انا ضد التطرف الديني !!! ضد الدوله الدينيه !!!
مع الدوله المدنيه !!! مع المواطنه وحقوق المواطنه !!!
وضد التمييز الديني لاي سبب !!!
كده اتفقنا !!!!!!!
نخش بقي في الموضوع !!!!!!!!
ولكن ........... ايه موضوع منتخب الساجدين ده مزعل الناس ليه !!!
فجأ بقي فيه كلام كتير حولين موضوع منتخب الساجدين !!! وخلونا نتكلم شويه ونفضفض !!!
اولا احنا لمابنشجع فريق الكوره بنشجع فريق مصر ، لا مسلمين ولا مسيحين !!
ومااعتقدش ابدا ان تم اختيار لاعب او استبعاده لانه مسلم او مسيحي !!!
يعني هاني رمزي كان بطل من ابطال المنتخب القومي ايام الجوهري ، عمرنا مافكرنا هو دينه ايه !!
لما شجعنا الخطيب مافكرناش انه محمود الخطيب ولا عباس الخطيب ولا جرجس الخطيب !!!
الحريف اللعيب نحبه ونشجعه ، في الهجوم نصوت لما يجيب جون ، في الدفاع نشجعه لما يبوظ هجوم الفريق التاني !!!
طيب المنتخب القومي بقي اسمه منتخب الفراعنه !!!
ماشي وماله مااحنا فراعنه !!! حاجه تشرف جداجدا !!!
منتخب الفراعنه ده بقي ، لما اللعيبه بتوعه يجيبوا جون ، يسجدوا لله !! عادي خالص !!!
لاعبي اوربا واللاعبين الافارقه المسيحين لما يجيبوا جون ، يجروا جري ، ينزلوا علي ركبهم ، ويصلوا ويرسموا علامه الصليب ، محدش زعل منهم !!! هما بشكروا ربنا انه وفقهم !!! محدش زعل ولا خد باله اساسا ايه الحكايه !!!
ميلا اللاعب الافريقي العجوز في كاس العالم ، كل مايجيب جون يديها رقص افريقي احتفاءا بشطارته وانه جاب جون !!! وماله هو يرقص واحنا نطبل ونصقف !!!
منتخب السامبا ، اول مايجيب جون ، السامبا تشتغل ، وشويه يرسموا علامه الصليب وكله حلو ومقبول !!! الفريق يجيب جون ، بعضهم يشكر ربنا بالسجود او رسم علامه الصليب وبعضهم يرقص وهيصه وفرحه!!!
زيدان اول مايجيب جون ، يقلع جزمته وياخدها في حضنه وهاتك يارقص ، كانها النونو الجميل بتاعه ، محدش بيزعل !!
ابو تريكه في كاس الامم 2008 اول ماجاب جون رفع الفانله وبانت من تحتها كلنا غزه ، هو حر !!!
ولا ميلا لما يرقص عادي وابو تريكه لما يسجد مش عادي !!!!!!!!!!
عادي طول عمر فرقنا الكرويه ، الاهلي وغيره والمنتخب ، قبل الماتش يتلموا سوا والفاتحه للنبي ، ولو فيهم واحد مسيحي او اكتر عادي محدش عنده حساسيه اساسا من الموضوع !!!
مالك يامصر ؟؟؟؟؟؟؟؟ بقي عندنا حساسيه كده ليه ؟؟؟؟؟؟ كل واحد ينبسط بطريقته ، ولا فيه طرق مقبوله وطرق بتزعل !!!!
فريق الساجدين ، مين اللي قال عليهم كده ، هما اللعيبه ، ولا حد من الاعلام الرياضي !!!
وبعدين هو احنا زعلانين انهم بيسجدوا ولا زعلانين ان اسمهم منتخب الساجدين !!!!!!!
بيسجدوا عادي خالص ، بيشكروا ربنا بالطريقه اللي بتريحهم وده متهيالي ابسط حقوقهم !!!
انهم اسمهم منتخب الساجدين ، فده هما مش مسئولين عنه ، وبعدين هما اساسا اسمهم منتخب الفراعنه والاهم منتخب مصر !!!! مساءكم فل ، بلاش حساسيه علشان الدنيا تمشي !!!
ساعات الحساسيه الزياده تقلب وتجيب نتايج غم !!!
ربنا يبعدنا عن الغم والحساسيه !!!
وربنا يفرحنا بفريقنا القومي الساجدين الفراعنه فريق مصر !!!!!!!!
هناك تعليق واحد:
طول عمرنا بنقول صلوا ع النبى وكل مين ليه نبى يصلى عليه
فى ايدعاوزة تخرب فى مصر فى متطرفين فى الطرفين بس مصر هاتفضل من جوة شعبها واحد مايعرفش فرق
إرسال تعليق