مش عارفه ليه مابتنيلش علي عيني واقفل بقي واسكت ؟؟؟؟
مش عارفه ليه باتسحب من لساني واتكلم !!!
والقصه - مش عارفه الايام دي ليه عماله تتكرر معايا - اني ااقابل بني ادم بصراحه بصراحه يعني .. مجنون .. مجنون جدا !!!
طيب .. مجنون وجدا كمان ... يبقي براحته بقي وربنا يكملنا بعقلنا وخلاص يبقي القصه خلصت ...
لا المشكله ان المجنون ده مش مجنون ولا حاجه .. هو فاهم انه عاقل جدا .. والناس فاهمه انه عاقل جدا .. لانه لاباين عليه انه مجنون ولا الناس قادره تكتشف انه مجنون !!! والحقيقه يعني انه مش مجنون ، لا هو غالبا مريض نفسي ، جايز عنده هلاوس او جنون عظمه او اكتئاب مرضي او اي حاجه تانيه انا مش عارفها بالضبط .. الحاجه الوحيده اللي انا عارفها ان " الاخ " ده مش مظبوط !!! كيميا مخه بايظه لسبب او لاخر ... طيب لحد هنا مافيش مشكله ، واحد مجنون وخلاص او مريض نفسي وخلاص .. مالي انا ؟؟؟
انا زي ماقلت من الاول باتنيل علي عيني واتسحب من لساني .. امتي .. اه امتي .. ماهي امتي دي مهمه جداجدا .. باتسحب من لساني لما الاخ ده - ربنا يشفيه ويهون عليه - يكون قاعد وسط الناس ويبتدي يتكلم .... كلام كلام كلام كلام .. كلام شكله كبير قوي شكله مهم قوي وهو في حقيقته كلام فاشل وتافه .. المشكله ان المستمعين .. اللي بيكونوا قاعدين يسمعوا الاخ ده ، ولانهم فاهمين انه عاقل ، ومش دريانين ان كيميا مخه بايظه ، بيبرقوا ويفتحوا عينيهم جداجدا ، يانهار اسود ده بيقول كلام كبير قوي قوي قوي !!! وشويه شويه يلحس مخهم بكلامه ويقنعهم بمنتهي البراعه انه كلامه قيم جدا ومهم جدا والمصيبه ان الناس تصدقه وتردد كلامه باعتباره من مصدر موثوق فيه والحكايه اولها واخرها كيميا بايظه ومحتاجه تتظبط !!!
هنا بقي - للاسف الشديد - باتنيل علي عيني واتسحب من لساني وارد عليه ، ارد عليه لانه بيقول كلام فاضي ويبوظ في عقول الناس ، ولان الناس يهموني ، باتسحب من لساني وارد عليه ... وبتبقي ليله سودا ياعمده ... ليه ، لان الحوار اللي بيدور وقتها بيكون بين واحد مجنون بيقول كلام شكله كبير وهو كلام فاضي جدا وبيني ، افند كلامه احاصره ااقاطعه اسآله مصدر معلوماته منين واقفل عليه كل الحارات اللي بيحاول يزوغ منها ، وبعد مناهده ووجع قلب ، ابين للمستمعين ان كلامه فاضي وفعلا كلام عابث تافه بلا اي معني حقيقي !!!
طيب مالي انا ... خدت الجايزه والوسام يعني لما بوظت للمجنون مزاجه وافسدت عليه امسيته وحرمته من جمهوره اللي بيمارس عليه جنونه ببراعه منقطعه النظير !!! ابدا ولا خدت جايزه ولانيله ، وراسي بتوجعني وغالبا صوتي بينبح من كتر الزعيق والانفعال ، وياعم بالراحه بس مين اللي قالك المعلومات دي ، جبت الكلام ده منين !!!! واروح اتخمد واخد ٢ بنادول .... طيب مالي انا ، مالمجنون براحته يقول مابدا له ، والناس تسمع مابدا لها ، وكل واحد عقله في راسه يعرف خلاصه وخلاص بلاش دوشه !!!! المصيبه ان كل مره ااقول كده ، ااقول المره الجايه ماليش دعوه ولو اتخنقت قوي حاقوم واسيب القعده وامشي ، المصيبه اني كل مره باتنيل علي عيني واتسحب من لساني ولا بامشي ولا باتنيل !!! وفي الاخر يصعب علي المجنون والحصار اللي حاصرته له و الكلام اللي افسدت متعته فيه ، كل مره يصعب علي المجنون جدا واتغاظ من نفسي جدا ، ماتسكتي ياابله وتسيبه براحته هتبقي انت والزمن عليه !!!! ماتسيبه يتكلم مش كفايه عليه الكيميا اللي بايظه عنده دي ، كمان حتكبتيه !!!!! والله مالي حق خالص ....... خلاص ... المره الجايه ، يقول انا واثق حاقوله اوكي ، المره الجايه حيحكي افلام حاسكت خالص واعتبره " فشر " بسيط ، من حق كل مواطن انه يفشره !!! وياصديقي المجنون .... سلامتك والله ... واوعدك المره الجايه لا حاتكلم ولا حاقاطعك ولا لي دعوه بيك خالص ...... ويمكن بكلامي ده باعتذر لك عن سخافه العقل واعدك ان اتركك امنا تستمتع بحلاوه الجنون !!!!! والنبي المره الجايه ماتزعلش مني !!!!!
