علشان انت مصري .... فانت جدع ومحترم ونفسك عزيزه ...........

عشان انت مصرى وده للاسف
فلازم تاسى تعيش تتقرف
........................
........................
مش انت اللى مصرى؟؟؟ جتك القرف

احب احمد فؤاد نجم واحب معظم قصائده وكلماته ........... ولكن ........ عندما كتب قصيدته " علشان انت مصري " ملئيه الغضب والسخريه المريره لم اتحمل كلماته لكني صمتت ... وحين تداولها الناس وارسلها كل منهم للاخر تجاوز غضبي حدوده المقبوله واستبد بي واقلقني حين احسست ان الناس استعذبت سبابها وشتيمتها و........... حين جائتني تلك القصيده للمره العاشره علي الفيس بوك يتداولها رواده فيما بينهم كآن كل منهم يقول للاخر انا وانت نستحق تلك الكلمات الموجعه ............. وقتها لم اتمالك نفسي وعبرت عن غضبي لتعيس الحظ الذي ارسلها لي بعد ان فاض الكيل و............... قلت لهم جميعا ( الاصدقاء الاعزاء - انا جتني بدل المره عشره قصيده نجم الكئيبه دي - وكل مره كل باطنش - لكن خلاص بقي فاض الكيل - ايه المتعه ان كل واحد منكم يبعتها للتاني - قصيده بتشتم فينا وبتشيع الكآبه وفقدان الامل - ايه الانبساط يعني لما كل واحد يقرها ويقول فعلا احنا حاجه تقرف علي رآي نجم اما ابعتها بقي لبقيه الناس - اذا كان ده فن فهو فن كئيب تآثيره سلبي لان الناس بتقرا الكلام ده وتقول فعلا يارب نموت والله يخرب بيت اللي كان السبب - اذا كان ده ما فنش وتنفيس غضب في وشنا انا شخصيا خلاص مش عايزه حد ينفس غضبه في وشي ويقرفني - الاصدقاء الاعزاء - حياتنا مليانه مشاكل لكن اكيد فيه طاقات امل علينها ندور عليها مش ننزل لطم علي وشنا وتقطيع فيه - انا اسفه لكل المعجبين بالكلام ده - انا مش حاسميه قصيده - انا الحقيقه كارهها ومش معجبه بيها وشايفه انها عامله زي الاعمال الشريره اللي تعجز وتشيل الهم وتزود الكره - علشان كده ما قدرتش اسكت بقي والحقيقه علشان انت مصري فانت جدع ومحترم ونفسك عزيزه ومقاتل في الحياه الصعبه ونفسك تبقي حاجه كويسه وده كله من حقك !!! ) ...............