعله سريع علي طول ، انا اصوت وصحابي يردوا علي ، انا اشتم وصحابي يقولوا الله ، انا انتقد واصحابي ينبسطوا مني ، نضال رد فعله سريع جدا ، مش زي النضال التقليدي المقرف اللي محدش بيحس بيه ولا يسمع عنه ، لا النضال الافتراضي كانك بتكلم نفسك في المرايه ، تضحك فالمرايه تضحك فانت تضحك تاني وهكذا دواليك دواليك !!! الميره الثالثه في مميزات النضال الافتراضي ، انه نضال موثق سيكتب عنه التاريخ في يوم من الايام ويمكن كمان تكتب عنه الجغرافيا ، في هذا الموقع او علي هذا السايت او في تلك الصفحه ، ناضل المناضل - او المناضله - نضالا عنيفا وصرخ وانتقد وشتم وهاجم وحرض واقنع الجمهور الافتراضي ويحيا التغيير الافتراضي وتحيا الثوره الافتراضيه !!!! الميزه الرابعه في مميزات النضال الافتراضي ، انه نضال امن ، تقدر تعمل ايميل وهمي وبروفيل وهمي علي الفيس بوك ، وتقدر تعمل ايميل وهمي وسايت وهمي او مدونه وهميه وهاتك يانضال وهمي واللي يعرف ابويا او ابو الانترنت يقولهم !!!
اخر ميزه في النضال الافتراضي ، الحريه الافتراضيه فمن حقي كمناضل افتراضي ان انتقد المتقاعسين الذين لايفعلوا شيئ والبلد بتغرق وبتضيع ، انتقد المتقاعسين المتخاذلين اللي البلد مش فارقه معاهم لابيقولوا رايهم في اي قضيه ولا اي موضوع ، سلبيين بطريقه تقرف بصراحه يعني سوري ، وانا بانتقد المتقاعسين والسلبيين والمتخاذلين من منطق اني اناضل واعمل وابذل جهد فظيع (في الطقطقه علي الكي بورد ) ولااخضع للقاعده العظيمه من لايعمل لاينقد ، لاني باعمل وباعمل ، مش طلعان عيني طول النهار نضال علي الانترنت وفي العالم الافتراضي !!!! وكل القضايا مطروحه للنضال في العوالم الافتراضيه ، الحكومه العباره الجدار العازل الانتخابات التعذيب المظاهرات التحرش الاضراب ، كل حاجه مطروحه للنضال فيها في العوالم الافتراضيه ، واشكال النضال بتتطور من مجرد ايميل لمجموعه اصدقاء لتحريضهم علي المشاركة في النضال الافتراضي ، لعمل موقع او بروفيل او سايت او الاشتراك في المنتديات والتعقيب علي صفحات الصحف ، وانا مش عارف ازاي الناس السلبيه دي قادره تتحمل سلبيتها وممتنعه عن النضال الافتراضي الالكتروني النتي وعلي راي احمد مظهر "خونه " ولكي الله يامصر !!!!!!!!!!!!!! النضال والمعارضه في العالم الافتراضي علي اشدها ، والكلام علي اخره ، والدنيا خلاص حتولع !!!! المصيبه ان معظم مناضلين ومناضلات العالم الافتراضي ممعاهومش بطاقه انتخابيه ولا بينتموا لاحزاب بجد ولا تعرف ليهم وجه نظر حقيقيه غير الرفض والمعارضه والصراخ !!! ولان الثوره ستنطلق من موقع ياهو وتنتشر من علي الفيس بوك وتستشري كالنار في هشيم المنتديات والمواقع والسايتتات الاخري ، فمالحاجه للواقع الرديء القبيح والبطاقه الانتخابيه ووجع الراس !!! عاش النضال الالكتروني عاش عاش عاش عاش النضال الانترنتي عاش عاش عاش عاش الانضال الافتراضي عاش عاش عاش ويسقط اعداء التكنولجيا والعوالم الوهميه الافتراضيه والحكومه وانا وانت!!!!
في النهايه لان كل واحد لازم يخلي باله من لغاليغه ، فيؤسفني اوضح لكم اني عارفه طبعا اني حاتشتم علي السبحه لاني متخاذله لاافهم في النضال الالكتروني ولا اواكب العصر وجاهله معرفش ان اوباما كان بيتواصل مع جماهيره االامريكيه اللي بتتكلم انجليزي يامرسي اللي انتخبته عن طريق الانترنت وعقبال الحبايب ، حاتشتم علي السبحه لاني باحطم معنويات المناضلين الافتراضيين وباكسر مجاديفهم وعايزه كل الناس تبقي زي سلبيه ومأنتخه ومابتعملش حاجه مفيده في حياتها ، وحقيقي حقيقي لك الله يامصر !!!