مش عارفه ليه باتسحب من لساني واتكلم !!!
والقصه - مش عارفه الايام دي ليه عماله تتكرر معايا - اني ااقابل بني ادم بصراحه بصراحه يعني .. مجنون .. مجنون جدا !!!
طيب .. مجنون وجدا كمان ... يبقي براحته بقي وربنا يكملنا بعقلنا وخلاص يبقي القصه خلصت ...
لا المشكله ان المجنون ده مش مجنون ولا حاجه .. هو فاهم انه عاقل جدا .. والناس فاهمه انه عاقل جدا .. لانه لاباين عليه انه مجنون ولا الناس قادره تكتشف انه مجنون !!! والحقيقه يعني انه مش مجنون ، لا هو غالبا مريض نفسي ، جايز عنده هلاوس او جنون عظمه او اكتئاب مرضي او اي حاجه تانيه انا مش عارفها بالضبط .. الحاجه الوحيده اللي انا عارفها ان " الاخ " ده مش مظبوط !!! كيميا مخه بايظه لسبب او لاخر ... طيب لحد هنا مافيش مشكله ، واحد مجنون وخلاص او مريض نفسي وخلاص .. مالي انا ؟؟؟
انا زي ماقلت من الاول باتنيل علي عيني واتسحب من لساني .. امتي .. اه امتي .. ماهي امتي دي مهمه جداجدا .. باتسحب من لساني لما الاخ ده - ربنا يشفيه ويهون عليه - يكون قاعد وسط الناس ويبتدي يتكلم .... كلام كلام كلام كلام .. كلام شكله كبير قوي شكله مهم قوي وهو في حقيقته كلام فاشل وتافه .. المشكله ان المستمعين .. اللي بيكونوا قاعدين يسمعوا الاخ ده ، ولانهم فاهمين انه عاقل ، ومش دريانين ان كيميا مخه بايظه ، بيبرقوا ويفتحوا عينيهم جداجدا ، يانهار اسود ده بيقول كلام كبير قوي قوي قوي !!! وشويه شويه يلحس مخهم بكلامه ويقنعهم بمنتهي البراعه انه كلامه قيم جدا ومهم جدا والمصيبه ان الناس تصدقه وتردد كلامه باعتباره من مصدر موثوق فيه والحكايه اولها واخرها كيميا بايظه ومحتاجه تتظبط !!!
هنا بقي - للاسف الشديد - باتنيل علي عيني واتسحب من لساني وارد عليه ، ارد عليه لانه بيقول كلام فاضي ويبوظ في عقول الناس ، ولان الناس يهموني ، باتسحب من لساني وارد عليه ... وبتبقي ليله سودا ياعمده ... ليه ، لان الحوار اللي بيدور وقتها بيكون بين واحد مجنون بيقول كلام شكله كبير وهو كلام فاضي جدا وبيني ، افند كلامه احاصره ااقاطعه اسآله مصدر معلوماته منين واقفل عليه كل الحارات اللي بيحاول يزوغ منها ، وبعد مناهده ووجع قلب ، ابين للمستمعين ان كلامه فاضي وفعلا كلام عابث تافه بلا اي معني حقيقي !!!
طيب مالي انا ... خدت الجايزه والوسام يعني لما بوظت للمجنون مزاجه وافسدت عليه امسيته وحرمته من جمهوره اللي بيمارس عليه جنونه ببراعه منقطعه النظير !!! ابدا ولا خدت جايزه ولانيله ، وراسي بتوجعني وغالبا صوتي بينبح من كتر الزعيق والانفعال ، وياعم بالراحه بس مين اللي قالك المعلومات دي ، جبت الكلام ده منين !!!! واروح اتخمد واخد ٢ بنادول .... طيب مالي انا ، مالمجنون براحته يقول مابدا له ، والناس تسمع مابدا لها ، وكل واحد عقله في راسه يعرف خلاصه وخلاص بلاش دوشه !!!! المصيبه ان كل مره ااقول كده ، ااقول المره الجايه ماليش دعوه ولو اتخنقت قوي حاقوم واسيب القعده وامشي ، المصيبه اني كل مره باتنيل علي عيني واتسحب من لساني ولا بامشي ولا باتنيل !!! وفي الاخر يصعب علي المجنون والحصار اللي حاصرته له و الكلام اللي افسدت متعته فيه ، كل مره يصعب علي المجنون جدا واتغاظ من نفسي جدا ، ماتسكتي ياابله وتسيبه براحته هتبقي انت والزمن عليه !!!! ماتسيبه يتكلم مش كفايه عليه الكيميا اللي بايظه عنده دي ، كمان حتكبتيه !!!!! والله مالي حق خالص ....... خلاص ... المره الجايه ، يقول انا واثق حاقوله اوكي ، المره الجايه حيحكي افلام حاسكت خالص واعتبره " فشر " بسيط ، من حق كل مواطن انه يفشره !!! وياصديقي المجنون .... سلامتك والله ... واوعدك المره الجايه لا حاتكلم ولا حاقاطعك ولا لي دعوه بيك خالص ...... ويمكن بكلامي ده باعتذر لك عن سخافه العقل واعدك ان اتركك امنا تستمتع بحلاوه الجنون !!!!! والنبي المره الجايه ماتزعلش مني !!!!!
ليست هناك تعليقات:
إرسال تعليق