نفسي الناس تفهم راحه فين وبعد كده هي حره !!!!ا
كل كلمه بتتقال بتفتح سكه وطريق طويل !!!
ومحدش شايف اخر السكه ولا اخر الطريق لكن مبسوط باللي بيتقال باولها !!!
هذا يطلق عليه تحريض
احرضك علي حاجه تتحمس وتعملها وانت مش شايف بعد ماتعملها يحصل ايه
بعض الناس المستبيعه بتقول مش مهم يحصل ايه ولما يحصل ترجع تعيط وتقول ماكنتش شايفه
والله هما معذورين ، لانهم بجد مش شايفين ومش عارفين يشوفوا
اصل الدرس صعب والكلام باللاوندي ولما بيحاولوا يفهموا بيتعبوا ومابيفهموش
علشان كده اللي بيحرضوا بينجحوا في تحريضهم
لانهم بيقولوا للناس كلام سهل وبسيط يعجببهم وهما عارفين الناس زهقانه ومش عايزه وجع راس
علشان كده كلمتين وبس والناس تمشي وراهم تطبل وتصقف واخر انبساط
وخطوه ورا خطوه يتدبسوا في الطريق اللي ابتدوه وهما مش شايفين اخره ولا عارفين ويمكن كمان مش عايزينه لكن خلاص بتكون الفاس وقعت في الراس ...
ياحرام وحياه رحمه امي صعبانين علي لانكم زي الفيران بتوع الحدوته
لما الزمار مشي يزمر والفيران كلها مشيت وراه
خدهم علي سكه النهر وهما وراه
نزل النهر وهما وراه
غرقوا كلهم وهو طلع يزمر تاني !!!!
وحياه رحمه امي صعبانين علي لانهم بجد بجد مش فاهمين حاجه والزمار فهمهم انهم فاهمين كل حاجه واسطوات في الفهم والرقص علي نغمات المزمار !!!
ولا راد لقضاء الله ، محدش حيقدر ينقذهم من الزمار ولا من نفسهم !!!
وعلي راي الدكاتره النفسانين ، محدش بيتعالج الا لما يعوز يتعالج وعلشان يعوز يتعالج لازم يعرف انه عيان !!!!
و........... تاني باقولها ، لاراد لقضاء الله وربنا معاكم بقي !!!!
هناك تعليق واحد:
المشكله في مرحله التنويم المغناطيسي ساعات بحس ان الناس بتتنوم وفجأه تصحي وتكتشف انها وصلت لنص الطريق ومش عارفه ترجع ربنا يهدي
إرسال تعليق