ولايفوتني انهي هذا النوت الرجعي المتخلف اللي بيكسر المجاديف بقول الشيخ امام "" يا انتيكات ف العوامات !!!! "" ولايفوتني ايضا تذكره نفسي وتذكرتكم بالمثل الشعبي العظيم (مين دريان بيك ياللي في الضلام بتغمز !!!!!! ) ..
اه نسيت اقول ان الناس في مصر ، يمكن بسبب زحمه المرور ، يمكن بسبب الحر ، يمكن بسبب تغيير جيني ، بقت كسلانه جدا جدا ، نفسها تنام وتنام ولما تصحي من النوم تنام تاني وبالكتير قوي تقعد علي الكنبه وترغي ، حبه في التليفون وحبه في المحمول وحبه مع الجيران والاولاد والهانم والبيه ، بتوع العالم الافتراضي بقي ، هات يارغي في الكومبيوتر ، كلام كلام كلام !!! ولان ارقي انواع الكلام هو الكلام اللي كله نضال ، كلام تخين بقي ومواقف نار وشتيمه وتهديد ووعيد ، فبعض الناس قررت ان العالم الافتراضي هو احسن مجال للكلام النضالي ، وهروا ابونا نضال وكلام تخين !! ناس ماانتاش فاهم موافقها ، هي مين ولا ايه ولا حتي عايزه ايه ، دي اسئله تافهة مش مهمه ، المهم اننا ننضال بالكلام والكتابه ونفرغ طاقاتنا النضاليه المعارضية العظيمه في الرزع علي الكي بورد ، بقوه وحسم وثبات وحزم ، الرزع علي الكي بورد اهم انواع النضال النهارده ، ووسع ياجدع اوعي وشك للمناضلين !!!!
اللي عايز يناضل يناضل وهو قاعد مكانه علي الكنبه وهاتك ياكلام ياكتابه ياصريخ ، كلام يخوف يرعب ، يصرخ ويقول كلام قوي جدا ، شتيمه ، انتقادات ، هجوم ، وينضال يناضل يناضل لغايه ماصوابعه تتعب من الطقطقه علي الكي بورد يخش ينام او حتي ينام مكانه مستريح الضمير لانه ناضل نضاااااااااااااال رهيب فعلا !!!! وياه الله يكون في عون المناضلين علي راي شكوكو !!!! ( بتصرف طبعا) !!! واحنا بقي بؤساء العالم الافتراضي ، نتكعبل في زعيم او زعيمة - لان النضال الافتراضي ليس حكرا علي الرجال والنساء بتقوم فيه بدور فعال وعظيم ومؤثر جداااااااااااا - عمال يرزع في كلمات كبيره ويرغي ويزبد بلغه الادب ويجعر بلغه قله الادب ، الواحد ركبه تفك من الفزع ، يانهار اسود ده القيامه حتقوم ، وبعد ماركبه تفك ماترجعش تربط ، لكن الزعيم - او الزعيمه - ابو جاعوره افتراضيه يتعب فينام ولا القيامه تقوم ولا اي حاجه خالص و بيس ياماااااااااان !!!!
وبعدين طبعا النضال الافتراضي ده فيه مميزات عظيمه ، اولا نحن في امان وسلام ، لا الحكومه " الحكيره" حتقبض علينا ولا حتضربنا ولا عساكر الامن المركزي "الحكرا" حيضربونا ولا الستات التخان امات شباشب بورده حيعرفوا يضربونا ولا حاجه خالص ، انت تناضل نضال افتراضي عظيم وانت في امان تام وممكن كمان تكون تحت اللحاف لو الدنيا برد قوي !!!! الميزه التانيه في مميزات النضال الافتراضي ، ان رد فعله سريع علي طول ، انا اصوت وصحابي يردوا علي ، انا اشتم وصحابي يقولوا الله ، انا انتقد واصحابي ينبسطوا مني ، نضال رد فعله سريع جدا ، مش زي النضال التقليدي المقرف اللي محدش بيحس بيه ولا يسمع عنه ، لا النضال الافتراضي كانك بتكلم نفسك في المرايه ، تضحك فالمرايه تضحك فانت تضحك تاني وهكذا دواليك دواليك !!! الميره الثالثه في مميزات النضال الافتراضي ، انه نضال موثق سيكتب عنه التاريخ في يوم من الايام ويمكن كمان تكتب عنه الجغرافيا ، في هذا الموقع او علي هذا السايت او في تلك الصفحه ، ناضل المناضل - او المناضله - نضالا عنيفا وصرخ وانتقد وشتم وهاجم وحرض واقنع الجمهور الافتراضي ويحيا التغيير الافتراضي وتحيا الثوره الافتراضيه !!!! الميزه الرابعه في مميزات النضال الافتراضي ، انه نضال امن ، تقدر تعمل ايميل وهمي وبروفيل وهمي علي الفيس بوك ، وتقدر تعمل ايميل وهمي وسايت وهمي او مدونه وهميه وهاتك يانضال وهمي واللي يعرف ابويا او ابو الانترنت يقولهم !!!
اخر ميزه في النضال الافتراضي ، الحريه الافتراضيه فمن حقي كمناضل افتراضي ان انتقد المتقاعسين الذين لايفعلوا شيئ والبلد بتغرق وبتضيع ، انتقد المتقاعسين المتخاذلين اللي البلد مش فارقه معاهم لابيقولوا رايهم في اي قضيه ولا اي موضوع ، سلبيين بطريقه تقرف بصراحه يعني سوري ، وانا بانتقد المتقاعسين والسلبيين والمتخاذلين من منطق اني اناضل واعمل وابذل جهد فظيع (في الطقطقه علي الكي بورد ) ولااخضع للقاعده العظيمه من لايعمل لاينقد ، لاني باعمل وباعمل ، مش طلعان عيني طول النهار نضال علي الانترنت وفي العالم الافتراضي !!!! وكل القضايا مطروحه للنضال في العوالم الافتراضيه ، الحكومه العباره الجدار العازل الانتخابات التعذيب المظاهرات التحرش الاضراب ، كل حاجه مطروحه للنضال فيها في العوالم الافتراضيه ، واشكال النضال بتتطور من مجرد ايميل لمجموعه اصدقاء لتحريضهم علي المشاركة في النضال الافتراضي ، لعمل موقع او بروفيل او سايت او الاشتراك في المنتديات والتعقيب علي صفحات الصحف ، وانا مش عارف ازاي الناس السلبيه دي قادره تتحمل سلبيتها وممتنعه عن النضال الافتراضي الالكتروني النتي وعلي راي احمد مظهر "خونه " ولكي الله يامصر !!!!!!!!!!!!!! النضال والمعارضه في العالم الافتراضي علي اشدها ، والكلام علي اخره ، والدنيا خلاص حتولع !!!! المصيبه ان معظم مناضلين ومناضلات العالم الافتراضي ممعاهومش بطاقه انتخابيه ولا بينتموا لاحزاب بجد ولا تعرف ليهم وجه نظر حقيقيه غير الرفض والمعارضه والصراخ !!! ولان الثوره ستنطلق من موقع ياهو وتنتشر من علي الفيس بوك وتستشري كالنار في هشيم المنتديات والمواقع والسايتتات الاخري ، فمالحاجه للواقع الرديء القبيح والبطاقه الانتخابيه ووجع الراس !!! عاش النضال الالكتروني عاش عاش عاش عاش النضال الانترنتي عاش عاش عاش عاش الانضال الافتراضي عاش عاش عاش ويسقط اعداء التكنولجيا والعوالم الوهميه الافتراضيه والحكومه وانا وانت!!!!
في النهايه لان كل واحد لازم يخلي باله من لغاليغه ، فيؤسفني اوضح لكم اني عارفه طبعا اني حاتشتم علي السبحه لاني متخاذله لاافهم في النضال الالكتروني ولا اواكب العصر وجاهله معرفش ان اوباما كان بيتواصل مع جماهيره االامريكيه اللي بتتكلم انجليزي يامرسي اللي انتخبته عن طريق الانترنت وعقبال الحبايب ، حاتشتم علي السبحه لاني باحطم معنويات المناضلين الافتراضيين وباكسر مجاديفهم وعايزه كل الناس تبقي زي سلبيه ومأنتخه ومابتعملش حاجه مفيده في حياتها ، وحقيقي حقيقي لك الله يامصر !!!
ولايفوتني انهي هذا النوت الرجعي المتخلف اللي بيكسر المجاديف بقول الشيخ امام "" يا انتيكات
ليست هناك تعليقات:
إرسال تعليق